മാഡ്രിഡ്: കോവിഡ് -19നെത്തുടര്‍ന്ന് മൂന്നു മാസത്തോളം മുടങ്ങിയ ലാ ലിഗ ഫുട്‌ബോള്‍ പുനരാരംഭിക്കാന്‍ ഒരുങ്ങുന്നു. ജൂണ്‍ 11ന് സെവിയ്യയും റയല്‍ ബെറ്റിസും തമ്മിലുള്ള പോരാട്ടത്തോടെയാണ് ലീഗ് പുനരാരംഭിക്കുന്നത്. കിരീടപോരാട്ടത്തില്‍ മുന്‍പന്തിയിലുള്ള ബാഴ്‌സലോണ 13നും റയല്‍ മാഡ്രിഡ് 14നും ഇറങ്ങും. ഒന്നാം സ്ഥാനത്തുള്ള ബാഴ്‌സലോണ എവേ പോരാട്ടത്തില്‍ രണ്ടാം സ്ഥാനക്കാരായ റയല്‍ മയ്യോര്‍ക്കയെ നേരിടുമ്പോള്‍ റയല്‍ മാഡ്രിഡ് സ്വന്തം മണ്ണില്‍ ഐബറുമായി ഏറ്റുമുട്ടും. ഏഴു ദിവസത്തെ ഫിക്ചറാണ് പ്രഖ്യാപിച്ചിരിക്കുന്നത്.
ജൂണ്‍ 16ന് ബാഴ്‌സ സ്വന്തം ഗ്രൗണ്ടില്‍ ലെഗനസുമായി ഏറ്റുമുട്ടും. റയല്‍ സ്വന്തം കളത്തില്‍ വലന്‍സിയയെ നേരിടും. റയല്‍ മാഡ്രിഡിന് ഇനി ശേഷിക്കുന്ന ആറു ഹോം മത്സരങ്ങളും 6000 പേരെ ഉള്‍ക്കൊള്ളുന്ന ആല്‍ഫ്രെഡോ ഡി സ്‌റ്റെഫാനോ സ്‌റ്റേഡിയത്തിലാകും നടക്കുക. സാന്‍റിയാഗോ ബര്‍ണാബു സ്‌റ്റേഡിയത്തില്‍ നവീകരണ പരിപാടികള്‍ നടക്കുന്നതുകൊണ്ടാണ് മത്സരങ്ങള്‍ ആല്‍ഫ്രെഡോ ഡി സ്‌റ്റെഫാനോ സ്‌റ്റേഡിയത്തിലേക്കു മാറ്റിയത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.