ഏ​കാ​ന്ത​ത​യു​ടെ ശ​ബ്ദ​ത്തി​നു ഭാ​ഷ​യേ​താ​ണ്? സ​ന്ധ്യാ​പ്രാ​ര്‍​ഥ​ന​യ്ക്കു ശേ​ഷം അ​ള്‍​ത്താ​ര​യി​ലെ ക്രൂ​ശി​ത​രൂ​പ​ത്തി​നു മു​ന്നി​ല്‍ സാ​ഷ്ടാം​ഗ​പ്ര​ണാ​മം ന​ട​ത്തി​യെ​ഴു​ന്നേ​ല്‍​ക്കു​മ്പോ​ള്‍ ഒ​രു പ്രാ​വിന്‍റെ കു​റു​ക​ല്‍ പോ​ലെ​യാ​ണ് ആ ​ചോ​ദ്യം എ​ന്നി​ലേ​ക്ക് എ​ത്തി​യ​ത്.

പ​ള്ളി​യി​ല്‍ ത​നി​ച്ചാ​ണു ഞാ​ന്‍! സ്ഫ​ടി​ക തൊ​ങ്ങ​ലു​ക​ള്‍ ചാ​ര്‍​ത്തി​യു​റ​ങ്ങു​ന്ന ക​മാ​ന​ത്തി​ലെ ദീ​പ​വി​താ​ന​ങ്ങ​ള്‍ ക​ണ്ണു​ചി​മ്മി​യി​ട്ട് ഏ​റെ നാ​ളാ​യി. ഒ​രു മെ​ഴു​കു​തി​രി​നാ​ള​ത്തി​ന്‍റെ ന​ര​ച്ച വെ​ളി​ച്ചം മ​തി​യാ​യി​രു​ന്നു എ​നി​ക്ക്. ആ ​വെ​ളി​ച്ച​ത്തി​ല്‍ ക്രൂ​ശി​ത​രൂ​പ​ത്തി​നു കൂ​ടു​ത​ല്‍ ആ​ര്‍​ദ്ര​ത, സ​ഹ​ന​ത്തിന്‍റെ തീ​ക്ഷ്ണ​ത എ​നി​ക്കു വാ​യി​ക്കാ​നാ​കു​ന്നു​ണ്ട്. പീ​ഡാ​സ​ഹ​ന​ത്തി​ന്‍റെ വേ​ദ​ന ര​ക്ത​മാ​യി പൊ​ഴി​യു​ന്ന ആ ​ക​ണ്ണു​ക​ളി​ല്‍ സ്നേ​ഹം നി​ലാ​വാ​യി പെ​യ്യു​ന്നു. അ​ന​ന്ത​രം ഞാ​നും ക്രൂ​ശി​ത​നും മാ​ത്രം.

കു​ഞ്ഞേ...
ചെ​റു​ശ​ബ്ദം. ഇ​തി​ലും കാ​രു​ണ്യ​ത്തോ​ടെ ആ​രെ​യും വി​ളി​ക്കാ​നാ​വാ​ത്ത അ​നു​പ​മ​മാ​യ നാ​ദം.
എ​വി​ടെ​നി​ന്നാ​ണ​ത്? എ​ന്‍റെ നാ​ഥ​ന്‍റെ ചു​ണ്ടു​ക​ളി​ല്‍ നി​ന്നോ?

കു​ഞ്ഞേ....
ഏ​കാ​ന്ത​ത​യു​ടെ ശ​ബ്ദ​വും ഭാ​ഷ​യും പ്ര​തീ​ക്ഷ​യാ​ണ്. ഗ​ത്‌സ​മേ​നി​ലെ ഏ​കാ​ന്ത​ത​യി​ല്‍ അ​ത​റി​ഞ്ഞി​ട്ടു​ണ്ട്. ഒ​രാ​ള്‍ ഒ​റ്റി​ക്കൊ​ടു​ത്ത​പ്പോ​ള്‍, എ​ല്ലാ​വ​രാ​ലും പ​രി​ത്യ​ക്ത​നാ​യ​പ്പോ​ള്‍, പ്രി​യ​ശി​ഷ്യ​ര്‍ പോ​ലും അ​ക​ലം പാ​ലി​ച്ച​പ്പോ​ള്‍ അ​റി​യു​ക​യാ​യി​രു​ന്നു ഏ​കാ​ന്ത​ത​യു​ടെ ശ​ബ്ദം. അ​തെ അ​തു പ്ര​തീ​ക്ഷ​യാ​ണ്. പ്യൂ​പ്പെ​യി​ല്‍ ശ​ല​ഭം പോ​ലെ, പൂ​വി​ല്‍ സു​ഗ​ന്ധം പോ​ലെ, വി​ത്തി​ല്‍ വൃ​ക്ഷം പോ​ലെ ഏ​കാ​ന്ത​ത പ്ര​തീ​ക്ഷ​യാ​യി കാ​ത്തി​രി​ക്കു​ന്നു.

