സ്പെയിനിൽനിന്ന് കട്ടപ്പനയിലേക്ക് ഒരു ലോംഗ് പാസ്
കു​ടി​യേ​റ്റ​ത്തി​ന്‍റെ ച​രി​ത്ര​മു​റ​ങ്ങു​ന്ന മ​ണ്ണാ​ണ് ഇ​ടു​ക്കി ജി​ല്ല​യിൽ ​ക​ട്ട​പ്പ​ന​യ്ക്ക​ടു​ത്തു​ള്ള മേ​രി​കു​ളം. അ​ന്ന​ത്തി​നു വ​ക തേ​ടി നാ​ട്ടി​ൻ​പു​റ​ത്തുനി​ന്നു അ​ധ്വാ​നി​ക്കാ​ൻ മ​ടി​യി​ല്ലാ​ത്ത മ​നു​ഷ്യ​ർ മ​ല​ക​യ​റി വ​ന്ന ആ​ദ്യ കു​ടി​യേ​റ്റ മേ​ഖ​ല​യാ​യ അ​യ്യ​പ്പ​ൻ​കോ​വി​ൽ പ​ഞ്ചാ​യ​ത്തി​ന്‍റെ ആ​സ്ഥാ​നം. ര​ണ്ടു വ​ർ​ഷം മു​ൻ​പ് ക​ട​ൽ ക​ട​ന്നെ​ത്തി​യ ഒ​രു സം​ഘം വി​ദേ​ശി​ക​ൾ കു​ടി​യേ​റ്റ​ത്തി​ന്‍റെ ത്ര​സി​പ്പി​ക്കു​ന്ന ച​രി​ത്ര​മു​ള്ള മേ​രി​കു​ള​ത്തി​ന്‍റെ ഹൃ​ദ​യ​ഭാ​ഗ​ത്ത് സ്ഥി​തി ചെ​യ്യു​ന്ന സെ​ന്‍റ് മേ​രീ​സ് ഹ​യ​ർ​സെ​ക്ക​ൻ​ഡ​റി സ്കൂ​ളി​ന്‍റെ പ​ടി ക​യ​റി വ​ന്നു.

ഫു​ട്ബോ​ൾ ത​ങ്ങ​ളു​ടെ വി​കാ​ര​വും ജീ​വി​ത​ത്തി​ന്‍റെ ഭാ​ഗ​വു​മെ​ന്ന പോ​ലെ ഏ​റ്റെ​ടു​ത്തി​രി​ക്കു​ന്ന സ്പെ​യി​നി​ലെ വി​ഖ്യാ​ത ഫു​ട്ബോ​ൾ ക്ല​ബാ​യ റ​യ​ൽ മാ​ഡ്രി​ഡി​ന്‍റെ സാ​ര​ഥി​ക​ളാ​യി​രു​ന്നു അ​വ​ർ. ഇ​വ​ർ എ​ത്തി​യ​തി​നു പി​ന്നാ​ലെ ഈ ​മ​ല​യോ​ര​ഗ്രാ​മ​ത്തി​ൽ ഉ​യ​ർ​ന്നു കേ​ട്ടു തു​ട​ങ്ങി​യ​താ​ക​ട്ടെ കാ​ൽ​പ്പ​ന്തു​ക​ളി​യു​ടെ ആ​ര​വം. അ​തു വ​രെ ഫു​ട്ബോ​ളി​ന്‍റെ പെ​രു​മ കാ​ര്യ​മാ​യി എ​ത്തി​യി​ട്ടി​ല്ലാ​ത്ത മ​ല​യോ​ര ഗ്രാ​മ​ത്തി​ലേ​ക്ക് സ്പെ​യി​നി​ൽ നി​ന്നും ഒ​രു നീ​ണ്ട വി​സി​ൽ മു​ഴ​ങ്ങി.

ക​ളി​യെ​ഴു​ത്ത് പേ​ജു​ക​ളി​ലൂ​ടെ കേ​ട്ട​റി​ഞ്ഞി​രു​ന്ന ലോ​കോ​ത്ത​ര ഫു​ട്ബോ​ൾ ക്ല​ബാ​യ റ​യ​ൽ മാ​ഡ്രി​ഡ് ക്ല​ബ് മേ​രി​കു​ളം സെ​ന്‍റ് മേ​രീ​സ് ഹ​യ​ർ​സെ​ക്ക​ൻ​ഡ​റി സ്കൂ​ളി​നു മു​ന്നി​ലെ ചെ​മ്മ​ണ്‍ മൈ​താ​ന​ത്തേ​ക്ക് അ​വ​രു​ടെ ഫു​ട്ബോ​ളി​നെ പ​റി​ച്ചു ന​ടു​ക​യാ​യി​രു​ന്നു. റ​യ​ൽ മാ​ഡ്രി​ഡ് എ​ന്ന വ​ന്പ​ന്‍റെ പി​ൻ​ബ​ല​ത്തോ​ടെ ക്രി​ക്ക​റ്റു പോ​ലു​ള്ള ക​ളി​ക​ളി​ൽ നി​ന്നും മാ​റി സ്കൂ​ളി​ലെ കു​ട്ടി​ക്കൂ​ട്ട​ങ്ങ​ൾ ഇ​വി​ടെ ആ​വേ​ശ​ത്തോ​ടെ ഫു​ട്ബോ​ൾ ത​ട്ടാ​ൻ തു​ട​ങ്ങി. അ​ഞ്ചു വ​യ​സു​കാ​ര​ൻ മു​ത​ൽ 18 വ​യ​സു വ​രെ പ്രാ​യ​മു​ള്ള കു​ട്ടി​ക​ൾ സ്പാ​നി​ഷ് ക്ല​ബി​ന്‍റെ പി​ൻ​ബ​ല​ത്തോ​ടെ പ​ന്തു​മാ​യി മൈ​താ​നം നി​റ​യു​ന്നു. റ​യ​ൽ​മാ​ഡ്രി​ഡി​നൊ​പ്പം പി​ന്തു​ണ​യു​മാ​യി സ്കൂ​ൾ മാ​നേ​ജ്മെ​ന്‍റും നാ​ട്ടു​കാ​രും ഒ​ത്തുപി​ടി​ച്ച​തോ​ടെ പു​തി​യൊ​രു കാ​യി​ക​മു​ന്നേ​റ്റ​ത്തി​നു തു​ട​ക്ക​മി​ടു​ക​യാ​യി​രു​ന്നു മേ​രി​കു​ളം സെ​ന്‍റ് മേ​രീ​സ് ഹ​യ​ർ​സെ​ക്ക​ൻ​ഡ​റി സ്കൂ​ൾ.

