അ​ങ്ങ​നെ, ഭാ​സ്ക​രേ​ട്ട​ൻ ഡ്ര​മ്മ​റാ​യി!
എ​ങ്ങ​നെ​യാ​ന്ന​റി​യി​ല്ല, എ​നി​ക്ക് താ​ളം ശ​രീ​ര​ത്തി​ലും മ​ന​സി​ലും ന​ല്ലോ​ണം ഉ​ണ്ട്. കൗ​ണ്ട് ഒ​ന്നും വേ​ണ്ട. പാ​ട്ടു​കേ​ട്ടാ​ൽ എ​വി​ടെ​നി​ന്നു വേ​ണ​മെ​ങ്കി​ലും വാ​യി​ക്കാ​ൻ ക​ഴി​യും. അ​തൊ​രു ദൈ​വി​ക അ​നു​ഭ​വം​ത​ന്നെ​യാ​ണ്- കോ​ഴി​ക്കോ​ട് പു​തി​യ​പാ​ല​ത്തെ വീ​ട്ടി​ലി​രു​ന്ന് 73കാ​ര​നാ​യ ഭാ​സ്ക​രേ​ട്ട​ൻ പ​റ​യു​ന്നു. പാ​ള​യ​ത്തു ജ​നി​ച്ചു​വ​ള​ർ​ന്ന് പ​ച്ച​ക്ക​റി ച​ന്ത​യി​ൽ ലോ​ഡിം​ഗ് തൊ​ഴി​ലാ​ളി​യാ​യി ജീ​വി​ച്ച അ​ദ്ദേ​ഹ​ത്തെ ജാ​സ് ഡ്ര​മ്മ​റാ​ക്കി​യ​ത് ആ ​താ​ള​മ​ല്ലാ​തെ മ​റ്റെ​ന്ത്!

ത​ബ​ല​യാ​ണ് വ​ള​രെ​ക്കു​റ​ച്ചു​നാ​ൾ ഭാ​സ്ക​ര​ന് പ​ഠി​ക്കാ​നാ​യ​ത്. അ​ദ്ദേ​ഹം പ​റ​യു​ന്ന​തു​പോ​ലെ ര​ണ്ടോ മൂ​ന്നോ ബീ​റ്റ്., അ​ന്പ​തി​ലേ​റെ കൊ​ല്ല​ങ്ങ​ൾ​ക്കു​മു​ന്പ്. ചാ​ല​പ്പു​റ​ത്തെ ക്ല​ബ്ബാ​ണ് അ​ന്ന് പാ​ട്ടി​ന്‍റെ ലോ​കം. അ​വി​ടെ​യ​ന്ന് സു​ന്ദ​ര​ൻ എ​ന്ന ഉ​ഗ്ര​ൻ ത​ബ​ല വാ​യ​ന​ക്കാ​ര​നു​ണ്ട്. അ​തു​കൊ​ണ്ട് ഭാ​സ്ക​ര​ന് ത​ബ​ല​യി​ൽ അ​വ​സ​ര​മു​ണ്ടാ​യി​രു​ന്നി​ല്ല. അ​പ്പോ​ൾ അ​ദ്ദേ​ഹം ഒ​രു ഡോ​ല​ക് വാ​ങ്ങി ഒ​പ്പം​കൂ​ടി. പി​ന്നെ പ​തി​യെ ട്രി​പ്പി​ൾ ഡ്ര​മ്മി​ലേ​ക്ക് എ​ത്തി. മാ​ർ​ക്ക​റ്റി​ൽ പ​ണി​യി​ല്ലാ​ത്ത സ​മ​യ​ത്ത് ക്ല​ബി​ൽ​വ​ന്ന് ഡ്രം​സ് പ​രി​ശീ​ലി​ക്കും. രാ​ത്രി​യാ​യി​ൽ പ​തി​വു​പോ​ലെ എ​ല്ലാ​വ​ർ​ക്കു​മൊ​പ്പം റി​ഹേ​ഴ്സ​ൽ.
ഒ​രി​ക്ക​ൽ ക​ലാ​സ​മി​തി​യി​ൽ ട്രി​പ്പി​ൾ ഡ്രം​സ് വാ​യി​ച്ചു​കൊ​ണ്ടി​രു​ന്ന കാ​ലം.

