ഇ​റാ​ക്കി​ന്‍റെ പ്ര​സി​ഡ​ന്‍റായി​രു​ന്ന സ​ദ്ദാം ഹു​സൈ​നെ എ​ല്ലാ​വ​രും അ​റി​യും. പ​ക്ഷെ, ഇ​രി​ങ്ങാ​ല​ക്കു​ട കാ​ട്ടൂ​രി​ൽ വ​സി​ക്കു​ന്ന സ​ദ്ദാ​മി​നെ​യും ഹു​സൈ​നെ​യും നി​ങ്ങ​ള​റി​യ​ണ​മെ​ന്നി​ല്ല. സ​ദ്ദാ​മും ഹു​സൈ​നും ചേ​ർ​ന്നാ​ൽ ഷാ​നു​വി​ന്‍റെ പോ​ത്തു​ക​ഥ​യാ​യി. ഒ​രു മു​ഴു​ത്ത യ​മ​ണ്ട​ൻ പോ​ത്തു​പ്രേ​മ​ക്ക​ഥ..!. ഇ​നി ഇ​വ​രെ പ​രി​ച​യ​പ്പെ​ടു​ത്താം. ഷാ​നു എ​ന്ന ഷാ​ന​വാ​സ് അബ്ദു​ള്ള. 34 വ​യ​സ്. കാ​ട്ടൂ​ർ ത​ളി​യ​പ്പാ​ട​ത്ത് കു​ടും​ബാം​ഗം. സ​ദ്ദാം അ​ഞ്ചു​വ​യ​സ്, ഹ​രി​യാ​ന സ്വ​ദേ​ശി. ഹു​സൈ​ൻ അ​ഞ്ചു വ​യ​സ് ആ​ന്ധ്ര സ്വ​ദേ​ശി. പ്രാ​യം ഇ​ത്ര​യേ​യു​ള്ളു​വെ​ങ്കി​ലും സ​ദ്ദാ​മും ഹു​സൈ​നും ചി​ല്ല​റ​ക്കാ​ര​ല്ല. കേ​ര​ള​ത്തി​ലെ ഏ​റ്റ​വും വ​ലി​പ്പ​മേ​റി​യ പോ​ത്തു​ക​ളാ​ണി​വ​ർ. ഇ​റാ​ക്കി​ലെ മു​ൻ പ്ര​സി​ഡ​ന്‍റിന്‍റെ ഓ​ർ​മ​യ്ക്കു ത​ന്നെ​യാ​ണ് ഷാ​നു ര​ണ്ടു ചു​ണ​ക്കു​ട്ട​ൻ പോ​ത്തു​ക​ൾ​ക്കും സ​ദ്ദാം, ഹു​സൈ​ൻ എ​ന്നു പേ​രി​ട്ട​ത്.

ഹ​രി​യാ​ന​യി​ൽ നി​ന്നാ​ണ് സ​ദ്ദാം എ​ന്ന ചു​ണ​ക്കു​ട്ട​നെ ഷാ​നു സ്വ​ന്ത​മാ​ക്കി​യ​ത്. മെ​ഹ​സ്ന വി​ഭാ​ഗ​ത്തി​ൽ​പ്പെ​ട്ട പോ​ത്ത്. എ​ണ്ണ​ക്ക​റു​പ്പു നി​റം. ഉ​യ​രം ആ​റ​ടി​യോ​ളം. തൂ​ക്കം ര​ണ്ടാ​യി​രം കി​ലോ​യോ​ളം. വി​ല:​മോ​ഹ​വി​ല.

സു​ർ​ട്ടി മു​റോ ക്രോ​സ് വി​ഭാ​ഗ​ത്തി​ൽ​പ്പെ​ട്ട പോ​ത്താ​ണ് ഹു​സൈ​ൻ. ആ​റ​ടി​യോ​ളം പൊ​ക്ക​വും ര​ണ്ടാ​യി​രം കി​ലോ​യോ​ളം തൂ​ക്ക​വും. വി​ല​യാ​ക​ട്ടെ ക​ച്ച​വ​ട​ക്കാ​ര​ൻ നി​ശ്ച​യി​ക്കു​ന്ന ഏ​തു തു​ക​യു​മാ​കാം.