സ്വ​പ്ന​ത്തി​ലേ​ക്കു​ള്ള ലോം​ഗ്പാ​സ്

മ​ണ്ണി​ൽ പ​ണി​തു പൊ​ന്നു​വി​ള​യി​ച്ച മേ​രി​കു​ള​ത്തെ ക​ർ​ഷ​ക​ർ​ക്ക് ഒ​രു പ​ക്ഷെ സ്പാ​നി​ഷ് ഫു​ട്ബോ​ൾ ക്ല​ബാ​യ റ​യ​ൽ മാ​ഡ്രി​ഡി​നെ കു​റി​ച്ച് കാ​ര്യ​മാ​യ​റി​യി​ല്ലാ​യി​രു​ന്നു. എ​ന്നാ​ൽ സ്പെ​യി​നി​ലെ റ​യ​ൽ​മാ​ഡ്രി​ഡ് ഫു​ട്ബോ​ൾ അ​ക്കാ​ദ​മി അ​ധി​കൃ​ത​ർ ഇ​വ​രു​ടെ കു​ട്ടി​ക​ളു​ടെ മു​ന്നി​ലേ​ക്കാ​ണ് നീ​ട്ടി​യൊ​രു പാ​സ് ന​ൽ​കി​യ​ത്. ഈ ​പാ​സി​ന്‍റെ പി​ൻ​ബ​ല​ത്തി​ലാ​ണ് മേ​രി​കു​ള​ത്തെ കു​ട്ടി​ക​ൾ ഇ​പ്പോ​ൾ ഗോ​ള​ടി​ച്ചു ക​യ​റു​ന്ന​ത്. എ​ല്ലാ ദി​വ​സ​വും വൈ​കു​ന്നേ​രം മേ​രി​കു​ളം സെ​ന്‍റ് മേ​രീ​സ് ഹ​യ​ർ​സെ​ക്ക​ൻ​ഡ​റി സ്കൂ​ളി​നു മു​ന്നി​ലെ മൈ​താ​ന​ത്ത് കാ​ൽ​പ്പ​ന്തു ക​ളി​ക്കു​ന്ന കു​ട്ടി​ക​ളു​ടെ ഓ​രോ കാ​ല​ടി​പ്പാ​ടു​ക​ളി​ലും റ​യ​ൽ​മാ​ഡ്രി​ഡ് എ​ന്ന വി​ഖ്യാ​ത ഫു​ട്ബോ​ൾ ക്ല​ബി​ന്‍റെ പേ​രു പ​തി​ഞ്ഞി​രി​ക്കു​ന്നു. ഇ​വി​ടെ പ​ന്തു ത​ട്ടു​ന്ന ക​ളി​ക്കൂ​ട്ട​ത്തി​ൽ നി​ന്നും ഒ​രു രാ​ജ്യാ​ന്ത​ര ഫു​ട്ബോ​ൾ​താ​രം പി​റ​വി​യെ​ടു​ക്കു​മോ​യെ​ന്ന​റി​യാ​നാ​ണ് ഇ​വി​ടത്തെ നാ​ട്ടു​കാ​രു​ടെ കാ​ത്തി​രി​പ്പ്.

ആ ​സ്വ​പ്ന​ത്തി​ലേ​ക്കു​ള്ള മു​ന്നൊ​രു​ക്ക​മാ​ണ് മേ​രി​കു​ളം സെ​ന്‍റ് മേ​രീ​സ് സ്കൂ​ൾ സ്റ്റേ​ഡി​യ​ത്തി​ൽ ദി​വ​സ​വും ന​ട​ക്കു​ന്ന​ത്. ഓ​ട്ട​വും ചാ​ട്ട​വും ചെ​റി​യ ക്രി​ക്ക​റ്റ് മ​ൽ​സ​ര​വും മാ​ത്ര​മാ​യി കു​ട്ടി​ക​ൾ നി​റ​ഞ്ഞി​രു​ന്ന മൈ​താ​ന​ത്ത് ഇ​പ്പോ​ൾ എ​ല്ലാ ദി​വ​സ​വും പ​തി​വാ​യി വൈ​കു​ന്നേ​ര​ങ്ങ​ളി​ൽ പ​ന്തു ത​ട്ടു​ന്ന​ത് 120 ജോ​ടി ബൂ​ട്ടു​ക​ളാ​ണ്. റ​യ​ൽ മാ​ഡ്രി​ഡ് ഫു​ട്ബോ​ൾ അ​ക്കാ​ദ​മി​യു​ടെ കീ​ഴി​ൽ പ​രി​ശീ​ല​നം ന​ട​ത്തു​ന്ന കേ​ര​ള​ത്തി​ലെ ഭാ​വി ഫു​ട്ബോ​ൾ താ​ര​ങ്ങ​ളാ​ണ് ഈ ​ബു​ട്ടു​ക​ളു​ടെ ഉ​ട​മ​ക​ൾ. മേ​രി​കു​ള​ത്തെ കു​ട്ടി​ക​ളു​ടെ മ​ന​സി​ലേ​ക്ക് ഫു​ട്ബോ​ൾ ക​ളി​യു​ടെ ആ​വേ​ശം നി​റ​യ്ക്കാ​നും റ​യ​ൽ മാ​ഡ്രി​ഡെ​ന്ന ലോ​ക പ്ര​ശ​സ്ത ഫു​ട്ബോ​ൾ ക്ല​ബി​നാ​യി. കാ​ര​ണം വെ​റും നേ​ര​ന്പോ​ക്ക​ല്ല മ​റി​ച്ച് ഫു​ട്ബോ​ൾ ഇ​വ​രു​ടെ വി​ദ്യാ​ല​യ ജീ​വി​ത​ത്തി​ന്‍റെ ഭാ​ഗ​മാ​യി​ക്ക​ഴി​ഞ്ഞു എ​ന്ന​താ​ണ് സ​ത്യം.