കാ​റ്റിന്‍റെ ആ​ലിം​ഗ​നം പോ​ലെ തോ​ളി​ലൊ​രു മൃ​ദു​സ്പ​ര്‍​ശം. കു​ളി​രി​ന്റെ ഒ​രു തു​ള്ളി​യി​ല്‍ സ്നേ​ഹം നി​റ​യു​ന്നു. ദേ​ഹി തു​ളു​മ്പു​ന്നു.. എന്‍റെ നാ​ഥാ... എന്‍റെ ക​ണ്ണു​ക​ള്‍ നി​റ​ഞ്ഞു.

പ​ള്ളി​മു​റ്റ​ത്തി​ന്‍റെ പ​രി​ഭ​വം

പെ​റു​ക്കി​യെ​ടു​ക്കാ​ന്‍ ആ​ളി​ല്ലാ​തെ പ​ഴു​ത്തു വീ​ണ ഞാ​വ​ല്‍ പ​ഴ​ങ്ങ​ള്‍...! കൊ​റോ​ണ​ക്കാ​ല​ത്തെ സ​ങ്ക​ട​സ്മൃ​തി പ​റ​യാ​ന്‍ ആ​രെ​യോ കാ​ത്തു​കി​ട​ക്കു​ന്ന ആ ​ഞാ​വ​ല്‍ പ​ഴ​ങ്ങ​ള്‍ മ​തി​യാ​യി​രു​ന്നു. അ​തെ, ആ​ളു​ക​ളി​ല്ലാ​ത, അ​ന​ക്ക​ങ്ങ​ളി​ല്ലാ​തെ.. നി​ശ​ബ്ദ​മാ​യ പ​ള്ളി​യും പ​ള്ളി​മു​റ്റ​വും.

ആ​ത്മീ​യ​ത​യു​ടെ ആ​ഘോ​ഷ​ത്തി​നു​മ​പ്പു​റം എ​ത്ര​മേ​ല്‍ മ​നോ​ഹ​ര​മാ​യി​രു​ന്നു ഇ​ന്ന​ലെ​യോ​ളം പ​ള്ളി​യും പ​രി​സ​ര​ങ്ങ​ളും. മ​ഴ​യി​ലും മ​ഞ്ഞി​ലും അ​തി​രാ​വി​ലെ​യു​ള്ള ദി​വ്യ​ബ​ലി​ക്കാ​യി അ​തീ​വ​താ​ത്പ​ര്യ​ത്തോ​ടെ പ​ള്ളി​യി​ലേ​ക്കേ​ത്തു​ന്ന​വ​ര്‍, ഒ​ഴി​വു​വേ​ള​ക​ളി​ല്‍ സൊ​റ പ​റ​ഞ്ഞി​രി​ക്കാ​ന്‍ വ​രു​ന്നു കു​ട്ടി​ക്കൂ​ട്ടം. വി​കാ​രി​യ​ച്ച​നെ കാ​ണു​മ്പോ​ള്‍ ഓ​ടി​യെ​ത്തി സ​ന്തോ​ഷ​ത്തോ​ടെ​യു​ള്ള സ്തു​തി പ​റ​ച്ചി​ലു​ക​ള്‍, ക​ളി​ക്കാ​നും കൂ​ട്ടു​കൂ​ടാ​നു​മെ​പ്പോ​ഴു​മു​ള്ള അ​ള്‍​ത്താ​ര​ബാ​ല​ന്മാ​ര്‍, സാ​യാഹ്ന​ങ്ങ​ളി​ല്‍ കാ​യി​ക​പ​രി​ശീ​ല​ന​ത്തി​നാ​യി എ​ത്തു​ന്ന യു​വാ​ക്ക​ള്‍...

