മ​നോ​രോ​ഗം സു​ഖ​പ്പെ​ട്ട​ശേ​ഷ​വും ബ​ന്ധു​ക്ക​ൾ കൈ​യൊ​ഴി​ഞ്ഞ് മ​നോ​രോ​ഗാ​ശു​പ​ത്രി​ക​ളി​ൽ ക​ഴി​യാ​ൻ വി​ധി​ക്ക​പ്പെ​ട്ട ഹ​ത​ഭാ​ഗ്യ​ർ. കോ​ട​തി​യി​ൽ വി​ചാ​ര​ണ ന​ട​ത്താ​ൻ പ​റ്റാ​തെ ജ​യി​ലു​ക​ളി​ൽ മ​നോ​രോ​ഗം ബാ​ധി​ച്ചു ക​ഴി​യു​ന്ന ഒ​ട്ടേ​റെ പ്ര​തി​ക​ൾ. വി​ഷാ​ദ​രോ​ഗ​വും മ​നോ​സം​ഘ​ർ​ഷ​ങ്ങ​ളു​മാ​യി ക​ഴി​യു​ന്ന പു​തി​യ ത​ല​മു​റ. തൊ​ഴി​ലി​നെ​യും തൊ​ഴി​ലി​ട​ങ്ങ​ളെ​യും ഉ​ൾ​ക്കൊ​ള്ളാ​നാ​വാ​തെ
ആ​ത്മ​ഹ​ത്യ ചെ​യ്യു​ന്ന ഏ​റെ​പ്പേ​ർ.സ്കൂ​ൾ കു​ട്ടി​ക​ൾ വ​രെ സം​ഘ​ർ​ഷ​ങ്ങ​ളു​ടെ ന​ടു​വി​ൽ
മാ​ന​സി​ക​പ്ര​ശ്ന​ങ്ങ​ളി​ൽ ഉ​ഴ​ലു​ക​യാ​ണി​ന്ന്. സാ​മൂ​ഹി​ക ചു​റ്റു​പാ​ടു​ക​ളും സം​ഘ​ർ​ഷ​ങ്ങ​ളും
വെ​ല്ലു​വി​ളി​ക​ളും നി​റ​ഞ്ഞ ഇ​ക്കാ​ല​ത്ത് മാ​ന​സി​ക​പ്ര​ശ്ന​ങ്ങ​ൾ ഏ​റെ​പ്പേ​റെ അ​ല​ട്ടു​ന്നു​ണ്ട്.
എ​ന്നാ​ൽ ചി​കി​ത്സ​യ്ക്കു​വേ​ണ്ട ആ​ളും അ​ർ​ഥ​വും സൗ​ക​ര്യ​വും കേ​ര​ള​ത്തി​ൽ ഏ​റെ
പ​രി​മി​ത​മാ​ണ്. മ​നോ​രോ​ഗം മാ​റാ​രോ​ഗ​മ​ല്ല. കാ​രു​ണ്യ​ത്തോ​ടെ​യും ക​രു​ത​ലോ​ടെ​യു​മു​ള്ള
ചി​കി​ത്സ​യും പ​രി​ച​ര​ണ​വു​മാ​ണ് ഇ​വ​ർ​ക്ക് ആ​വ​ശ്യം.... പരന്പര ...