വി​സി​ല​ടി​ച്ചു തു​ട​ങ്ങി​യി​ട്ട് ര​ണ്ടു വ​ർ​ഷം

ഗ്രാ​മീ​ണ മേ​ഖ​ല​ക​ളി​ൽ ഫു​ട്ബോ​ളി​നു കൂ​ടു​ത​ൽ വേ​രോ​ട്ട​മു​ണ്ടാ​ക്കു​ന്ന​തി​നും മി​ടു​ക്ക​രാ​യ കു​ട്ടി​ക​ളെ ഭാ​വി താ​ര​ങ്ങ​ളാ​യി വാ​ർ​ത്തെ​ടു​ക്കു​ന്ന​തി​നു​മു​ള്ള സം​രം​ഭ​മെ​ന്ന നി​ല​യ്ക്കാ​ണ് ലോ​ക പ്ര​ശസ്ത ഫു​ട്ബോ​ൾ ക്ല​ബാ​യ റ​യ​ൽ മാ​ഡ്രി​ഡി​ന്‍റെ നേ​തൃ​ത്വ​ത്തി​ൽ ര​ണ്ടു വ​ർ​ഷ​ം മു​ൻ​പ് രാ​ജ്യ​ത്ത് മൂ​ന്നു ഫു​ട്ബോ​ൾ ട്രെ​യി​നിം​ഗ് സെ​ന്‍റ​റു​ക​ൾ ആ​ര​ംഭി​ച്ച​ത്. ഒ​ന്ന് ത​മി​ഴ്നാ​ട്ടി​ലെ തി​രു​ച്ചി​റ​പ്പ​ള്ളി​യി​ലും മ​റ്റൊ​ന്ന് കൊ​ൽ​ക്കൊ​ത്ത​യി​ലും കേ​ര​ള​ത്തി​ലെ ഏ​ക സെ​ന്‍റ​ർ മേ​രി​കു​ളം സെ​ന്‍റ് മേ​രീ​സ് ഹ​യ​ർ​സെ​ക്ക​ൻ​ഡ​റി സ്കൂ​ൾ കേ​ന്ദ്രീ​ക​രി​ച്ചു​മാ​ണ് പ്ര​വ​ർ​ത്ത​ന​മാ​രം​ഭി​ച്ച​ത്. സോ​ഷ്യ​ൽ സ്പോ​ർ​ട്സ് സ്കൂ​ൾ എ​ന്ന പേ​രി​ൽ ആ​രം​ഭി​ച്ചി​രി​ക്കു​ന്ന പ​ദ്ധ​തി കാ​ഞ്ഞി​ര​പ്പ​ള്ളി കേ​ന്ദ്ര​മാ​യി പ്ര​വ​ർ​ത്തി​ക്കു​ന്ന വി.​കെ​യ​ർ സെ​ന്‍റ​റി​ന്‍റെ സ​ഹ​ക​ര​ണ​ത്തോ​ടെ​യാ​ണ് മേ​രി​കു​ള​ത്ത് ആ​രം​ഭി​ച്ച​ത്.

സ്പെ​യി​നി​ലെ സ​ന്ന​ദ്ധ സം​ഘ​ട​ന​യാ​യ ഹോ​പ്പ് ആ​ൻഡ് ജോ​യ് ഫൗ​ണ്ടേ​ഷ​ൻ ആ​ണ് പ​ദ്ധ​തി​യു​ടെ പ്ര​ധാ​ന പ്രാ​യോ​ജ​ക​ർ. വി.​കെ​യ​ർ സെ​ന്‍റ​റി​ന്‍റെ ഡ​യ​റ​ക്ട​റും കേ​ര​ള ഓ​ർ​ഫ​നേ​ജ് ക​ണ്‍​ട്രോ​ൾ ബോ​ർ​ഡ് ചെ​യ​ർ​മാ​നു​മാ​യ ഫാ. ​റോ​യി വ​ട​ക്കേ​ൽ ആ​ണ് റ​യ​ൽ മാ​ഡ്രി​ഡ് ഫൗ​ണ്ടേ​ഷ​നു​മാ​യി ബ​ന്ധ​പ്പെ​ട്ട് ഇ​തി​നാ​യി മു​ൻ​കൈ​യെ​ടു​ത്ത​ത്. കാ​ഞ്ഞി​ര​പ്പ​ള്ളി രൂ​പ​ത എ​ഡ്യു​ക്കേ​ഷ​ൻ കോ​ർ​പ്പ​റേ​റ്റ് മാ​നേ​ജ​ർ ഫാ. ​സ​ഖ​റി​യാ​സ് ഇ​ല്ലി​ക്ക​മു​റി​യി​ൽ പൂ​ർ​ണ പി​ന്തു​ണ ന​ൽ​കി​യ​തോ​ടെ പ​ദ്ധ​തി മേ​രി​കു​ള​മെ​ന്ന ത​ട്ട​ക​ത്തി​ലേ​ക്കെ​ത്തി.