കൊ​റോ​ണ​യു​ടെ അ​പ്ര​തീ​ക്ഷി​ത വ​ര​വി​ല്‍ പെ​ട്ടെ​ന്ന് എ​ല്ലാം നി​ല​ച്ചു. ജീ​വി​തം ലോ​ക്ക് ഡൗ​ണാ​യ നാ​ളു​ക​ള്‍... ആ​കു​ല​ത​ക​ള്‍ പ​ര​ക്കം​പാ​യു​ന്ന ടൗ​ണി​ന്‍റെ മ​ധ്യ​ത്തി​ല്‍ ദേ​വാ​ല​യ​വും ഞാ​നും മാ​ത്രം.!

എ​ന്നാ​ണ​ച്ചാ ന​മ്മു​ടെ പ​ള്ളി​യി​ല്‍ ഇ​നി​യൊ​രു കു​ര്‍​ബാ​ന​യി​ല്‍ പ​ങ്കെ​ടു​ക്കാ​നാ​വു​ക?
ഇ​ട​യ്ക്കു ക​ണ്ടു​മു​ട്ടു​ന്ന​വ​ര്‍​ക്കു ചോ​ദി​ക്കാ​ന്‍ ഇ​തു മാ​ത്രം.

അ​ള്‍​ത്താ​ര​യി​ലെ ആ​കു​ല​ത

ശൂ​ന്യ​മാ​യ പ​ള്ളി​യ​ക​ത്തെ ബ​ഞ്ചി​ലി​രു​ന്നു അ​ള്‍​ത്താ​ര​യി​ലേ​ക്കു നോ​ക്കു​മ്പോ​ഴും ആ​കു​ല​ത​ക​ളു​ടെ ചോ​ദ്യ​ങ്ങ​ളേ​റെ​യാ​ണു മ​ന​സി​ല്‍. അ​വി​ടെ ക​ത്തി​യെ​രി​യു​ന്ന മെ​ഴു​കു​തി​രി​ക​ളി​ല്ല, നി​റ​മു​ള്ള പൂ​ക്ക​ളി​ല്ല... വി​ജ​ന​മാ​യ അ​ള്‍​ത്താ​ര.

അ​തൃ​പ്തി​യും അ​സ്വ​സ്ഥ​ത​യും ആ​കു​ല​ത​യും കു​റ​വു​ക​ളു​മെ​ല്ലാം മ​ന​സി​ലൊ​തു​ക്കി ക്രൂ​ശി​ത​ന്‍റെ മു​ഖ​ത്തേ​ക്കു നോ​ക്കി. എ​നി​ക്കു ചു​റ്റു​മു​ള്ള​വ​രു​ടെ ആ​കു​ല​ത​ക​ളും ചോ​ദ്യ​ങ്ങ​ളു​മെ​ല്ലാം അ​വ​നോ​ടു പ​ങ്കു​വ​ച്ചു. തി​രു​മു​ഖ​ത്തൊ​ളി​പ്പി​ച്ച ചെ​റു​പു​ഞ്ചി​രി​യി​ല്‍ ചോ​ദ്യ​ങ്ങ​ള്‍​ക്കെ​ല്ലാം ഉ​ത്ത​ര​മു​ണ്ടെ​ന്നു ഞാ​ന്‍ അ​റി​ഞ്ഞു.

"നി​ങ്ങ​ള്‍​ക്കാ​യി എ​ല്ലാം ന​ഷ്ട​മാ​ക്കി കു​രി​ശി​ലേ​റി​യ​വ​നാ​ണു ഞാ​ന്‍. ഇ​തി​നേ​ക്കാ​ള്‍ ന​ല്ല മു​ഖ​പ്പ​ക​ര്‍​ച്ച എ​നി​ക്കു സ​മ്മാ​നി​ക്കാ​മാ​യി​രു​ന്നു. കു​രി​ശി​ല്ലാ​ത്ത, ചോ​ര​യി​ല്ലാ​ത്ത, മു​റി​വി​ല്ലാ​ത്ത, ത​ല​കു​നി​ക്കാ​ത്ത ഒ​രു രൂ​പം. പ​ക്ഷേ ഞാ​നി​തു നി​ങ്ങ​ള്‍​ക്കാ​യി ചോ​ദി​ച്ചു​വാ​ങ്ങി​യ​താ​ണ്. ഇ​ത്ര​ത്തോ​ള​മൊ​ന്നും നി​ങ്ങ​ള്‍ സ​ഹി​ക്കു​ന്നി​ല്ല​ല്ലൊ...!