മ​നോ​രോ​ഗം ഭേ​ദ​പ്പെ​ട്ടി​ട്ടും ബ​ന്ധു​ക്ക​ൾ സ്വീ​ക​രി​ക്കാ​ൻ ത​യാ​റാ​വാതെ മ​നോ​രോ​ഗ കേ​ന്ദ്ര​ങ്ങ​ളി​ൽ ക​ഴി​യു​ന്ന​വ​രു​ടെ എ​ണ്ണം അ​റി​യാ​ൻ ഗൗ​ര​വ് കു​മാ​ർ ബ​ൻ​സാ​ൽ എ​ന്ന അ​ഭി​ഭാ​ഷ​ക​ൻ ര​ണ്ടു വ​ർ​ഷം മു​ൻ​പ് സു​പ്രീം കോ​ട​തി​യി​ൽ പൊ​തു​താത്​പ​ര്യ ഹ​ർ​ജി സ​മ​ർ​പ്പി​ച്ചു. സ​ർ​ക്കാ​ർ​നി​യ​ന്ത്ര​ണ​ത്തി​ലു​ള്ള 43 മാ​ന​സി​കാ​രോ​ഗ്യ കേ​ന്ദ്ര​ങ്ങ​ളി​ൽ​മാ​ത്രം പ​തി​നാ​യി​ര​ത്തോ​ളം ഹ​ത​ഭാ​ഗ്യ​ർ ക​ഴി​യു​ന്ന​താ​യി കേ​ന്ദ്ര ആ​രോ​ഗ്യ​മ​ന്ത്രാ​ല​യം കോ​ട​തി​യെ ധ​രി​പ്പി​ച്ചു. ഇ​വ​രി​ൽ 1200 പേ​ർ 40 വ​ർ​ഷ​ത്തിലേറെ​യാ​യി ആ​ർ​ക്കും വേ​ണ്ടാ​ത്ത​വ​രാ​യി ക​ഴി​യു​ന്നു. സ്വ​കാ​ര്യ സ്ഥാ​പ​ന​ങ്ങ​ളി​ൽ ഇ​ത്ത​ര​ത്ത​ി​ൽ ക​ഴി​യു​ന്ന​വ​രു​ടെ എ​ണ്ണം കൂ​ടി നോ​ക്കി​യാ​ൽ ഇ​തി​ന്‍റെ പ​തി​ൻ​മ​ട​ങ്ങ് ക​ണ്ടേ​ക്കാം. ഈ ​സാ​ഹ​ച​ര്യ​ത്തി​ൽ മ​നോ​രോ​ഗം ഭേ​ദ​പ്പെ​ട്ട​വ​ർ​ക്ക് പു​ന​ര​ധി​വാ​സ പ​ദ്ധ​തി ത​യ്യാ​റാ​ക്കാ​ൻ കേ​ന്ദ്ര​സ​ർ​ക്കാ​രി​ന് സു​പ്രീം​കോ​ട​തി നി​ർ​ദ്ദേ​ശം ന​ൽ​കു​ക​യും ചെ​യ്തി​രു​ന്നു. ദേ​ശീ​യ ത​ല​ത്തി​ൽ ന​ട​പ​ടി​ക​ൾ ഉ​ണ്ടാ​യി​ല്ലെ​ങ്കി​ലും ഇ​ക്കൂ​ട്ട​രു​ടെ പു​ന​ര​ധി​വാ​സ​ത്തി​ന് കേ​ര​ള സ​ർ​ക്കാ​ർ 2018 മാ​ർ​ച്ചി​ൽ സ്നേ​ഹ​ക്കൂ​ട് പ​ദ്ധ​തി​ക്കു തു​ട​ക്കം കു​റി​ച്ചു. 50 വ​ർ​ഷ​മാ​യി മ​നോ​രോ​ഗ ആ​ശു​പ​ത്രി​യി​ൽ ക​ഴി​യാ​ൻ വി​ധി​ക്ക​പ്പെ​ട്ട​വ​രും ഈ ​പ​ദ്ധ​തി​യി​ൽ പു​ന​ര​ധി​വ​സി​പ്പിക്ക​പ്പെ​ട്ട​വ​രി​ൽ​പ്പെ​ടു​ന്നു.

