കൊല്ലം : കൊറോണ നേരിടാൻ പരിശീലനം വേണമെന്ന് ആർ ടി ഒ രാജീവ്. കൈകൾ കഴുകുന്ന രീതി പോലും കൊറോണ രോഗത്തെ പ്രതിരോധിക്കു ന്നതിന് അത്യാവശ്യമാണ്. മാസ്ക് കെട്ടുക, കൈകൾ കഴുകുക തുടങ്ങിയ അടിസ്ഥാന അറിവുകൾ പോലും പലർക്കും ഇല്ല എന്നുള്ളതാണ് വാസ്തവം. അതുകൊണ്ട് തന്നെ കൊറോണയെ നേരിടുന്നതിന് പരിശീലനം ആവശ്യമാണ്.
ട്രാക്കിന്‍റേയും ആരോഗ്യവകുപ്പിന്‍റേയും സംയുക്താഭിമുഖ്യത്തിൽ ടാക്സി ഡ്രൈവർമാർക്കായി കൊച്ചുപിലാംമൂട് റെഡ്ക്രോസ് ഹാളിൽ സംഘടിപ്പിച്ച കൊറോണ പ്രതിരോധ പരിശീലനം ഉദ്‌ഘാടനം ചെയ്തു പ്രസംഗിക്കുകയായിരുന്നു ആർ.ടി.ഓ.
ട്രാക്ക് എക്സിക്യൂട്ടീവ് കമ്മിറ്റി അംഗം റിട്ടയേർഡ് ആർ ടി ഓ സത്യൻ പി എ അധ്യക്ഷത വഹിച്ച യോഗത്തിൽ ഡെപ്യൂട്ടി ഡി എം ഓ ഡോ.ആർ.സന്ധ്യ, എംവിഐ ആർ.ശരത്ചന്ദ്രൻ, ട്രാക്ക് സെക്രട്ടറി ജോർജ് എഫ് സേവ്യർ വലിയവീട്, ജോയിന്‍റ് സെക്രട്ടറിമാരായ ക്യാപ്റ്റൻ ക്രിസ്റ്റഫർ ഡിക്കോസ്റ്റ, സാബു ഓലയിൽ, എക്സിക്യൂട്ടീവ് കമ്മിറ്റി അംഗം ഷഫീക്, ഡിപിഎച്ച് എൻ. രമാദേവി എന്നിവർ പ്രസംഗിച്ചു. തുടർന്ന് നടന്ന പരിശീലനത്തിന് ഡോ. ആർ.സന്ധ്യ, രമാദേവി എന്നിവർ നേതൃത്വം നൽകി.