നി​ത്യ​ഹ​രി​തം ഈ ​ഗാ​ന​ലോ​കം
മ​ല​യാ​ള സി​നി​മ​യു​ടെ ച​രി​ത്രം, സി​നി​മാ സം​ഗീ​തം, പി​ന്നി​ട്ട വ​ഴി​ക​ൾ, ക​ഥ​ക​ൾ, എ​ക്കാ​ല​ത്തെ​യും സൂ​പ്പ​ർ നാ​യ​കന്മാ​ർ, നാ​യി​ക​മാ​ർ... അ​ങ്ങ​നെ സി​നി​മ​യു​ടെ സ​മ​സ്ത​ത​യും അ​റി​യു​ന്ന​താ​യി ഇ​ന്നു ജീ​വി​ച്ചി​രി​ക്കു​ന്ന ഒ​രേയൊ​രാ​ളെ​യു​ള്ളൂ. ക​വി​യും ഗാ​ന​ര​ച​യി​താ​വും സം​വി​ധാ​യ​ക​നും തി​ര​ക്ക​ഥാ​കൃ​ത്തും നി​ർ​മാ​താ​വു​മാ​യ ശ്രീ​കു​മാ​ര​ൻ ത​ന്പി​യാ​ണ​ത്.

സി​നി​മ​യു​ടെ ഒ​രു സ​ർ​വ​വി​ജ്ഞാ​ന​കോ​ശം എ​ന്നു വേ​ണ​മെ​ങ്കി​ലും മ​ല​യാ​ളി​യു​ടെ സ്വ​ന്തം ശ്രീ​കു​മാ​ര​ൻ ത​ന്പി​യെ വി​ശേ​ഷി​പ്പി​ക്കാം. സി​നി​മാ പ​രി​വേ​ഷ​ങ്ങ​ളി​ല്ലാ​തെ പ​ച്ച​മ​ണ്ണി​ൽ കാ​ലൂ​ന്നി നി​ന്ന് ഉ​ള്ളി​ൽ വ​രു​ന്ന​ത് ഒ​രു എ​ഡി​റ്റിം​ഗും കൂ​ടാ​തെ അ​ങ്ങ​നെ ത​ന്നെ പ​റ​യും ശ്രീ​കു​മാ​ര​ൻ ത​ന്പി. കാ​ട്ടു​മ​ല്ലി​ക​യി​ലൂ​ടെ ഇ​രു​പ​ത്തി​യാ​റാം വ​യ​സി​ൽ മ​ല​യാ​ള സി​നി​മാ ഗാ​ന​രം​ഗ​ത്ത് ക​ട​ന്നു​വ​ന്ന ഹ​രി​പ്പാ​ട്ട്കാ​ര​നു നാ​ളെ എ​ണ്‍​പ​തി​ന്‍റെ യൗ​വ​നം. ആ​ല​പ്പു​ഴ ജി​ല്ല​യി​ലെ ഹ​രി​പ്പാ​ട്ട് 1940 മാ​ർ​ച്ച് 16നു ​ക​ള​രീ​ക്ക​ൽ കൃ​ഷ്ണ​പി​ള്ള​യു​ടെ​യും ഭ​വാ​നി​ക്കു​ട്ടി ത​ങ്ക​ച്ചി​യു​ടെ​യും മ​ക​നാ​യി ജ​ന​നം. (മീ​ന​മാ​സ​ത്തി​ലെ രോ​ഹി​ണി ന​ക്ഷ​ത്രം). സി​വി​ൽ എ​ൻ​ജി​നി​യ​റിം​ഗ് ബി​രു​ദ​വും ടൗ​ണ്‍ പ്ലാ​ന​ർ ഉ​ദ്യോ​ഗ​വും വി​ട്ടെ​റി​ഞ്ഞാ​ണ് ത​ന്‍റെ സ്വ​പ്ന സി​നി​മാ സം​ഗീ​ത ലോ​ക​ത്ത് ശ്രീ​കു​മാ​ര​ൻ ത​ന്പി എ​ത്തു​ന്ന​ത്. പി. ​ഭാ​സ്കര​നും വ​യ​ലാ​റും ഒ​എ​ൻ​വി​യും ജ്വ​ലി​ച്ചു നി​ന്ന അ​തേ ആ​കാ​ശപ്പൂ​മു​ഖ​ത്ത് സ്വ​ന്തം ന​ക്ഷ​ത്ര സിം​ഹാ​സ​നം ഉ​റ​പ്പി​ച്ചു നി​ർ​ത്തി എ​ന്ന​തും ശ്രീ​കു​മാ​ര​ൻ​ത​ന്പി എ​ന്ന ഗാ​ന​ര​ച​യി​താ​വി​ന്‍റെ വ​ലി​യ നേ​ട്ടം. അ​ക​ലെ​യ​ക​ലെ നീ​ലാ​കാ​ശം...., മ​ദം പൊ​ട്ടി​ച്ചി​രി​ക്കു​ന്ന മാ​നം..., ഹൃ​ദ​യ സ​ര​‌​സി​ലെ പ്ര​ണ​യ പു​ഷ്പ​മേ...., ക​സ്തൂരി മ​ണ​ക്കു​ന്ന​ല്ലോ കാ​റ്റേ...., കാ​ല​മൊ​ര​ജ്ഞാ​ത കാ​മു​ക​ൻ....., അ​ങ്ങ​നെ​യ​ങ്ങ​നെ നൂ​റു​ക​ണ​ക്കി​നു അ​ന​ശ്വ​ര ഗാ​ന​ങ്ങ​ൾ.