തി​രു​വ​ന​ന്ത​പു​രം, തൃ​ശൂ​ർ, കോ​ഴി​ക്കോ​ട് മാ​ന​സി​കാ​രോ​ഗ്യ കേ​ന്ദ്ര​ങ്ങ​ളി​ൽ രോ​ഗം ഭേ​ദ​മാ​യി​ട്ടും ആ​രോ​രു​മി​ല്ലാ​തെ ക​ഴി​ഞ്ഞി​രു​ന്ന നൂ​റി​ലേ​റെ പേ​ർ​ക്ക് സ്നേ​ഹ​ക്കൂ​ട് അ​ഭ​യ​വും ആ​ശ്വാ​സ​വും പ​ക​രു​ന്നു. പേ​രൂ​ർ​ക്ക​ട മാ​ന​സി​കാ​രോ​ഗ്യ കേ​ന്ദ്ര​ത്തി​ൽ​നി​ന്നു മാ​ത്രം 79 പേ​രാ​ണ് സ്നേ​ഹ​ക്കൂ​ട്ടി​ൽ ചേ​ക്കേ​റി​യി​രി​ക്കു​ന്ന​ത്. തൃ​ശൂ​ർ, മ​ല​പ്പു​റം ജി​ല്ല​ക​ളി​ലും ഇ​ത്ത​ര​ത്തി​ൽ അ​ഭ​യ​മ​ന്ദി​ര​ങ്ങ​ൾ തു​റ​ന്നി​രി​ക്കു​ന്നു. പു​ന​ര​ധി​വ​സി​പ്പി​ച്ച​വ​ർ​ക്ക് തൊ​ഴി​ൽ പ​രി​ശീ​ല​നം ന​ൽ​കി വ​രു​മാ​ന​മാ​ർ​ഗ​വും സാ​ധ്യ​മാ​ക്കു​ന്നു. കൃ​ഷി, പ​ശു, ആ​ട്, കോ​ഴി വ​ള​ർ​ത്ത​ൽ തു​ട​ങ്ങി​യവ പ​രി​ശീ​ലി​പ്പി​ച്ച് സാ​ന്പ​ത്തി​ക ഭ​ദ്ര​ത ഉ​റ​പ്പാ​ക്കി ഇ​വ​രെ സ്വ​യം​പ​ര്യാ​പ്ത​രാ​ക്കു​ന്നു.

ഒ​രി​ക്ക​ൽ സ​മ​നി​ല തെ​റ്റി​യാ​ൽ എ​ല്ലാ​ക്കാ​ല​ത്തും അ​യാ​ൾ മ​നോ​രോ​ഗി​യാ​ണെ​ന്ന അ​ബ​ദ്ധ​ധാ​ര​ണ​യാ​ണ് ഇ​ക്കാ​ല​ത്തും സ​മൂ​ഹ​ത്തി​നു​ള്ള​ത്. ഇ​ത്ത​ര​ത്തി​ൽ ആ​ശു​പ​ത്രി​ക​ളി​ൽ ഉ​പേ​ക്ഷി​ക്ക​പ്പെ​ടു​ന്ന​വ​രി​ൽ ഏ​റെ​പ്പേ​രും സ്ത്രീ​ക​ളാ​ണ്. ഇതരദേ​ശ​ക്കാ​രും ഭാ​ഷ അ​റി​യാ​ത്ത​വ​രും അ​ല​ഞ്ഞു വ​ന്ന​വ​രു​മൊ​ക്കെ ഇ​വ​രി​ൽ​പ്പെ​ടും. തി​രു​വ​ന​ന്ത​പു​രം, കോ​ഴി​ക്കോ​ട്, തൃ​ശൂ​ർ മാ​ന​സി​കാ​രോ​ഗ്യ കേ​ന്ദ്ര​ങ്ങ​ളി​ൽ ആ​രും ഏ​റ്റെ​ടു​ക്കാ​നി​ല്ലാ​തെ ജീ​വി​തം വ​ഴി​മു​ട്ടി നി​ന്നി​രു​ന്ന​വ​രി​ൽ 130 പേ​രെ​യാ​ണ് മ​ല​പ്പു​റ​ത്തെ സ്നേ​ഹ​ക്കൂ​ട്ടി​ൽ പു​ന​ര​ധി​വ​സി​പ്പി​ച്ച​ത്. തി​രു​വ​നന്ത​പു​രം മാ​ന​സി​കാ​രോ​ഗ്യ കേ​ന്ദ്ര​ത്തി​ൽ നി​ന്നും 45 പേ​രും, തൃ​ശൂ​ർ മാ​ന​സി​കാ​രോ​ഗ്യ കേ​ന്ദ്ര​ത്തി​ൽ നി​ന്നും 25 പേ​രും, കോ​ഴി​ക്കോ​ട് മാ​ന​സി​കാ​രോ​ഗ്യ കേ​ന്ദ്ര​ത്തി​ൽ നി​ന്നും 60 പേ​രു​മാ​ണു​ള്ള​ത്. ഇ​ത്ത​ര​ത്തി​ൽ പു​ന​ര​ധി​വാ​സം ആ​വ​ശ്യ​മാ​യ നൂ​റു ക​ണ​ക്കി​നു പേ​ർ മ​നോ​രോ​ഗ കേ​ന്ദ്ര​ങ്ങ​ളി​ൽ ക​രു​ണ കാ​ത്തു​ക​ഴി​യു​ന്നു.

