കുവൈത്ത് സിറ്റി: രാജ്യത്ത് 887 പേർക്ക് കൂടി കോവിഡ് സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. ചികത്സയിലായിരുന്ന ആറ് കോവിഡ് ബാധിതർ കൂടി മരിച്ചതോടെ രാജ്യത്തെ കോവിഡ് മരണസംഖ്യ 226 ആയി ഉയർന്നു.
ചൊവ്വാഴ്ച വൈറസ് സ്ഥിരീകരിച്ചവരിൽ 201 പേർ ഇന്ത്യക്കാരാണ്. 1382 പേർ കൂടി രോഗമുക്തി നേടി. ഇതോടെ രോഗമുക്തരായവർ 14,281 ആയി. ഇതുവരെ 28,649 പേർക്കാണ് കോവിഡ് സ്ഥിരീകരിച്ചത്. 14,142 പേർ ചികിത്സയിലുണ്ട്. ഇതിൽ 187 പേർ തീവ്രപരിചരണ വിഭാഗത്തിലാണ്.
ഫർവാനിയ ഗവർണറേറ്റിൽ 300 , അഹ്മദി ഗവർണറേറ്റിൽ 216 , ജഹ്റ ഗവർണറേറ്റിൽ 173 , ഹവല്ലി ഗവർണറേറ്റിൽ 117 , കാപിറ്റൽ ഗവർണറേറ്റിൽ 81 എന്നിങ്ങനെയാണ് പുതിയ കേസുകൾ റിപ്പോർട്ട് ചെയ്തത്.
റിപ്പോർട്ട്: സലിം കോട്ടയിൽ