തൊടുപുഴ : അന്താരാഷ്ട്ര വനിതാ ദിനാചരണത്തിന്‍റെ ഭാഗമായി ജോയിന്റ് കൗണ്‍സിൽ ജില്ലാ വനിതാ കമ്മിറ്റിയുടെ ആഭിമുഖ്യത്തിൽ തൊടുപുഴ മിനി സിവൽ സ്റ്റേഷനിൽ ഏകതാ സദസ് സംഘടിപ്പിച്ചു.
ഭരണഘടന അനുശാസിക്കുന്ന നിയമ പരിരക്ഷ സ്ത്രീകൾക്ക് ഉറപ്പുവരുത്തുന്നതിനും സ്ത്രീകൾക്ക് നേരെയുള്ള അക്രമങ്ങൾ അവസാനിപ്പിക്കുന്നതിനും തുല്യനീതിയും സ്ത്രീകൾക്ക് അന്പത് ശതമാനം സംവരണവും നടപ്പിലാക്കണമെന്ന് യോഗം ആവശ്യപ്പെട്ടു. ദൂരദർശൻ ജില്ലാ റിപ്പോർട്ടർ ആന്‍റണി മുനിയറ ഉദ്ഘാടനം ചെയ്തു. കണ്‍സൾട്ടന്‍റ് സൈക്കോളജിസ്റ്റ് മരിയാ ജോസ് മുഖ്യപ്രഭാഷണം നടത്തി. ജില്ലാ ജോയിന്റ് സെക്രട്ടറി വി.ആർ. ബീനാമോൾ അധ്യക്ഷത വഹിച്ചു. ഭരണഘടനയുടെ ആമുഖ അവതരണം വി.എസ്. ജ്യോതിയും പ്രമേയ അവതരണം ജെസി.എസ്. ബിയയും ഐപിസി 354 ഓർമപ്പെടുത്തൽ ടി.വി. പ്രിയയും നിർവഹിച്ചു. സി.എ.അനീഷ്, ആർ. ബിജുമോൻ എന്നിവർ പ്രസംഗിച്ചു. സി.എസ്. അജിത സ്വാഗതവും ശോഭനാ റോക്കി നന്ദിയും പറഞ്ഞു.