ചി​കി​ത്സാ​ല​യ​ങ്ങ​ൾ മൂ​ന്ന്

മ​നോ​രോ​ഗ​വും മാ​ന​സി​ക​പ്ര​ശ്ന​ങ്ങ​ളും പെ​രു​കി വ​രു​ന്ന സം​സ്ഥാ​ന​ത്ത് സ​ർ​ക്കാ​രി​ന് കീ​ഴി​ൽ മൂ​ന്ന് മാ​ന​സി​കാ​രോ​ഗ്യ ആ​ശു​പ​ത്രി​ക​ൾ മാ​ത്രം. മ​ധ്യ​കേ​ര​ള​ത്തി​ൽ ഒ​രു മാ​ന​സി​കാരോഗ്യ കേ​ന്ദ്ര​മി​ല്ല എ​ന്ന​ത് വ​ലി​യ പ​രി​മി​തി​ത​ന്നെ. കോ​ഴി​ക്കോ​ട് കു​തി​ര​വ​ട്ടം മാ​ന​സി​കാ​രോ​ഗ്യ ആ​ശു​പ​ത്രി, തൃ​ശൂ​ർ മാ​ന​സി​കാ​രോ​ഗ്യ ആ​ശു​പ​ത്രി, തി​രു​വ​ന​ന്ത​പു​രം ഉൗ​ള​ന്പാ​റ മാ​ന​സി​കാ​രോ​ഗ്യ ആ​ശു​പ​ത്രി എ​ന്നി​വ​യാ​ണ് സ​ർ​ക്കാ​രി​നു കീ​ഴി​ലു​ള്ള​ത്. എ​റ​ണാ​കു​ളം, ആ​ല​പ്പു​ഴ, ഇ​ടു​ക്കി, കോ​ട്ട​യം ജി​ല്ല​ക​ളി​ൽ​പ്പെ​ട്ട​വ​ർ​ക്ക് ആ​ശ്ര​യം തൃ​ശൂ​ർ മാ​ന​സി​കാ​രോ​ഗ്യ ആ​ശു​പ​ത്രി മാ​ത്രം. മ​ധ്യകേ​ര​ള​ത്തി​ൽ​ മാ​ത്രം നാ​ലാ​യി​രം രോ​ഗി​ക​ൾ സ്ഥി​ര​മാ​യി ചി​കി​ത്സ​തേ​ടു​ന്ന​വ​രാ​യു​ണ്ട്. വി​വി​ധ റി​ഹാ​ബി​ലി​റ്റേ​ഷ​ൻ സെ​ന്‍റ​റു​ക​ളി​ൽ 12,000 പേ​ർ മാ​ന​സി​ക പ്ര​ശ്ന​ങ്ങ​ളു​മാ​യി ക​ഴി​യു​ന്ന​താ​യാ​ണ് സം​സ്ഥാ​ന മാ​ന​സി​കാ​രോ​ഗ്യ അ​തോ​റി​റ്റി​യു​ടെ ക​ണ​ക്ക്.


സം​സ്ഥാ​ന​ത്തെ ജ​യി​ലു​ക​ളി​ൽ മാ​ന​സി​ക വെ​ല്ലു​വി​ളി​ക​ളു​ള്ള 215 ത​ട​വു​കാ​രു​ള്ള​താ​യി മു​ഖ്യ​മ​ന്ത്രി നി​യ​മ​സ​ഭ​യി​ൽ വ്യ​ക്ത​മാ​ക്കി​യി​രു​ന്നു. രോ​ഗി​ക​ളു​ടെ എ​ണ്ണം വ​ർ​ധി​ച്ച​പ്പോ​ഴും ആ​റു ഡോ​ക്ട​ർ​മാ​ർ മാ​ത്ര​മാ​ണ് ഇ​വ​രെ പ​രി​ച​രി​ക്കാ​നു​ള്ള​ത്.

