വാ​ഷിം​ഗ്ണ്‍: ജോ​ർ​ജ് ഫ്ളോ​യ്ഡി​ന്‍റെ കൊ​ല്ല​പ്പെ​ട്ട സം​ഭ​വ​ത്തി​നു പി​ന്നാ​ലെ യു​എ​സി​ല്‍ ഉ​ട​ലെ​ടു​ത്ത പ്ര​തി​ഷേ​ധ​ത്തെ നേ​രി​ടാ​ന്‍ സൈ​ന്യ​ത്തെ രം​ഗ​ത്തി​റ​ക്കു​മെ​ന്ന് അ​മേ​രി​ക്ക​ന്‍ പ്ര​സി​ഡ​ന്‍റ് ഡോ​ണ​ള്‍​ഡ്‌ ട്രം​പ്. പ്ര​തി​ഷേ​ധ​ക്കാ​ര്‍ വൈ​റ്റ് ഹൗ​സി​ന് സ​മീ​പ​ത്തെ നി​ര​വ​ധി കെ​ട്ടി​ട​ങ്ങ​ളും സ്മാ​ര​ക​ങ്ങ​ളും ത​ക​ര്‍​ത്ത പ​ശ്ചാ​ത്ത​ല​ത്തി​ലാ​ണ് ട്രം​പി​ന്‍റെ പ്ര​സ്താ​വ​ന.

വാ​ഷിം​ഗ്ട​ണ്‍ ന​ഗ​ര​ത്തി​ല്‍ ക​ഴി​ഞ്ഞ രാ​ത്രി ഉ​ണ്ടാ​യ​ത് അ​പ​മാ​ന​ക​ര​മാ​യ സം​ഭ​വ​മാ​ണ്. ആ​ഭ്യ​ന്ത​ര ഭീ​ക​ര​വാ​ദ​മാ​ണ് അ​ത്. നി​ങ്ങ​ള്‍ ക്രി​മി​ന​ല്‍ ശി​ക്ഷാ​ന​ട​പ​ടി​ക​ളും ദീ​ര്‍​ഘ​കാ​ലം ജ​യി​ല്‍​വാ​സ​വും നേ​രി​ടേ​ണ്ടി​വ​രു​മെ​ന്നാ​ണ് ഈ ​പ്ര​തി​ഷേ​ധ​ങ്ങ​ളു​ടെ സം​ഘാ​ട​ക​രോ​ട് എ​നി​ക്ക് പ​റ​യാ​നു​ള്ള​ത് എ​ന്നും ട്രം​പ് പ​റ​ഞ്ഞു.

പ്ര​തി​ഷേ​ധ​ക്കാ​രെ ഗ​ർ​ണ​ർ​മാ​ർ പോ​ലീ​സി​നെ ഉ​പ​യോ​ഗി​ച്ച് നി​യ​ന്ത്രി​ച്ചി​ല്ലെ​ങ്കി​ൽ സൈ​ന്യ​ത്തെ ഉ​പ​യോ​ഗി​ക്കു​മെ​ന്നാ​ണ് ട്രം​പി​ന്‌​റെ ഭീ​ഷ​ണി. ലോ​ക​ത്തി​ലെ ഏ​റ്റ​വും മി​ക​ച്ച രാ​ജ്യ​മാ​ണ് അ​മേ​രി​ക്ക​യെ​ന്നും രാ​ജ്യ​ത്തി​ന്‍റെ സു​ര​ക്ഷ പ്ര​ധാ​ന​മെ​ണെ​ന്നും ട്രം​പ് പ​റ​ഞ്ഞു.

ജോ​ർ​ജ് ഫ്ളോ​യി​ഡി​നു നീ​തി ല​ഭ്യ​മാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് യു​എ​സി​ൽ ആ​രം​ഭി​ച്ച പ്ര​ക്ഷോ​ഭം ക​ത്തി​പ്പ​ട​രു​ക​യാ​ണ്. യു​എ​സി​ലെ 40 ന​ഗ​ര​ങ്ങ​ളി​ൽ ക​ർ​ഫ്യൂ ഏ​ർ​പ്പെ ടു​ത്തി. ആ​റു ദി​വ​സം പി​ന്നി​ട്ട പ്ര​ക്ഷോ​ഭ​ത്തി​ൽ ഇ​തി​ന​കം 4400 പേ​ർ അ​റ​സ്റ്റി​ലാ​യി.വെ​ള്ളി​യാ​ഴ്ച പ്ര​ക്ഷോ​ഭ​ക​ർ വൈ​റ്റ് ഹൗ​സി​ലേ​ക്ക് ഇ​ഷ്‌​ടി​ക​ളും കു​പ്പി​ക​ളും വ​ലി​ച്ചെ​റി​ഞ്ഞിരുന്നു.

