പ്ര​തി​ക​രി​ക്കു​ന്ന ശി​ല്പ​ങ്ങ​ൾ
2019 ഡി​സം​ബ​ർ 31. രാ​ത്രി പ​തി​നൊ​ന്നു​മ​ണി​യോ​ട​ടു​ക്കു​ന്നു. ലോ​കം മു​ഴു​വ​ൻ പു​തു​വ​ർ​ഷ​ത്തെ വ​ര​വേ​ൽ​ക്കാ​നു​ള്ള അ​വ​സാ​ന ഒ​രു​ക്ക​ത്തി​ൽ. വ​ലി​യ പോ​ളി​ഫോ​മി​ൽ വെ​ട്ടി​യെ​ടു​ത്ത് പെ​യി​ന്‍റു ചെ​യ്ത 2020 Happy New Year എ​ന്ന അ​ക്ഷ​ര​ങ്ങ​ളു​മാ​യി അ​യാ​ൾ യാ​ത്ര തു​ട​ങ്ങി. പു​ന്ന​ക്ക​ബ​സാ​റി​ലെ ല​ഹ​രി​വി​മു​ക്ത പു​തു​വ​ത്സ​രാ​ഘോ​ഷ​ത്തി​ലേ​ക്ക്. മ​തി​ല​കം ബാ​ങ്ക് ജം​ഗ്ഷ​നു സ​മീ​പം പാ​ഞ്ഞു​വ​ന്ന സ്വ​കാ ര്യ സൂ​പ്പ​ർ ഫാ​സ്റ്റി​നു ക​ട​ന്നു​പോ​കാ​നാ​യി സൈ​ഡ് കൊ​ടു​ത്തു; പൊ​ടു​ന്ന​നെ എ​തി​രേ നി​ന്നൊ​രു വ​ണ്ടി. ബ​സി​ന് മ​റി​ക​ട​ക്കാ​നാ​യി​ല്ല. അ​യാ​ളു​ടെ കാ​റി​നു പു​റ​കി​ൽ ശ​ക്ത​മാ​യ ഇ​ടി. നി​യ​ന്ത്ര​ണം വി​ട്ട കാ​ർ ഇ​ല​ക്‌ട്രി​ക് പോ​സ്റ്റും ത​ക​ർ​ത്ത് മു​ന്നോ​ട്ടു​പോ​യി; സൈ​ഡ് വീ​ൽ കാ​ന​യി​ൽ കു​രു​ങ്ങി​നി​ന്നു.

ഇ​നി ഡാ​വി​ഞ്ചി ത​ന്നെ പ​റ​യ​ട്ടെ: "എ​ല്ലാം ഒ​രു നി​മി​ഷം​കൊ​ണ്ട് ക​ഴി​ഞ്ഞു. ത​ല​യ്ക്കു​മീ​തെ ഇ​ല​ക്ട്രി​ക് പോ​സ്റ്റ് വീ​ണ് വ​ണ്ടി ത​രി​പ്പ​ണ​മാ​യി. ഞാ​നാ​കെ ഞെ​ട്ടി​ത്ത​രി​ച്ചു. ഒ​രെ​ത്തും​പി​ടി​യും കി​ട്ടാ​തെ മ​ന​സാ​കെ ബ്ലാ​ങ്കാ​യി. ഒ​രു വി​ധേ​നെ ഡോ​ർ തു​റ​ന്ന് ഡ്രൈ​വിം​ഗ് സീ​റ്റി​ൽ​നി​ന്നും പു​റ​ത്തി​റ​ങ്ങി. എം​എ​ൽ​എ​യു​ടെ ഡ്രൈ​വ​റാ​യ സു​ഹൃ​ത്ത് ഷ​മീ​റി​നെ വി​ളി​ച്ചു. അ​വ​ൻ ഉ​ട​ൻ വാ​ഹ​ന​വു​മാ​യെ​ത്തി. നി​മി​ഷ​ങ്ങ​ൾ​ക്കു​ള്ളി​ൽ പ്രോ​ഗ്രാം വേ​ദി​യി​ലേ​ക്ക്.

