സാ​ധാ​ര​ണ​യാ​യി ഗ​ർ​ഭാ​ശ​യ ത​ക​രാ​ർ മൂ​ല​മു​ള്ള വ​ന്ധ്യ​ത​യ്ക്ക് പ​രി​ഹാ​ര​മാ​യി​ട്ടാ​ണ് സ്വ​ന്തം ര​ക്ത​ത്തി​ൽ​ നി​ന്നു​ള്ള കു​ഞ്ഞി​നെ ല​ഭി​ക്കാ​ൻ ഈ ​രീ​തി അ​വ​ലം​ബി​ക്കു​ന്ന​ത്. എ​ന്നാ​ൽ, ഇ​തി​നു പി​ന്നീ​ട് മാ​റ്റ​മു​ണ്ടാ​യി. വൈ​ക​ല്യ​ങ്ങ​ളി​ല്ലെ​ങ്കി​ലും സ​മ​യ​ക്കു​റ​വും ജോ​ലി​യു​മൊ​ക്കെ ക​ണ്ടു​കൊ​ണ്ട് സ്ത്രീ​ക​ൾ പ്ര​സ​വം ക​രാ​ർ ന​ല്കു​ന്ന രീ​തി​യി​ലേ​ക്കു​വ​രെ എ​ത്തി കാ​ര്യ​ങ്ങ​ൾ. സ്വ​ന്തം ര​ക്ത​ത്തി​ൽ ഒ​രു കു​ഞ്ഞി​നെ ല​ഭി​ക്കാ​ൻ ഗ​ർ​ഭ​ധാ​ര​ണം മൂ​ല​മു​ണ്ടാ​കു​ന്ന ഒ​രു പ്ര​യാ​സ​വും പ്ര​സ​വ​വേ​ദ​ന​യു​മ അ​റി​യാ​തെ ചു​ളു​വി​ൽ കു​ഞ്ഞി​നെ ക​ര​സ്ഥ​മാ​ക്കു​ന്ന ഒ​രു സം​വി​ധാ​ന​മാ​യി മാ​റി വാ​ട​ക ഗ​ർ​ഭ​ധാ​ര​ണം.

വാ​ണി​ജ്യ അ​ടി​സ്ഥാ​ന​ത്തി​ലു​ള്ള വാ​ട​ക ഗ​ർ​ഭ​ധാ​ര​ണം 2002 മു​ത​ൽ ഇ​ന്ത്യ​യി​ൽ നി​യ​മ​വി​ധേ​യ​മാ​യ​ിരുന്നു. നി​യ​മ​വ​ശ​ങ്ങ​ൾ വ്യ​ക്ത​മ​ല്ലാ​ത്ത​തി​നാ​ൽ കാ​ല​ക്ര​മേ​ണ ഏ​തു മേ​ഖ​ല​ക​ളി​ലെ​യും പോ​ലെ ത​ന്നെ വാ​ട​ക ഗ​ർ​ഭ​ധാ​ര​ണ​ത്തി​നും ചൂ​ഷ​ണം അ​നേ​ക​മാ​യി. വാ​ണി​ജ്യ​പ​ര​മാ​യി​ത്ത​ന്നെ അ​തു മാ​റി​ക്കൊ​ണ്ടി​രി​ക്കു​ന്നു. വാ​ട​ക​ഗ​ർ​ഭ​ത്തി​ൽ പി​റ​ന്ന അ​നേ​കം കു​ട്ടി​ക​ൾ പി​ന്നീ​ട് അ​നാ​ഥ​രാ​യി. ഇ​ത്ത​രം ഒ​രു അ​വ​സ്ഥ​യി​ൽ പ​ല രാ​ജ്യ​ങ്ങ​ളും ഇ​തി​നു ക​ർ​ശ​ന നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്താ​ൻ നി​ർ​ബ​ന്ധി​ത​രാ​യി.

