മുംബൈ: മഹാരാഷ്‌ട്രയില്‍ കോവിഡ് രോഗികളുടെ എണ്ണം ഉയരുന്നു. ഇന്നലെ 2933 പേര്‍ക്ക് രോഗം സ്ഥിരീകരിച്ചു. ആകെ രോഗികള്‍ 77,793. ഇന്നലെ 123 പേരാണു മരിച്ചത്. ബുധനാഴ്ച 122 പേര് മരിച്ചിരുന്നു. സംസ്ഥാനത്ത് ആകെ മരണം 2710 ആയി.
രോഗികളുടെ എണ്ണം തലേ ദിവസത്തെ അപേക്ഷിച്ച് നാനൂറോളം വര്‍ധിച്ചത് സംസ്ഥാനത്ത് ആശങ്കയ്ക്കിടയാക്കി. ഇന്നലെ 1352 പേര് രോഗമുക്തി നേടി. 41,402 പേരാണു ചികിത്സയിലുള്ളത്. ഇന്നലെ മുംബൈയില്‍ മാത്രം 48 പേര് മരിച്ചു. 1442 പേര്‍ക്കാണു മുംബൈയില്‍ രോഗം സ്ഥിരീകരിച്ചത്. ആകെ രോഗികള്‍ 44,704. മുംബൈ കഴിഞ്ഞാല്‍ പൂനയിലാണ് കോവിഡ് വ്യാപനം രൂക്ഷമായിട്ടുള്ളത്. പൂനയില്‍ 351 പേര് മരിച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.