പു​ന​ർ​ജന്മവു​മാ​യി പു​തു​വ​ത്സ​ര​ത്തി​ലേ​ക്ക്

അ​വി​ടെ സ്വാ​ഗ​ത​പ്ര​സം​ഗം തു​ട​ങ്ങി​യി​രു​ന്നു. ജി​ല്ലാ ക​ള​ക്ട​റും എ​സ്പി​യും എ​ല്ലാം ഉ​ണ്ട്. പ്രോ​ഗ്രാം സ്റ്റേ​ജി​ൽ നി​ൽ​ക്കു​ന്ന എം​എ​ൽ​എ ഇ.​ടി.​ ടൈ​സ​ൻ മാ​സ്റ്റ​ർ ഒ​ന്നും അ​റി​ഞ്ഞി​ട്ടി​ല്ല. എ​ന്നെ ക​ണ്ട​പാ​ടെ, വേ​ദി​യി​ലേ​ക്കു വി​ളി​ച്ചു​ക​യ​റ്റി. ഒ​രു പൊ​ന്നാ​ട​യെ​ടു​ത്ത് അ​ണി​യി​ച്ചു, കൈ​യി​ൽ ഒ​രു ഉ​പ​ഹാ​ര​വും ത​ന്നി​ട്ട് ര​ണ്ടുവാ​ക്ക് സം​സാ​രി​ക്കാ​ൻ പ​റ​ഞ്ഞു... അ​പ​ക​ട​ത്തി​ന്‍റെ ഞെ​ട്ട​ൽ മാ​റാ​ത്ത അ​വ​സ്ഥ​യി​ൽ എ​ന്തു പ​റ​യാ​ൻ... പു​തു​വ​ത്സ​ര​ത്തെ എ​തി​രേ​ൽ​ക്കാ​ൻ നി​ൽ​ക്കു​ന്ന​വ​രെ അ​പ​ക​ട​ക​ഥ പ​റ​ഞ്ഞ് മു​ഷി​പ്പി​ക്ക​ണ്ടെ​ന്നു ക​രു​തി. ഏ​വ​ർ​ക്കും പു​തു​വ​ത്സ​രാ​ശം​സ​ക​ൾ മാ​ത്രം നേ​ർ​ന്നു.

സ്റ്റേ​ജി​ൽ നി​ന്നി​റ​ങ്ങു​ന്പോ​ഴും എ​ന്‍റെ ചി​ന്ത കാ​റി​ന്‍റെ മു​ൻ​വ​ശ​വും പി​ൻ​വ​ശ​വും പൂ​ർ​ണ​മാ​യും ത​ക​ർ​ന്നി​ട്ടും ഒ​രു പോ​റ​ൽ​പോ​ലും ഏൽ​ക്കാ​തെ ദൈ​വം എ​ന്നെ ര​ക്ഷി​ച്ച​ത് എ​ന്തി​നാ​യി​രു​ന്നു... പു​തു​വ​ത്സ​ര​ത്തി​ലെ ആ​ദ്യ​ചി​ത്ര​മാ​യി ആ ​പ്ര​ഭാ​ത​ത്തി​ൽ ഞാ​ൻ വ​ര​ച്ച​തും ആ ​അ​ദ്ഭു​ത​ദൃ​ശ്യ​മാ​യി​രു​ന്നു; സോ​ഫ്റ്റ് പെ​സ്റ്റ​ലി​ൽ. ഇ​ന്നെ​നി​ക്കു തോ​ന്നു​ന്നു ഈ ​പു​ന​ർ​ജന്മം ഒ​രു ഗി​ന്ന​സ് റെ​ക്കോ​ർ​ഡി​ലേ​ക്കു​ള്ള പ്ര​യാ​ണ​മാ​ണെ​ന്ന്.

പ​തി​നൊ​ന്നു മ​ക്ക​ളി​ൽ പ​ത്താ​മ​നാ​യി

എ​റി​യാ​ട് മാ​ട​വ​ന തി​രു​വ​ള്ളൂ​ർ പു​തി​യെ​ല​ത്ത് കാ​ർ​ത്തി​കേ​യ​ന്‍റെ​യും ക​ല്യാ​ണി​യു​ടെ​യും പ​തി​നൊ​ന്നു മ​ക്ക​ളി​ൽ പ​ത്താ​മ​നാ​യാ​ണ് 1974 ജൂ​ണ്‍ 26ന് ​സു​രേ​ഷി​ന്‍റെ ജ​ന​നം. വീ​ടി​നു തൊ​ട്ട​ടു​ത്തു​ള്ള ശി​ശു​വി​ദ്യാ​പോ​ഷി​ണി​യി​ലാ​യി​രു​ന്നു പ്രാ​ഥ​മി​ക വി​ദ്യാ​ഭ്യാ​സം. തു​ട​ർ​ന്ന് പ​ത്തു​വ​രെ എ​റി​യാ​ട് കെ​വി​എ​ച്ച്എ​സി​ൽ. സ്കൂ​ൾ കാ​ല​ഘ​ട്ട​ത്തിൽ ഒ​രു സ​ക​ല​ക​ലാ​വ​ല്ല​ഭ​നാ​യി​രു​ന്ന സു​രേ​ഷ് 10-ാം ക്ലാ​സി​ലെ സ്കൂ​ൾ യു​വ​ജ​നോ​ത്സ​വ​ത്തി​ൽ പ​ത്തി​ന​ങ്ങ​ളി​ൽ മ​ത്സ​രി​ച്ച് ആ​റ് ഒ​ന്നാം സ്ഥാ​ന​വും ര​ണ്ട് ര​ണ്ടാം സ്ഥാ​ന​വും ക​ര​സ്ഥ​മാ​ക്കി റി​ക്കാ​ർ​ഡി​ട്ടു. നാ​ട​കം, മി​മി​ക്രി, മോ​ണോ​ആ​ക്ട്, ക്ലേ ​മോ​ഡ​ലിം​ഗ്, ജ​ലച്ചാ​യം, ചി​ത്ര​ര​ച​ന തു​ട​ങ്ങി​യ​വ​യാ​യി​രു​ന്നു ഇ​ഷ്ട​ ഇ​ന​ങ്ങ​ൾ. ര​ണ്ടാം ക്ലാ​സി​ൽ ക്ലേ ​മോ​ഡ​ലിം​ഗി​നു സ​മ്മാ​ന​മാ​യി കി​ട്ടി​യ റൂ​ൾ പെ​ൻ​സി​ലാ​യി​രു​ന്നു ആ​ദ്യ സ​മ്മാ​ന​മെ​ന്ന് ഈ ​യു​വ​ശി​ല്പി ഇ​ന്നും ഓ​ർ​ക്കു​ന്നു.