മ​ല്ലി​കപ്പൂ​വി​ന്‍റെ മ​ധു​ര​ഗ​ന്ധ​വും ജാ​തി മ​ല്ലി പ്പൂ​ക്ക​ളു​ടെ ച​ന്ദ​ന മ​ഴ​യും ഇ​ല​ഞ്ഞി​പ്പൂ​വി​ന്‍റെ മ​ദ​ഗ​ന്ധ​വും കൊ​ണ്ട് മ​ല​യാ​ളി സി​ര​ക​ളെ ത്ര​സി​പ്പി​ച്ച ഗാ​ന​ര​ച​യി​താ​വ്. ജീ​വി​ത സ​മ​സ്യ​ക​ളും ത​ത്വ​ജ്ഞാ​ന​വും കൊ​ണ്ട് ഹൃ​ദ​യ​ങ്ങ​ളെ ഒ​ര​ഭൗ​മ പ്ര​പ​ഞ്ച​ത്തി​ലേ​ക്കു ഉ​ണ​ർ​ത്തി​യ ക​വി. ലാ​ഭ​ന​ഷ്ട​ങ്ങ​ളു​ടെ ക​ണ​ക്കെ​ടു​ക്കാ​ത്ത, സി​നി​മാ ക​ച്ച​വ​ട​ത്തി​ന്‍റെ ര​സ​ത​ന്ത്ര​ങ്ങ​ൾ പ​യ​റ്റാ​ത്ത സം​വി​ധാ​യ​ക​ൻ, നി​ർ​മാ​താ​വ്. അ​ങ്ങ​നെ വി​ശേ​ഷ​ണ​ങ്ങ​ൾ ഏ​റെ ഏ​റെ​യാ​ണ്.

സി​നി​മ​യു​ടെ ആ​ഴ​ങ്ങ​ളി​ൽ നീ​ണ്ട പ​തി​റ്റാ​ണ്ടു​ക​ൾ ജീ​വി​ക്കു​ന്പോ​ഴും സി​നി​മാ​ക്കാ​ര​നാ​യി മാ​റാ​തെ, പ​ഴ​യ മൂ​ല്യ​ങ്ങ​ളു​ടെ വെ​ണ്‍​കൊ​റ്റ​ക്കു​ട എ​ന്നും ഉ​യ​ർ​ത്തി പാ​റി​പ്പി​ക്കു​ന്ന ശ്രീ​കു​മാ​ര​ൻ ത​ന്പി.
ശ്രീ​കു​മാ​ര​ൻ ത​ന്പി​യു​ടെ ജീ​വി​ത​ത്തി​ൽ നി​ന്നു കു​റ​ച്ചു നി​മി​ഷ​ങ്ങ​ൾ....

എ​ണ്‍​പ​താം പി​റ​ന്നാ​ൾ ആ​ഘോ​ഷം...?

എ​ന്‍റെ മ​ക​നാ​യി​രു​ന്നു എ​ന്‍റെ ഏ​റ്റ​വും വ​ലി​യ സ​ന്തോ​ഷം. മ​ക​ൻ ഇ​ല്ലാ​ത്ത​തി​നാ​ൽ പി​റ​ന്നാ​ൾ ആ​ഘോ​ഷ​മൊ​ന്നു​മി​ല്ല. ഏ​തെ​ങ്കി​ലും വി​ജ​ന​മാ​യ ക്ഷേ​ത്ര​ത്തി​ൽ ഒ​റ്റ​യ്ക്കു പ്രാ​ർ​ഥ​ന​യോ​ടെ ഇ​രി​ക്കു​വാ​നാ​ണ് തീ​രു​മാ​നം.

കേ​ര​ള​ത്തി​ലെ പ​ല ജി​ല്ല​ക​ളി​ലും എ​ണ്‍​പ​താം പി​റ​ന്നാ​ളു​മാ​യി ബ​ന്ധ​പ്പെ​ട്ട് ഉ​ദ​യാ​സ്ത​മ​ന ഗാ​ന​മേ​ള​യും ശ്രീ​കു​മാ​രോ​ത്സ​വ​വും തു​ട​ങ്ങി ഒ​ട്ടേ​റെ ആ​ഘോ​ഷ പ​രി​പാ​ടി​ക​ൾ ന​ട​ത്തു​വാ​ൻ ഇ​രി​ക്കു​ക​യാ​ണ​ല്ലോ?

ഗാ​ന​ര​ച​യി​താ​വെ​ന്ന നി​ല​യി​ൽ ഞാ​ൻ ജ​ന​ങ്ങ​ളു​ടെ സ്വ​ന്ത​മാ​ണ​ല്ലോ. പൊ​തു​സ്വ​ത്ത് എ​ന്നു പ​റ​യാം. അ​തു​കൊ​ണ്ട് ത​ന്നെ എ​ന്‍റെ പി​റ​ന്നാ​ൾ ആ​ഘോ​ഷം അ​വ​ർ​ക്കു ന​ട​ത്താം. ഞാ​ൻ ഒ​രു പ​രി​പാ​ടി​യി​ലും പ​ങ്കെ​ടു​ക്കു​ന്നി​ല്ല. തി​രു​വ​ന​ന്ത​പു​ര​ത്ത് ത​ന്നെ കാ​ണി​ല്ല.