ക്ലി​നി​ക്ക​ൽ സൈ​ക്കോ​ള​ജി​സ്റ്റു​ക​ളു​ടെ​യും സൈ​ക്യാ​ട്രി​സ്റ്റ് ന​ഴ്സു​മാ​രു​ടെ​യും സോ​ഷ്യ​ൽ വ​ർ​ക്ക​ർ​മാ​രു​ടെ​യും സേ​വ​നം ഏ​റെ​പ്പേ​ർ​ക്കും ല​ഭി​ക്കു​ന്നി​ല്ല.

മാ​ന​സി​ക​രോ​ഗ വി​ദ​ഗ്ധ​രു​ടെ നി​ർ​ദേ​ശ​ത്തി​ന​നു​സ​രി​ച്ചാ​ണ് കോ​ട​തി​ക​ളി​ൽ രോ​ഗി​ക​ളു​ടെ വി​ചാ​ര​ണ. എ​ന്നാ​ൽ, ഡോ​ക്ട​ർ​മാ​രു​ടെ എ​ണ്ണം കു​റ​ഞ്ഞ​ത് പ്ര​ശ്ന​ങ്ങ​ൾ സൃ​ഷ്ടി​ക്കു​ന്നു. ഒ​രു ന​ഴ്സി​ന്‍റെ മാ​ത്രം സേ​വ​ന​മാ​ണ് ത​ട​വ​റ​ക​ളി​ലെ മാ​ന​സി​ക വെ​ല്ലു​വി​ളി നേ​രി​ടു​ന്ന​വ​രു​ടെ ആ​ശ്വാ​സം.

കേ​ര​ളം അ​ഭ​യം

സ​മ​നി​ല തെ​റ്റിയ അ​വ​സ്ഥ​യി​ൽ ഉ​റ്റ​വ​രെ​യും തെ​രു​വി​ൽ അ​ല​യു​ന്ന​വ​രെ​യും ട്രെ​യി​നു​ക​ളി​ൽ ക​യ​റ്റി കേ​ര​ള​ത്തി​ലേ​ക്ക് അ​യ​യ്ക്കു​ന്ന​തും പ​തി​വാ​ണ്. കേ​ര​ള​ത്തി​ൽ ഇ​ത്ത​ര​ത്തി​ൽ ദി​വ​സം 10 മ​നോ​രോ​ഗി​ക​ളെ​ങ്കി​ലും ട്രെ​യി​നു​ക​ളി​ൽ എ​ത്തു​ന്നു. മ​നോ​രോ​ഗി​ക​ളെ ട്രെ​യി​നു​ക​ളി​ലും ലോ​റി​ക​ളി​ലും ക​യ​റ്റി കേ​ര​ള​ത്തി​ലേ​ക്ക് അ​യ​യ്ക്കു​ന്ന ഇ​ട​നി​ല​ക്കാ​രും ഇ​ത​ര​സം​സ്ഥാ​ന​ങ്ങ​ളി​ലു​ണ്ട്. അ​ല​ഞ്ഞു തി​രി​യു​ന്ന രോ​ഗി​ക​ളെ ഏ​റ്റെ​ടു​ക്കാ​ൻ അ​ഗ​തി​മ​ന്ദി​ര​ങ്ങ​ളും അ​ഭ​യ​കേ​ന്ദ്ര​ങ്ങ​ളും പ​ല​തു​ണ്ടെ​ന്ന​തി​നാ​ലാ​ണ് കേ​ര​ള​ത്തി​ലേ​ക്ക് ഇ​ക്കൂ​ട്ട​ർ ഏ​റെ​യാ​യി എ​ത്തു​ന്ന​ത്. സം​സ്ഥാ​ന​ത്തെ വി​വി​ധ അ​ഗ​തി​മ​ന്ദി​ര​ങ്ങ​ളി​ൽ അ​യ്യാ​യി​ര​ത്തി​ലേ​റെ മ​നോ​രോ​ഗി​ക​ൾ ക​ഴി​യു​ന്നു. ഇ​വ​രി​ൽ ഏ​റെ​പ്പേ​രും ഇ​ത​ര സം​സ്ഥാ​ന​ങ്ങ​ളി​ൽ നി​ന്ന് അ​നാ​ഥ​രാ​യി വ​ഴി​തെ​റ്റി​വ​ന്ന​വ​ർ. രോ​ഗം സു​ഖ​പ്പെ​ട്ട​തി​നു​ശേ​ഷം ബ​ന്ധു​ക്ക​ൾ ഏ​റ്റെ​ടു​ക്കാ​ൻ ത​യാ​റാ​വാ​തെ വ​ന്ന ആ​യി​ര​ക്ക​ണ​ക്കി​ന് പേ​ർ അ​ഭ​യ​മ​ന്ദി​ര​ങ്ങ​ളി​ൽ ക​ഴി​യു​ന്നു.