ജ​ന​ത​യ്ക്കെ​തി​രെ അ​മേ​രി​ക്ക​ൻ സൈ​ന്യം

അ​മേ​രി​ക്ക​ൻ ജ​ന​ത​യ്ക്കെ​തി​രെ അ​മേ​രി​ക്ക​ൻ സൈ​ന്യ​ത്തെ പ്ര​സി​ഡ​ന്‍റ് ഡോ​ണ​ൾ‌​ഡ് ട്രം​പ് ഉ​പ​യോ​ഗി​ക്കു​ക​യാ​ണെ​ന്ന് ഡെ​മോ​ക്രാ​റ്റി​ക് പാ​ർ​ട്ടി നേ​താ​വ്‌ ജോ ​ബൈ​ഡ​ൻ. ക​റു​ത്ത​വ​ർ​ഗ​ക്കാ​ര​നാ​യ ജോ​ർ​ജ് ഫ്ളോ​യി​ഡി​ന് നീ​തി ല​ഭി​ക്ക​ണ​മെ​ന്ന് ആ​വ​ശ്യ​പ്പെ​ട്ട് പൊ​ട്ടി​പ്പു​റ​പ്പെ​ട്ട ക​ലാ​പം അ​ടി​ച്ച​മ​ർ​ത്താ​ൻ‌ സൈ​ന്യ​ത്തെ വി​ളി​ക്കു​മെ​ന്ന ട്രം​പി​ന്‍റെ പ്ര​സ്താ​വ​ന​യ്ക്കെ​തി​രെ​യാ​ണ് ജോ ​ബൈ​ഡ​ൻ രം​ഗ​ത്ത് എ​ത്തി​യ​ത്.

സ​മാ​ധാ​ന​പ​ര​മാ​യി പ്ര​തി​ഷേ​ധി​ച്ച​വ​ർ​ക്കെ​തി​രെ ക​ണ്ണീ​ർ വാ​ത​ക​ങ്ങ​ളും റ​ബ​ർ ബു​ള്ള​റ്റു​ക​ളും പ്ര​യോ​ഗി​ച്ചെ​ന്ന് ബൈ​ഡ​ൻ ആ​രോ​പി​ച്ചു. ന​മ്മു​ടെ മ​ക്ക​ൾ​ക്കു​വേ​ണ്ടി, ന​മ്മു​ടെ രാ​ജ്യ​ത്തി​ന്‍റെ ആ​ത്മാ​വി​നാ​യി, നാം ​ട്രം​പി​ന്‍റെ പ​രാ​ജ​യ​പ്പെ​ടു​ത്ത​ണ​മെ​ന്ന് യു​എ​സ് പ്ര‍​സി​ഡ​ന്‍റ് സ്ഥാ​നാ​ർ​ഥി​യാ​കാ​ൻ മു​ൻ​നി​ര​യി​ലു​ള്ള ഡെ​മോ​ക്രാ​റ്റി​ക് നേ​താ​വ് ട്വി​റ്റ​റി​ൽ പ​റ​ഞ്ഞു.


വൈ​റ്റ് ഹൗ​സി​നു സ​മീ​പ​ത്തെ ച​രി​ത്ര പ്ര​സി​ദ്ധ​മാ​യ സെ​ന്‍റ് ജോ​ൺ​സ് എ​പ്പി​സ്കോ​പ്പ​ൽ ദേ​വാ​ല​യ​ത്തി​ന്‍റെ പാ​രി​ഷ് ഹാ​ളി​നു പ്ര​ക്ഷോ​ഭ​ക​ർ തീ​വ​ച്ചി​രു​ന്നു. ഇ​തി​നു മു​ന്നി​ൽ ട്രം​പ് നി​ൽ​ക്കു​ന്ന ചി​ത്ര​വും ബൈ​ഡ​ൻ ട്വീ​റ്റ് ചെ​യ്തു.

