ഡിട്രോയിറ്റ്: കേരളക്ലബ്ബിന്‍റെ നേതൃത്വത്തിൽ ആരോഗ്യ മേഖലയിൽ പ്രവർത്തിക്കുന്നവരെയും അവശ്യ ജീവനക്കാരെയും ആദരിക്കുന്നതിന്‍റെ ഭാഗമായി "നാദകൈരളി' എന്ന സംഗീത പരിപാടി ജൂണ്‍ 6 ശനിയാഴ്ച രാവിലെ 10 മുതൽ സൂം സംവിധാനത്തിലൂടെ നടത്തപ്പെടുന്നു.
കേരളക്ലബ്ബിന്‍റെ കേരളൈറ്റ് എന്ന മാസികയുടെ ആദ്യ ഡിജിറ്റൽ പതിപ്പിന്‍റെ പ്രകാശനവും ഈ അവസരത്തിൽ നടക്കും. മുഖ്യാതിഥിയായി എത്തുന്ന ഡോ. ശശി തരൂർ എംപി ആരോഗ്യ പ്രവർത്തകരേ ആദരിക്കുകയും ഒപ്പം കേരളൈറ്റ് ഡിജിറ്റൽ പതിപ്പിന്‍റെ പ്രകാശനം നിർവഹിക്കുകയും ചെയ്യും. തുടർന്നു കേരളത്തിലെ പ്രമുഖരായ ഗായകരോടൊപ്പം മിഷിഗണിലെ ഗായകരും ഗാനങ്ങൾ ആലപിക്കുന്ന നാദകൈരളി എന്ന സംഗീത പരിപാടി നടക്കും. പ്രദീപ് സോമസുന്ദരം, പൂർണാ ഏബ്രഹാം, ഡോക്ടർ സാം കടമ്മനിട്ട, രചിതാ രാമദാസ്, ഷൈജു അയർലൻഡ്, മുരളി രാമനാഥൻ, രമേശ് ബാബു, സതീഷ് മടന്പത്, ബിനി പണിക്കർ എന്നിവർ ഗാനങ്ങൾ ആലപിക്കും. കൂടുതൽ വിവരങ്ങൾക്ക് കേരളക്ലബ് പ്രെസിഡൻറ് അജയ് അലക്സ് 734-392-4798 ബന്ധപ്പെടുക. Zoom meeting ID : 741 711 3069 Password- kc2020
റിപ്പോർട്ട്: അലൻ ചെന്നിത്തല