നി​ങ്ങ​ളു​ടെ ചി​ല ശീ​ല​ങ്ങ​ള്‍, ക​ണ്ടു ത​ഴ​മ്പി​ച്ച ചി​ല കാ​ഴ്ച​ക​ള്‍, ഉ​റ​ച്ചു​പോ​യ ചി​ല ചി​ന്ത​ക​ള്‍ ഇ​തൊ​ക്കെ നി​ങ്ങ​ള്‍​ക്കും സ​മൂ​ഹ​ത്തി​നും വേ​ണ്ടി​യൊ​ന്നു മാ​റാ​ന​ല്ലെ ഇ​പ്പോ​ഴും പ​റ​യു​ന്നു​ള്ളൂ. എ​ന്നി​ട്ടും അ​തു​പോ​ലും...!

കു​രി​ശി​ന്‍റെ വ​ഴി

നാ​ല്‍​പ​താം വെ​ള്ളി​യാ​ഴ്ച എ​ന്‍റെ നാ​ഥന്‍റെ ഭാ​ര​മേ​റി​യ കു​രി​ശു​വ​ഹി​ച്ചും വീ​ണും എ​ണീ​റ്റും ര​ക്തം തൂ​കി​യും ന​ട​ത്തി​യ പീ​ഡാ​നു​ഭ​വ​യാ​ത്ര​യി​ല്‍ പ​ങ്കു​ചേ​രാ​ന്‍ ഇ​ട​വ​കാം​ഗ​ങ്ങ​ള്‍ ഇ​ന്നാ​രു​മി​ല്ല. വ​ലി​യ നോ​മ്പി​ലെ ഉ​ള്ളു പൊ​ള്ളി​ക്കു​ന്ന സ​ങ്ക​ട​ങ്ങ​ളി​ലൊ​ന്ന് അ​വ​രൊ​ന്നു​മി​ല്ലാ​തെ ക്രി​സ്തു​വി​ന്റെ പീ​ഡാ​നു​ഭ​വ സ്മൃ​തി​ക​ളി​ലൂ​ടെ സ​ഞ്ച​രി​ക്കു​ക​യാ​ണ്. ഉ​ള്ളി​ല്‍ സ​ങ്ക​ട​ത്തിന്‍റെ ക​ട​ല്‍ സം​വ​ഹി​ച്ച് അ​വ​ര്‍ വീ​ട്ട​ക​ങ്ങ​ളി​ലു​ണ്ട്.

ത​നി​യേ പ​ള്ളി​യു​ടെ വ​ലി​യ മി​നാ​ര​ങ്ങ​ള്‍​ക്കു താ​ഴെ പ​തി​നാ​ലി​ട​ങ്ങ​ളി​ല്‍ മു​ട്ടു​കു​ത്തി​യും വ​ണ​ങ്ങി​യും ത​നി​ച്ചു പീ​ഡാ​നു​ഭ​വ​യാ​ത്ര ന​ട​ത്തു​മ്പോ​ള്‍, ഉ​യി​ര്‍​പ്പിന്‍റെ പ്ര​ത്യാ​ശ​യി​ലേ​ക്കു ചി​റ​കു​വി​ട​ര്‍​ത്തു​ന്ന സ്വ​ര്‍​ഗാ​നു​ഭ​വ​ത്തിന്‍റെ വി​ശു​ദ്ധ​വാ​ര​ത്തി​ലും ഞാ​ന്‍ ഒ​റ്റ​യ്ക്ക് എ​ന്ന സ​ങ്ക​ട​ത്തി​നു മ​റു​പ​ടി​യി​ല്ല.

