ന്യൂഡല്‍ഹി: കുവൈത്തിലെ പുതിയ ഇന്ത്യന്‍ സ്ഥാനപതിയായി പാലാ സ്വദേശി സിബി ജോര്‍ജ് ജൂലൈയില്‍ ചുമതലയേല്‍ക്കും. വത്തിക്കാന്‍റെ അധിക ചുമതല കൂടിയുള്ള സ്വിറ്റ്‌സര്‍ലന്‍ഡിലെ അംബാസഡറായ സിബിയെ കുവൈറ്റ് അംബാസഡറായി മാറ്റി നിയമിച്ചുള്ള ഔദ്യോഗിക ഉത്തരവ് മേയ് 31 നു വിദേശകാര്യമന്ത്രാലയം പുറത്തിറക്കി.
വിമാന സര്‍വീസുകള്‍ പുനഃരാംരഭിക്കുന്നതു കണക്കിലെടുത്ത് ചുമതലയേക്കുന്ന തീയതി പിന്നീട് തീരുമാനിക്കുമെന്ന് സിബി ജോര്‍ജ് സിറ്റ്‌സര്‍ലന്‍ഡിലെ ബേണില്‍ നിന്ന് ദീപികയോടു പറഞ്ഞു. കുവൈറ്റ് അംബാസഡറായി സിബി നിയമിതനാകുമെന്ന് ദീപിക നേരത്തെ റിപ്പോര്‍ട്ട് ചെയ്തിരുന്നു.
റിപ്പോർട്ട്: ജോർജ് കള്ളിവയലിൽ