ആ​റു വ​ർ​ഷ​മാ​യി മേ​രി​കു​ളം സെ​ന്‍റ് ജോ​ർ​ജ് ഇ​ട​വ​ക​യു​ടെ സാ​ര​ഥി​യും സ്കൂ​ൾ മാ​നേ​ജ​രു​മാ​യ ഫാ. ​ഫി​ലി​പ്പ് ത​ട​ത്തി​ല​ിന്‍റെ​യും പ്രി​ൻ​സി​പ്പ​ൽ പി.​ജെ.​സെ​ൻ, ഹെ​ഡ്മി​സ്ട്ര​സ് സെ​ലി​ൻ തോ​മ​സ് എ​ന്നി​വ​രു​ടെ​യും നാ​ട്ടു​കാ​രു​ടെ​യും പ​ഞ്ചാ​യ​ത്തി​ന്‍റെ​യും പി​ന്തു​ണ കൂ​ടി​യാ​യ​തോ​ടെ കാ​ര്യ​ങ്ങ​ൾ വേ​ഗ​ത്തി​ലാ​യി.

സെ​ല​ക്ഷ​നി​ലൂ​ടെ ക​ളി​യും ക​രി​യ​റും

സോ​ഷ്യ​ൽ സ്പോ​ർ​ട്സ് സ്കൂ​ളി​ലേ​ക്കു​ള്ള കു​ട്ടി​ക​ളു​ടെ പ്ര​വേ​ശ​ന​ത്തി​നു​ള്ള തെ​ര​ഞ്ഞെ​ടു​പ്പും വേ​റി​ട്ട​താ​യി​രു​ന്നു. കു​ട്ടി​ക​ൾ​ക്ക് ഫു​ട്ബോ​ളി​നോ​ടു​ള്ള താ​ൽ​പ​ര്യം മാ​ത്ര​മ​ല്ല റ​യ​ൽ​മാ​ഡ്രി​ഡ് മാ​ന​ദ​ണ്ഡ​മാ​ക്കി​യ​ത്. ഭാ​വി​യി​ൽ ഫു​ട്ബോ​ൾ എ​ന്ന ത​ട്ട​ക​ത്തി​ലൂ​ടെ കു​ട്ടി​ക​ളു​ടെ ക​രി​യ​ർ മെ​ച്ച​പ്പെ​ടു​ത്തു​ക എ​ന്ന​തും പ്ര​ധാ​ന ല​ക്ഷ്യ​മാ​യി. പ്ര​വേ​ശ​നം നേ​ടാ​നാ​ഗ്ര​ഹി​ക്കു​ന്ന കു​ട്ടി​ക​ളു​ടെ പ​ട്ടി​ക ത​യാ​റാ​ക്കി ഇ​വ​രു​ടെ കു​ടും​ബ​പ​ശ്ചാ​ത്ത​ലം മ​ന​സി​ലാ​ക്കു​ക​യാ​യി​രു​ന്നു ഇ​തി​ൽ പ്ര​ധാ​നം. പി​ന്നീ​ടാ​ണ് ഫു​ട്ബോ​ൾ കോ​ച്ചു​മാ​രു​ടെ പ്ര​ത്യേ​ക പാ​ന​ൽ താ​ര​ങ്ങ​ളെ തെ​ര​ഞ്ഞെ​ടു​ക്കു​ന്ന​ത്. ഫു​ട്ബോ​ളി​നോ​ടു​ള്ള ആ​ഭി​മു​ഖ്യ​വും കാ​യി​ക​മാ​യ മി​ക​വും പ്ര​ധാ​ന​മാ​യി പ​രി​ഗ​ണി​ച്ചു. എ​ല്ലാം ത​ന്നെ റ​യ​ൽ മാ​ഡ്രി​ഡി​ൽ നി​ന്നു​ള്ള വി​ദ​ഗ്ധരു​ടെ നി​ർ​ദേ​ശം അ​നു​സ​രി​ച്ചു മാ​ത്രം. പ​രി​ശീ​ല​നം ന​ൽ​കു​ന്ന ഫു​ട്ബോ​ൾ കോ​ച്ചു​മാ​ർ​ക്ക് ട്രി​ച്ചി​യി​ലും കേ​ര​ള​ത്തി​ലും റ​യ​ൽ​മാ​ഡ്രി​​ൽ നി​ന്നു​ള്ള സം​ഘം പ്ര​ത്യേ​ക പ​രി​ശീ​ല​നം ന​ൽ​കി.

