തിരുവനന്തപുരം: കഴിഞ്ഞദിവസം മരിച്ചശേഷം കോവിഡ് സ്ഥിരീകരിക്കപ്പെട്ട നാലാഞ്ചിറ സ്വദേശി ഫാ. കെ.ജി. വർഗീസിന്‍റെ സംസ്കാരം മാറ്റി. വൈദികന്‍റെ മൃതദേഹം സംസ്കരിക്കാൻ കൊണ്ടുവരുമെന്ന സൂചന ലഭിച്ചതോടെ വട്ടിയൂർക്കാവ് മലമുകൾ ഭാഗത്തെ സെമിത്തേരിക്കു സമീപം ജനങ്ങൾ തടിച്ചുകൂടിയിരുന്നു. വിവിധ സഭകളുടെ നിയന്ത്രണത്തിലുള്ളതാണ് ഈ ഭാഗത്തെ സെമിത്തേരികൾ.
മെഡിക്കൽ കോളജ് മോർച്ചറിയിലാണ് ഇപ്പോൾ ഫാ.കെ.ജി. വർഗീസിന്‍റെ മൃതദേഹം സൂക്ഷിച്ചിരിക്കുന്നത്. നാലാഞ്ചിറ ബെനഡിക്ട് നഗർ കൊപ്പാറഴികത്ത് കെ.ജി വർഗീസ് (77) കഴിഞ്ഞ ദിവസമാണ് മെഡിക്കൽകോളജ് ആശുപത്രിയിൽ മരിച്ചത്. കഴിഞ്ഞ മാസം നാലാഞ്ചിറയിൽ ഉണ്ടായ ബൈക്ക് അപകടത്തിൽ ഗുരുതരമായി പരിക്കേറ്റ ഇദ്ദേഹം മെഡിക്കൽ കോളജ് ആശുപത്രിയിൽ ചികിത്സയിലായിരുന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.