ബംഗളൂരു: നാളെ രാത്രി ചന്ദ്രഗ്രഹണം. അന്തരീക്ഷം മേഘാവൃതമല്ലെങ്കിൽ ഇതു കേരളത്തിലും കാണാം. രാത്രി 11.15 മുതൽ പുലർച്ചെ 2.34 വരെയാണു ഗ്രഹണസമയം.
ചന്ദ്രൻ ഭാഗികമായി നിഴൽ മൂടിയ (പെനംബ്രൽ) ഗ്രഹണമാണ് നാളെ രാത്രിയിലേത്. ഇനി ജൂലൈ അഞ്ചിനും നവംബർ 30-നും ചന്ദ്രഗ്രഹണം നടക്കുമെങ്കിലും അവ കേരളത്തിൽ ദൃശ്യമല്ല.
ഭൂമിയുടെ നിഴൽ ചന്ദ്രനിൽ പതിച്ചാണ് ചന്ദ്രഗ്രഹണം സംഭവിക്കുക. പൗർണമി (വെളുത്തവാവ്) ദിനങ്ങളിലാണ് ഇതു സംഭവിക്കുന്നത്.
ഈ മാസം 21-നു സൂര്യഗ്രഹണമുണ്ട്. ഉത്തരേന്ത്യയിൽ ദൃശ്യമാകുന്ന ഇത് വലയഗ്രഹണമാണ്. ചന്ദ്രബിംബം സൂര്യബിംബത്തെ പൂർണമായി മറയ്ക്കാതെ വരുന്പോഴാണ് വലയഗ്രഹണം സംഭവിക്കുക. രാവിലെ 9.15 മുതൽ ഉച്ചകഴിഞ്ഞ് 3.04 വരെയാണു സൂര്യഗ്രഹണം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.