ഇ​ത് ര​ണ്ടാം ജന്മമാ​ണെ​ന്നും ലൗ​കി​ക ജീ​വി​ത​ത്തി​നും സ​ന്യാ​സ​ത്തി​നു​മി​ട​യ്ക്കു​ള്ള വാ​ന​പ്ര​സ്ഥ​ത്തി​ലാ​ണ് ഇ​പ്പോ​ൾ താ​ങ്ക​ൾ എ​ന്നും അ​ഭി​മു​ഖ​ങ്ങ​ളി​ൽ പ​റ​ഞ്ഞു കേ​ൾ​ക്കാ​റു​ണ്ട്?

അ​തേ. പ​ഴ​യ ശ്രീ​കു​മാ​ര​ൻ ത​ന്പി ഇ​പ്പോ​ഴി​ല്ല. ഇ​തെ​ന്‍റെ പു​തി​യ ജന്മമാ​ണ്. എ​ന്‍റെ ബാ​ല്യ​ത്തി​ലും ശൈ​ശ​വ​ത്തി​ലും കൗ​മാ​ര​ത്തി​ലു​മൊ​ക്കെ അ​നു​ഭ​വി​ച്ച ക​യ്പേ​റി​യ അ​നു​ഭ​വ​ങ്ങ​ൾ എ​ന്നി​ൽ സ​ന്യാ​സ​ത്തി​ന്‍റെ​യും ദാ​ർ​ശ​നി​ക​ത​യു​ടെ​യും ഒ​രു ത​ലം ഉ​ണ്ടാ​ക്കി​യി​രു​ന്നു. അ​തേ സ​മ​യം ത​ന്നെ ജീ​വി​ത​ത്തി​ൽ പ​ല​പ്പോ​ഴാ​യി ഏ​റ്റ മു​റി​വു​ക​ൾ വി​കാ​ര​ങ്ങ​ളു​ടെ അ​ടി​യൊ​ഴു​ക്കു​ക​ളാ​യും ഹൃ​ദ​യ​ത്തി​നു​ള്ളി​ൽ തു​ടി​ക്കു​ന്നു​ണ്ട്.

അ​തി​വൈ​കാ​രി​ക​മാ​യി ജീ​വി​ത​ത്തി​ൽ പ്ര​തി​ക​രി​ക്കു​ന്പോ​ഴും ഉ​ള്ളാ​ഴ​ങ്ങ​ളി​ൽ സ്ഥി​ര​പ്ര​ജ്ഞ​നാ​യ ഒ​രു സ​ന്യാ​സി​യും നി​ല​നി​ന്നു വ​ന്നു.

ഇ​ന്നി​പ്പോ​ൾ ജീ​വി​ത​ത്തെ സ​മ​ചി​ത്ത​ത​യോ​ടെ കാ​ണു​ന്ന ഒ​രു മ​ന​‌​സാ​ണ് എ​ന്‍റേത്. വ​ള​രെ ശാ​ന്ത​നാ​യി ഞാൻ മാ​റി​യി​ട്ടു​ണ്ട്. പ​ഴ​യ എ​ടു​ത്തുചാ​ട്ട​ങ്ങ​ൾ ഇ​ല്ല.

താ​ങ്ക​ൾ യോ​ഗി​വ​ര്യ​മാ​യ അവസ്ഥയിലായ ഈ ​ര​ണ്ടാം ജന്മത്തി​ലാ​ണ​ല്ലോ ശ്രീ​കു​മാ​ര​ൻ ത​ന്പി​യു​ടെ പ്ര​ണ​യാ​ർ​ദ്രഗാ​ന​ങ്ങ​ളും പ്ര​ണ​യ മ​ന​സും സ​മൂ​ഹ​മാ​ധ്യ​മം വ​ഴി പു​തി​യ യു​വ​ത്വം ഏ​റ്റെ​ടു​ക്കു​ന്ന​ത്?

അ​തേ. സ​മൂ​ഹ​മാ​ധ്യ​മ​ങ്ങ​ളി​ലൂ​ടെ യു​വ​ത​ല​മു​റ എ​ന്‍റെ പാ​ട്ടു​ക​ളെ വ​ള​രെ​യേ​റെ സ്നേ​ഹി​ച്ചു കാ​ണു​ന്നു​ണ്ട്. ഫേസ്ബു​ക്ക്, വാ​ട്സ്ആ​പ്പ് തു​ട​ങ്ങി​യ ന​വ​മാ​ധ്യ​മ​ങ്ങ​ൾ എ​ന്‍റെ ഗാ​ന​ങ്ങ​ൾ​ക്കും ഒ​രു പു​ന​ർ​ജ​നി ന​ല്കു​ന്ന​ത് കാ​ണു​ന്പോ​ൾ സ​ന്തോ​ഷ​മു​ണ്ട്. ഞാ​ൻ പ്ര​തീ​ക്ഷി​ക്കാ​ത്ത ത​ര​ത്തി​ലെ ഉ​യ​ർ​ന്ന പ്ര​തി​ക​ര​ണ​ങ്ങ​ളും വി​ല​യി​രു​ത്ത​ലു​ക​ളു​മാ​ണ് കാ​ണു​ന്ന​ത്. യൂ​ടൂ​ബി​ലെ അ​ഭി​മു​ഖ​ങ്ങ​ൾ ക​ണ്ട് ചെ​റു​പ്പ​ക്കാ​ർ എ​ഴു​തു​ന്ന ക​മ​ന്‍റു​ക​ൾ വാ​യി​ക്കു​ന്പോ​ൾ അ​ദ്ഭു​ത​വും തോ​ന്നാ​റു​ണ്ട്.

