ചെന്നൈ: തമിഴ്‌നാട്ടില്‍ കോവിഡ് രോഗികളുടെ എണ്ണത്തില്‍ വന്‍ വര്‍ധന. ഇന്നലെ 1384 പേര്‍ക്കാണു രോഗം സ്ഥിരീകരിച്ചത്.
ഒരു ദിവസത്തെ ഏറ്റവും ഉയര്‍ന്ന കണക്കാണിത്. ബുധനാഴ്ച 1286 പേര്‍ക്കായിരുന്നു രോഗം സ്ഥിരീകരിച്ചത്. സംസ്ഥാനത്ത് ആകെ രോഗികള്‍ 27,256 ആയി. ഇന്നലെ 12 പേര് മരിച്ചു. ആകെ മരണം 220. വെല്ലൂരില്‍നിന്നുള്ള ഇരുപത്തിയഞ്ചു വയസുള്ള യുവതിയും ഇന്നലെ മരിച്ചവരില്‍ ഉള്‍പ്പെടുന്നു. ചെന്നൈയില്‍ ഇന്നലെ 1072 പേര്‍ക്കു രോഗം ബാധിച്ചു. ബുധനാഴ്ചയും ആയിരത്തിലേറെ പേര്‍ക്ക് രോഗം സ്ഥിരീകരിച്ചിരുന്നു. ചെന്നൈയില്‍ ആകെ രോഗികള്‍ 18693 ആയി. ഇന്നലെ തമിഴ്‌നാട്ടില്‍ 16,447 സാംപിളുകളാണ് പരിശോധന നടത്തിയത്. ആകെ 5.45 ലക്ഷം സാംപിളുകള്‍ പരിശോധന നടത്തി.
ഇന്നലെ 585 പേര് രോഗമുക്തി നേടി. ചികിത്സയിലുള്ളത് 12,132 പേരാണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.