ആ​ദ്യ​ഘ​ട്ട​ത്തി​ൽ സ്കൂ​ളി​ലെ കാ​യി​കാ​ധ്യാ​പ​ക​ർ​ക്കും പു​റ​മെ നി​ന്നു സ്കൂ​ളി​ൽ ഫു​ട്ബോ​ൾ പ​രി​ശീ​ല​നം ന​ൽ​കാ​നെ​ത്തു​ന്ന കോ​ച്ചു​മാ​ർ​ക്കും വി​ദ​ഗ്ധ പ​രി​ശീ​ല​നം ന​ൽ​കി. പി​ന്നീ​ട് 2018-ജ​നു​വ​രി 12ന് ​സ്കൂ​ളി​ൽ സോ​ഷ്യ​ൽ സ്പോ​ർ​ട്സ് സ്കൂ​ളി​ന്‍റെ ഒൗ​ദ്യോ​ഗി​ക ഉ​ദ്ഘാ​ട​നം ജ​ന​പ​ങ്കാ​ളി​ത്ത​ത്തോ​ടെ ന​ട​ത്തി. ആ​ദ്യ​വ​ർ​ഷ​ത്തി​ൽ പ​രി​ശീ​ല​നം നേ​ടാ​നെ​ത്തി​യ​ത് ആ​ണ്‍​കു​ട്ടി​ക​ളും പെ​ണ്‍​കു​ട്ടി​ക​ളും ഉ​ൾ​പ്പെ​ടെ 100 വി​ദ്യാ​ർ​ഥി​ക​ൾ. തു​ട​ർ​ന്ന് ജ​നു​വ​രി 29ന് ​റ​യ​ൽ​മാ​ഡ്രി​ഡ് ഫൗ​ണ്ടേ​ഷ​ൻ ഇ​ന്‍റ​ർ​നാ​ഷ​ണ​ൽ മാ​നേ​ജ​ർ റോ​സ റോ​ണ്‍​കാ​ൾ ജി​മെ​നെ​സ് , പ്രോ​ജ​ക്ട് ഓ​ഫീ​സ​ർ ല​ക്ടീ​സി​യ ഒ​ള​വ​രി​യ എ​ന്നി​വ​ർ സ്കൂ​ളി​ൽ സ​ന്ദ​ർ​ശ​നം ന​ട​ത്തി ആ​വ​ശ്യ​മാ​യ നി​ർ​ദേ​ശ​ങ്ങ​ൾ ന​ൽ​കി.

സ്കൂ​ളി​ലെ​ത്തു​ക മാ​ത്ര​മ​ല്ല പ​രി​ശീ​ല​ന​ത്തി​ൽ പ​ങ്കെ​ടു​ക്കു​ന്ന കു​ട്ടി​ക​ളു​ടെ വീ​ടു​ക​ളി​ൽ സ​ന്ദ​ർ​ശ​നം ന​ട​ത്തി ഇ​വ​രു​ടെ സാ​ഹ​ച​ര്യ​ങ്ങ​ൾ മ​ന​സി​ലാ​ക്കു​ക​യും ചെ​യ്തു ഇ​വ​ർ. ഇ​തി​നു പു​റ​മെ പ​ദ്ധ​തി​ക്കു ചു​ക്കാ​ൻ പി​ടി​ക്കു​ന്ന ഹോ​പ്പ് ആ​ൻഡ് ജോ​യ് ഫൗ​ണ്ടേ​ഷ​ൻ പ്ര​സി​ഡ​ന്‍റ് മ​രി​യ മൊ​റോ​ണ​യു​ടെ നേ​തൃ​ത്വ​ത്തി​ൽ ഫൗ​ണ്ടേ​ഷ​ൻ അം​ഗ​ങ്ങ​ൾ ഇ​തേ വ​ർ​ഷം ഫെ​ബ്രു​വ​രി ഒ​ൻ​പ​തി​ന് സ്കൂ​ളി​ലെ​ത്തി പ്ര​വ​ർ​ത്ത​ന​ങ്ങ​ൾ വി​ല​യി​രു​ത്തി. ആ​വേ​ശ​ക​ര​മാ​യി​രു​ന്നു ഇ​വ​ർ​ക്കാ​യി സ്കൂ​ളി​ൽ ഒ​രു​ക്കി​യ വ​ര​വേ​ൽ​പ്പ്.

പ​രി​ശീ​ല​നം വി​വി​ധ ത​ല​ത്തി​ൽ

കു​റ​ഞ്ഞ പ്രാ​യ​ത്തി​ൽ ത​ന്നെ ഫു​ട്ബോ​ളി​ന്‍റെ ബാ​ല പാ​ഠ​ങ്ങ​ൾ അ​റി​ഞ്ഞു തു​ട​ങ്ങ​ണ​മെ​ന്ന ക്ല​ബ് അ​ധി​കൃ​ത​രു​ടെ നി​ർ​ദേ​ശം മൂ​ലം ഇ​വി​ടെ പ​ന്തു ത​ട്ടു​ന്ന​ത് അ​ഞ്ചു വ​യ​സ് മു​ത​ലു​ള്ള വി​ദ്യാ​ർ​ഥി​ക​ളാ​ണ്. ഒ​ൻ​പ​തു വ​യ​സി​ൽ താ​ഴെ, 13 വ​യ​സി​ൽ താ​ഴെ, 17 വ​യ​സി​ൽ താ​ഴെ എ​ന്നി​ങ്ങ​നെ മൂ​ന്നു ത​ല​ങ്ങ​ളി​ലാ​ണ് പ​രി​ശീ​ല​നം. ഈ ​വ​ർ​ഷം ആ​ണ്‍, പെ​ണ്‍ വി​ഭാ​ഗ​ങ്ങ​ളി​ലാ​യി 120 കു​ട്ടി​ക​ളാ​ണ് പ​രി​ശീ​ല​നം നേ​ടു​ന്ന​ത്. സെ​ന്‍റ് മേ​രീ​സ് ഹ​യ​ർ​സെ​ക്ക​ൻ​ഡ​റി സ്കൂ​ളി​നു പു​റ​മെ ഹൈ​സ്കൂ​ൾ, യു​പി, എ​ൽ​പി വി​ഭാ​ഗ​ങ്ങ​ളി​ലെ കു​ട്ടി​ക​ളും മാ​നേ​ജ്മെ​ന്‍റി​നു കീ​ഴി​ലു​ള്ള മ​രി​യ​ൻ പ​ബ്ലി​ക് സ്കൂ​ളി​ലെ വി​ദ്യാ​ർ​ഥി​ക​ളും ഇ​വി​ടെ പ​രി​ശീ​ല​നം നേ​ടു​ന്നു​ണ്ട്.

