ചങ്ങനാശേരി: സൗദിയിൽ കോവിഡ് ബാധിച്ച് ചികിത്സയിലായിരുന്ന കുറിച്ചി സ്വദേശി മരിച്ചു. കുറിച്ചി പുത്തൻ പറന്പിൽ ജോർജ് - മേരിദന്പതികളുടെ മകൾ സിനി ജോർജ് (45) ആണ് മരിച്ചത്. കോവിഡ് ബാധിച്ച് ജിദ്ദ മഹ്ജർ കിംഗ് അബ്ദുൾ അസീസ് ആശുപത്രിയിലെ തീവ്രപരിചരണ വിഭാഗത്തിൽ ചികിത്സയിലിരിക്കെയാണ് മരണം സംഭവിച്ചത് .
കൂടെ ജോലി ചെയ്യുന്നവരാണ് നാട്ടിലുള്ള ബന്ധുക്കളെ വിവരമറിയിച്ചത്. അഞ്ച് വർഷമായി ജിദ്ദയിലെ അൽ-ഹനൂഫ് കോണ്ട്രാക്ടിങ്ങ് കന്പനിക്ക് കീഴിലുള്ള സ്വകാര്യ ആശുപത്രിയിലാണ് സിനി ജോലി ചെയ്തിരുന്നത്. 2019 മാർച്ച് 19 നാണ് അവസാനമായി നാട്ടിലെത്തിയത്.ഭർത്താവ്: തിരുവല്ല കോട്ടത്തോട് പരിയാരത്ത് വീട്ടിൽ സുരേഷ് ആനന്ദ്. മക്കൾ: സനിഴ എസ്. ആനന്ദ് ( ഡിഗ്രിവിദ്യാർഥിനി), റിച്ചു എസ്. ആനന്ദ് (പ്ലസ് വണ്‍ വിദ്യാർഥി).മൃതദേഹം ജിദ്ദയിൽ സംസ്കരിക്കും.