ലോ​ക​ത്തെ ആ​ദ്യ​ത്തെ ബേ​ബി ഫാ​ക്ട​റി

വാ​ട​ക ഗ​ർ​ഭ​പാ​ത്ര​ത്തി​ലൂ​ടെ കു​ഞ്ഞി​നെ സ്വ​ന്ത​മാ​ക്കാ​ൻ ആ​ഗ്ര​ഹി​ക്കു​ന്ന​വ​ർ​ക്ക് പ്രി​യ​പ്പെ​ട്ട രാ​ജ്യ​മാ​യി​രു​ന്നു ഇ​ന്ത്യ. ലോ​ക​ത്തെ ആ​ദ്യ​ത്തെ ബേ​ബി ഫാ​ക്ട​റി (വി​ദേ​ശ​ദ​ന്പ​തി​ക​ൾ​ക്കു​വേ​ണ്ടി വാ​ട​ക അ​മ്മ​മാ​രെ ക​ണ്ടെ​ത്തു​ക​യും താ​മ​സി​പ്പി​ക്കു​ക​യും ചെ​യ്യു​ന്ന​യി​ടം) ആ​രം​ഭി​ച്ച​ത് ഇ​ന്ത്യ​യി​ലാ​ണ്. രാ​ജ്യ​ത്ത് പ്ര​ശ​സ്ത​മാ​യ സ​റ​ഗ​സി ആ​ശു​പ​ത്രി​ക​ൾ നി​ല​വി​ലു​ണ്ടാ​യി​രു​ന്നു. പാ​ശ്ചാ​ത്യ​രു​ടെ സ​ന്താ​ന​ദുഃ​ഖ​ത്തി​ന് ഇ​ന്ത്യ​ൻ അ​മ്മ​മാ​ർ പ​രി​ഹാ​രം ന​ല്കു​ന്ന കാ​ഴ്ച​യാ​ണ് ഏ​താ​നും വ​ർ​ഷ​ങ്ങ​ൾ മുന്പു വരെ ക​ണ്ടു​കൊ​ണ്ടി​രു​ന്ന​ത്. വാ​ട​ക​യ്ക്ക് കൂ​ടു​ത​ൽ സ്ത്രീ​ക​ൾ രം​ഗ​ത്ത് വ​ന്ന​തോ​ടെ വി​ദേ​ശി​ക​ൾ​ക്ക് ഇ​ന്ത്യ​ൻ അ​മ്മ​മാ​രി​ലാ​യി ക​ണ്ണ്. ഇ​വി​ടെ ഒ​രു ഗ​ർ​ഭ​പാ​ത്രം വാ​ട​ക​യ്ക്ക് എ​ടു​ക്കു​ന്ന​തി​ന് അ​ധി​കം പ​ണ​ച്ചെ​ല​വു​ക​ളോ മ​റ്റു ത​ല​വേ​ദ​ന​ക​ളോ ഇ​ല്ല എ​ന്ന​താ​യിരുന്നു അ​വ​രെ ആ​ക​ർ​ഷി​ച്ചി​രു​ന്ന​ത്. ഇ​തി​നു വ്യ​ക്ത​മാ​യ നി​യ​ന്ത്ര​ണ​ങ്ങ​ളോ നി​യ​മ​ങ്ങ​ളോ ഇ​ല്ലാ​ത്ത സാ​ഹ​ച​ര്യ​ത്തി​ൽ ക​ടു​ത്ത ചൂ​ഷ​ണ​മാ​യി ഇ​തു മാ​റി​യി​രി​ക്കു​ന്നു. സറോ​ഗ​സി ബി​ല്ല് പാ​ർ​ല​മെ​ന്‍റി​ൽ അ​വ​ത​രി​പ്പി​ച്ച​തോ​ടെ ഈ ​പ്ര​വ​ണ​ത​യ്ക്ക് നേ​രി​യ ശ​മ​നം വ​ന്നി​ട്ടു​ണ്ട്.