ഓ​രോ കാ​റ്റ​ഗ​റി​ക്കും ആ​ഴ്ച​യി​ൽ മൂ​ന്നു ദി​വ​സം വീ​ത​മാ​ണ് പ​രി​ശീ​ല​നം ന​ൽ​കു​ന്ന​ത്. ക്ലാ​സ് ക​ഴി​ഞ്ഞു​ള്ള സ​മ​യ​ങ്ങ​ളി​ലാ​ണ് പ​രി​ശീ​ല​ന ക്യാ​ന്പ് തു​ട​ങ്ങു​ക. വ്യ​ത്യ​സ്ത കാ​റ്റ​ഗ​റി​യി​ൽ​പ്പെ​ട്ട​വ​ർ​ക്ക് വെ​വ്വേ​റെ സ​മ​യ​ങ്ങ​ളി​ലാ​ണ് പ​രി​ശീ​ല​നം. സ്കൂ​ളി​ലെ കാ​യി​കാ​ധ്യാ​പ​ക​നാ​യ ബി​നു തോ​മ​സ്, ഫു​ട്ബോ​ൾ കോ​ച്ച് എ​സ്.​സ്റ്റാ​ൻ​ലി എ​ന്നി​വ​രാ​ണ് ഇ​പ്പോ​ൾ പ​രി​ശീ​ല​നം ന​ൽ​കു​ന്ന​ത്. സി​ബി സെ​ബാ​സ്റ്റ്യ​ൻ, തോ​മ​സ് സി.​എ​ബ്ര​ഹാം, എ​മി​ലി വ​ർ​ഗീ​സ് എ​ന്നി​വ​രാ​യി​രു​ന്നു നേ​ര​ത്തെ പ​രി​ശീ​ല​ക​രാ​യി​രു​ന്ന​ത്.



വേ​റി​ട്ട പ്ര​വ​ർ​ത്ത​ന​ങ്ങ​ൾ

മൈ​താ​ന​ത്ത് പ​ന്തു ത​ട്ടി കു​ട്ടി​ക​ളെ ഫു​ട്ബോ​ളി​ന്‍റെ ബാ​ല പാ​ഠ​ങ്ങ​ൾ അ​ഭ്യ​സി​പ്പി​ക്കു​ക എ​ന്ന​തി​ൽ മാ​ത്രം ഒ​തു​ങ്ങു​ന്നി​ല്ല സോ​ഷ്യ​ൽ സ്പോ​ർ​ട്സ് സ്കൂ​ളി​ന്‍റെ പ്ര​വ​ർ​ത്ത​നം. വ​ർ​ഷ​ത്തി​ൽ നാ​ലു പ്രാ​വ​ശ്യം ഫു​ട്ബോ​ൾ അ​വ​യ​ർ​ന​സ് ക്ലാ​സും കൗ​ണ്‍​സി​ലിം​ഗും ന​ൽ​കും. ഇ​തി​നു പു​റ​മെ ര​ണ്ടു ത​വ​ണ വി​ശ​ദ​മാ​യ വൈ​ദ്യ​പ​രി​ശോ​ധ​ന​യ്ക്ക് വി​ധേ​യ​മാ​ക്കും. വ​ർ​ഷ​ത്തി​ൽ നാ​ലു ത​വ​ണ കോ​ച്ചു​മാ​രു​ൾ​പ്പെ​ടു​ന്ന സം​ഘം കു​ട്ടി​ക​ളു​ടെ ര​ക്ഷി​താ​ക്ക​ളെ സ​ന്ദ​ർ​ശി​ച്ച് വി​വ​ര​ശേ​ഖ​ര​ണം ന​ട​ത്തും.

ഇ​തു വ​രെ ന​ട​ത്തി​യ സ​ന്ദ​ർ​ശ​ന​ങ്ങ​ളി​ൽ നി​ന്നും ര​ക്ഷി​താ​ക്ക​ളു​ടെ താ​ത്പ​ര്യം പ​തി​ൻ​മ​ട​ങ്ങ് വ​ർ​ധി​ക്കു​ന്ന​തി​ൽ സം​ഘാ​ട​ക​ർ സം​തൃ​പ്ത​രാ​ണ്. ഇ​തി​നു പു​റ​മെ പ​രി​സ്ഥി​തി സൗ​ഹൃ​ദ ക്ലി​നി​ക്കു​ക​ളും സം​ഘ​ടി​പ്പി​ക്കു​ന്നു​ണ്ട്. ശു​ചീ​ക​ര​ണ പ​രി​പാ​ടി​ക​ളും മ​റ്റു​മാ​ണ് ഇ​തി​ന്‍റെ ഭാ​ഗ​മാ​യി സം​ഘ​ടി​പ്പി​ക്കു​ന്ന​ത്. കു​ട്ടി​ക​ൾ​ക്ക് പ​രി​ശീ​ല​നം ന​ൽ​കു​ന്ന കോ​ച്ചു​മാ​ർ​ക്കു​ള്ള വി​ദ​ഗ്ദ്ധ പ​രി​ശീ​ല​ന​വും റ​യ​ൽ​മാ​ഡ്രി​ഡി​ലി​ൽ നി​ന്നു​ള്ള​വ​ർ ന​ൽ​കും. അ​താ​തു സ്ഥ​ല​ത്ത് ന​ൽ​കു​ന്ന പ​രി​ശീ​ല​ന​ത്തി​നു പു​റ​മെ ട്രി​ച്ചി​യി​ലും കോ​ച്ചു​മാ​ർ​ക്ക് പ​രി​ശീ​ല​ന​വും ആ​വ​ശ്യ​മാ​യ സ​ഹാ​യ​ങ്ങ​ളും ന​ൽ​കി വ​രു​ന്നു​ണ്ട്.