സ​ഹാ​യ​ഹ​സ്ത​വു​മാ​യി ഹോ​ളി​വു​ഡ്

ബി​യോ​ണ്‍​സ്, റി​ഹാ​ന, ലേ​ഡി ഗാ​ഗ, ഡ്വ​യ​ൻ ജോ​ണ്‍​സ​ണ്‍, സ​ലീ​ന ഗോ​മ​സ്, കിം ​ക​ർ​ദാ​ഷി​യാ​ൻ, കെ​ൻ​ട്രി​ക് സാം​പ്സ​ണ്‍, ക്രി​സി ടൈ​ഗെ​ൻ, ബെ​ൻ പ്ല​റ്റ എ​ന്നി​ങ്ങ​നെ നി​ര​വ​ധി താ​ര​ങ്ങ​ളാ​ണ് പ്ര​തി​ഷേ​ധ​ക്കാ​ർ​ക്ക് പി​ന്തു​ണ​യു​മാ​യെ​ത്തി​യി​രി​ക്കു​ന്ന​ത്.

സ​മൂ​ഹ മാ​ധ്യ​മ​ങ്ങ​ളി​ൽ പി​ന്തു​ണ​യ​റി​യി​ച്ച​തി​നൊ​പ്പം പ്ര​തി​ഷേ​ധ​ക്കാ​ർ​ക്ക് സ​ഹാ​യ​മെ​ത്തി​ച്ചു​മാ​ണ് താ​ര​ങ്ങ​ൾ സ​മ​ര​ത്തി​ൽ പ​ങ്കാ​ളി​ക​ളാ​യ​ത്. കൊ​ല​പാ​ത​ക​ത്തി​ൽ നീ​തി ല​ഭ്യ​മാ​ക്ക​ണ​മെ​ന്ന് താ​ര​ങ്ങ​ൾ ആ​വ​ശ്യ​പ്പെ​ട്ടു. അ​റ​സ്റ്റി​ലാ​കു​ന്ന​വ​ർ​ക്ക് ജാ​മ്യം എ​ടു​ക്കു​ന്ന​തി​നു​ള്ള ധ​ന​സ​മാ​ഹ​ര​ണ​ത്തി​ലും ഹോ​ളി​വു​ഡി​ന്‍റെ സ​ഹാ​യ​മു​ണ്ട്. നി​ര​വ​ധി പ്ര​മു​ഖ​രാ​ണ് സം​ഭാ​വ​ന​യു​മാ​യി രം​ഗ​ത്തെ​ത്തി​യ​ത്.

പിന്തുണയുമായി അ​മേ​രി​ക്ക​ൻ പോ​ലീ​സ്

പോ​ലീ​സ് ക​സ്റ്റ​ഡി​യി​ൽ മ​രി​ച്ച ജോ​ർ​ജ് ഫ്ളോ​യ്ഡി​ന്‍റെ മ​ര​ണ​ത്തി​ൽ അ​നു​ശോ​ചി​ച്ചും അ​ദ്ദേ​ഹ​ത്തി​നു നീ​തി തേ​ടി​യു​ള്ള പ്ര​ക്ഷോ​ഭ​ങ്ങ​ൾ​ക്ക് ഐ​ക്യ​ദാ​ർ​ഢ്യം പ്ര​ഖ്യാ​പി​ച്ചും അ​മേ​രി​ക്ക​ൻ പോ​ലീ​സ്.വി​വി​ധ സം​സ്ഥാ​ന​ങ്ങ​ളി​ൽ മു​തി​ർ​ന്ന പോ​ലീ​സ് ഉ​ദ്യോ​ഗ​സ്ഥ​ർ ഉ​ൾ​പ്പെ​ടെ പൊ​തു​സ്ഥ​ല​ത്ത് മു​ട്ടു​കു​ത്തി​യി​രു​ന്നാ​ണ് വ​ർ​ണ​വെ​റി​ക്കെ​തി​രാ​യ പ്ര​ക്ഷോ​ഭ​ങ്ങ​ളോ​ടു​ള്ള ത​ങ്ങ​ളു​ടെ പി​ന്തു​ണ​യ​റി​യി​ച്ച​ത്.

സ​മൂ​ഹ​മാ​ധ്യ​മ​ങ്ങ​ളി​ൽ ഉ​ൾ​പ്പെ​ടെ ചി​ത്ര​ങ്ങ​ൾ വൈ​റ​ലാ​യി​ട്ടു​ണ്ട്. അ​നീ​തി​ക്കെ​തി​രെ പ്ര​ക്ഷോ​ഭ​ക​ർ​ക്കൊ​പ്പം നി​ല​നി​ൽ​ക്കു​ന്ന​തി​ന്‍റെ പ്ര​തീ​ക​മാ​യാ​ണ് ചി​ത്രം വി​ല​യി​രു​ത്ത​പ്പെ​ടു​ന്ന​ത്.