ചെ​ങ്ക​ള പ്രാ​ഥ​മി​കാ​രോ​ഗ്യ​കേ​ന്ദ്ര​ത്തി​ന് ര​ണ്ടു​കോ​ടി​യു​ടെ പു​തി​യ ​കെ​ട്ടി​ടം
Thursday, March 12, 2020 1:09 AM IST
കാ​സ​ർ​ഗോ​ഡ്:​ ഏ​റെ കാ​ല​മാ​ യി അ​സൗ​ക​ര്യ​ങ്ങ​ളാ​ൽ വീ​ർ​പ്പു മു​ട്ടി​ക്കി​ട​ന്ന ചെ​ങ്ക​ള പി​എ​ച്ച്സി​ക്ക് ബ​ഹു നി​ല കെ​ട്ടി​ടം ഉ​യ​രു​ന്നു. ജി​ല്ല​യി​ൽ താ​ര​ത​മ്യേ​ന ഏ​റ്റ​വും കൂ​ടു​ത​ൽ രോ​ഗി​ക​ൾ ചി​കി​ത്സ തേ​ടി എ​ത്തു​ന്ന സ്ഥാ​പ​ന​മാ​യി​രു​ന്നെ​ങ്കി​ലും ആ​വ​ശ്യ​മാ​യ അ​ടി​സ്ഥാ​ന സൗ​ക​ര്യ​ങ്ങ​ൾ പോ​ലും ഇ​ല്ലാ​തെ പ്ര​യാ​സ​ത്തി​ൽ ക​ഴി​ഞ്ഞി​രു​ന്ന പ്രാ​ഥ​മി​ക ആ​രോ​ഗ്യ കേ​ന്ദ്ര​ത്തി​നാ​ണ് മോ​ച​നം ല​ഭി​ക്കു​ന്ന​ത്.
പ​ഞ്ചാ​യ​ത്ത്‌ ഭ​ര​ണ​സ​മി​തി പ്ര​ത്യേ​ക താ​ത്പ​ര്യ​മെ​ടു​ത്തു പ്ര​യ​ത്നി​ച്ച​തി​ന്‍റെ ഫ​ല​മാ​യാ​ണ് ഈ ​പ്ര​വൃ​ത്തി​ക്ക് ഭ​ര​ണാ​നു​മ​തി ല​ഭി​ച്ച​ത്. പു​തി​യ ബ്ലോ​ക്കി​ൽ അ​ത്യാ​ധു​നി​ക രീ​തി​യി​ലു​ള്ള നാ​ലു ഡോ​ക്ട​ർ​മാ​രു​ടെ പ​രി​ശോ​ധ​ന​മു​റി, വി​ശാ​ല​മാ​യ ഇ​രി​പ്പി​ട സൗ​ക​ര്യം, രോ​ഗ​പ്ര​തി​രോ​ധ കു​ത്തി​വ​യ്പ് ഹാ​ൾ, മൈ​ന​ർ ഒ​ടി, ഫാ​ർ​മ​സി, ലാ​ബ്, പാ​ലി​യേ​റ്റി​വ് വിം​ഗ്, പ​ബ്ലി​ക്ക് ഹെ​ൽ​ത്ത് വിം​ഗ്, ഓ​ഫീ​സ്, കോ​ൺ​ഫ​റ​ൻ​സ് ഹാ​ൾ, ജീ​വി​ത ശൈ​ലി​രോ​ഗ ചി​കി​ത്സ​യ്ക്കു​ള്ള സൗ​ക​ര്യം, വി​ശാ​ല​മാ​യ പാ​ർ​ക്കിം​ഗ് തു​ട​ങ്ങി​യ സൗ​ക​ര്യ​ങ്ങ​ളോ​ട് കൂ​ടി​യാ​ണ് ഒ​രേ​ക്ക​ർ സ്ഥ​ല​ത്ത് പു​തി​യ കെ​ട്ടി​ടം നി​ർ​മി​ക്കു​ന്ന​ത്. ദേ​ശീ​യ​പാ​ത​യോ​ര​ത്ത് സ്ഥി​തി​ ചെ​യ്യു​ന്ന പി​എ​ച്ച്സി​ക്ക് മ​നോ​ഹ​ര​മാ​യ പൂ​ന്തോ​ട്ട​വും നി​ർ​മി​ക്കും. ജില്ലാക​ള​ക്ട​ർ ഡി.​സ​ജി​ത് ബാ​ബു​വി​ന്‍റെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗ​ത്തി​ൽ കാ​സ​ർ​ഗോ​ഡ് വി​ക​സ​ന പാ​ക്കേ​ജ് ജി​ല്ലാത​ല ക​മ്മിറ്റി അം​ഗീ​കാ​രം ന​ൽ​കി.