ഡാ​വി​ഞ്ചി എ​ന്ന നാ​മം

ആ​യു​ർ​വേ​ദ പ​ച്ച​മ​രു​ന്ന് ക​ന്പ​നി​യി​ലെ വൈ​ദ്യ​രു​ടെ സ​ഹാ​യി​യാ​യി​രു​ന്ന അ​ച്ഛ​ന് 11 മ​ക്ക​ളെ​യും ഉ​ന്ന​തവി​ദ്യാ​ഭ്യാ​സ​ത്തി​നു പ്രാ​പ്ത​രാ​ക്കു​ക​യെ​ന്ന​ത് അ​ന്ന​ത്തെ കാ​ല​ത്ത് പ്രാ​യോ​ഗി​ക​മാ​യി​രു​ന്നി​ല്ല; ത​ന്നെ​യു​മ​ല്ല ഞാ​നൊ​രു പ​ഠി​പ്പി​സ്റ്റും ആ​യി​രു​ന്നി​ല്ല. അ​തി​നാ​ൽ വി​ദ്യാ​ഭ്യാ​സം എ​സ്എ​സ്എ​ൽ​സി​യോ​ടെ തീ​ർ​ന്നു. പി​ന്നീ​ട് ജ്യേ​ഷ്ഠ​ൻ ഉ​ണ്ണി​കൃ​ഷ്ണ​നാ​യി​രു​ന്നു എ​നി​ക്ക് ഗു​രു. അ​ദ്ദേ​ഹ​ത്തി​ന് ഒ​രു പ​ര​സ്യ​ക്ക​ന്പ​നി​യു​ണ്ടാ​യി​രു​ന്നു; ഇ​ന്ന​ത്തെ പ​ര​സ്യ​ക്ക​ന്പ​നി​യ​ല്ല. ചു​മ​രെ​ഴു​ത്ത്, ബോ​ർ​ഡ്, ഹോ​ർ​ഡിം​ഗ് എ​ന്നി​വ​യു​ടെ ഒ​രു പ​ര​സ്യ​ക്ക​ന്പ​നി. അ​തി​ന്‍റെ പേ​രാ​യി​രു​ന്നു ഡാ​വി​ഞ്ചി. അ​തി​ലൂ​ടെ​യാ​ണ് പേ​രി​ന്‍റെ കൂ​ടെ ഡാ​വി​ഞ്ചി​യെ​ന്ന വി​ശേ​ഷ​ണം ക​യ​റി​പ്പ​റ്റി​യ​ത്. അ​ങ്ങ​നെ പി.​കെ.​ സു​രേ​ഷ് ഡാ​വി​ഞ്ചി സു​രേ​ഷാ​യി.

അ​ന്ന് മ​റ്റൊ​രു ജ്യേ​ഷ്ഠ​ൻ (സ​ന്തോ​ഷ്) ഫൈ​നാ​ർ​ട്സ് കോ​ള​ജി​ൽ പ​ഠി​ച്ചി​രു​ന്നു. അ​ദ്ദേ​ഹ​ത്തി​ന്‍റെ ട്രൂ​പ്പി​ലൂ​ടെ മി​മി​ക്രി​യും അ​ര​ങ്ങു​ത​ക​ർ​ത്തു. എ​ട്ടു​വ​ർ​ഷ​ക്കാ​ലം കൊ​ച്ചി​ൻ ക​ലാ​സാ​രം​ഗി എ​ന്നൊ​രു മി​മി​ക്രി ട്രൂ​പ്പും ന​ട​ത്തി.