ഇ​ട​ക്കാ​ല​ത്ത് താ​ങ്ക​ൾ വാ​ട്സ്ആ​പ്പ് സ​ജീ​വ​മാ​യി​രു​ന്നു. ഇ​തി​ലൂ​ടെ ആ​രാ​ധി​ക​മാ​രു​ടെ പ്ര​ണ​യം ഒ​ഴു​കിത്തു​ട​ങ്ങി​യ​പ്പോ​ഴാ​ണ് വാ​ട്സ് ആ​പ്പി​ൽ നി​ന്നും ഓ​ടി​യ​ക​ന്ന​ത് എ​ന്ന ഒ​രു ശ്രു​തി​യും കേ​ൾ​ക്കു​ന്നു. ശ്രീ​കു​മാ​ര​ൻ ത​ന്പി​യു​ടെ പ്ര​ണ​യ ഗാ​ന​ങ്ങ​ളു​ടെ ഒ​രു യു​വ​ത്വം കൊ​ണ്ട​ല്ലേ ഇ​പ്പോ​ഴും ആ​രാ​ധി​ക​മാ​ർ ഇ​ങ്ങ​നെ എ​ത്തു​ന്ന​ത് ‍‍?

ആ​യി​രി​ക്കാം. ആ ​പ്ര​ണ​യം മ​ട​ക്കി ന​ല്കാ​ൻ എ​നി​ക്കാ​വി​ല്ല​ല്ലോ. ഫേസ് ബു​ക്ക്, വാ​ട്സ്ആ​പ്പ് തു​ട​ങ്ങി​യ മാ​ധ്യ​മ​ങ്ങ​ൾ വ​ലി​യ ലോ​ക​മാ​ണ് ഇ​ന്നു തു​റ​ന്നു വ​യ്ക്കു​ന്ന​ത്. എ​ങ്കി​ലും ഇ​തി​ൽ ഒ​രു അ​ഡി​ക്ഷ​ൻ വ​ന്നു​പോ​യാ​ൽ വാ​യ​ന​യും എ​ഴു​ത്തും നി​ല​ച്ചു പോ​കും. എ​ഴു​തു​ക ഉ​ൾ​പ്പെ​ടു​ന്ന ക്രി​യാ​ത്മ​ക കാ​ര്യ​ങ്ങ​ൾ​ക്കു സ​മ​യം കു​റ​യു​ന്നു എ​ന്നു തോ​ന്നി​യ​തു കൊ​ണ്ടാ​ണ് ഞാ​ൻ പി​ൻ​വാ​ങ്ങി​യ​ത്.

ച​ന്ദ്രി​ക​യി​ല​ലി​യു​ന്നു ച​ന്ദ്ര​കാ​ന്തം
നി​ൻ ചി​രി​യി​ൽ അ​ലി​യു​ന്നെ​ൻ ജീ​വ​രാ​ഗം....
ശ്രീ​കു​മാ​ര​ൻ ത​ന്പി എ​ഴു​തി​യ വ​രി​ക​ൾ ഇ​ന്നും പ്ര​ണ​യ​മ​ഴ​ത്തു​ള്ളി​ക​ളാ​യി പെ​യ്തി​റ​ങ്ങു​ക​യാ​ണ​ല്ലോ?

കാ​ലം ക​ട​ന്നു ഈ ​ഗാ​നം ഒ​ഴു​കി വ​രു​ന്ന​ത് പ്ര​ണ​യ​ത്തി​ന്‍റെ മാ​സ്മ​രി​ക​ത കൊ​ണ്ടാ​ണെ​ന്നു പ​റ​യാം. പ്ര​ണ​യം ഒ​രി​ക്ക​ലും അ​സ്ത​മി​ക്കു​ന്നി​ല്ല. പ്ര​ണ​യ​മു​ണ്ടെ​ങ്കി​ലേ ന​ല്ല ക​വി​ത​ക​ൾ ഉ​ണ്ടാ​വൂ എ​ന്നും വി​ശ്വ​സി​ക്കു​ന്നു ഞാ​ൻ. ജീ​വി​ത​ത്തി​ൽ ഒ​രാ​ളെ.​മാ​ത്ര​മേ പ്ര​ണ​യി​ക്കൂ എ​ന്നു പ​റ​യു​ന്ന​വ​രു​ണ്ട്. അ​ത് കാ​പ​ട്യ​മാ​യാ​ണ് എ​നി​ക്കു തോ​ന്നാ​റു​ള്ള​ത്.