ചു​വ​ന്ന മൂ​ക്കു​ക​യ​റു​മി​ട്ട് ക​ഴു​ത്തി​ൽ നെ​യിം​പ്ലേ​റ്റു​മ​ണി​ഞ്ഞ് സ​ദ്ദാ​മും ഹു​സൈ​നും ന​ട​ന്നെ​ത്തി​യാ​ൽ കൊ​ന്പി​ല്ലാ​ത്ത ക​രി​വീ​രന്മാ​രും തോ​റ്റു​പോ​കും. മു​ക്ര​യി​ടാ​തെ ത​ല​യെ​ടു​പ്പോ​ടെ ഷാ​നു​വി​നോ​ടു ചേ​ർ​ന്നു നി​ൽ​ക്കു​ന്പോ​ൾ ഇ​വ​ർ ത​ങ്ങ​ളു​ടെ കു​ട്ടി​ത്ത​വും വി​ടാ​റി​ല്ല. സാ​ധാ​ര​ണ പോ​ത്തു​ക​ളെ​ക്കാ​ൾ അ​തി​ഭീ​ക​രന്മാ​രാ​യി തോ​ന്നാ​മെ​ങ്കി​ലും കൊ​ച്ചു​കു​ട്ടി​ക​ൾ​ പോ​ലും ഇ​വ​രു​മാ​യി അ​ടു​ത്ത് ഇ​ട​പ​ഴ​കാ​റു​ണ്ടെ​ന്നു ഷാ​ന​വാ​സ് പ​റ​യു​ന്നു. ദി​വ​സ​വും ഒ​രു ലി​റ്റ​റോ​ളം പാ​ൽ ക​ഴി​ക്കു​ന്ന​വ​രാ​ണ് സ​ദ്ദാ​മും ഹു​സൈ​നും. അ​വി​ൽ, ഈ​ന്ത​പ്പ​ഴം, ബ​ദാം ലേ​ഹ്യം, ആ​പ്പി​ൾ, കാ​ര​റ്റ് എ​ന്നി​വ​യാ​ണ് പ്ര​ധാ​ന ആ​ഹാ​രം. സ​മ​യാ​സ​മ​യം ഭ​ക്ഷ​ണ​ത്തി​നു പു​റ​മെ ദി​ന​വും മൂ​ന്നു​നേ​രം കു​ളി. ഓ​യി​ൽ മ​സാ​ജിം​ഗ്. കു​ളി​ക്കു ശേ​ഷം കു​ള​ത്തി​ൽ നീ​രാ​ട്ട്. പ്ര​തി​മാ​സം ഭ​ക്ഷ​ണ​ത്തി​നാ​യി ഇ​രു​വ​ർ​ക്കും ചെ​ല​വു വ​രു​ന്ന​ത് ഒ​രു​ല​ക്ഷ​ത്തോ​ളം രൂ​പ. നാ​ലു ജോ​ലി​ക്കാ​രെ നി​യ​മി​ച്ചി​ട്ടു​ണ്ട്. വി​വി​ധ കാ​ർ​ഷി​ക പ്ര​ദ​ർ​ശ​ന മേ​ള​ക​ളി​ൽ വി​രു​ന്നു പോ​കു​ന്ന​താ​ണ് ഇ​വ​രു​ടെ മ​റ്റു വി​നോ​ദ​ങ്ങ​ൾ.


ബാ​പ്പ ഒ​രു​പാ​ട് മൃ​ഗ​ങ്ങ​ളെ വ​ള​ർ​ത്തി​യി​രു​ന്നു. ചെ​റു​പ്പം മു​ത​ലേ ഞാ​ൻ ക​ണ്ടു​വ​ള​ർ​ന്ന​തും അ​താ​ണ്. ഷാ​ന​വാ​സ് പ​റ​യു​ന്നു. ഇ​ന്നും ഷാ​ന​വാ​സി​ന്‍റെ കു​ടും​ബ​ത്തി​നൊ​പ്പം പ​രി​സ​ര​ങ്ങ​ളി​ൽ സ്നേ​ഹം വി​ത​റി ഒ​ത്തി​രി​യൊ​ത്തി​രി സ​ഹ​ജീ​വി​ക​ൾ ജീ​വി​ച്ചു​വ​രു​ന്നു. കോ​ഴി, താ​റാ​വ്, ഗി​നി​ക്കോ​ഴി, കാ​ള, എ​രു​മ, നാ​യ എ​ന്നി​വ​യെ വ​ള​ർ​ത്തി​വ​രു​ന്ന ഷാ​ന​വാ​സ് പ​ഴ​യൊ​രു സാ​ഹ​സി​ക ബൈ​ക്ക് യാ​ത്രി​ക​ൻ കൂ​ടി​യാ​ണ്.

