കേപ് കനാവറൽ (ഫ്ളോറിഡ): എലോൺ മസ്കിന്‍റെ സ്പേസ് എക്സ് രൂപകല്പന ചെയ്തു നിർമിച്ച ബഹിരാകാശ പേടകത്തിൽ രണ്ട് യാത്രികരെ രാജ്യാന്തര ബഹിരാകാശ നിലയത്തിലേക്ക് അയയ്ക്കാനുള്ള പദ്ധതി കാലാവസ്ഥാ തകരാർ മൂലം അവസാന നിമിഷം മാറ്റിവച്ചു.
ബുധനാഴ്ച വിക്ഷേപണത്തിനു 16 മിനിറ്റു മാത്രം ശേഷിക്കേയാണ് ദൗത്യം ഉപേക്ഷിച്ചത്.കനത്ത ഇടിമിന്നലുണ്ടായതാണു കാരണം. ഡൗഗ് ഹർലി, ബോബ് ബെൻകൻ എന്നീ നാസാ അസ്ട്രോനോട്ടുകൾ യാത്രയ്ക്ക് തയാറായി കെന്നഡി സ്പേസ് സെന്‍ററിൽ നേരത്തെ എത്തിയിരുന്നു. വിക്ഷേപണം വീക്ഷിക്കാൻ പ്രസിഡന്‍റ് ട്രംപും വൈസ് പ്രസിഡന്‍റ് മൈക്ക് പെൻസും എത്തി.
ശനിയാഴ്ച വിക്ഷേപണം നടത്താനാണ് ഇപ്പോഴത്തെ പദ്ധതി. അന്നും താൻ എത്തുമെന്ന് പ്രസിഡന്‍റ് ട്രംപ് ട്വീറ്റ് ചെയ്തു. 2011നുശേഷം നാസാ ബഹിരാകാശ യാത്രയ്ക്ക് റഷ്യൻ ഉപഗ്രഹങ്ങളെയാണ് ആശ്രയിച്ചിരുന്നത്. ഇതിനു വിരാമമിടാനും സ്വകാര്യ സംരംഭകരെ ബഹിരാകാശ ദൗത്യത്തിൽ പങ്കെടുപ്പിക്കാനുമാണ് നാസായുടെ ശ്രമം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.