വി​ജ​ന​ത​യി​ലെ കു​രു​ത്തോ​ല

ഓ​ശാ​ന വി​ളി​ക​ളു​ടെ കു​രു​ത്തോ​ല പെ​രു​ന്നാ​ളി​ന് ഇ​ക്കു​റി വി​ജ​ന​ത​യാ​ണ് അ​ക​മ്പ​ടി. മ​നോ​ഹ​ര​മാ​യ കു​രു​ത്തോ​ല നി​ര​ക​ള്‍ പ​ള്ളി​യി​ലേ​ക്കു പ്ര​ദ​ക്ഷി​ണ​ണ​മാ​യെ​ത്തു​ന്നി​ല്ല. വാ​തി​ലു​ക​ള്‍ മു​ട്ടു​ന്നി​ല്ല, ശി​ര​സു​യ​ര്‍​ത്തു​ന്നു​മി​ല്ല... ! പ​ള്ളി​യ​ക​ത്തെ​ങ്കി​ലും, അ​ള്‍​ത്താ​ര​യി​ല്‍ നി​ന്ന് അ​രു​തെ​ന്നു പ​റ​യു​മ്പോ​ഴും, കൈ​യി​ലെ കു​രു​ത്തോ​ല​യി​ല്‍ ക​ല​യും ക​വി​ത​യു​മെ​ഴു​തു​ന്ന കു​ഞ്ഞു​ങ്ങ​ളും മു​തി​ര്‍​ന്ന​വ​രും... ശൂ​ന്യ​മാ​യ പ​ള്ളി​യ​ക​ത്തി​രു​ന്ന് ഓ​ശാ​ന​യോ​ര്‍​മ​ക​ള്‍ പ​ങ്കു​വ​യ്ക്ക​ണം.

നാ​ഥ​നെ ക​ണ്ടെ​ത്തേ​ണ്ട​ത്

നി​ശ​ബ്ദ​ത​യി​ലും ഏ​കാ​ന്ത​ത​യി​ലും ഞാ​ന്‍ എ​ന്‍റെ നാ​ഥ​നെ എ​വി​ടെ​യാ​ണു ക​ണ്ടെ​ത്തേ​ണ്ട​ത്? ടോ​ള്‍​സ്റ്റോ​യി​യു​ടെ ചെ​രു​പ്പു​കു​ത്തി​യു​ടെ അ​രി​കി​ലെ​ന്ന​പോ​ല്‍, പ​ല വേ​ഷ​ങ്ങ​ളി​ല്‍ പ​ല സ​മ​യ​ത്തു പ​ല ആ​വ​ശ്യ​ങ്ങ​ളു​മാ​യി അ​വ​ന്‍ വ​ന്നി​രു​ന്നു. അ​പ്പോ​ഴൊ​ന്നും അ​വ​നെ ക​ണ്ടെ​ത്താ​നു​ള്ള ക്ഷ​മ എ​നി​ക്കു​ണ്ടാ​യി​ല്ല. എ​ന്‍റെ സ​മ​യം, സ്വാ​ത​ന്ത്ര്യം, സ​മ്പ​ത്ത്, ക​ഴി​വു​ക​ള്‍ അ​തൊ​ന്നും അ​പ​ര​നെ​യും അ​പ​ര​നി​ലെ ദൈ​വ​ത്തെ​യും ക​ണ്ടെ​ത്തു​ന്ന​തി​നേ​ക്കാ​ള്‍ എ​ത്ര​യോ വ​ലു​താ​യി​രു​ന്നു എ​നി​ക്ക്.!

എ​ന്നി​ട്ടും ഇ​പ്പോ​ഴും ഞാ​ന്‍ നി​ന്‍റെ ചാ​ര​ത്തു​ണ്ടെ​ന്നു പ​റ​ഞ്ഞ് ഇ​രു​കൈ​യും നീ​ട്ടി ത​ന്‍റെ മാ​റി​ലേ​ക്കു ചേ​ര്‍​ത്തു നി​ര്‍​ത്താ​ന്‍ പു​ഞ്ചി​രി​യോ​ടെ ന​ട​ന്ന​ടു​ക്കു​ന്ന​വ​നെ എ​നി​ക്കു കാ​ണാ​നാ​വു​ന്നു​ണ്ടോ?