പ്ര​ണ​യം ഒ​രു പ്ര​വാ​ഹ​മാ​ണ്. ഒ​രി​ട​ത്ത് ത​ങ്ങി നി​ൽ​ക്കു​ന്ന ജ​ല​മ​ല്ല അ​ത്. ഒ​രു നീ​രൊ​ഴു​ക്കാ​ണ്. ഒ​രേ ഒ​രു ജൂ​ലി​യ​റ്റി​നെ മാ​ത്രം പ്ര​ണ​യി​ക്കു​ന്ന റോ​മി​യോ ഉ​ണ്ടെ​ന്നു ഞാ​ൻ വി​ശ്വ​സി​ക്കു​ന്നി​ല്ല.
പ്ര​ണ​യം എ​ന്നു പ​റ​യു​ന്ന​ത് സ​ത്യ​ത്തി​ൽ ഒ​രു വ്യ​ക്തി​യി​ൽ ഒ​തു​ങ്ങു​ന്ന​ത​ല്ല. പ്ര​ണ​യ​ത്തോ​ടാ​ണ് എ​ല്ലാ​വ​ർ​ക്കും പ്ര​ണയ​മു​ള്ള​ത്. എ​ൻ​ജി​നീ​യ​റിം​ഗ് കോ​ള​ജി​ൽ പ​ഠി​ക്കു​ന്ന കാ​ല​ത്ത് എ​നി​ക്കൊ​രു പ്ര​ണ​യി​നി ഉ​ണ്ടാ​യി​രു​ന്നു. (പി​ന്നീ​ട് ചി​ല കാ​ര​ണ​ങ്ങ​ളാ​ൽ ആ ​പ്ര​ണ​യം സാ​ക്ഷാ​ത്കരി​ച്ചി​ല്ല) പി​ന്നീ​ട് രാ​ജേ​ശ്വ​രി എ​ന്‍റെ ജീ​വി​ത​ത്തി​ലേ​ക്കു ക​ട​ന്നുവ​ന്നു. എ​ന്‍റെ സ​ഹ​ധ​ർ​മി​ണി​യാ​യ രാ​ജി. എ​ങ്കി​ലും എ​ന്‍റെ ആ​ദൃ​ശ്യ​യാ​യ കാ​മു​കി - പ്ര​ണ​യം. അ​ക​ലെ നി​ന്ന് ഇ​പ്പോ​ഴും എ​ന്നെ മോ​ഹി​പ്പി​ക്കു​ന്നു. ആ​ദ്യം എ​ന്‍റെ കാ​മു​കി​യി​ലൂ​ടെ പി​ന്നെ രാ​ജി​യി​ലൂ​ടെ ഈ ​അ​ദൃ​ശ്യ സു​ന്ദ​രി പ്ര​വേ​ശി​ച്ചു​വെ​ങ്കി​ലും ഇ​ന്നും അ​വ​ൾ മാ​റി നി​ൽ​ക്കു​ന്നു​ണ്ട്. പ​ഴ​യ അ​തേ സൗ​ന്ദ​ര്യ​ത്തോ​ടെ, രാ​ഗ​വി​ലോ​ല​ത​യോ​ടെ...

സു​ഖ​മൊ​രു ബി​ന്ദു, ദുഃ​ഖ​മൊ​രു ബി​ന്ദു
ബി​ന്ദു​വി​ൽ നി​ന്നും ബി​ന്ദു​വി​ലേക്കൊ​രു
പെ​ൻ​ഡു​ലം ആ​ടു​ന്നു ജീ​വി​തം അ​ത് ജീ​വി​തം...
ഇ​ങ്ങ​നെ ത​ത്വ​ജ്ഞാ​നം നി​റ​യു​ന്ന ഒ​ട്ട​ന​വ​ധി ഗാ​ന​ങ്ങ​ളും ക​വി​ത​ക​ളും ശ്രീ​കു​മാ​ര​ൻ ത​ന്പി​യു​ടേ​താ​യി വ​ന്നി​ട്ടു​ണ്ട്. പ്ര​ണ​യ ഗാ​ന​ങ്ങ​ളെ​ഴു​തി​യ അ​തേ മ​ന​സി​ൽ നി​ന്നാ​ണ് ദാ​ർ​ശ​നി​ക​ത നി​റ​യു​ന്ന വ​രി​ക​ളും പു​റ​ത്തു​വ​ന്ന​ത് ‍?

നേ​ര​ത്തെ സൂ​ചി​പ്പി​ച്ച​ത് പോ​ലെ ജീ​വി​താ​നു​ഭ​വ​ങ്ങ​ൾ എ​ന്നെ ജീ​വി​ത​ത്തി​ന്‍റെ മ​റു​പു​റ​ത്തി​ലേ​ക്കു കൊ​ണ്ടെ​ത്തി​ച്ച​താ​ണ്. ജീ​വി​തര​തി​ക്കൊ​പ്പം ത​ന്നെ ജീ​വി​ത സ​ത്യ​ങ്ങ​ളും ഒ​രു പോ​ലെ എ​ന്നി​ലു​ണ്ട്. ഉ​ദ​യ​ത്തി​ന്‍റെ പ്ര​കാ​ശ ഭം​ഗി​ക്കൊ​പ്പം അ​സ്ത​മ​യം എ​ന്ന ശാ​ശ്വ​ത സ​ത്യ​വും ഞാ​ൻ ക​ണ്ടുപോ​കു​ന്നു.