ജീ​വി​തം മാ​റ്റി​മ​റി​ച്ച സി​നി​മാ ഡ​യ​ലോ​ഗ്

ഇ​ക്കാ​ല​ത്താ​ണ് ലോ​ഹി​ത​ദാ​സി​ന്‍റെ "വീ​ണ്ടും ചി​ല വീ​ട്ടു​കാ​ര്യ​ങ്ങ​ൾ’ എ​ന്ന സി​നി​മ ഇ​റ​ങ്ങി​യ​ത്. അ​തി​ൽ മി​മി​ക്രി​ക്കാ​ര​നാ​യ ജ​യ​റാ​മി​നോ​ട് ചോ​ദി​ക്കു​ന്ന ഒ​രു ചോ​ദ്യ​മു​ണ്ട്. "ചോ​ക്കു​മ​ല​യി​ൽ ഇ​രി​ക്കു​ന്ന​വ​ൻ ചോ​ക്കു​തേ​ടി​പ്പോ​യ ക​ഥ കേ​ട്ടി​ട്ടു​ണ്ടോ’​യെ​ന്ന്. ഈ​യൊ​രു ഡ​യ​ലോ​ഗാ​ണ് ഇ​യാ​ളെ ഇ​രു​ത്തി​ചി​ന്തി​പ്പി​ച്ച​ത്; ജീ​വി​തം മാ​റ്റി​മ​റി​ച്ച​ത്. അ​തോ​ടെ മി​മി​ക്രി നി​ർ​ത്തി. ദൈ​വം ദാ​ന​മാ​യി ന​ൽ​കി​യ ശി​ല്പ​ക​ല​യി​ലേ​ക്കു തി​രി​ഞ്ഞു. ശി​ല്​പ​ക​ല​യെ ആ​ധു​നി​ക സാ​ങ്കേ​തി​ക​വി​ദ്യ​യു​മാ​യി കൂ​ട്ടി​യി​ണ​ക്കി ച​ലി​ക്കു​ന്ന ശി​ല്പ​ങ്ങ​ൾ നി​ർ​മി​ച്ചു.

2001 മു​ത​ൽ തൃ​ശൂ​ർ ജി​ല്ല​യി​ലെ പ​ള്ളി​പ്പെ​രു​ന്നാ​ളു​ക​ൾ​ക്കും ഉ​ത്സ​വ​ങ്ങ​ൾ​ക്കു​മെ​ല്ലാം ഈ ​ച​ല​നാ​ത്മ​ക ശി​ല്പ​ങ്ങ​ൾ വി​സ്മ​യ​കാ​ഴ്ച​യാ​യി. ഇ​രി​ങ്ങാ​ല​ക്കു​ട സെ​ന്‍റ് തോ​മ​സ് ക​ത്തീ​ഡ്ര​ലി​ലെ പി​ണ്ടി​പ്പെ​രു​ന്നാ​ളി​നു ന​ട​ൻ ജ​യ​ൻ ഹെ​ലി​കോ​പ്റ്റ​റി​ൽ തൂ​ങ്ങി​ക്കി​ട​ക്കു​ന്ന ശി​ല്പ​ത്തോ​ടെ​യാ​യി​രു​ന്നു തു​ട​ക്കം.