വി​ദേ​ശ​രാ​ജ്യ​ങ്ങ​ളി​ൽ ചെ​ല​വാ​കു​ന്ന​തി​ന്‍റെ പാ​തി മാ​ത്ര​മേ ഇ​ന്ത്യ​യി​ൽ ചെ​ല​വു വ​രി​ക​യു​ള്ളു എ​ന്ന​താ​ണ് വി​ദേ​ശീ​യ​രെ ഇ​ന്ത്യ​യി​ലേ​ക്ക് ആ​ക​ർ​ഷി​ച്ചി​രു​ന്ന ഘ​ട​കം. കു​ടും​ബാം​ഗ​ങ്ങ​ളു​ടെ​യോ ഏ​ജ​ൻ​റു​മാ​രു​ടെ​യോ സ​മ്മ​ർ​ദ​ത്തി​നും ഭീ​ഷ​ണി​ക്കും വ​ഴ​ങ്ങി​യാ​ണ് പ​ല സ്ത്രീ​ക​ളും ഇ​തി​നു ത​യാ​റാ​കു​ന്ന​ത്. കൂ​ടാ​തെ, സാ​ന്പ​ത്തി​ക​മാ​യി പി​ന്നോ​ക്കം നി​ല്ക്കു​ന്ന​വ​രും പ​ണ​ത്തി​ന് ആ​വ​ശ്യ​മു​ള്ള​വ​രു​മാ​യ സ്ത്രീ​ക​ൾ വാ​ട​ക അ​മ്മ​മാ​രാ​കാ​ൻ ത​യാ​റാ​കു​ന്പോ​ൾ പ​ല​പ്പോ​ഴും വ​ഞ്ചി​ത​രാ​കാ​റു​ണ്ട്. ബി​സി​ന​സ് ന​ട​ത്തു​ന്ന ഏ​ജ​ൻ​റു​മാ​ർ പ​ണം ത​ട്ടു​ന്പോ​ൾ വാ​ട​ക അ​മ്മ​മാ​ർ​ക്ക് കി​ട്ടു​ന്ന​ത് തു​ച്ഛ​മാ​യ തു​ക മാ​ത്രം.

വൻതോതിൽ വർധിച്ചു

ക​ഴി​ഞ്ഞ പ​ത്തു​വ​ർ​ഷ​ക്കാ​ല​ത്ത് ഇ​ന്ത്യ​യി​ൽ വാ​ണി​ജ്യ അ​ടി​സ്ഥാ​ന​ത്തി​ലു​ള്ള വാ​ട​ക ഗ​ർ​ഭ​ധാ​ര​ണം വ​ൻ​തോ​തി​ൽ വ​ർ​ധി​ച്ചതായാണു റിപ്പോർട്ടുകൾ. സ്വ​ന്തം കു​ഞ്ഞു വേ​ണ​മെ​ന്ന് ആ​ശി​ക്കു​ന്ന വി​ദേ​ശീ​യ​രാ​യ ദ​ന്പ​തി​ക​ൾ ഇ​ക്കാ​ര്യ​ത്തി​ൽ കൃ​ത്യ​മാ​യ നി​യ​മ​ങ്ങ​ളോ നി​യ​ന്ത്ര​ണ​ങ്ങ​ളോ ഇ​ല്ലാ​ത്ത ഇ​ന്ത്യ, താ​യ്‌​ല​ൻ​ഡ് മു​ത​ലാ​യ രാ​ജ്യ​ങ്ങ​ളി​ലേ​ക്ക് കൂ​ട്ട​മാ​യി എ​ത്തിയിരുന്നു. എന്നാൽ പിന്നീട് ഇവിടങ്ങളിലും ഇതു നിരോധിക്കേണ്ടതായി വന്നു.

ഓ​സ്ട്രേലി​യ, യു​കെ, കാ​ന​ഡ, ഫ്രാ​ൻ​സ്, ജ​ർ​മ​നി, സ്വീ​ഡ​ൻ, ന്യൂ​സി​ലാ​ൻഡ്, ജ​പ്പാ​ൻ തു​ട​ങ്ങി​യ പ​ല വി​ക​സി​ത രാ​ജ്യ​ങ്ങ​ളി​ലും പ​ണ​ത്തി​നു വേ​ണ്ടി ഗ​ർ​ഭ​പാ​ത്രം വാ​ട​ക​യ്ക്കു കൊ​ടു​ക്കു​ന്ന​ത് നേരത്തോ നി​രോ​ധി​ച്ചി​രുന്നു.