ഒ​രു ശി​വ​രാ​ത്രി​ക്ക് കൊ​യി​ലാ​ണ്ടി​യി​ൽ ഗാ​ന​മേ​ള. ജാ​സ് ഡ്രം​സ് വാ​യി​ച്ചി​രു​ന്ന​യാ​ൾ പ്ര​ത്യേ​ക സാ​ഹ​ച​ര്യ​ത്തി​ൽ പ​രി​പാ​ടി​ക്കു വ​ന്നി​ല്ല. ഭാ​സ്ക​രേ​ട്ട​ൻ പ​റ​യു​ന്നു: എ​ന്പാ​ടും ജ​നം​കൂ​ടു​ന്ന പ്രോ​ഗ്രാ​മാ​ണ്. സം​ഘാ​ട​ക​ര് സു​യി​പ്പാ​യി​പ്പോ​യി. അ​പ്പൊ ഡ​യ​റ​ക്ട​ർ പ​റ​ഞ്ഞു- ഭാ​സ്ക​രാ നീ​യൊ​ന്നു വാ​യി​ക്ക്വോ? ഞാ​ൻ പ​റ​ഞ്ഞു, ഞാ​നോ? അ​തെ നീ ​വാ​യി​ക്ക​ണം. വേ​റെ നി​വൃ​ത്തി​യി​ല്ല. ന​മ്മു​ടെ പു​റം പൊ​ളി​യ​ണ പ​ണി​യാ​ണ് ഇ​ത്. ഞാ​ൻ നോ​ക്ക​ട്ടെ എ​ന്നു പ​റ​ഞ്ഞു. അ​പ്പോ​ഴും എ​ന്‍റെ കൈ​യും കാ​ലു​മൊ​ക്കെ വി​റ​യ്ക്കു​ന്നൂ​ണ്ട്. എ​ന്താ ചെ​യ്യ​ണ്ട് എ​ന്ന​റി​യി​ല്ല. ട്രി​പ്പി​ൾ ഡ്ര​മ്മി​ന്‍റെ കൂ​ടെ ഡോ​ല​ക് വാ​യി​ക്ക​ണം, സ്നെ​യ​ർ ഡ്ര​മ്മു​ണ്ട്, സാ​ധാ​ര​ണ ഇ​തൊ​ക്കെ ഞാ​നാ ചെ​യ്യ​ല്. ഞാ​നെ​ങ്ങ​നെ ജാ​സ് ഡ്രം​സ് വാ​യി​ച്ചു എ​ന്ന് എ​നി​ക്ക​റി​യി​ല്ല. എ​നി​ക്ക് പേ​ടി​യാ​യി​രു​ന്നു, തെ​റ്റ​രു​ത് എ​ന്നു​ള്ള വി​ചാ​രം. എ​ങ്ങ​നെ​യോ ഉ​ഷാ​റാ​ക്കി എ​ന്നു പ​റ​യാം. പ്രോ​ഗ്രാം വി​ജ​യി​ച്ചു.

തി​രി​ച്ചു​പോ​രാ​ൻ സം​ഘാ​ട​ക​ർ ഒ​രു കാ​റൊ​ക്കെ ഏ​ർ​പ്പാ​ടാ​ക്കി. ക്ല​ബി​ലെ​ത്തി​യ​പ്പോ​ളാ​ണ് സ്നേ​ഹി​തന്മാ​രൊ​ക്കെ കൂ​ടി എ​ന്നെ​യെ​ടു​ത്ത് പൊ​ന്തി​ച്ചി​ട്ട് പ​റ​യു​ന്ന​ത്, ഭാ​സ്ക​രാ നീ​യാ​ണെ​ടാ ന​മ്മു​ടെ വി​ജ​യം എ​ന്ന്. അ​ങ്ങ​നെ എ​നി​ക്കും തോ​ന്നി, ഞാ​നു​മൊ​രു ഡ്ര​മ്മ​റാ​യി!

