കൂത്തുപറമ്പ്: എലിപ്പറ്റച്ചിറയിൽ ഫ്രിഡ്ജ് സർവീസ് സെന്‍ററിൽ ഇറക്കി വച്ച ഗ്യാസ് സിലിണ്ടർ പൊട്ടിത്തെറിച്ച് യുവാവിന് ഗുരുതര പരിക്ക്. കൂത്തുപറമ്പ് സഹകരണാശുപത്രിക്ക് സമീപത്തെ സി.സി.ഒ.പി. മഹലിൽ മൊയ്തു (49)വിനാണ് ഗുരുതരമായി പരിക്കേറ്റത്. കണ്ണൂർ മിംസ് ആശുപത്രിയിൽ പ്രവേശിപ്പിച്ച മൊയ്തുവിന്‍റെ ഇടതുകാൽ മുറിച്ചു നീക്കി. സമീപത്തെ മലഞ്ചരക്ക് കടയിലെ തൊഴിലാളിയാണ്.
ചൊവ്വാഴ്ച വൈകുന്നേരം 4.45 ഓടെയാണ് സംഭവം. കണ്ണൂർ റോഡിലെ വെസ്റ്റ് കൂൾ ഫ്രിഡ്ജ് സർവീസ് സെന്‍ററിൽ വച്ച ഗ്യാസ് സിലിണ്ടർ പൊട്ടിത്തെറിച്ച് ഇരുപത് മീറ്ററോളം ദൂരെ പോയി തെറിച്ച് വീഴുകയായിരുന്നു. ഇതിനിടെ സമീപത്തെ കടയിൽ ഉണ്ടായിരുന്ന മൊയ്തുവിന്‍റെ കാലിന് സിലിണ്ടർ കൊണ്ട് കാലിന് ഗുരുതരമായി പരിക്കേൽക്കുകയായിരുന്നു.