കേ​ര​ള​ത്തി​ൽ ഇ​തി​ന് ഇപ്പോൾ ഡി​മാ​ൻ​ഡ് ഏ​റു​ക​യാ​ണ്. ഇ​വി​ടെ സ്ത്രീ​ക​ളെ കി​ട്ടാ​ത്ത​തി​നാ​ൽ ത​മി​ഴ്നാ​ട്, ആ​ന്ധ്ര, ഒ​ഡീഷ എ​ന്നി​വി​ട​ങ്ങ​ളി​ൽ നി​ന്നും സ്ത്രീ​ക​ളെ എ​ത്തി​ക്കു​ന്നു. വ​ന്ധ്യ​താ​ചി​കി​ത്സ ന​ട​ക്കു​ന്ന പ​ല ആ​ശു​പ​ത്രി​ക​ളു​ടെ​യും മു​ഖ്യ​ ബി​സി​ന​സ് ഇ​പ്പോ​ൾ വാ​ട​ക ഗ​ർ​ഭ​പാ​ത്രം സം​ഘ​ടി​പ്പി​ക്ക​ലും അ​തി​നു ജ​നി​ത​ക മാ​താ​പി​താ​ക്ക​ളെ നി​ർ​ബ​ന്ധി​ക്ക​ലു​മാ​ണ്.


വാ​ട​ക ഗ​ർ​ഭ​ധാ​ര​ണ​ത്തി​ന്‍റെ പേ​രി​ൽ രാ​ജ്യ​ത്ത് സ്ത്രീ​ക​ൾ നേ​രി​ടു​ന്ന അ​നീ​തി​ക​ളു​ടെ പ​ശ്ചാ​ത്ത​ല​ത്തി​ലാ​ണ് വാ​ട​ക ഗ​ർ​ഭ​ധാ​ര​ണ നി​യ​ന്ത്ര​ണ ബി​ൽ 2016-ൽ ​ലോ​ക്സ​ഭ​യും പാ​സാ​ക്കി​യ​ത്.
ഇ​ന്ത്യ​യി​ൽ ഗ​ർ​ഭ​പാ​ത്ര വി​ൽ​പ​ന​യി​ലൂ​ടെ പ്ര​തി​വ​ർ​ഷം ന​ട​ക്കു​ന്ന ഇ​ട​പാ​ട് മൂ​വാ​യി​രം കോ​ടി​ക്ക​ടു​ത്താ​ണെ​ന്നാ​ണ് പു​തി​യ റി​പ്പോ​ർ​ട്ടു​ക​ൾ വ്യ​ക്ത​മാ​ക്കു​ന്ന​ത്. പ്രധാനമായും ചൂ​ഷ​ണം ചെ​യ്യു​ന്ന​താ​ക​ട്ടെ ഗ്രാ​മീ​ണ ഇ​ന്ത്യ​യി​ലെ അ​മ്മ​മാ​രു​ടെ ദാ​രി​ദ്ര​്യവും.

കു​ടും​ബ​ത്തി​ലു​ള്ള​വ​രെ വി​വാ​ഹം ക​ഴി​ച്ച​യ​യ്ക്കാ​നും മ​ക്ക​ളെ പ​ഠി​പ്പി​ക്കാ​നുമൊക്കെ​യാ​ണ് പ​ല​പ്പോ​ഴും സ്ത്രീ​ക​ൾ ഗ​ർ​ഭ​പാ​ത്രം വാ​ട​ക​യ്ക്ക് ന​ൽ​കു​ന്ന​ത്. ഒ​രി​ക്ക​ൽ സ​റോ​ഗ​സി ബി​ൽ പ​രി​ശോ​ധി​ച്ച സ്റ്റാ​ൻ​ഡി​ഗ് ക​മ്മി​റ്റി ചെ​യ​ർ​മാ​ൻ ത​ന്നെ, ഇ​ത് ന​ട​പ്പാ​ക്കാ​ൻ ക​ഴി​യു​ന്ന ബി​ൽ അ​ല്ലെ​ന്ന് വ്യ​ക്ത​മാ​ക്കി​യി​ട്ടു​ള്ള​താ​ണ്.