എ​സ്ഐ വീ​ണ്ടും പോ​ലീ​സ്

ഭാ​സ്ക​രേ​ട്ട​ൻ അ​ങ്ങ​നെ ജാ​സി​ൽ ത​ക​ർ​ത്തു​തു​ട​ങ്ങി. കൊ​യി​ലാ​ണ്ടി​യി​ലെ പ​രി​പാ​ടി​ക്കു വ​രാ​തി​രു​ന്ന പ​തി​വു ഡ്ര​മ്മ​ർ​ക്ക് വ​ലി​യ ചാ​ൻ​സൊ​ന്നും ഇ​ല്ലാ​താ​വു​ക​യും ചെ​യ്തു. കു​റ​ച്ചു​കാ​ലം കഴിഞ്ഞപ്പോൾ അ​യാ​ൾ തി​രി​ച്ചു​വ​ന്നു. അ​തോ​ടെ ഭാ​സ്ക​രേ​ട്ട​നെ വീ​ണ്ടും ഡോ​ല​ക് ഏ​ല്പി​ച്ചു. എ​സ്ഐ​യെ വീ​ണ്ടും പോ​ലീ​സു​കാ​ര​നാ​ക്കി​യ​പോ​ലെ​യെ​ന്ന് ഭാ​സ്ക​രേ​ട്ട​ൻ പ​റ​യു​ന്നു. എ​നി​ക്കു വ​ല്ലാ​ത്തൊ​രു പ്ര​യാ​സ​മാ​യി. അ​പ്പൊ എ​നി​ക്കു തോ​ന്നി, ഇ​തു പോ​രാ എ​ന്ന്. കൂ​ട്ടു​കാ​ര​ൻ ജ​യ​രാ​ജ​നും ഞാ​നും കൂ​ടി തീ​രു​മാ​നി​ച്ചു, ജാ​സ് ഒ​രെ​ണ്ണം അ​ങ്ങോ​ട്ടു വാ​ങ്ങാ ന്ന്. ​എ​റ​ണാ​കു​ള​ത്തു പോ​യി​ട്ട് ജാ​സ് ഡ്രം ​വാ​ങ്ങി, അ​ന്നു ചു​രു​ങ്ങി​യ പൈ​സ​യേ ആ​യി​ട്ടു​ള്ളൂ. മു​പ്പ​ത്ത​ഞ്ചു കൊ​ല്ലം ആ​യി​ട്ടു​ണ്ടാ​വും. വാ​ങ്ങി​യാ പോ​ര​ല്ലോ, വാ​യി​ക്കാ​ൻ അ​റി​യ​ണ​ല്ലോ.

തൃ​ശൂ​രി​ൽ പോ​ലീ​സ് ഓ​ർ​ക്ക​സ്ട്ര​യി​ലു​ണ്ടാ​യി​രു​ന്ന ജോ​ഷി എ​ന്ന​യാ​ൾ സു​ഹൃ​ത്താ​ണ്. അ​വ​ൻ പ​റ​ഞ്ഞു- പ്ര​ശ്നാ​ക്ക​ണ്ട​ടോ, ന​മു​ക്കി​വി​ടെ ജോ​ബോ​യി (പ്ര​ശ​സ്ത ഡ്ര​മ്മ​ർ ജോ​ബോ​യ് മാ​സ്റ്റ​ർ) ണ്ട്. ​ജോ​ബോ​യി അ​ന്ന് മ​ഹാ​റാ​ണി​യി​ൽ ഡ്രം​സ് വാ​യി​ക്കു​ന്നു​ണ്ട്. അ​ദ്ദേ​ഹ​ത്തെ പോ​യി ക​ണ്ടു. ആ, ​ശ​രി​യാ​ക്കി​ത്ത​രാം എ​ന്നു പ​റ​ഞ്ഞു അ​ദ്ദേ​ഹം.

