ഹൊബാർട്ട്: ടാസ്മാനിയയുടെ തലസ്ഥാന നഗരിയായ ഹൊബാർട്ടിലെ മലയാളികളുടെ സംഘടനയായ ഹൊബാർട്ട് മലയാളി അസോസിയേഷന്‍(എച്ച്എംഎ) പുതിയ നേതൃത്വം നിലവിൽ വന്നു.
യുവജനങ്ങൾക്ക് പ്രാധാന്യം കൊടുത്തുകൊണ്ടുള്ള പുതിയ ഭരണസമിതിയിൽ ജെനോ ജേക്കബ് പ്രസിഡന്‍റായും അമൽ ചന്ദ്രൻ സെക്രട്ടറിയായും ഹെൻറി നിക്കോളാസ് ട്രഷററായും തെരഞ്ഞെടുക്കപ്പെട്ടിട്ടുണ്ട്. ടോമി ജോസഫ്, ബീന റോയ്, സോജൻ ജോസഫ്, ജിബി ആന്‍റണി, പ്രകാശ് മത്തായി, ഡിക്സണ്‍ ജോസ് എന്നിവരെ എക്സികുട്ടീവ് കമ്മറ്റിയിലേക്കും റൂബൻ ആന്‍റണിയും ഇതിഹാസ് മോഹനും കമ്മറ്റി മെന്പർമാരായും തെരഞ്ഞെടുക്കപ്പെട്ടു. വിദ്യാർഥികൾ മുതൽ മുതിർന്ന പൗരന്മാർ വരെ ഉള്ളവർക്ക് തുല്യ പ്രാധാന്യം കൊടുത്തുകൊണ്ടുള്ള കമ്മിറ്റിയാണ് ഒരു പൊതുമിനിമം പരിപാടിയുടെ വെളിച്ചത്തിൽ പ്രവർത്തിക്കുന്നത്.
റിപ്പോർട്ട്: വി.ജെ. ജോണ്സണ്