തിരുവനന്തപുരം: വിശ്വാസികളുടെ വികാരം കണക്കിലെടുത്ത് കോവിഡ് 19 നിബന്ധനകൾക്ക് വിധേയമായി ആരാധനാലയങ്ങൾ തുറക്കണമെന്ന് മുൻ മുഖ്യമന്ത്രി ഉമ്മൻ ചാണ്ടി ആവശ്യപ്പെട്ടു.
മടങ്ങിവരാൻ ആഗ്രഹിക്കുന്ന മുഴുവൻ പ്രവാസികളെയും സമയബന്ധിതമായി തിരികെ കൊണ്ടുവരാൻ നടപടി സ്വീകരിക്കണമെന്നും ഓണ്‍ലൈൻ പഠനത്തിനുള്ള അടിസ്ഥാനസൗകര്യം എല്ലാ വിദ്യാർഥികൾക്കും ഉറപ്പുവരുത്തിയിട്ടേ ഇനി ക്ലാസ് തുടങ്ങാവൂ എന്നും ഉമ്മൻ ചാണ്ടി നിർദേശിച്ചു. പ്രവാസികളുടെ മടക്കത്തിന്‍റെ കാര്യത്തിലും സ്കൂൾ കുട്ടികൾക്ക് ഓണ്‍ലൈൻ ക്ലാസ് ഒരുക്കുന്ന കാര്യത്തിലും സർക്കാരിന്‍റെ മുന്നൊരുക്കങ്ങൾ അന്പേ പാളി. ഇത് ഗൾഫിൽ 160ലധികം മലയാളികളുടെയും ദേവിക എന്ന പതിനാലുകാരിയായ ദളിത് വിദ്യാർഥിനിയുടെയും ജീവനെടുത്തു.
മദ്യം വിതരണം ചെയ്യാൻ കാട്ടിയ ജാഗ്രതയും ഉത്സാഹവും ഇക്കാര്യങ്ങളിലും ഉണ്ടാകണമെന്ന് ഉമ്മൻ ചാണ്ടി അഭ്യർഥിച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.