അ​ങ്ങ​നെ ജോ​ബോ​യ് മാ​സ്റ്റ​റാ​ണ് ഭാ​സ്ക​രേ​ട്ട​നും സു​ഹൃ​ത്തി​നും ജാ​സി​ന്‍റെ ബാ​ല​പാ​ഠ​ങ്ങ​ൾ പ​ക​ർ​ന്ന​ത്. പ​ക്ഷേ അ​ദ്ദേ​ഹം കോ​ഴി​ക്കോ​ടു വി​ട്ട​തോ​ടെ പ​ഠ​നം മു​ട​ങ്ങി. തൃ​ശൂ​രി​ലേ​ക്കു വ​ന്നാ​ൽ പ​ഠ​നം തു​ട​രാം എ​ന്ന് മാ​സ്റ്റ​ർ പ​റ​ഞ്ഞി​രു​ന്നെ​ങ്കി​ലും സാ​ന്പ​ത്തി​ക പ്ര​യാ​സം​മൂ​ലം അ​തു സാ​ധ്യ​മാ​യി​ല്ലെ​ന്ന് ഭാ​സ്ക​രേ​ട്ട​ൻ പ​റ​യു​ന്നു. എ​ന്നാ​ൽ മാ​സ്റ്റ​ർ പ​ഠി​പ്പി​ച്ച ബീ​റ്റു​ക​ൾ​ക്കു മു​ക​ളി​ൽ ഭാ​സ്ക​രേ​ട്ട​ൻ കൊ​ട്ടി​ക്ക​യ​റി. പ​ല​നൂ​റു​ക​ണ​ക്കി​നു വേ​ദി​ക​ളി​ൽ, മി​ക​ച്ച ഗാ​യ​ക​ർ​ക്കും ക​ലാ​കാ​രന്മാ​ർ​ക്കും ഒ​പ്പം അ​ദ്ദേ​ഹം വാ​യി​ച്ചു. ക്ല​ബി​നു പു​റ​ത്തു​ള്ള​വ​രും വി​ളി​ച്ചു​തു​ട​ങ്ങി. പ​ക​ൽ പ​ണി​യി​ല്ലാ​ത്ത ദി​വ​സ​ങ്ങ​ളി​ൽ എ​ൽ​പി റെ​ക്കോ​ർ​ഡ് വ​ച്ച് പാ​ട്ടു​കേ​ട്ടാ​ണ് പ​ഠി​ക്കു​ക. അ​സാ​ധ്യ ബീ​റ്റു​ക​ളു​ള്ള ഹം ​ബേ​വ​ഫാ ഹ​ർ​ഗി​സ് ന ​ഥേ പോ​ലു​ള്ള പാ​ട്ടു​ക​ൾ അ​ദ്ദേ​ഹം ഓ​ർ​മി​ക്കു​ന്നു.

തോ​ർ​ത്തി​ലെ അ​ഭി​ന​ന്ദ​നം

ചി​ല വേ​ദി​ക​ളി​ലെ അ​നു​ഭ​വ​ത്തെ​ക്കു​റി​ച്ച് ഭാ​സ്ക​രേ​ട്ട​ൻ പ​റ​യു​ന്നു: ഓ​രോ പാ​ട്ടു വാ​യി​ക്കു​ന്പോ​ൾ ആ​ൾ​ക്കാ​ര് കൈ​യി​ലു​ള്ള തോ​ർ​ത്തോ ട​വ്വ​ലോ കൊ​ണ്ടു​വ​ന്ന് ന​മ്മ​ളെ എ​റി​യും. എ​നി​ക്ക് ആ​ദ്യം ഇ​ത് സം​ഭ​വം എ​ന്താ​ന്നു മ​ന​സി​ലാ​യി​ല്ല. ഇ​വ​ർ​ക്കി​ത് ഇ​ഷ്ട​മാ​വാ​ഞ്ഞി​ട്ടാ​വു​മോ എ​ന്നു പേ​ടി​ച്ചു. ഒ​പ്പ​മു​ണ്ടാ​യി​രു​ന്ന​വ​ർ പ​റ​ഞ്ഞു, മി​ണ്ട​ല്ലേ, നീ ​വാ​യി​ച്ചോ എ​ന്ന്. പി​ന്നെ അ​വ​രീ തോ​ർ​ത്ത് തി​രി​ച്ചെ​ടു​ക്കാ​ൻ വ​രു​ന്പോ​ൾ എ​ത്ര ഉ​റു​പ്പി​ക​യാ​ണോ കൈ​യി​ലു​ള്ള​ത് അ​ത് ന​മു​ക്കു ത​രും. അ​ങ്ങ​നെ ഒ​രു​പാ​ട് സം​ഭ​വം. മ​ല​പ്പു​റ​ത്താ​ണ് അ​ധി​കം. പൈ​സ കി​ട്ടു​ന്നു എ​ന്ന​തി​നേ​ക്കാ​ൾ ന​മു​ക്കു​ള്ള അം​ഗീ​കാ​ര​മാ​ണ് അ​തൊ​ക്കെ. ഇ​പ്പൊ കാ​ലം വ​ല്ലാ​തെ മാ​റി.

