കട്ടപ്പന: കട്ടപ്പന നഗരസഭ ആരോഗ്യ വിഭാഗത്തിന്‍റെ നേതൃത്വത്തിൽ കട്ടപ്പന മർച്ചന്‍റ്സ് യൂത്ത് വിംഗ്, റെഡ് ഐ എന്‍റർട്ൈൻമെന്‍റ്സ് എന്നിവരുടെ സഹകരണത്തോടെ ഇന്ന് രാവിലെ 9.30-ന് പുതിയ ബസ് സ്റ്റാൻഡിൽ കോവിഡ് 19 ബോധവത്കരണ കാന്പയിൻ നടത്തും. പൊതുജനങ്ങൾക്ക് നേരിട്ട് സംശയനിവാരണം നടത്തുന്നതിനുള്ള സൗകര്യവും ഒരുക്കിയിട്ടുണ്ട്. പങ്കെടുക്കുന്നവർക്ക് മാസ്കുകളും വിതരണംചെയ്യും.
നഗരസഭാധ്യക്ഷൻ ജോയി വെട്ടിക്കുഴി, ആരോഗ്യ സ്റ്റാൻഡിംഗ് കമ്മിറ്റി ചെയർമാൻ തോമസ് മൈക്കിൾ, ഹെൽത്ത് ഇൻസ്പെക്ടർ ആറ്റ്ലി പി. ജോണ്, ഡോ. അനിൽ പ്രദീപ്, കെ.പി. ഹസൻ, എം.കെ. തോമസ്, സിജോമോൻ ജോസ്, സാജൻ ജോർജ് തുടങ്ങിയവർ പങ്കെടുക്കും.
അധ്യാപക ഒഴിവ്
രാജാക്കാട്: ഇടുക്കി രൂപതയുടെ മേൽനോട്ടത്തിൽ പ്രവർത്തിക്കുന്ന രാജകുമാരി മാങ്ങാത്തൊട്ടി സെന്‍റ് മേരീസ് സെൻട്രൽ സ്കൂളിൽ ഫിസിക്സ്, കെമിസ്ട്രി, ഇംഗ്ലീഷ്, കണക്ക് വിഷയങ്ങളിൽ അധ്യാപകരുടെ ഒഴിവുണ്ട്. യോഗ്യരായവർ നാളെ രാവിലെ 10-ന് അസൽ സർട്ടിഫിക്കറ്റുകളുമായി ഓഫീസിൽ ഹാജരാകണം.