കൊ​ച്ചി ന​ഗ​ര​ത്തി​ൽ​നി​ന്ന് ഒ​രു വ​ർ​ഷം 35 മു​ത​ൽ 375 വ​രെ മാ​ന​സി​ക രോ​ഗി​ക​ളെ ക​ണ്ടെ​ത്തു​ന്നു​വെ​ന്നാ​ണ് സാ​മൂ​ഹി​ക നീ​തി വ​കു​പ്പി​നു കീ​ഴി​ൽ പ്ര​വ​ർ​ത്തി​ക്കു​ന്ന തെ​രു​വു വെ​ളി​ച്ച​ത്തി​ന്‍റെ ചു​മ​ത​ല​ക്കാ​ര​ൻ തെ​രു​വോ​രം മു​രു​ക​ൻ പ​റ​യു​ന്ന​ത്. ഇ​തി​ൽ അ​ഞ്ച് വ​ർ​ഷ​ത്തി​നി​ടെ 110 പേ​രെ മാ​ന​സി​കാ​രോ​ഗ്യ ആ​ശു​പ​ത്രി​യി​ൽ തെ​രു​വു വെ​ളി​ച്ച​ത്തി​ൽ​നി​ന്നു മാ​ത്രം പ്ര​വേ​ശി​പ്പി​ച്ചു.

സം​സ്ഥാ​ന​ത്തെ മാ​ന​സി​ക രോ​ഗി​ക​ളി​ൽ കൂ​ടു​ത​ലും സ്ത്രീ​ക​ളെ​ന്ന് സാ​മൂ​ഹ്യ ക്ഷേ​മ വ​കു​പ്പ് ന​ട​ത്തി​യ സ​ർ​വെ റി​പ്പോ​ർ​ട്ട്. ഗു​രു​ത​ര മാ​ന​സി​ക രോ​ഗം പി​ടി​പെ​ട്ട സ്ത്രീ​ക​ളെ മാ​ന​സി​കാ​രോ​ഗ്യ കേ​ന്ദ്ര​ങ്ങ​ളി​ൽ ഉ​പേ​ക്ഷി​ക്കു​ന്ന പ്ര​വ​ണ​ത​യും കൂ​ടി​വ​രു​ന്നു.

വി​ഷാ​ദ​രോ​ഗി​ക​ളു​ടെ ക​ണ​ക്കി​ലും സ്ത്രീ​ക​ളാ​ണ് മു​ന്നി​ൽ. ചി​കി​ത്സ​ക്കെ​ത്തു​ന്ന സ്ത്രീ​ക​ളി​ൽ 25 ശ​ത​മാ​ന​വും വി​ഷാ​ദ​രോ​ഗി​ക​ളാ​ണ്. സാ​മൂ​ഹ്യ​ക്ഷേ​മ വ​കു​പ്പി​ന്‍റെ പ​ഠ​ന​മ​നു​സ​രി​ച്ച് അം​ഗ​പ​രി​മി​ത​രി​ൽ 12.72 ശ​ത​മാ​നം പേ​ർ മാ​ന​സി​ക രോ​ഗി​ക​ളാ​ണ്.