ഞാ​നി​പ്പോ​ൾ വ​ലി​യ സ്റ്റേ​ജു​ക​ളി​ൽ ക​യ​റാ​റി​ല്ല. ഇ​പ്പൊ ഇ​ല​ക്ട്രോ​ണി​ക് ഇ​ൻ​സ്ട്രു​മെ​ന്‍റി​ന്‍റെ കാ​ല​മ​ല്ലേ. എ​നി​ക്ക​ത് വാ​ങ്ങാ​നു​ള്ള സാ​ന്പ​ത്തി​ക​ശേ​ഷി​യി​ല്ല. വാ​യി​ക്കാ​നും താ​ത്പ​ര്യ​മി​ല്ല. സ്റ്റേ​ജി​ലു കാ​ണാ​നും ഭം​ഗി വേ​ണം. ഇ​തു ചെ​റു​ത്, നോ​ക്കി​യാ​ലും കാ​ണൂ​ല. ഇ​പ്പൊ ഞാ​ൻ കു​റ​ച്ച് വ​യ്യോ​ട്ടാ​ണ്. എ​ന്നാ​ലും ചെ​റി​യ സം​ഗീ​ത സ​ദ​സ്സു​ക​ൾ​ക്ക് ക്ല​ബു​കാ​രു വി​ളി​ക്കും. ബൈ​പ്പാ​സ് റോ​ഡി​ലെ ടീം ​മ്യൂ​സി​ക് എ​ന്ന ക്ല​ബി​ലാ​ണ് ഇ​പ്പോ​ൾ. എ​ന്‍റെ കൈ​യി​ൽ ഒ​രു ബോം​ഗോ ഡ്രം ​ഉ​ണ്ട്. അ​തെ​ടു​ത്ത് വ​രീ എ​ന്നു പ​റ​ഞ്ഞ് വി​ളി​ക്കും. നി​ങ്ങ​ളി​വി​ടെ വേ​ണം എ​ന്നാ​ണ് അ​വ​രു പ​റ​യു​ക. റ​ഫി​യു​ടെ​യും കി​ഷോ​റി​ന്‍റെ​യു​മൊ​ക്കെ പാ​ട്ടു​ക​ൾ​ക്ക് വാ​യി​ക്കു​ന്ന​ത് വ​ലി​യ സ​ന്തോ​ഷ​മാ​ണ്.

