കൊച്ചി: രാജ്യത്തെ പ്രമുഖ കണ്‍സ്യൂമര്‍ ഇലക്‌ട്രിക്കല്‍, ഇലക്‌ട്രോണിക്‌സ് കന്പനിയായ വി ഗാര്‍ഡ് ഇന്‍ഡസ്ട്രീസ് ലിമിറ്റഡ് മാര്‍ച്ച് 31ന് അവസാനിച്ച 2019-20 നാലാം പാദത്തിലെയും പൂര്‍ണ സാന്പത്തിക വര്‍ഷത്തിലെയും പ്രവര്‍ത്തനഫലം പ്രഖ്യാപിച്ചു. നികുതിക്കുശേഷമുള്ള മൊത്തലാഭം 188.25 കോടി രൂപ. മുന്‍ കൊല്ലത്തെ (168 കോടി) അപേക്ഷിച്ച് 12 ശതമാനം വര്‍ധനയാണു കന്പനി നേടിയിരിക്കുന്നത്.
പാദത്തിലെ മൊത്തം പ്രവര്‍ത്തന വരുമാനം 541.14 കോടി രൂപ. മുന്‍ കൊല്ലം ഇതേ കാലയളവിലെ വരുമാനത്തില്‍ (745.78 കോടി) നിന്ന് 27.45 ശതമാനം ഇടിവ്. കോവിഡ് 19 നേരിടാനുള്ള ദേശീയ ലോക്ക് ഡൗണ്‍ വിറ്റുവരവിനെയും ലാഭത്തെയും പ്രതികൂലമായി ബാധിച്ചു.
മൊത്തം പ്രവര്‍ത്തന വരുമാനം 2502.94 കോടി രൂപ. മുന്‍ കൊല്ലത്തെ വരുമാനത്തില്‍ (2594 കോടി) നിന്ന് 3.5ശതമാനം ഇടിവ്. 2019-20 സാന്പത്തികവര്‍ഷം തികഞ്ഞ വെല്ലുവിളി ഉയര്‍ത്തുന്നതായിരുന്നെന്ന് വി ഗാര്‍ഡ് മാനേജിംഗ് ഡയറക്ടര്‍ മിഥുന്‍ കെ. ചിറ്റിലപ്പിള്ളി പറഞ്ഞു. ഈ വെല്ലുവിളിക്കിടയിലും ലാഭം ഗണ്യമായി ഉയര്‍ത്താന്‍ കഴിഞ്ഞുവെന്നും അദ്ദേഹം പറഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.