താ​ല​പ്പൊ​ലി​ക്കാ​വി​ലെ ഡാ​വി​ഞ്ചി കോ​ർ​ണ​ർ

കൊ​ടു​ങ്ങ​ല്ലൂ​ർ ശ്രീ ​കു​രും​ബ ഭ​ഗ​വ​തി ക്ഷേ​ത്ര​ത്തി​ലെ താ​ല​പ്പൊ​ലി കാ​ണാ​നെ​ത്തു​ന്ന​വ​ർ ഓ​ടി തെ​ക്കേ​ന​ട​യി​ലെ സ്റ്റേ​ജി​നോ​ടു ചേ​ർ​ന്നു​ള്ള "ഡാ​വി​ഞ്ചി​മൂ​ല’​യി​ൽ എ​ത്തും. ഇ​ത്ത​വ​ണ എ​ന്തു വി​സ്മ​യ​മാ​ണ് ഒ​രു​ക്കി​യി​രി​ക്കു​ന്ന​തെ​ന്ന​റി​യാ​ൻ. ഇ​രു​പ​തു വ​ർ​ഷം മു​ന്പ് ജ​യ​നി​ൽ തു​ട​ങ്ങി​യ ച​ല​നാ​ത്മ​ക ശി​ല്പ​ക്കാ​ഴ്ച മു​ട​ങ്ങാ​തെ ഇ​പ്പോ​ഴും തു​ട​രു​ന്നു; ഇ​ത്ത​വ​ണ കു​ട്ടി​ക​ളു​ടെ ഇ​ഷ്ട​താ​ര​ങ്ങ​ളാ​യ അ​വ​ഞ്ചേ​ഴ്സാ​യി​രു​ന്നു വി​സ്മ​യം തീ​ർ​ത്ത​ത്. ആ​ന​യും ന​ട​ൻ സ​ലിം​കു​മാ​റും, ഡി​നോ​സ​ർ, അ​നാ​ക്കൊ​ണ്ട, കിം​ഗ് കോം​ഗ്, ഗോ​ഡ്സി​ല, ക​ഥ​ക​ളി, പു​ലി​മു​രു​ക​ൻ എ​ന്നി​ങ്ങ​നെ മാ​റി​മാ​റി ഇ​വി​ടെ വ​ന്നു. 35 അ​ടി വ​രെ ഉ​യ​ര​മു​ള്ള ജീ​വി​ക​ളു​ടെ കൈ​യും കാ​ലും ത​ല​യും ക​ണ്ണും വാ​യും വ​രെ അ​ന​ങ്ങു​ന്ന രീ​തി​യി​ലാ​ണു ശി​ല്പ​നി​ർ​മാ​ണം. കൊ​ച്ചി​ൻ ഹ​നീ​ഫ, ക​ലാ​ഭ​വ​ൻ മ​ണി, ഗി​ന്ന​സ് പ​ക്രു, ബി​ജു​ക്കു​ട്ട​ൻ തു​ട​ങ്ങി​യ​വ​രെ​ല്ലാം ശി​ല്പ​ങ്ങ​ളു​ടെ ഭാ​ഗ​മാ​യ​പ്പോ​ൾ അ​വ​രെ​ല്ലാം നേ​രി​ട്ടു​വ​ന്ന് ആ​സ്വ​ദി​ക്കു​ക​യും അ​ഭി​ന​ന്ദി​ക്കു​ക​യും ചെ​യ്തു. ത​മി​ഴ്നാ​ട്, ക​ർ​ണാ​ട​ക, ആ​ന്ധ്രപ്ര​ദേ​ശ് എ​ന്നി​വി​ട​ങ്ങ​ളി​ലും ഖ​ത്ത​റി​ലുംവ​രെ ചി​ല ശി​ല്പ​ങ്ങ​ൾ പ്ര​ദ​ർ​ശി​പ്പി​ച്ചു. പ​തി​ന​ഞ്ചു സ്ഥ​ല​ങ്ങ​ളി​ലെ​ങ്കി​ലും പ്ര​ദ​ർ​ശി​പ്പി​ച്ചാ​ലേ മു​ട​ക്കു​മു​ത​ൽ തി​രി​കെ​കി​ട്ടു​ക​യു​ള്ളൂ​വെ​ന്ന് സു​രേ​ഷ് പ​റ​യു​ന്നു.

പ്ര​തി​ക​രി​ക്കു​ന്ന ശി​ല്പ​ങ്ങ​ൾ

2012ൽ ​ഇ​ന്ത്യാ മ​ഹാ​രാ​ജ്യ​ത്തി​ന്‍റെ ഉ​ള്ളു​ല​ച്ച "നി​ർ​ഭ​യ’ സം​ഭ​വ​ത്തോ​ടെ​യാ​ണ് ക​ല​യി​ലൂ​ടെ ത​ന്‍റെ പ്ര​തി​ക​ര​ണ​ങ്ങ​ൾ സ​മൂ​ഹ​ത്തെ അ​റി​യി​ക്കു​ന്ന രീ​തി സു​രേ​ഷ് തു​ട​ങ്ങി​യ​ത്. കൊ​ടു​ങ്ങ​ല്ലൂ​രി​ന​ടു​ത്ത് അ​ഴീ​ക്കോ​ട് മു​ന​യ്ക്ക​ൽ ബീ​ച്ചി​ൽ 50 അ​ടി നീ​ള​ത്തി​ൽ മ​ണ​ൽ ശി​ല്പം ഒ​രു​ക്കി​യാ​ണ് "നി​ർ​ഭ​യ’ അ​നു​ഭ​വി​ച്ച ദു​ര​ന്ത​ത്തി​ന്‍റെ ആ​ഴം ആ​വി​ഷ്ക​രി​ച്ച​ത്. മു​ല്ല​പ്പെ​രി​യാ​ർ നി​റ​ഞ്ഞ​പ്പോ​ഴും സു​രേ​ഷ് മു​ന​യ്ക്ക​ലി​ൽ മ​ണ​ൽ​ശി​ല്പ​മൊ​രു​ക്കി. അ​ട്ട​പ്പാ​ടി​യി​ൽ ആ​ൾ​ക്കൂ​ട്ടം മ​ധു​വി​നെ മ​ർ​ദി​ച്ചു​കൊ​ല​പ്പെ​ടു​ത്തി​യ​പ്പോ​ൾ നി​സ​ഹാ​യ​നാ​യി നി​ൽ​ക്കു​ന്ന മ​ധു​വി​ന്‍റെ ഒ​ന്ന​രയ​ടി​ മാ​ത്രം വ​ലി​പ്പ​മു​ള്ള ക​ളി​മ​ണ്‍​ശി​ല്പം തീ​ർ​ത്ത് ഡാ​വി​ഞ്ചി സ​മൂ​ഹ​ത്തോ​ടു സം​വ​ദി​ച്ചു; ഇ​തു സോ​ഷ്യ​ൽ മീ​ഡി​യ​യി​ൽ വ​ൻ ത​രം​ഗ​മാ​യി. ക​ത്‌വ പെ​ണ്‍​കു​ട്ടി​യു​ടെ ക​ളി​മ​ണ്‍​ശി​ല്പ​വും ഒ​ടി​യ​ൻ ശി​ല്പ​വും ഏ​റെ ച​ർ​ച്ച​ചെ​യ്യ​പ്പെ​ട്ടു.