എ​ല്ലാ പോ​സി​റ്റീ​വി​ന്‍റെ​യും കൂ​ടെ ഒ​രു നെ​ഗ​റ്റീ​വും ഇ​ങ്ങ​നെ ക​ണ്‍​മു​ന്നി​ൽ വ​ന്നു എ​ത്തി നോ​ക്കു​ന്ന​തും ഇ​തുകൊ​ണ്ടു ത​ന്നെ. എ​ന്‍റെ പ​തി​നെ​ട്ടാ​മ​ത്തെ വ​യ​സി​ൽ എ​ന്‍റൊ​പ്പം പ​ഠി​ച്ച പ്ര​ണ​യി​നി​യെ ഉ​ള്ളി​ൽ വ​ച്ചെ​ഴു​തി​യ ക​വി​ത​യാ​ണ് ‘ക​രി​നീ​ല ക​ണ്ണു​ള്ള പെ​ണ്ണേ’. അ​തി​ലും എ​ന്നെ വി​ട്ട് മ​റ്റ് അ​നു​രാ​ഗ​ത്തി​ലേ​ക്കു പ്ര​ണ​യി​നി ന​ട​ന്നുപോ​കു​ന്നു എ​ന്നു ഞാ​നെഴു​തി. പ്ര​ണ​യ​ത്തി​ന്‍റെ തീ​വ്ര​ത​യ്ക്കൊ​പ്പം തന്നെ ഉ​പേ​ക്ഷി​ക്ക​ലിന്‍റെ, പ്ര​ണ​യഭം​ഗ​ത്തി​ന്‍റെ അ​ട​രു​ക​ളും ചേ​രു​ന്നു​ണ്ട്.
അ​ന്നെ​ന്‍റെ കൂ​ട്ടു​കാ​രി​ക്കു വ​ലി​യ പ​രി​ഭ​വ​മായിരുന്നു. എ​ന്നാ​ൽ, പി​ന്നീ​ട് അ​വ​ൾ എ​ന്നെ ത​നി​ച്ചാ​ക്കി പോ​വു​ക​യാ​യി​രു​ന്നു. വി​ധി​യു​ടെ ഒ​രു ക​ളി​യാ​ട്ട​മാ​കാം ഇ​ത്.

‘പ്രേം ​ന​സീ​ർ എ​ന്ന പ്രേ​മ​ഗാ​നം’ എ​ന്നാ​ണ് താ​ങ്ക​ൾ പ്രേം​ന​സീ​റി​നെ കു​റി​ച്ചെ​ഴു​തി​യ പുസ്തകത്തിന്‍റെ പേ​ര്. പ്രേം ​ന​സീ​റി​നെ ഒ​രു പാ​ട് സ്നേ​ഹി​ച്ചി​രു​ന്നെ​ങ്കി​ലും പി​ണ​ങ്ങി​യി​രു​ന്നി​ട്ടു​ണ്ട്. ഇ​തു​പോ​ലെ കു​റേ​യേ​റെ പി​ണ​ക്ക​ങ്ങ​ളും ഇ​ണ​ക്ക​ങ്ങ​ളും ശ്രീ​കു​മാ​ര​ൻ ത​ന്പി​യു​ടെ സി​നി​മാ ജീ​വി​ത​ത്തി​ൽ കാ​ണാം ?

പെ​ട്ടെ​ന്ന് വേ​ദ​നി​ച്ചു പോ​കു​ന്ന , വി​കാ​ര​ങ്ങ​ൾ​ക്ക​ടി​മ​പ്പെ​ടു​ന്ന ഒ​രു ഹൃ​ദ​യമാ​ണെ​ന്‍റേത്. പ്ര​തി​ക​ര​ണ​വും വ​ള​രെ വേ​ഗ​ത്തി​ലാ​കും. എ​ന്‍റെ ഭാ​ഗ​ത്താ​ണ് തെ​റ്റെ​ന്ന് തോ​ന്നി​യാ​ൽ ഞാ​ൻ തി​രു​ത്താ​റു​മു​ണ്ട്. ന​സീ​ർ സാ​റു​മാ​യു​ള്ള പി​ണ​ക്ക​ത്തി​ൽ അ​ന്നും ഇ​ന്നും ഞാ​ൻ പ​ശ്ചാ​ത്ത​പി​ക്കു​ന്നു. കാ​ര​ണം അ​ത്ര​യ്ക്കു ഉ​യ​ർ​ന്ന, മ​ഹ​ത്വ​മാ​ർ​ന്ന ഒ​രു വ്യ​ക്തി​യാ​ണ് ന​സീ​ർ സാ​ർ.

ഈ​ണ​ങ്ങ​ളു​ടെ ഗ​ന്ധ​ർ​വ​ൻ ജി.​ദേ​വ​രാ​ജ​നു​മാ​യു​ള്ള ഇ​ണ​ക്ക​വും ഇ​ട​വേ​ള​യി​ലെ അ​ക​ൽ​ച്ച​യും പി​ന്നീ​ടു​ള്ള ഒ​ത്തു​ചേ​ര​ലും മ​ല​യാ​ള സി​നി​മ​യ്ക്ക് മ​റ​ക്കാ​നാ​കാ​ത്ത ഗാ​ന​ങ്ങ​ൾ ത​ന്നെ​യ​ല്ലേ സ​മ്മാ​നി​ച്ച​ത് ‍?