മി​ക​ച്ച പി​ന്തു​ണ

റ​യ​ൽ​മാ​ഡ്രി​ഡി​ന്‍റെ പി​ൻ​ബ​ല​ത്തി​ൽ ക​ളി​ക്കാ​ർ​ക്ക് ഫു​ട്ബോ​ൾ പ​രി​ശീ​ല​നം മാ​ത്ര​മ​ല്ല ന​ൽ​കു​ന്ന​ത്. കു​ട്ടി​ക​ൾ​ക്കാ​വ​ശ്യ​മാ​യ ജ​ഴ്സി, ബൂ​ട്ട്, ബോ​ളു​ക​ൾ എ​ന്നി​വ​യെ​ല്ലാം ഫു​ട്ബോ​ൾ അ​ക്കാ​ദ​മി ന​ൽ​കും. കൂ​ടാ​തെ പ​രി​ശീ​ല​ന​ത്തി​നു ശേ​ഷം ഇ​വ​ർ​ക്കാ​വ​ശ്യ​മാ​യ ചാ​യ​യും സ്നാ​ക്സും എ​ല്ലാം ക്ല​ബി​ന്‍റെ വ​ക ത​ന്നെ. ക​ളി പ​രി​ശീ​ല​നം ന​ൽ​കു​ന്ന കോ​ച്ചു​മാ​ർ​ക്കു​ള്ള ഓ​ണ​റേ​റി​യ​വും ക്ല​ബാ​ണ് ന​ൽ​കു​ന്ന​ത്. ഇ​തി​നെ​ല്ലാം പു​റ​മെ കാ​ര്യ​ങ്ങ​ൾ കൃ​ത്യ​മാ​യി ന​ട​ക്കു​ന്നു​ണ്ടോ​യെ​ന്ന​റി​യാ​ൻ ഫു​ട്ബോ​ൾ അ​ക്കാ​ദ​മി പ്ര​തി​നി​ധി​ക​ളു​ടെ സ​ന്ദ​ർ​ശ​ന​വും ഓ​രോ വ​ർ​ഷ​വും ഉ​ണ്ടാ​കും.

മു​ന്നോ​ട്ടു​ള്ള കാ​ൽ​വ​യ്പ്

ഫു​ട്ബോ​ളി​ൽ മി​ക​ച്ച താ​ര​ങ്ങ​ളെ വാ​ർ​ത്തെ​ടു​ക്കു​ക​യും ഇ​വ​രു​ടെ ക​രി​യ​ർ മെ​ച്ച​പ്പെ​ടു​ത്തു​ക​യു​മാ​ണ് പ​ദ്ധ​തി​യു​ടെ പ്ര​ധാ​ന ല​ക്ഷ്യ​മെ​ങ്കി​ലും കൂ​ടു​ത​ൽ കു​ട്ടി​ക​ളെ ഫു​ട്ബോ​ളി​ലേ​ക്ക് അ​ടു​പ്പി​ക്കു​ക​യെ​ന്ന​തും പ​രി​ശീ​ല​ന​ത്തി​ലൂ​ടെ റ​യ​ൽ​മാ​ഡ്രി​ഡ് സാ​ര​ഥി​ക​ൾ ഉ​ന്നം വ​യ്ക്കു​ന്നു. ര​ണ്ടു വ​ർ​ഷം പി​ന്നി​ട്ട​പ്പോ​ൾ ത​ന്നെ ഇ​തി​ന് ര​ക്ഷി​താ​ക്ക​ളി​ൽ നി​ന്നും ല​ഭി​ക്കു​ന്ന പി​ന്തു​ണ ഇ​വ​രു​ടെ ല​ക്ഷ്യ​ത്തെ അ​ര​ക്കി​ട്ടു​റ​പ്പി​ക്കു​ന്നു. പ​രി​ശീ​ല​ന​ത്തി​നി​ടെ വി​വി​ധ ക്ല​ബു​ക​ളും സ്കൂ​ളു​ക​ളും സം​ഘ​ടി​പ്പി​ക്കു​ന്ന ടൂ​ർ​ണ​മെ​ന്‍റു​ക​ളി​ലും കു​ട്ടി​ക​ളെ പ​ങ്കെ​ടു​പ്പി​ക്കു​ന്നു​ണ്ട്.

ഏ​താ​നും മാ​സം മു​ൻ​പ് ട്രി​ച്ചി​യി​ൽ ന​ട​ന്ന ടൂ​ർ​ണ​മെ​ന്‍റി​ൽ മേ​രി​കു​ള​ത്തു നി​ന്നു​ള്ള കു​ട്ടി​ക​ൾ പ​ങ്കെ​ടു​ത്തി​രു​ന്നു. സ്കൂ​ൾ ത​ല​ത്തി​ൽ വ​രെ​യു​ള്ള പ​രി​ശീ​ല​ന​മാ​ണ് റ​യ​ൽ​മാ​ഡ്രി​ഡി​ന്‍റെ നേ​തൃ​ത്വ​ത്തി​ൽ ന​ൽ​കു​ന്ന​ത്. ഉ​പ​രി പ​ഠ​ന​ത്തി​നു പോ​കു​ന്ന​വ​ർ​ക്ക് ക​രി​യ​ർ തു​ട​രാം. പ​ക്ഷെ റ​യ​ൽ​മാ​ഡ്രി​ഡെ​ന്ന് കേ​ട്ടുകേ​ൾ​വി മാ​ത്ര​മു​ള്ള ലോ​കോ​ത്ത​ര ഫു​ട്ബോ​ൾ ക്ല​ബി​ൽ നി​ന്നും ല​ഭി​ക്കു​ന്ന പ്രോ​ത്സാ​ഹ​നം കാ​ൽ​പ്പ​ന്തു​ക​ളി​യി​ൽ വ​ലി​യ അ​വ​സ​ര​ങ്ങ​ളി​ലേ​ക്കു​ള്ള വാ​താ​യ​ന​ങ്ങ​ളാ​ണ് ഇ​വ​ർ​ക്കാ​യി തു​റ​ക്കു​ന്ന​ത്.

