കുവൈത്ത് സിറ്റി : രാജ്യത്ത് 143 ഇന്ത്യക്കാർ ഉൾപ്പെടെ 710 പേർക്ക് കൂടി കോവിഡ് സ്ഥിരീകരിച്ചു. ഇതോടെ കോവിഡ് ബാധിതരുടെ എണ്ണം 29359 ആയി. കൊറോണ ചികത്സയിലായിരുന്ന നാലുപേർ കൂടി മരിച്ചതോടെ ആകെ മരണം 230 ആയി ഉയർന്നു.
ഫർവാനിയ ഗവർണറേറ്റിൽ 282,അഹമദി ഗവർണറേറ്റിൽ 130, ഹവല്ലി ഗവർണറേറ്റിൽ 88, കേപിറ്റൽ ഗവർണറേറ്റിൽ 70, ജഹറ ഗവർണറേറ്റിൽ 140 കേസുകളുമാണ് റിപ്പോർട്ട് ചെയ്തത്. 1469 പേരാണ് ഇന്നലെ രോഗ മുക്തി നേടിയത്. ഇതോടെ ആകെ രോഗം സുഖമായവരുടെ എണ്ണം 15750 ആയി. 13379 പേരാണു ഇപ്പോൾ ചികിൽസയിൽ കഴിയുന്നത്. 191 പേർ തീവ്ര പരിചരണ വിഭാഗത്തിൽ കഴിയുന്നവരാണെന്നും ആരോഗ്യ മന്ത്രാലയം വക്താവ് അബ്ദുല്ല അൽ സനദ് വാർത്താ സമ്മേളനത്തിൽ അറിയിച്ചു.
റിപ്പോർട്ട്: സലിം കോട്ടയിൽ