ബുഡാപെസ്റ്റ്: തിങ്ങിനിറഞ്ഞ ആരാധകരുടെ മുന്നില്‍ ബുഡ്‌പെസ്റ്റ് ഹോന്‍വെദ് താരങ്ങള്‍ ഹംഗേറിയന്‍ കപ്പ് ഫൈനല്‍ ജയിച്ച് കിരീടമുയര്‍ത്തി. സാമൂഹ്യ അകലം പാലിക്കുകയെന്ന നിര്‍ദേശത്ത് തള്ളിക്കള്ളഞ്ഞാണ് കാണികള്‍ മത്സരം കാണാനിരുന്നത്.
മത്സരത്തില്‍ ഹോന്‍വെദ് 2-1ന് മെസൊകോവെസ്ദ് സോസ്‌റിയെ പരാജയപ്പെടുത്തി. ജോര്‍ജ് കാംബറാണ് സമനില പൊട്ടിച്ച് വിജയഗോള്‍ നേടിയത്.
കൊറോണ വൈറസ് വ്യാപനത്തെത്തുടര്‍ന്ന് നിര്‍ത്തിവച്ച ഫുട്‌ബോള്‍ മത്സരങ്ങള്‍ കഴിഞ്ഞ മാസമാണ് ഹംഗറിയില്‍ പുനരാരംഭിച്ചത്. കാണികളെ പ്രവേശിപ്പിച്ചുകൊണ്ടാണ് ഹംഗറിയില്‍ ഫുട്‌ബോള്‍ മത്സരങ്ങള്‍ പുനരാരംഭിച്ചത്. കടുത്ത നിയന്ത്രണങ്ങള്‍ പാലിച്ചുകൊണ്ട്ാണ് കാണികളെ സ്റ്റേഡിയത്തില്‍ പ്രവേശിപ്പിച്ചത്. ഓരോരുത്തരും ഇരിക്കുന്നതിനിടെ മൂന്നു സീറ്റ് വെറുതെയിടണം. ആരുടെയും തൊട്ടു മുമ്പിലോ പിന്നിലോ ഇരിക്കരുതെന്നും നിര്‍ദേശങ്ങളുണ്ട്. എന്നാല്‍ മത്സരത്തിന്‍റെ ആവേശത്തില്‍ ആരാധകര്‍ ഈ നിര്‍ദേശങ്ങളെല്ലാം കാറ്റില്‍ പറത്തി.
കളിക്കാരും അവരുമായി ബന്ധപ്പെട്ടവരും കൊറോണ വൈറസ് പരിശോധന നടത്തി അസുഖബാധ ഇല്ലെന്ന് ഉറപ്പുണ്ടെങ്കില്‍ മാത്രമേ കളത്തിലെത്താവൂ എന്നു നിര്‍ദേശവും ഹംഗറിയിലുണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.