ച​രി​ത്ര​മാ​യ പ്ര​ള​യ​ശി​ല്പം

പ്ര​ള​യ​ത്തെ അ​തി​ജീ​വി​ച്ച കേ​ര​ള​ക്ക​ര​യ്ക്കാ​യി തീ​ർ​ത്ത പ്ര​ള​യശി​ല്പം കേ​ര​ള ല​ളി​ത​ക​ലാ അ​ക്കാ​ദ​മി ഏ​റ്റെ​ടു​ക്കു​ക​യും ലേ​ലം ചെ​യ്ത് കി​ട്ടി​യ ഒ​രു ല​ക്ഷം രൂ​പ മു​ഖ്യ​മ​ന്ത്രി​യു​ടെ പ്ര​ള​യ ദു​രി​താ​ശ്വാ​സ​നി​ധി​യി​ലേ​ക്കു ന​ൽ​കു​ക​യും ചെ​യ്തു. ലേ​ലം ചെ​യ്ത​ശേ​ഷം സ്പീ​ക്ക​ർ പി. ​ശ്രീ​രാ​മ​കൃ​ഷ്ണ​ന്‍റെ അ​ഭ്യ​ർ​ഥ​ന മാ​നി​ച്ച് ലേ​ലം ചെ​യ്ത​വ​ർ ഇ​ത് നി​യ​മ​സ​ഭാ മ്യൂ​സി​യ​ത്തി​ലേ​ക്കു ന​ൽ​കു​ക​യും പ്ര​ള​യ​സ്മാ​ര​ക​മാ​യി അ​വി​ടെ പ്ര​തി​ഷ്ഠി​ക്കു​ക​യും ചെ​യ്തു. പ്ര​ള​യ​ത്തി​ല​ക​പ്പെ​ട്ട​വ​ർ​ക്കു ത​ന്‍റെ ക​ട​യി​ലെ മു​ഴു​വ​ൻ തു​ണി​യും ന​ൽ​കി​യ എ​റ​ണാ​കു​ള​ത്തു​കാ​ര​ൻ നൗ​ഷാ​ദി​നു ഡാ​വി​ഞ്ചി കൃ​ത​ജ്ഞ​തോ​പ​ഹാ​രം ന​ൽ​കി​യ​ത് തു​ണി​കൊ​ണ്ടു​ള്ള ഒ​രു കൂ​റ്റ​ൻ ചി​ത്രം ഒ​രു​ക്കി​യാ​യി​രു​ന്നു.

"ര​ക്തം വാ​ർ​ത്ത' മ​ണി​ശി​ല്പം

പ്ര​ള​യം ക​ഴി​ഞ്ഞ​തോ​ടെ ക​ലാ​ഭ​വ​ൻ മ​ണി​യു​ടെ സ്മാ​ര​ക​ത്തി​ൽ തീ​ർ​ത്തി​ട്ടു​ള്ള മ​ണി​ശി​ല്പം "ര​ക്തം വാ​ർ​ക്കു​ന്നു’ എ​ന്നൊ​രു വാ​ർ​ത്ത പ​ര​ന്നു. സോ​ഷ്യ​ൽ മീ​ഡി​യ​യി​ൽ സം​ഗ​തി വൈ​റ​ലാ​യ​തോ​ടെ ആ​കെ പു​കി​ലാ​യി; ഡാ​വി​ഞ്ചി ഓ​ടി​യെ​ത്തി. നോ​ക്കി​യ​പ്പോ​ൾ കാ​ര്യം പി​ടി​കി​ട്ടി. വെ​ള്ള​പ്പൊ​ക്ക​ത്തി​ൽ ഈ ​പ്ര​ദേ​ശ​മെ​ല്ലാം വെ​ള്ള​ത്തി​ന​ടി​യി​ലാ​യി​രു​ന്നു. വെ​ള്ള​മി​റ​ങ്ങി​യ​പ്പോ​ൾ പ്ര​തി​മ​യു​ടെ കൈ​യ്ക്കു​ള്ളി​ൽ വ​ച്ചി​രു​ന്ന ഇ​രു​ന്പു​ക​ന്പി​യി​ൽ​നി​ന്നും തു​രു​ന്പ് ചു​വ​ന്ന​ക​ള​റി​ൽ പു​റ​ത്തേ​ക്കൊ​ഴു​കി​യ​താ​യി​രു​ന്നു.

