ന്യൂഡൽഹി: കൊവിഡ് ബാധമൂലം നാൽപത് ദിവസത്തിലധികമായി രാജ്യമൊട്ടാകെ ലോക്ക്ഡൗണ്‍ തുടർന്നു കൊണ്ടിരിക്കുന്ന സാഹചര്യത്തിൽ ജോലി ചെയ്യാൻ സാധിക്കാത്തത് മൂലം പട്ടിണി അനുഭവിക്കുന്ന ജനങ്ങൾക്ക് ഭക്ഷണം വിതരണം ചെയ്യുന്നതിനുള്ള സെന്‍റ് മരിയം ത്രേസ്യ ബുരാഡി ഇടവകയുടെ സംരംഭത്തിന് ഫരീദാബാദ് രൂപതയുടെ ഇടയൻ ആർച്ച്ബിഷപ്പ് കുരിയാക്കോസ് ഭരണി കുളങ്ങര നേതൃത്വം നൽകി.
ബിഷപ്പിന്‍റെ നിർദ്ദേശപ്രകാരം രൂപതയുടെ സാമൂഹ്യ സേവന സംഘടനയും വിവിധ ഇടവകകളും സംഘടനകളും ഭക്ഷണ വിതരണം, ഭക്ഷണസാധനങ്ങളുടെ വിതരണം, സുരക്ഷാ കിറ്റുകളുടെയും സാനിറ്ററി കിറ്റുകളുടെ വിതരണം തുടങ്ങി ധാരാളം സേവനങൾ ചെയ്തു വരുന്നു. ലോക്ക് ഡൗണ്‍ നീളുന്ന പശ്ചാത്തലത്തിൽ ധാരാളം ജനങ്ങൾ പട്ടിണിക്ക് ഇരകളാകുന്നുണ്ട് എന്നും അവർക്ക് സഹായം നൽകുന്ന സംരംഭങ്ങൾ വിവിധ ഇടവകകളും സംഘടനകളും കൂടുതൽ ഉൗർജസ്വലമായി തുടരണമെന്നും ആർച്ച്ബിഷപ്പ് ആഹ്വാനം ചെയ്തു.
റിപ്പോർട്ട്: റെജി നെല്ലിക്കുന്നത്ത്