ഇ​പ്പോ​ൾ ശ്വാ​സം മു​ട്ട​ലി​ന്‍റെ കു​ഴ​പ്പ​മു​ണ്ട്. വ​ല്യ കാ​ശി​ന് മ​രു​ന്നൊ​ക്കെ വാ​ങ്ങ​ണം. ആ​യി​ര​റു​പ്പ്യേ​ന്‍റെ പു​റ​ത്ത് സ്പ്രേ​ത​ന്നെ വാ​ങ്ങ​ണം. സാ​ന്പ​ത്തി​ക​ശേ​ഷി കു​റ​വാ​ണ്. ഭാ​ര്യ​യും മൂ​ന്നു​മ​ക്ക​ളു​മു​ണ്ട്. ജാ​നു​വാ​ണ് ഭാ​ര്യ. മ​ക​ൻ രാ​ജീ​വ് വെ​സ്റ്റേ​ണ്‍ ഡാ​ൻ​സ​റും പ​രി​ശീ​ല​ക​നു​മാ​ണ്. മ​റ്റൊ​രു മ​ക​ൻ സ​ജീ​വ് ഡ്ര​മ്മ​റാ​ണ്. മ​ക​ൾ ര​ജി​ത.

അ​വ​സ​ര​ങ്ങ​ൾ തേ​ടി​പ്പി​ടി​ക്കാ​ൻ ക​ഴി​വി​ല്ലാ​ത്ത​തി​നാ​ൽ ഭാ​സ്ക​രേ​ട്ട​ന്‍റെ സം​ഗീ​ത​ജീ​വി​തം ചു​രു​ങ്ങി​പ്പോ​യി. എ​നി​ക്ക​തി​നൊ​ന്നും ക​ഴി​യൂ​ല എ​ന്നാ​ണ് അ​ദ്ദേ​ഹ​ത്തി​ന്‍റെ പ​ക്ഷം. പാ​സ്പോ​ർ​ട്ട് ഇ​ല്ലാ​ത്ത​തും വി​ന​യാ​യി. മ്യൂ​സി​ക് നൊ​ട്ടേ​ഷ​ൻ ശാ​സ്ത്രീ​യ​മാ​യി പ​ഠി​ക്കാ​ഞ്ഞ​തി​നാ​ൽ പു​തി​യ ത​ല​മു​റ​ക്കാ​രെ പ​ഠി​പ്പി​ക്കാ​നും അ​ദ്ദേ​ഹം മു​ന്നോ​ട്ടു വ​ന്നി​ല്ല. അ​ത് അ​റി​യു​മാ​യി​രു​ന്നെ​ങ്കി​ൽ എ​നി​ക്കി​പ്പോ​ൾ ഒ​രു തൊ​ഴി​ലാ​കു​മാ​യി​രു​ന്നു. അ​തു വേ​ണ്ട ങ്ങ​ള് പ​ഠി​പ്പി​ക്ക് എ​ന്നു പ​റ​യു​ന്ന​വ​രു​ണ്ട്. ഞാ​ന​തി​ന് നി​ക്കാ​റി​ല്ല. ഫൗ​ണ്ടേ​ഷ​നി​ല്ലാ​തെ അ​തു ചെ​യ്യാ​ൻ പാ​ടി​ല്ല. മ​റ്റു​ള്ള​വ​രു​ടെ ഭാ​വി​യു​ടെ കാ​ര്യ​മാ​ണ്- ഭാ​സ്ക​രേ​ട്ട​ൻ പ​റ​യു​ന്നു.

ടൗ​ണ്‍​ഹാ​ളി​ലും ക​ല്ലാ​യി, മാ​ങ്കാ​വ്, പ​യ്യാ​ന​ക്ക​ൽ, പ​ന്തീ​രാ​ങ്കാ​വ് എ​ന്നി​വി​ട​ങ്ങ​ളി​ലു​മൊ​ക്കെ ഭാ​സ്ക​രേ​ട്ട​ന്‍റെ താ​ളം ഇ​പ്പോ​ഴും സം​ഗീ​ത സ​ദ​സ്സു​ക​ളി​ൽ നി​റ​യു​ന്നു. എ​ല്ലാ​റ്റി​നും മു​ക​ളി​ൽ അ​ദ്ദേ​ഹം പ​റ​യു​ന്ന ഒ​രു കാ​ര്യ​മു​ണ്ട്- എ​ല്ലാ​വ​ർ​ക്കും വ​ല്യ കാ​ര്യ​മാ​ണ് എ​ന്നോ​ട്!.

ഹരിപ്രസാദ്