മുംബൈ: ടിക് ടോക്കിന്റെ ഇന്ത്യൻ എതിരാളിയായി അറിയപ്പെട്ടിരുന്ന മിട്രോണ്‍ ആപ് ഗൂഗിൾ പ്ലേ സ്റ്റോറിൽനിന്ന് അപ്രത്യക്ഷ്യമായി. 50 ലക്ഷത്തോളം ഡൗണ്ലോഡ്സ് സ്വന്തമാക്കിയിരുന്ന മിട്രോണിന് ഒട്ടേറെ സുരക്ഷാ പ്രശ്നങ്ങളുണ്ടെന്നുള്ള റിപ്പോർട്ടുകൾ വ്യാപകമായിരുന്നു.
അതേസമയം ആപ് പ്ലേസ്റ്റോറിൽനിന്ന് അധികൃതർ നീക്കം ചെയ്തതാണോ അതോ ആപ് ഡെവലപ്പേഴ്സ് തന്നെ പിൻവലിച്ചതാണോ എന്നു വ്യക്തമായിട്ടില്ല. പ്ലേസ്റ്റോറിൽനിന്ന് അപ്രത്യക്ഷമായ സ്ഥിതിക്ക് മിട്രോൺ ഇനി ഉപയോഗിക്കുന്നത് സുരക്ഷിതമല്ലെന്നും എത്രയും വേഗം ആപ് അണ്‍ഇൻസ്റ്റാൾ ചെയ്യണമെന്നും ടെക് വിദഗ്ധർ അറിയിച്ചു.
പാക്കിസ്ഥാനിലുള്ള ഏതാനും ആപ് ഡെവലപ്പേഴ്സ് രൂപപ്പെടുത്തിയ ടിക് ടിക് എന്ന ആപ്പിന്‍റെ തനിപ്പകർപ്പാണ് മിട്രോണെന്നും തുച്ഛമായ തുകയ്ക്ക് ഇവരിൽനിന്നു സോഴ്സ് കോഡ് വാങ്ങിയാണ് മിട്രോണ്‍ തുടങ്ങിയതെന്നും ആരോപണമുയർന്നിരുന്നു. ഐഐടി വിദ്യാർഥിയായ ഷിബാൻഗ് അഗർവാൾ ആണ് മിട്രോണിന്‍റെ ഉടമ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.