കാ​ഴ്ച​ക​ളു​ടെ വസന്തകാലമാണ് മൈ​സൂ​രു​വി​ലേ​ക്കു​ള്ള യാ​ത്ര. ദേ​ശീ​യ ഉ​ദ്യാ​ന​ങ്ങ​ളും രാ​ജ​കൊ​ട്ടാ​ര​ങ്ങ​ളും കോ​ട്ട​ക​ളും അ​ണ​ക്കെ​ട്ടും മൃ​ഗ​ശാ​ല​യും പ​ക്ഷി​സ​ങ്കേ​ത​വും ഒ​റ്റ​യാ​ത്ര​യി​ൽ കാ​ണാ​ൻ പ​റ്റുന്ന യാത്ര. പഴയ രാജ ഭരണത്തിന്‍റെ പ്രഢി വിളിച്ചോതുന്നതാണ് മൈ​സൂ​രി​ലെ കൊ​ട്ടാ​ര​ങ്ങ​ളും കെ​ട്ടി​ട​ങ്ങ​ളു​മെ​ല്ലാം.

യാ​ത്ര ര​ണ്ട് ദേ​ശീ​യ ഉ​ദ്യാ​ന​ങ്ങ​ളി​ലൂ​ടെ

മൈ​സൂ​രുവിലേ​ക്കു​ള്ള യാ​ത്ര വ​യ​നാ​ട് വ​ഴി​യാ​ണെ​ങ്കി​ൽ ര​ണ്ട് ദേ​ശീ​യ ഉ​ദ്യാ​ന​ങ്ങ​ൾ കാ​ണാ​നു​ള്ള അ​വ​സ​ര​മാ​ണ് ല​ഭി​ക്കു​ന്ന​ത്. മു​തു​മ​ല​യും ബ​ന്ദി​പ്പൂ​രും. ഈ ​ര​ണ്ട് സ്ഥ​ല​ങ്ങ​ളിലും നി​ര​വ​ധി വ​ന്യ​മൃ​ഗ​ങ്ങ​ളെ കാ​ണാം. ഗൂ​ഡ​ല്ലൂ​രി​ൽ നി​ന്ന് ഗു​ണ്ട​ൽ​പേട്ട് എ​ത്തു​ന്ന​തു വ​രെ​യാ​ണ് ഈ ​ര​ണ്ട് ദേ​ശീ​യ ഉ​ദ്യാ​ന​ങ്ങ​ളും സ്ഥി​തി​ചെ​യ്യു​ന്ന​ത്. മു​തു​മ​ല ത​മി​ഴ്നാ​ടി​ന്‍റെ കീ​ഴി​ലും ബ​ന്ദി​പ്പൂ​ർ ക​ർ​ണാ​ട​ക​ത്തി​ന്‍റെ പ​രി​ധി​യി​ലു​മാ​ണു​ള്ള​ത്. ക​ടു​വ, ആ​ന, മാ​ൻ, കാ​ട്ടു​പോ​ത്ത് തു​ട​ങ്ങി​യ​വ​യെ ഇ​വി​ടെ കാ​ണാം. പ്ര​ത്യേ​ക​മാ​യി ട്രെക്കിം​ഗ് ന​ട​ത്താ​തെ ത​ന്നെ ആ ​അ​നു​ഭ​വം സ​മ്മാ​നി​ക്കു​ക​യാ​ണ് മൈ​സൂ​രുവിലേ​ക്കു​ള്ള ഈ ​വ​ഴി. ദേ​ശീ​യ ഉ​ദ്യാ​ന​മാ​യ​തു​കൊ​ണ്ടു ത​ന്നെ രാ​ത്രി​യി​ൽ ഈ ​വ​ഴി​യു​ള്ള യാ​ത്ര​യ്ക്ക് വി​ല​ക്കു​ണ്ട്. പ​ക​ൽ സ​മ​യ​ത്ത് മാ​ത്ര​മാ​ണ് ഈ ​റൂ​ട്ടി​ലൂ​ടെ വാ​ഹ​ന​ങ്ങ​ൾ ക​ട​ത്തി​വി​ടു​ക.