ഹ​രി​യാ​ന​യി​ലെ ഇ​ട​നി​ല​ക്കാ​ർ​ക്കും ഈ ​നി​യ​മം ന​ട​പ്പാ​ക്കാ​നാ​കി​ല്ലെ​ന്ന​റി​യാം. നി​യ​മം വ​ന്നാ​ലും ഒ​ന്നും സം​ഭ​വി​ക്കി​ല്ലെ​ന്ന ആ​ത്മ​വി​ശ്വാ​സം ഇ​വ​ർ​ക്കു​ണ്ട്. ഐ​ക്യ​രാ​ഷ്‌​ട്ര​സ​ഭ​യു​ടെ ക​ണ​ക്ക് പ്ര​കാ​രം 2,750 കോ​ടി രൂ​പ​യു​ടെ ഇ​ട​പാ​ടാ​ണ് പ്ര​തി​വ​ർ​ഷം ഇ​ന്ത്യ​യി​ൽ വാ​ട​ക ഗ​ർ​ഭ​പാ​ത്ര വി​ൽ​പ​ന​യി​ലൂ​ടെ ന​ട​ക്കു​ന്ന​ത്. മൂ​വാ​യി​ര​ത്തി​ലേ​റെ ക്ലി​നി​ക്കു​ക​ൾ രാ​ജ്യ​ത്തു​ണ്ട്. ര​ണ്ടാ​യി​ര​ത്തി​ലേ​റെ അ​ന​ധി​കൃ​ത ക്ലി​നി​ക്കു​ക​ൾ വേ​റെ​യും.​പാ​ർ​ല​മെ​ന്‍റി​ന്‍റെ പ​രി​ഗ​ണ​നയി​ലു​ള്ള ബി​ല്ലി​ലെ പ്ര​ധാ​ന വ്യ​വ​സ്ഥ ഈ ​ഗ​ർ​ഭ​പാ​ത്ര വി​ൽ​പ​ന ത​ട​യു​മെ​ന്ന​താ​ണ്.

കർശന നിയന്ത്രണം വേണം

ഇ​തി​നാ​യി കർശന നി​യ​മം വേ​ണ​മെ​ന്ന​ത് ഉ​റ​പ്പാ​ണ്. കാ​ര​ണം ഒ​രു വ്യ​വ​സ്ഥ​യി​ല്ലാ​ത്ത മേ​ഖ​ല​യാ​ണി​ത്. ചൂ​ഷ​ണ​വും പ​ണ​മൊ​ഴു​ക്കു​മു​ള്ള മേ​ഖ​ല- ആ​രോ​ഗ്യ​പ്ര​വ​ർ​ത്ത​ക​ർ വ്യ​ക്ത​മാ​ക്കു​ന്നു.
കാ​ർ​ഷി​ക​പ്ര​തി​സ​ന്ധി അ​തി​രൂ​ക്ഷ​മാ​യ ഉ​ത്ത​രേ​ന്ത്യ​ൻ ഗ്രാ​മ​ങ്ങ​ളി​ൽ നി​ന്ന് വ​രു​ന്ന സ്ത്രീ​ക​ൾ പ​ല​രു​മാ​ണ് ഇ​ങ്ങ​നെ വാ​ട​ക​യ്ക്ക് ഗ​ർ​ഭ​പാ​ത്ര​ങ്ങ​ൾ ന​ൽ​കാ​ൻ നി​ർ​ബ​ന്ധി​ത​രാ​ക്ക​പ്പെ​ടു​ന്ന​ത് എ​ന്നാ​ണ് പ​ഠ​ന​ത്തി​ൽ വ്യ​ക്ത​മാ​കു​ന്ന​ത്. ന​ഗ​ര​ത്തി​ലെ​ത്തി ഇ​ത്ത​രം ജോ​ലി ചെ​യ്താ​ലും ആ​രു​മ​റി​യി​ല്ല. അ​ങ്ങ​നെ ന​ഗ​ര​ത്തി​ന്‍റെ ഒ​രു അ​നോ​ണി​മി​റ്റി​യി​ലാ​ണ് ഇ​ത്ത​രം ജോ​ലി​ക​ൾ ചെ​യ്യാ​ൻ ഇ​വ​ർ ത​യാ​റാ​കു​ന്ന​ത്.പെ​ട്ടെ​ന്ന് ഇ​ത്ര​യും പ​ണ​മു​ണ്ടാ​ക്കാ​ൻ അ​വ​ർ​ക്ക് മു​ന്നി​ലു​ള്ള ഒ​രു വ​ഴി​യാ​ണി​തെ​ന്ന് ഇ​തേ​ക്കു​റി​ച്ച് വി​ശ​ദ​മാ​യ പ​ഠ​നം ന​ട​ത്തു​ക​യും ഗ​വേ​ഷ​ണ​പ്ര​ബ​ന്ധം പ്ര​സി​ദ്ധീ​ക​രി​ക്കു​ക​യും ചെ​യ്ത കൗ​ണ്‍​സി​ൽ ഫോ​ർ സോ​ഷ്യ​ൽ ഡ​വ​ല​പ്മെ​ൻ​റ് ഗ​വേ​ഷ​ക​യും അ​ധ്യാ​പി​ക​യു​മാ​യ പി.എം. ആ​തി​ര നേ​ര​ത്തേ വ്യ​ക്ത​മാ​ക്കി​യി​രു​ന്നു.

