കോട്ടയം: കെ.എം. മാണി രൂപം നൽകിയ കരാർ അതേപടി പാലിക്കണമെന്നാണ് കേരള കോണ്ഗ്രസ് -എം നിലപാടെന്നു ജോസ് വിഭാഗം നേതാക്കൾ. നിലവിലില്ലാത്ത കരാർ ഉണ്ടെന്നു സ്ഥാപിച്ചെടുക്കാൻ ജോസഫ് വിഭാഗം നടത്തുന്ന ശ്രമം രാഷ്‌ട്രീയ അധാർമികതയാണ്.
ഭീഷണിക്കു മുന്നിൽ യുഡിഎഫ് വഴങ്ങരുത്. ഒറ്റ രാത്രികൊണ്ടു നിലപാടു മാറ്റുന്നവർക്കു കാലുമാറ്റത്തിന്‍റെ പാരിതോഷികമായി ഏതെങ്കിലും പദവി നൽകുന്നതു മുന്നണി സംവിധാനത്തെ ദുർബലപ്പെടുത്തുമെന്നും കോട്ടയത്തു ചേർന്ന കേരള കോണ്ഗ്രസ്- എം ജോസ് വിഭാഗം പാർലമെന്‍ററി പാർട്ടി യോഗം അഭിപ്രായപ്പെട്ടു.
ജോസ് കെ. മാണി എംപി അധ്യക്ഷത വഹിച്ചു. തോമസ് ചാഴികാടൻ എംപി, റോഷി അഗസ്റ്റിൻ എംഎൽഎ, ഡോ. എൻ. ജയരാജ് എംഎൽഎ, സ്റ്റീഫൻ ജോർജ് എന്നിവർ പങ്കെടുത്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.