ഹാ​ഫ് വേ ​ഹോ​മു​ക​ൾ

മ​നോ രോ​ഗാ​ശു​പ​ത്രി​ക​ളി​ൽ നി​ന്നും വി​ടു​ത​ൽ നേ​ടു​ന്ന രോ​ഗ​മു​ക്ത​രാ​യ​വ​ർ​ക്ക് തൊ​ഴി​ൽ മേ​ഖ​ല​ക​ളി​ൽ പ​രി​ശീ​ല​നം ന​ൽ​കു​ന്ന​തി​നും മെ​ച്ച​പ്പെ​ട്ട സാ​മൂ​ഹ്യ ജീ​വി​തം സാ​ധ്യ​മാ​ക്കു​ന്ന​തി​നു​മാ​യി സം​സ്ഥാ​ന ആ​രോ​ഗ്യ​വ​കു​പ്പ് ഹാ​ഫ് വേ ​ഹോ​മു​ക​ൾ ആ​രം​ഭി​ക്കു​ക​യാ​ണ്. ചി​കി​ത്സ​യ്ക്കു ശേ​ഷ​വും ഏ​റ്റെ​ടു​ക്കാ​ൻ ത​യാ​റാ​കാ​ത്ത​വ​ർ​ക്ക് പ​രി​ശീ​ല​നം ന​ൽ​കി നൈ​പു​ണ്യ വി​ക​സ​ന​ത്തി​ലൂ​ടെ​യും സാ​ന്പ​ത്തി​ക ശാ​ക്തീ​ക​ര​ണ​ത്തി​ലൂ​ടെ​യും കു​ടും​ബാം​ഗ​ങ്ങ​ൾ​ക്ക് സ്വീ​കാ​ര്യ​മാം​വി​ധം പ​രി​ശീ​ലി​പ്പി​ച്ച് സാ​ധാ​ര​ണ ജീ​വി​ത​ത്തി​ലേ​ക്ക് മ​ട​ങ്ങാ​ൻ പ്രാ​പ്ത​രാ​ക്കു​ക​യാ​ണ് ഹാ​ഫ് വേ ​ഹോം പ​ദ്ധ​തി. തി​രു​വ​ന​ന്ത​പു​രം, തൃ​ശൂ​ർ, കോ​ഴി​ക്കോ​ട് എ​ന്നി​വി​ട​ങ്ങ​ളി​ൽ സ​ന്ന​ദ്ധ സം​ഘ​ട​ന​ക​ൾ മു​ഖേ​ന​യാ​ണ് ഹാ​ഫ് വേ ​ഹോ​മു​ക​ൾ ആ​രം​ഭി​ക്കു​ന്ന​ത്.

രോ​ഗം ഭേ​ദ​മാ​യ​വ​ർ​ക്ക് സാ​മൂ​ഹ്യാ​ധി​ഷ്ഠി​ത പു​ന​ര​ധി​വാ​സം ഉ​റ​പ്പാ​ക്കു​ക, സം​ര​ക്ഷി​ക്കാ​ൻ കു​ടും​ബാം​ഗ​ങ്ങ​ൾ ത​യ്യാ​റാ​കാ​ത്ത​തി​നാ​ലോ ബ​ന്ധു​ക്ക​ൾ ഇ​ല്ലാ​ത്ത​തി​നാ​ലാ അ​നാ​ഥ​രാ​യ​വ​ർ​ക്ക് ത​ണ​ലേ​കു​ക, മാ​ന​സി​ക​വും ശാ​രീ​രി​ക​വു​മാ​യ ഉ​ല്ലാ​സം ഉ​റ​പ്പു വ​രു​ത്തു​ന്ന​തി​നു​ള്ള പ​രി​പാ​ല​നം ന​ൽ​കു​ക, തൊ​ഴി​ൽ പ​രി​ശീ​ല​നം ന​ൽ​കി സ്വ​യം പ​ര്യാ​പ്ത​രാ​ക്കു​ക, അ​വ​രെ കു​ടും​ബാം​ഗ​ങ്ങ​ൾ​ക്ക് സ്വീ​കാ​ര്യ​മാ​ക്കു​ക, സാ​മൂ​ഹ്യ​നീ​തി​യും, സു​ര​ക്ഷ​യും, അ​വ​കാ​ശ സം​ര​ക്ഷ​ണ​വും ഉ​റ​പ്പാ​ക്കു​ക തു​ട​ങ്ങി​യ​വ​യാ​ണ് ഹാ​ഫ് വേ ​ഹോ​മി​ലൂ​ടെ ല​ക്ഷ്യം വ​യ്ക്കു​ന്ന​ത്.​സ്ത്രീ​ക​ൾ​ക്കും പു​രു​ഷ​ൻ​മാ​ർ​ക്കും പ്ര​ത്യേ​കം സൗ​ക​ര്യ​ങ്ങ​ളാ​ണ് ഹാ​ഫ് വേ ​ഹോ​മു​ക​ൾ ന​ൽ​കു​ന്ന​ത്.
(തു​ട​രും)

റെജി ജോസഫ്