2016-ൽ ​ലോ​ക്സ​ഭ​യി​ൽ അ​വ​ത​രി​പ്പി​ച്ച ബി​ല്ലി​ലെ വ്യ​വ​സ്ഥ​ക​ൾ ഉ​ദാ​ര​മാ​ക്കാ​ൻ ക​ഴി​ഞ്ഞ​വ​ർ​ഷം ഓ​ഗ​സ്റ്റി​ൽ പാ​ർ​ല​മെ​ന്‍റ് സ്റ്റാ​ൻ​ഡി​ങ് ക​മ്മി​റ്റി ശിപാ​ർ​ശ​ചെ​യ്തു. സാ​ന്പ്ര​ദാ​യി​ക കു​ടും​ബ​സ​ങ്ക​ൽ​പ്പ​ങ്ങ​ളെ പി​ൻ​പ​റ്റി​യു​ള്ള വ്യ​വ​സ്ഥ​ക​ൾ നീ​ക്കു​ക, വി​വാ​ഹി​ത​ര​ല്ലാ​ത്ത പ​ങ്കാ​ളി​ക​ൾ​ക്കും വി​വാ​ഹ​മോ​ചി​ത​ർ​ക്കും വാ​ട​ക ഗ​ർ​ഭ​പാ​ത്രം സ്വീ​ക​രി​ക്കാ​നു​ള്ള അ​നു​മ​തി ന​ൽ​കു​ക, ജീ​വ​ൻ​പോ​ലും അ​പ​ക​ട​ത്തി​ലാ​ക്കി വാ​ട​ക​ഗ​ർ​ഭ​ധ​രാ​ണ​ത്തി​നു ത​യാ​റാ​കു​ന്ന സ്ത്രീ​ക​ൾ​ക്ക് ഉ​ചി​ത​മാ​യ പ്ര​തി​ഫ​ലം ന​ൽ​കു​ക എ​ന്നി​വ​യാ​യി​രു​ന്നു പ്ര​ധാ​ന ശിപാ​ർ​ശ​ക​ൾ. ഇ​വ​യൊ​ന്നും പ​രി​ഗ​ണി​ക്ക​പ്പെ​ട്ടി​ല്ല.

വാ​ട​ക ഗ​ർ​ഭ​ധാ​ര​ണ നി​യ​ന്ത്ര​ണ ബി​ല്ല് പാ​ർ​ല​മെ​ന്‍റി​ന്‍റെ പ​രി​ഗ​ണ​ന​യി​ലി​രി​ക്കെ​യാ​ണ് ഇ​പ്പോ​ഴും രാ​ജ്യ​ത്ത് പ്ര​ത്യേ​കി​ച്ച് രാ​ജ്യ ത​ല​സ്ഥാ​ന​ത്തും ഹ​രി​യാ​ന​യി​ലും ഇ​ന്നും വാ​ട​ക ഗ​ർ​ഭ​പാ​ത്രം വ​ച്ചു കോ​ടി​ക​ൾ കൊ​യ്യു​ന്ന ക​ച്ച​വ​ടം പൊ​ടി​പൊ​ടി​ക്കു​ന്ന​താ​യു​ള്ള റി​പ്പോ​ർ​ട്ടു​ക​ൾ പു​റ​ത്തു വ​രു​ന്ന​ത്. (അ​വ​സാ​നി​ച്ചു)

പ്ര​ദീ​പ് ഗോ​പി