കൊ​ട്ടാ​ര​ങ്ങ​ളു​ടെ ന​ഗ​ര​ത്തി​ലേ​ക്ക്

കൊ​ട്ടാ​ര​ങ്ങ​ളു​ടെ നാ​ടാ​ണ് മൈ​സൂ​ർ. രാ​ജ​ഭ​ര​ണ കാ​ല​ത്തെ നി​ര​വ​ധി കെ​ട്ടി​ട​ങ്ങ​ൾ ഇ​വി​ടു​ണ്ട്. ഇ​വ​യി​ൽ മി​ക്ക​തി​ലും ഇ​പ്പോ​ൾ സ​ർ​ക്കാ​ർ ഓ​ഫീ​സു​ക​ൾ പ്ര​വ​ർ​ത്തി​ക്കു​ന്നു. മൈ​സൂ​ർ കൊ​ട്ടാ​ര​മാ​ണ് പ്ര​ദേ​ശ​ത്തെ പ്ര​ധാ​ന ആ​ക​ർ​ഷ​ണം. ഇ​തു കൂ​ടാ​തെ ജ​ഗ​ൻ​മോ​ഹ​ൻ കൊ​ട്ടാ​രം, വി​ജ​യ​ല​ക്ഷ്മി കൊ​ട്ടാ​രം, ല​ളി​ത മ​ഹ​ൽ, രാ​ജേ​ന്ദ്ര വി​ലാ​സ്, ചെ​ലു​വ​ന്പ, ക​ര​ഞ്ചി വി​ലാ​സ് എ​ന്നി​ങ്ങ​നെ ആ​റ് കൊ​ട്ടാ​ര​ങ്ങ​ൾ കൂ​ടി മൈ​സൂ​രുവിലു​ണ്ട്.

മൈ​സൂ​ർ പാ​ല​സ്

മൈ​സൂ​ർ ഭ​രി​ച്ചി​രു​ന്ന വാ​ഡി​യാ​ർ രാ​ജ​വം​ശ​ത്തി​ന്‍റെ ഒൗ​ദ്യോ​ഗി​ക വ​സ​തി​യാ​യി​രു​ന്നു മൈ​സൂ​ർ കൊ​ട്ടാ​രം. അം​ബാ വി​ലാ​സ് എ​ന്നാ​ണ് ഇ​ത് പ്രാ​ദേ​ശി​ക​മാ​യി അ​റി​യ​പ്പെ​ടു​ന്ന​ത്. 14ാം നൂ​റ്റാ​ണ്ടി​ലാ​ണ് ഇ​തി​ന്‍റെ നി​ർ​മാ​ണം ആ​രം​ഭി​ക്കു​ന്ന​ത്. പി​ന്നീ​ട് പ​ല കാ​ല​ഘ​ട്ട​ങ്ങ​ളി​ലാ​യി ഇ​ത് പു​തു​ക്കി​പ്പ​ണി​തു. ഇ​ൻ​ഡോ സാ​ർ​സ​നി​ക് വാ​സ്തു ശൈ​ലി​യി​ലാ​ണ് കൊ​ട്ടാ​രം നി​ർ​മി​ച്ചി​രി​ക്കു​ന്ന​ത്. മൂ​ന്ന് നി​ല​ക​ളി​ലാ​യി മാ​ർ​ബി​ളി​ലാ​ണ് പ​ണി​ക​ൾ അ​ധി​ക​വും തീ​ർ​ത്തി​രി​ക്കു​ന്ന​ത്. ചു​വ​രു​ക​ൾ ചി​ത്ര​പ്പ​ണി​ക​ൾ ചെ​യ്ത് മ​നോ​ഹ​ര​മാ​ക്കി​യി​രി​ക്കു​ന്നു. കൊ​ട്ടാ​ര​ത്തി​ന് ചു​റ്റും വ​ലി​യൊ​രു ഉ​ദ്യാ​ന​വു​മു​ണ്ട്. സ​മീ​പ​ത്തു ത​ന്നെ​യു​ള്ള പ​ഴ​യ കൊ​ട്ടാ​രം ഇ​ന്ന് മ്യൂ​സി​യ​മാ​ണ്. ഇ​വി​ടെ രാ​ജ​ഭ​ര​ണ കാ​ല​ത്തെ ആ​യു​ധ​ങ്ങ​ൾ പ​ല്ല​ക്കു​ക​ൾ, വ​സ്ത്ര​ങ്ങ​ൾ എ​ന്നി​വ സൂ​ക്ഷി​ച്ചി​രി​ക്കു​ന്നു. മൈ​സൂ​ർ ന​ഗ​ര​ത്തി​ൽ നി​ന്നും ര​ണ്ട​ര കി​ലോ​മീ​റ്റ​ർ ദൂ​ര​ത്തി​ലാ​ണ് കൊ​ട്ടാ​രം സ്ഥി​തി​ചെ​യ്യു​ന്ന​ത്.