ക​ട​ന്നു​പോ​കും

കൊ​റോ​ണ​ക്കാ​ല​ത്തി​ന്‍റെ ആ​കു​ല​ത​ക​ളും ക​ട​ന്നു​പോ​കു​മെ​ന്ന പ്ര​ത്യാ​ശ​യു​ടെ വാ​ക്കു​ക​ള്‍ ചു​റ്റും അ​ല​യ​ടി​ക്കു​ന്നു​ണ്ട്. അ​ങ്ങ​നെ ക​ട​ന്നു​പോ​കു​ന്ന കാ​ലം എ​ന്നി​ല്‍ എ​ന്തു മാ​റ്റ​മു​ണ്ടാ​ക്കി​യെ​ന്ന ചോ​ദ്യം കാ​ത്തി​രി​പ്പു​ണ്ട്. അ​ഴി​ച്ചു​വ​ച്ച ജാ​ഗ്ര​ത​യു​ടെ മു​ഖാ​വ​ര​ണ​ത്തി​നും നി​ര്‍​ബ​ന്ധ​മൊ​ഴി​ഞ്ഞ സാ​മൂ​ഹ്യ അ​ക​ല​ത്തി​നു​മ​പ്പു​റം കൊ​റോ​ണ​ക്കാ​ലം ക​ട​ന്നു​പോ​കു​മ്പോ​ള്‍ എ​ന്നി​ലെ​ന്തു​ണ്ട് കാ​ലം അ​ട​യാ​ള​പ്പെ​ടു​ത്തി​യ ന​ന്മ.?

സ​ങ്ക​ട​മാ​ണു ന​മ്മെ ശു​ദ്ധീ​ക​രി​ക്കാ​നു​ള്ള ഏ​റ്റ​വും ന​ല്ല ഔ​ഷ​ധം. ലോ​കം മു​ഴു​വ​നും നി​റ​ഞ്ഞു​പെ​യ്യു​ന്ന സ​ങ്ക​ട​മ​ഴ​യി​ല്‍ മ​നു​ഷ്യ​ന്‍ കു​റ​ച്ചു​കൂ​ടി ആ​ര്‍​ദ്ര​മാ​ന​സ​രാ​യി മാ​റി​യെ​ങ്കി​ല്‍. അ​ല്പം കൂ​ടി ക​രു​ണാ​ര്‍​ദ്ര​മാ​യ ന​യ​ന​ങ്ങ​ളോ​ടെ അ​പ​ര​നെ കാ​ണാ​നാ​യെ​ങ്കി​ല്‍. സ്നേ​ഹ​ത്തി​ന്റെ നി​ലാ​മ​ഴ​ക​ള്‍ നി​ര​ന്ത​രം പെ​യ്തി​രു​ന്നെ​ങ്കി​ല്‍...

ക്രൂ​ശി​ത​ന്‍ ഓ​ര്‍​മി​പ്പി​ച്ച​തും മ​റ്റൊ​ന്ന​ല്ല

"ദു​ഖ​വും ആ​കു​ല​ത​യും വേ​ണ്ട. എ​ല്ലാ ന​ന്മ​ക​ളും തി​രി​ച്ചെ​ത്തും. അ​പ്പ​മാ​യി ഞാ​നി​പ്പോ​ള്‍ നി​ങ്ങ​ളി​ലേ​ക്കെ​ത്തു​ന്നി​ല്ലെ​ങ്കി​ലും, ഏ​കാ​ന്ത​ത​യി​ലും സ​ഹ​ന​ങ്ങ​ളി​ലും സ​ങ്ക​ട​ങ്ങ​ളി​ലും എ​ന്നെ തി​രി​ച്ച​റി​യാ​നും അ​നു​ഭ​വി​ക്കാ​നും ആ​സ്വ​ദി​ക്കാ​നും സ്വ​ന്ത​മാ​ക്കാ​നും നി​ങ്ങ​ള്‍​ക്കാ​കും. അ​വി​ടെ ദൈ​വ​രാ​ജ്യ​ത്തി​ന്‍റെ സ​മൃ​ദ്ധി​യു​ണ്ട്..​ സ​ങ്ക​ട​കാ​ലം ക​ട​ന്നു​പോ​കു​ക ത​ന്നെ ചെ​യ്യും.’

ക്രൂ​ശി​തന്‍റെ ഉ​ത്ത​ര​ത്തി​ല്‍ എ​ല്ലാം ഉ​ണ്ടാ​യി​രു​ന്നു; എ​ല്ലാം.... !!

ഫാ. ​ജോ​ണ്‍ പു​തു​വ