1967 -68 കാ​ല​ഘ​ട്ട​ത്തി​ൽ ചി​ത്ര​മേള, വെ​ളു​ത്ത ക​ത്രീ​ന എ​ന്നീ സി​നി​മ​ക​ൾ​ക്കു​വേ​ണ്ടി ’മ​ദം​പൊ​ട്ടി ചി​രി​ക്കു​ന്ന​ മാ​നം’, ’ആ​കാ​ശ ദീ​പ​മേ... ആ​ർ​ദ്ര ന​ക്ഷ​ത്ര​മേ’ തു​ട​ങ്ങി​യ പ്ര​ശ​സ്ത ഗാ​ന​ങ്ങ​ൾ ഞ​ങ്ങ​ളു​ടെ​താ​യി വ​ന്നു. പെ​ട്ടെ​ന്നൊ​രു ദ​ിവ​സം മാ​ഷ് എ​ന്നെ വി​ളി​ച്ച് പ​റ​ഞ്ഞു. ‘ഇ​നി​മു​ത​ൽ ഞാ​ൻ ത​ന്പി​യു​ടെ ഗാ​ന​ങ്ങ​ൾ ട്യൂ​ണ്‍ ചെ​യ്യി​ല്ല.’ ഞാ​ന​കെ വി​ഷ​മി​ച്ചു പോ​യി. ‘ന​മ്മു​ടെ ഗാ​ന​ങ്ങ​ൾ വ​ലി​യ ഹി​റ്റു​ക​ള​ല്ലേ മാ​ഷേ’ എ​ന്നു ചോ​ദി​ച്ച​പ്പോ​ൾ മാ​ഷ് പ​റ​ഞ്ഞ​ത് വ​യ​ലാ​റും ദേ​വ​രാ​ജ​നും ത​മ്മി​ലു​ള​ള വ​യ​ലാ​ർ- ദേ​വ​രാ​ജ​ൻ ടീം ​മാ​ത്രം മ​തി എ​ന്നാ​ണ്. പു​തി​യൊ​രു ഗാ​ന​ക്കൂ​ട്ടാ​യ്മ​യ്ക്കു താ​ത്പ​ര്യ​മി​ല്ല എ​ന്നും പ​റ​ഞ്ഞു.

പി​ന്നെ മാ​ഷ് ഒ​രു കാ​ര്യം കൂ​ടി പ​റ​ഞ്ഞു. ‘നി​ങ്ങ​ൾ ഒ​രു ധി​ക്കാ​രി​യാ​ണ്.’ അ​ന്ന​ത്തെ പ്രാ​യ​മ​ല്ലേ, എ​നി​ക്കു ദേ​ഷ്യ​മാ​യി. ഞാ​ൻ മാ​ഷി​നോ​ടു പ​റ​ഞ്ഞു ‘ജി. ദേവ​രാ​ജ​ൻ എ​ന്ന വ​ലി​യ​ ധി​ക്കാ​രി​ക്കു ഇ​വി​ടെ നി​ല​നി​ൽ​ക്കാ​മെ​ങ്കി​ൽ ശ്രീ​കു​മാ​ര​ൻ ത​ന്പി എ​ന്ന കൊ​ച്ച് ധി​ക്കാ​രി​ക്കും ച​ല​ച്ചി​ത്ര ഗാ​ന​ലോ​ക​ത്തി​ൽ ഇ​ട​മു​ണ്ട്. മാ​ഷി​നു മാ​ഷി​ന്‍റെ സം​ഗീ​ത​ത്തി​ൽ വി​ശ്വാ​സ​മു​ള്ള​ത് പോ​ലെ എ​നി​ക്കെ​ന്‍റെ വ​രി​ക​ളി​ലും വി​ശ്വാ​സ​മു​ണ്ട്. മാ​ഷ് ഇ​ല്ലെ​ങ്കി​ൽ മാ​ഷി​ന്‍റെ ഹാ​ർ​മോ​ണി​സ്റ്റ് ട്യൂ​ണ്‍ ചെ​യ്താ​ലും എ​ന്‍റെ പാ​ട്ടു​ക​ൾ വി​ജ​യി​ക്കും.’

എം.​കെ. അ​ർ​ജു​ന​ൻ എ​ന്ന സം​ഗീ​ത സം​വി​ധാ​യ​ക​ന്‍റെ രം​ഗപ്ര​വേ​ശ​ന​ത്തി​ന് ഈ ​വാ​ക്കു​ക​ൾ നി​മി​ത്ത​മാ​യല്ലോ ‍?

അ​ർ​ജു​ന​ന്‍റെ രം​ഗ പ്ര​വേ​ശ​ന​ത്തി​നു ഞാ​ൻ ഒ​രു നി​മി​ത്ത​മാ​യി എ​ന്നു പ​റ​യു​ന്ന​തി​നെ​ക്കാ​ൾ ഈ​ശ്വ​ര​ൻ എ​ന്നെ നി​മി​ത്ത​മാ​ക്കി എ​ന്നു പ​റ​യു​ക​യാ​വും ശ​രി. ദേ​വ​രാ​ജ​ൻ മാ​ഷി​നോ​ട് ക​യ​ർ​ത്ത് സം​സാ​ര​ച്ചി​ട്ട് പ​ടി​യി​റ​ങ്ങു​ന്പോ​ൾ എം.​കെ. അ​ർ​ജു​ന​ൻ ആ​ണ് ദേ​വ​രാ​ജ​ൻ മാ​ഷി​ന്‍റെ ഹാ​ർ​മോ​ണി​സ്റ്റ് എ​ന്നു പോ​ലും എ​നി​ക്കു അ​റി​യു​മാ​യി​രു​ന്നി​ല്ല.

1969-ൽ ​റെ​സ്റ്റ് ഹൗ​സ് പൂ​റ​ത്തി​റ​ങ്ങി​യ​ത് ശ്രീ​കു​മാ​ര​ൻ ത​ന്പി - എം.​കെ. അ​ർ​ജു​ന​ൻ ടീ​മി​ന്‍റെ ഗാ​ന​ങ്ങ​ളോ​ടെ​യാ​ണ്. അ​ത് മ​റ്റൊ​രു യാ​ദൃ​ശ്ചി​ക​ത. പി​ന്നി​ട്ട അ​ഞ്ചു​വ​ർ​ഷ​ങ്ങ​ൾ ഞ​ങ്ങ​ൾ ഒ​ന്നി​ച്ച് ഒ​ട്ട​ന​വ​ധി ഹി​റ്റ് ഗാ​ന​ങ്ങ​ൾ സൃ​ഷ്ടി​ച്ചു.

