കോട്ടയം: യുഡിഎഫ് നേതൃത്വത്തെ ഭീഷണിപ്പെടുത്തി കോട്ടയം ജില്ലാ പഞ്ചായത്ത് പ്രസിഡന്‍റ് സ്ഥാനം സ്വന്തമാക്കാനുള്ള ജോസഫ് വിഭാഗത്തിന്‍റെ നീക്കം വിലപ്പോവില്ലന്നു കേരള കോണ്ഗ്രസ് -എം ജോസ് വിഭാഗം ഉന്നതാധികാര സമിതി അംഗം തോമസ് ചാഴികാടൻ എംപി. കെ.എം. മാണി രൂപംകൊടുത്ത രാഷ്‌ട്രീയ ഉടന്പടി പ്രകാരമാണ് സെബാസ്റ്റ്യൻ കുളത്തുങ്കൽ ജില്ലാ പഞ്ചായത്ത് പ്രസിഡന്‍റായി തെരഞ്ഞെടുക്കപ്പെട്ടത്.
ഇക്കാര്യത്തിൽ ഉറച്ച നിലപാടാണ് കേരള കോണ്ഗ്രസ്- എം ജോസ് വിഭാഗത്തിനുള്ളത്. കഴിഞ്ഞ കുറെക്കാലമായി യുഡിഎഫിനെ ദുർബലപ്പെടുത്തുന്ന ചാഞ്ചാട്ട രാ‌ഷ്‌ട്രീയം ജോസഫ് വിഭാഗം തുടരുകയാണ്. പാലാ ഉപതെരഞ്ഞെടുപ്പ് മുതൽ യുഡിഎഫിൽ കലഹം സൃഷ്ടിക്കാൻ ശ്രമിക്കുന്നവർ ഒരു മാധ്യമത്തിൽ നൽകിയ സപ്ലിമെന്‍റിൽ, യുഡിഎഫ് നഖശിഖാന്തം എതിർക്കുന്ന മുഖ്യമന്ത്രിയെ, പ്രശംസകൊണ്ടു മൂടിയത് ആരെ സഹായിക്കാനാണെന്ന് എല്ലാവർക്കുമറിയാം. യുഡിഎഫിന്‍റെ ഉന്നതമായ നേതൃത്വത്തെ വിവാദങ്ങൾ സൃഷ്ടിച്ചു മുൾമുനയിൽ നിർത്തി കാലുമാറ്റക്കാരനെ പ്രസിഡന്‍റ് സ്ഥാനത്തേക്ക് അവരോധിക്കാനുള്ള ശ്രമം പരാജയപ്പെടുക തന്നെ ചെയ്യുമെന്നും ചാഴികാടൻ പറഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.