ഷാ​ന​വാ​സിന്‍റെ ആ​ശ​ങ്ക​ക​ൾ എ​ല്ലാ ക​ന്നു​കാ​ലി ക​ർ​ഷ​ക​നു​മു​ള്ള​തു ത​ന്നെ​യാ​ണ്. ഇ​ത്ത​രം മു​ന്തി​യ ബ്രീ​ഡു​ക​ൾ ഇ​വി​ടെ ല​ഭ്യ​മാ​യി​ട്ടും ബീ​ജം ശേ​ഖ​രി​ക്കാ​നോ പു​തു ബ്രീ​ഡു​ക​ളെ സൃ​ഷ്ടി​ക്കാ​നോ സ​ർ​ക്കാ​ർ സം​വി​ധാ​ന​മി​ല്ല. നേ​രി​ട്ടു ചെ​യ്യാ​നു​മാ​കി​ല്ല. അ​തെ​ല്ലാം നി​യ​മ​ത്തി​ന്‍റെ നൂ​ലാ​മാ​ല​ക​ളാ​ണ്. പ​ല ത​ര​ത്തി​ലു​ള്ള വാ​ഗ്ദാ​ന​ങ്ങ​ൾ സ​ർ​ക്കാ​ർ ഉ​ദ്യോ​ഗ​സ്ഥ​രു​ടെ ഭാ​ഗ​ത്തു നി​ന്നു​ണ്ടാ​കു​ന്നു​ണ്ടെ​ങ്കി​ലും പ്ര​ത്യേ​കി​ച്ചു മെ​ച്ച​മൊ​ന്നു​മി​ല്ല- ഷാ​ന​വാ​സ് പ​റ​യു​ന്നു.

സ​ദ്ദാ​മി​നെ​യും ഹു​സൈ​നെ​യും പോ​ലെ​യു​ള്ള പോ​ത്തു​ക​ൾ​ക്കു മോ​ഹ​വി​ല​യാ​ണ്. വി​ൽ​ക്കു​ന്ന​വ​ന്‍റെ വി​വേ​കം അ​നു​സ​രി​ച്ച് വി​ല ഏ​റി​യും കു​റ​ഞ്ഞു​മി​രി​ക്കും. ഹ​രി​യാ​ന​യി​ൽ ഈ​യി​നം പോ​ത്തു​ക​ൾ​ക്കു പ​ത്തു​കോ​ടി​യോ​ളം വി​ല​വ​രും. ബീ​ജം ശേ​ഖ​രി​ക്കു​ന്ന മാ​ർ​ക്ക​റ്റി​ൽ വ​ൻ ഡി​മാൻഡാണ് ഈ ​ബ്രീ​ഡു​ക​ൾ​ക്കു​ള്ള​ത്. അ​തു​കൊ​ണ്ടു​ത​ന്നെ ഇ​ട​നി​ല​ക്കാ​രു​ടെ ഇ​ട​പെ​ട​ലാ​ണ് ഇ​വി​ടെ നി​ർ​ണാ​യ​ക​മാ​കു​ക.

കാ​ട്ടൂ​രി​ൽ സ​ദ്ദാ​മി​നും ഹു​സൈ​നും കൂ​ട്ടാ​യി ഒ​രു കു​ട്ടി​പോ​ത്തും എ​ത്തി​യി​ട്ടു​ണ്ട്. മൂ​ന്ന​ര വ​യ​സു​കാ​ര​ൻ ഷെ​യ്ക്ക്. ആ​ളും ചി​മി​ട്ട​നാ​ണ്. ഉ​യ​രം വ​ച്ചു​വ​രു​ന്ന​തേ​യു​ള്ളു. ചേ​ട്ടന്മാ​ർ​ക്കൊ​പ്പം വി​ശാ​ല​മാ​യ തൊ​ഴു​ത്തി​ൽ ഒ​തു​ങ്ങി​ക്കൂ​ടി ന​ല്ല അ​നി​യ​നാ​യി ക​ഴി​ഞ്ഞു കൂ​ടു​ക​യാ​ണി​വ​ൻ. ചേ​ട്ടന്മാ​രു​ടെ എ​ല്ലാ ശീ​ല​ങ്ങ​ളും ശീ​ല​ക്കേ​ടു​ക​ളും ക​ണ്ടു​പ​ഠി​ച്ച്.. അ​വ​ൻ പ​റ​ഞ്ഞി​ട്ടു​ണ്ടാ​ക​ണം....​ഒ​രു​നാ​ൾ ഞാ​നും ചേ​ട്ട​നെ​പ്പോ​ലെ വ​ള​രും വ​ലു​താ​കും...

എം.​വി. വ​സ​ന്ത്