‘കാ​ല​ച​ക്രം’ എ​ന്ന സി​നി​മ​യ്ക്കു വേ​ണ്ടി​യാ​ണ് ഞാ​നും മാ​ഷും വീ​ണ്ടും ഒ​ന്നി​ക്കു​ന്ന​ത്. ഏ​റ്റ​വും വ​ലി​യ സ​ന്തോ​ഷം എ​ന്തെ​ന്നാ​ൽ ദേ​വ​രാ​ജ​ൻ മാ​ഷ് ത​ന്നെ​യാ​ണ് നി​ർ​മാ​താ​വി​നോ​ട് എ​ന്നെ വി​ളി​ക്കു​വാ​ൻ പ​റ​യു​ന്ന​ത്. കാ​ല​ച​ക്ര​ത്തി​ന്‍റെ തി​ര​ക്ക​ഥ ര​ച​ന​യും എ​നി​ക്കു ത​ന്നെ ന​ൽ​കു​വാ​നും മാ​ഷ് പ​റ​ഞ്ഞ​രു​ന്നു.

‘രാ​ക്കു​യി​ലി​ൻ രാ​ഗ സ​ദ​സി​ൽ..’, ’രൂ​പവ​തി നി​ൻ രു​ധി​രാ​ധ​രമൊ​രു രാ​ഗ പു​ഷ്പ​മാ​യി വി​ട​ർ​ന്നു...’ തു​ട​ങ്ങി​യ ഗാ​ന​ങ്ങ​ളൊ​ക്കെ അ​ങ്ങ​നെ പി​റ​ന്നതാ​ണ്. വ​ൻ ഹി​റ്റു​ക​ളാ​യി മാ​റി​യ ഈ ​ഗാ​ന​ങ്ങ​ൾ​ക്കു ശേ​ഷം 36 ചി​ത്ര​ങ്ങ​ളി​ൽ ഞ​ങ്ങ​ൾ ഒ​ന്നി​ച്ചു. വി​ധി​യു​ടെ ഒ​രു വ​ലി​യ കു​സൃ​തി​യും ഇ​വി​ടെ കു​റി​ക്കാം.

വ​യ​ലാ​ർ- ദേ​വ​രാ​ജ​ൻ കൂ​ട്ടാ​യ്മ അ​ന​ശ്വ​ര ഗാ​ന​ങ്ങ​ൾ സൃ​ഷ്ടി​ച്ചു​വെ​ങ്കി​ലും മാ​ഷി​ന് ആ​ദ്യം ല​ഭി​ച്ച സം​സ്ഥാ​ന അ​വാ​ർ​ഡ് ചി​ത്ര​മേ​ള​യി​ൽ ഞ​ങ്ങ​ൾ ഒ​ന്നി​ച്ച​പ്പോ​ൾ ആയിരുന്നു.

1969- ലാ​ണ് സം​സ്ഥാ​ന ച​ല​ച്ചി​ത്ര അ​വാ​ർ​ഡ് നി​ല​വി​ൽ വ​രു​ന്ന​ത്. 1967- ൽ ​ചി​ത്ര​മേ​ള​യി​ലെ ഗാ​ന​ങ്ങ​ളു​ടെ സം​ഗീ​ത സം​വി​ധാ​ന​ത്തി​നു ജി.​ദേ​വ​രാ​ജ​ൻ കേ​ര​ള ഫി​ലിം ഫാ​ൻ​സ് അ​സോ​സി​യേ​ഷ​ൻ അ​വാ​ർ​ഡ് ല​ഭി​ച്ചു. ആ ​പു​ര​സ്്കാ​രം കേ​ര​ള​ത്തി​ന്‍റെ അം​ഗീ​ക​ര​മാ​യി മാ​ഷ് ക​ണ്ടു.

ആ ​പു​ര​സ്കാ​ര​ത്തി​നു വ​ലി​യ വി​ല​യും​ മാ​ഷ് ന​ൽ​കി​യി​രു​ന്നു. മാ​ഷി​ന്‍റെ ജീ​വി​ത​ത്തി​ന്‍റെ അ​വ​സാ​ന കാ​ല​യ​ള​വി​ൽ ആ ​പു​ര​സ്കാ​ര​ത്തി​ന്‍റെ അ​തേ മാ​തൃ​ക​യി​ൽ ഉ​പ​ഹാ​ര​ങ്ങ​ൾ നി​ർ​മി​ച്ച് സി​നി​മാ മേ​ഖ​ല​യി​ൽ മാ​ഷു​മാ​യി പ്ര​വ​ർ​ത്തി​ച്ച​വ​ർ​ക്കെ​ല്ലാം കൊ​ടു​ത്ത​യ​ച്ചാ​യി​രു​ന്നു. ഗാ​യ​ക​ർ, ഗാ​ന​ര​ച​യി​താ​ക്ക​ൾ, സാ​ങ്കേ​തി​ക വി​ദ​ഗ്ധ​ർ അ​ങ്ങ​നെ എ​ല്ലാ​വ​ർ​ക്കും മാ​ഷി​ന്‍റെ നി​റ​ഞ്ഞ സ്നേ​ഹ​മാ​യി എ​നി​ക്കും ല​ഭി​ച്ചു ഈ ​ഉ​പ​ഹാ​രം.

എ​സ്. മ​ഞ്ജു​ളാ​ദേ​വി