വത്തിക്കാൻസിറ്റി: വംശീയത ഒരുതരത്തിലും വച്ചുപൊറുപ്പിക്കാനാവാത്ത തെറ്റാണെന്നു ഫ്രാൻസിസ് മാർപാപ്പ. ജീവന്‍റെ മഹത്വം ഉയർത്തിപ്പിടിക്കുന്നുവെന്നു പറയുകയും അതേസമയം വംശീയതയെയും എല്ലാതരത്തിലുള്ള ഒറ്റപ്പെടുത്തലുകളെയും വച്ചുപൊറുപ്പിക്കുകയും ചെയ്യുന്നത് ഒരു തരത്തിലും അംഗീകരിക്കാനാവില്ല.
യുഎസിൽ പോലീസ് അതിക്രമത്തിൽ കൊല്ലപ്പെട്ട കറുത്തവംശജനായ ജോർജ് ഫ്ളോയിഡിനും വംശീയതയുടെ മറ്റെല്ലാ ഇരകൾക്കും വേണ്ടി പ്രാർഥിക്കുന്നതായും മാർപാപ്പ പറഞ്ഞു. ഇന്നലെ വത്തിക്കാനിൽ പ്രതിവാര പൊതുദർശന പരിപാടിയിൽ സംസാരിക്കുകയായിരുന്നു അദ്ദേഹം.
അക്രമം ഒരു പ്രശ്നത്തിനും പരിഹാരമല്ലെന്നു പറഞ്ഞ മാർപാപ്പ അനുരഞ്ജനത്തിന് ആഹ്വാനം ചെയ്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.