ബംഗളൂരു: കര്‍ണാടക പിസിസി അധ്യക്ഷന്‍ ഡി.കെ. ശിവകുമാറിന്‍റെ മകള്‍ ഐശ്വര്യ വിവാഹിതയാകുന്നു. കഫേ കോഫി ഡേ സ്ഥാപകന്‍ അന്തരിച്ച വി.ജി. സിദ്ധാര്‍ഥയുടെ മകന്‍ അമര്‍ത്യയാണു വരന്‍.
ഇരുപത്തിരണ്ടുകാരിയായ ഐശ്വര്യ എന്‍ജിനിയറിംഗ് ബിരുദധാരിയാണ്. ഡികെ സ്ഥാപിച്ച ഗ്ലോബല്‍ അക്കാഡമി ഓഫ് എന്‍ജിനിയറിംഗിന്‍റെ ചുമതല നിര്‍വഹിക്കുകയാണ് ഐശ്വര്യ. അമേരിക്കയില്‍ ഉപരിപഠനം പൂര്‍ത്തിയാക്കിയ അമര്‍ത്യ(26) പിതാവിന്‍റെ മരണശേഷം അമ്മ മാളവികയ്‌ക്കൊപ്പം കുടുംബബിസിനസ് നടത്തുകയാണ്. ഓഗസ്റ്റില്‍ വിവാഹം നടക്കുമെന്നാണു റിപ്പോര്‍ട്ട്. മുന്‍ കര്‍ണാടക മുഖ്യമന്ത്രി എസ്.എം. കൃഷ്ണയുടെ മകളാണ് മാളവിക. കൃഷ്ണയുടെ ഉറ്റ അനുയായി ആയിരുന്നു ശിവകുമാര്‍.
കോണ്‍ഗ്രസ് നേതാവായ കൃഷ്ണ പിന്നീട് ബിജെപിയില്‍ ചേരുകയായിരുന്നു. സിദ്ധാര്‍ഥയുമായും ശിവകുമാര്‍ അടുത്ത ബന്ധത്തിലായിരുന്നു.
2019 ജൂലൈ 31നായിരുന്നു സിദ്ധാര്‍ഥ ജീവനൊടുക്കിയത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.