ഗാ​ന്ധി​ജി​യി​ലൂ​ടെ യൂ​ണി​വേ​ഴ്സ​ൽ റി​ക്കാ​ർ​ഡ്

ഇ​ക്ക​ഴി​ഞ്ഞ ന​വം​ബ​റി​ൽ ക​ഴി​ന്പ്രം ബീ​ച്ചി​ൽ "ദീ​പോ​ത്സ​വം’ എ​ന്ന പേ​രി​ൽ 1500 ദീ​പ​ങ്ങ​ൾ ഒ​രു​ക്കി (ചി​ര​ട്ട​യി​ൽ മെ​ഴു​കു​തി​രി ക​ത്തി​ച്ച്) ഗാ​ന്ധി​ജി​യു​ടെ രൂ​പം തീ​ർ​ത്ത​തി​ന് യൂ​ണി​വേ​ഴ്സ​ൽ റെ​ക്കോ​ർ​ഡ് ഫോ​റം അം​ഗീ​കാ​രം ന​ൽ​കി. ഗാ​ന്ധി​ജി​യു​ടെ 150-ാം ജന്മ​വാ​ർ​ഷി​ക​ത്തോ​ട​നു​ബ​ന്ധി​ച്ച് 120 അ​ടി നീ​ള​ത്തി​ലും 100 അ​ടി വീ​തി​യി​ലു​മൊ​രു​ക്കി​യ ഈ ​ദീ​പ​ശി​ല്പം ടി.​എ​ൻ. ​പ്ര​താ​പ​ൻ എം​പി​യാ​ണ് ഉ​ദ്ഘാ​ട​നം ചെ​യ്ത​ത്. ആ​യി​ര​ത്തോ​ളം പേ​ർ ചേ​ർ​ന്നാ​ണ് ഇ​വ തെ​ളി​ച്ച​ത്.

അ​ന്പ​തോ​ളം മീ​ഡി​യ​ങ്ങ​ൾ

വൈ​വി​ധ്യ​മാ​ർ​ന്ന ചി​ത്ര​ര​ച​നാ സ​ങ്കേ​ത​ങ്ങ​ൾ​കൊ​ണ്ട് അ​ന​ന്യ​മാ​യ ക​ലാ​സൃ​ഷ്ടി​ക​ൾ​ക്കു ജന്മം ​കൊ​ടു​ക്കു​ക​യാ​ണു ഡാ​വി​ഞ്ചി. ത്രി​മാ​ന​സ്വ​ഭാ​വ​മു​ള്ള ചി​ത്ര​ങ്ങ​ൾ, ഒ​പ്ടി​ക്ക​ൽ ഇ​ല്യൂ​ഷ​ൻ ചി​ത്ര​ങ്ങ​ൾ, വെ​ള്ള​ത്തി​നു മു​ക​ളി​ൽ ചായം ​ഉ​പ​യോ​ഗി​ച്ചു ചി​ത്ര​ര​ച​ന, അ​ഗ്നി ഉ​പ​യോ​ഗി​ച്ചു​കൊ​ണ്ടു​ള്ള ചി​ത്ര​ര​ച​ന, മെ​ഴു​കു​തി​രി പു​ക​കൊ​ണ്ട് ചി​ത്രം​വ​ര, വി​ര​ൽ​ ചി​ത്ര​ങ്ങ​ൾ, കാ​പ്പി​പ്പൊ​ടി ചി​ത്ര​ങ്ങ​ൾ, മ​ണ​ൽ​ചി​ത്ര​ങ്ങ​ൾ, പ​ഴം-​പ​ച്ച​ക്ക​റി ചി​ത്ര​ങ്ങ​ൾ എ​ന്നി​ങ്ങ​നെ അ​ന്പ​തോ​ളം വി​വി​ധ മീ​ഡി​യ​ങ്ങ​ളി​ൽ ചി​ത്ര​ങ്ങ​ൾ രൂ​പ​പ്പെ​ടു​ത്തി​യി​ട്ടു​ണ്ട്.