ഇ​ടു​ക്കി​ക്കും നേ​ട്ട​മാ​കും

മ​ല​യോ​ര ജി​ല്ല​യാ​യ ഇ​ടു​ക്കി ഫു​ട്ബോ​ളി​നു കാ​ര്യ​മാ​യി വേ​രോ​ട്ട​മു​ള്ള മ​ണ്ണ​ല്ല. ജി​ല്ല​യി​ൽ സ്കൂ​ൾ ത​ല​ങ്ങ​ളി​ൽ അ​ത്‌ലറ്റി​ക്സി​നും വോ​ളി​ബോ​ളി​നു​മാ​ണ് കൂ​ടു​ത​ൽ പ്രാ​ധാ​ന്യം ന​ൽ​കു​ന്ന​ത്. അ​ത്‌ലറ്റി​ക്സി​ലും മ​റ്റും ഇ​ടു​ക്കി​ക്കാ​ർ ഒ​ളി​ന്പി​ക്സി​ൽ വ​രെ ത​ങ്ങ​ളു​ടേ​താ​യ സ്ഥാ​നം ക​ണ്ടെ​ത്തി​യ​പ്പോ​ൾ ജി​ല്ല​യി​ൽ നി​ന്നും രാ​ജ്യാ​ന്ത​ര ത​ല​ത്തി​ൽ ഫു​ട്ബോ​ളി​ലു​ള്ള മേ​ൽ​വി​ലാ​സം മൂ​ല​മ​റ്റ​ത്തു​കാ​ര​നാ​യ എ​ൻ.​പി.​പ്ര​ദീ​പി​ൽ മാ​ത്രം ഒ​തു​ങ്ങി നി​ൽ​ക്കു​ന്നു. കേ​ര​ള​ത്തി​നു വേ​ണ്ടി ബൂ​ട്ട​ണി​ഞ്ഞ ഇ​ടു​ക്കി​ക്കാ​ർ പി.​എ.​സ​ലിം​കു​ട്ടി, സ​ജേ​ഷ് രാ​ജ്, സി.​എ​സ്.​മാ​മ​ൻ തു​ട​ങ്ങി ചി​ല​ർ മാ​ത്രം.

ഹൈ​റേ​ഞ്ച് മേ​ഖ​ല​യി​ലെ ഗ്രാ​മീ​ണ പ്ര​ദേ​ശ​ങ്ങ​ളി​ലെ മൈ​താ​ന​ങ്ങ​ളി​ൽ പ​ന്തു ത​ട്ടി​ക്കളി​ച്ച ചി​ല​ർ​ക്കാ​ക​ട്ടെ കാ​ര്യ​മാ​യ നേ​ട്ടം കൈ​വ​രി​ക്കാ​നു​മാ​യി​ല്ല. പ​രി​ശീ​ല​ന സൗ​ക​ര്യ​ങ്ങ​ളു​ടെ പ​രി​മി​തി​ക​ളും കാ​ര്യ​മാ​യി പി​ന്തു​ണ ല​ഭി​ക്കാ​ത്ത​തു​മാ​ണ് ഇ​വി​ടെ നി​ന്നും പു​തി​യ ഫു​ട്ബോ​ൾ താ​ര​ങ്ങ​ൾ പി​റ​വി​യെ​ടു​ക്കാ​തി​രി​ക്കാ​ൻ കാ​ര​ണം. മൂ​ന്നാ​ർ പോ​ലെ ചി​ല തോ​ട്ടം മേ​ഖ​ല​ക​ളി​ൽ ഫു​ട്ബോ​ൾ ക​ളി ഏ​റ്റെ​ടു​ത്തി​രി​ക്കു​ന്ന ചി​ല ക്ല​ബു​ക​ളു​ണ്ടെ​ങ്കി​ലും ക​ളി​ക്കാ​രു​ടെ പ്ര​തി​ഭ തേ​ച്ചു​മി​നു​ക്കാ​തെ ഇ​വി​ടെ ത​ന്നെ നി​റം മ​ങ്ങി​പ്പോകു​ന്ന അ​വ​സ്ഥ​യാ​ണ്.

സ്കൂ​ൾ ത​ല​ത്തി​ൽ ത​ന്നെ ഫു​ട്ബോ​ൾ പ​രി​ശീ​ല​നം ന​ൽ​കി​ത്തു​ട​ങ്ങി​യാ​ൽ പു​തി​യ താ​രോ​ദ​യ​ങ്ങ​ൾ ഉ​ണ്ടാ​കു​മെ​ന്നു ത​ന്നെ​യാ​ണ് സോ​ഷ്യ​ൽ സ്പോ​ർ​ട്സ് സ്കൂ​ൾ സം​ഘാ​ട​ക​രു​ടെ പ്ര​തീ​ക്ഷ. തി​ക​ച്ചും മ​ല​യോ​ര മേ​ഖ​ല​യാ​യ മേ​രി​കു​ള​ത്തെ സ്കൂ​ൾ ത​ന്നെ ത​ങ്ങ​ളു​ടെ കേ​ര​ള​ത്തി​ലെ പ​രി​ശീ​ല​ന​ക്ക​ള​രി​യാ​യി റ​യ​ൽ​മാ​ഡ്രി​ഡ് തെ​ര​ഞ്ഞെ​ടു​ത്ത​തോ​ടെ ഇ​വി​ടെ നി​ന്നും രാ​ജ്യാ​ന്ത​ര താ​ര​ങ്ങ​ൾ പി​റ​വി​യെ​ടു​ക്കു​മെ​ന്ന​തി​ൽ സം​ശ​യ​മി​ല്ല.

ടി.​പി.​ സ​ന്തോ​ഷ്കു​മാ​ർ