മാ​ള ലീ​ഡ​ർ സ്ക്വ​യ​റി​ലെ കെ.​ ക​രു​ണാ​ക​ര​ന്‍റെ വെ​ങ്ക​ല പ്ര​തി​മ, അ​ടു​ക്ക​ള​പ്പാ​ത്ര​ങ്ങ​ൾ ഉ​പ​യോ​ഗി​ച്ച് ഒ​രു​ക്കി​യ മോ​ഹ​ൻ​ലാ​ൽ ചി​ത്രം, ഫൈ​ബ​റി​ൽ നി​ർ​മി​ച്ച ലോ​ഹി​ത​ദാ​സ് ശി​ല്പം, കാ​രി​ക്കേ​ച്ച​ർ പ്ര​തി​മ, ന​ട​ൻ വി​ജ​യിന്‍റെ റ​ബ​ർ പ്ര​തി​മ, വീ​ട്ടി​ത്ത​ടി​യി​ൽ നി​ർ​മി​ച്ച മ​മ്മൂ​ട്ടി -​ ര​ജ​നീ​കാ​ന്ത് ശി​ല്പ​ങ്ങ​ൾ, കു​മി​ഴ് മ​ര​ത്തി​ൽ കൊ​ത്തി​യ ഗാ​ന​ ഗ​ന്ധ​ർ​വ​ൻ യേ​ശു​ദാ​സ് എ​ന്നി​ങ്ങ​നെ ഡാ​വി​ഞ്ചി​യു​ടെ സ​ങ്കേ​ത​ങ്ങ​ളുടെ നി​ര നീ​ളു​ക​യാ​ണ്.

ക​ല​യി​ലൂ​ടെ ന​വോ​ത്ഥാ​നം

ഉ​പ​ജീ​വ​ന​ത്തോ​ടൊ​പ്പം ക​ല​യെ ന​വോ​ത്ഥാ​ന​ത്തി​നു​ള്ള ഉ​പാ​ധി​യാ​ക്കാ​നു​ള്ള തീ​വ്ര​ശ്ര​മ​മാ​ണ് ഡാ​വി​ഞ്ചി​യു​ടേ​ത്. ആ​വി​ഷ്കാ​ര സ്വാ​ത​ന്ത്ര്യ​ത്തി​ലൂ​ടെ, സ​മൂ​ഹ​നന്മ​യ്ക്കു​ത​കു​ന്ന സൃ​ഷ്ടി​ക​ളു​ടെ ത​ന​താ​യ കൈ​യൊ​പ്പു ചാ​ർ​ത്തി ക​ട​ന്നു​പോ​ക​ണ​മെ​ന്നാ​ണ് ഈ ​ശി​ല്പി​യു​ടെ ആ​ഗ്ര​ഹം. അ​തി​നു ഭാ​ര്യ ഹേ​മ​ല​ത​യു​ടെ​യും മ​ക്ക​ളാ​യ ഇ​ന്ദു​ലേ​ഖ, ഇ​ന്ദ്ര​ജി​ത്ത് (ഇ​രു​വ​രും വി​ദ്യാ​ർ​ഥി​ക​ൾ) എ​ന്നി​വ​രു​ടെ​യും പൂ​ർ​ണ​പി​ന്തു​ണ​യും ഇ​ദ്ദേ​ഹ​ത്തി​നു​ണ്ട്.

സാ​മൂ​ഹ്യ​വി​ഷ​യ​ങ്ങ​ളി​ൽ ത​ന്‍റേതാ​യ നി​ല​പാ​ടു​ക​ൾ ആ​വി​ഷ്ക​രി​ക്കാ​ൻ, ജ​ന​മ​ന​സു​ക​ളി​ലെ​ത്തി​ക്കാ​ൻ ചി​ത്ര​ക​ല​യു​ടെ ഒ​രു ന​വ​സ​ങ്കേ​തം ഇ​ദ്ദേ​ഹം തെ​ര​ഞ്ഞെ​ടു​ക്കു​ന്നു. "ഒ​രു മൈ​ക്കും സ്റ്റേ​ജും ത​ന്നി​ട്ട് ഒരു മ​ണി​ക്കൂ​ർ പ്ര​സം​ഗി​ക്കാ​ൻ പ​റ​ഞ്ഞാ​ൽ അ​തെ​ന്നെ​ക്കൊ​ണ്ട് ആ​വി​ല്ല. എ​ന്‍റെ മ​ന​സി​ലെ ആ​ശ​യ​ങ്ങ​ൾ വാ​ക്കു​ക​ളാ​യി പു​റ​ത്തു​വ​രി​ല്ല. പ​ക്ഷേ, എ​ന്‍റെ ആ​ശ​യ​ങ്ങ​ൾ ചി​ത്ര​ങ്ങ​ളി​ലൂ​ടെ, ശി​ല്പ​ങ്ങ​ളി​ലൂ​ടെ പു​റ​ത്തു​വ​രും. അ​വ എ​നി​ക്കു​വേ​ണ്ടി ഒ​ന്ന​ല്ല, മ​ണി​ക്കൂ​റു​ക​ൾ, ദി​വ​സ​ങ്ങ​ൾ പ്ര​സം​ഗി​ക്കും’.

സെ​ബി മാ​ളി​യേ​ക്ക​ൽ