മൈ​സൂ​ർ മൃ​ഗ​ശാ​ല

മൈ​സൂ​ർ കൊ​ട്ടാ​ര​ത്തി​ൽ നി​ന്നും ഒ​ന്ന​ര കി​ലോ​മീ​റ്റ​ർ നീ​ങ്ങി​യാ​ൽ കാ​ണാ​ട​ക​യി​ലെ പ്ര​ശ​സ്ത​മാ​യ മൃ​ഗ​ശാ​ല​യി​ലെ​ത്താം. ശ്രീ ​ചാ​മ​രാ​ജേ​ന്ദ്ര സൂ​വോ​ള​ജി​ക്ക​ൽ ഗാ​ർ​ഡ​ൻ എ​ന്നാ​ണ് ഈ ​മൃ​ഗ​ശാ​ല അ​റി​യ​പ്പെ​ടു​ന്ന​ത്. ഇ​ന്ത്യ​യി​ലെ ത​ന്നെ പ​ഴ​ക്ക​മേ​റി​യ മൃ​ഗ​ശാ​ല​ക​ളി​ൽ ഒ​ന്നാ​ണി​ത്. 157 ഏ​ക്ക​റി​ലാ​യി സ്ഥി​തി​ചെ​യ്യു​ന്ന ഈ ​മൃ​ഗ​ശാ​ല​യി​ൽ 1450ഓ​ളം വി​ഭാ​ഗ​ങ്ങ​ളി​ലു​ള്ള ജീ​വി വ​ർ​ഗ​ങ്ങ​ളു​ണ്ട്.


സെ​ന്‍റ് ഫി​ലോ​മി​നാ​സ് ച​ർ​ച്ച്

മൈ​സൂ​ർ മൃ​ഗ​ശാ​ല​യി​ൽ നി​ന്ന് ര​ണ്ട​ര കി​ലോ​മീ​റ്റർ യാ​ത്ര​ചെ​യ്താ​ൽ സെ​ന്‍റ് ഫി​ലോ​മി​നാ​സ് ച​ർ​ച്ചി​ലെ​ത്താം. 1936ൽ ​ക​ല്ലു​കൊ​ണ്ട് പ​ണി തീ​ർ​ത്ത​താ​ണ് ഈ ​പ​ള്ളി. ജ​ർ​മ​ൻ കൊ​ളോ​ണി​യ​ൽ മാ​തൃ​ക​യി​ലാ​ണ് നി​ർ​മാ​ണം. പെ​യി​ന്‍റ് ചെ​യ്ത ഗ്ലാ​സു​ക​ളും ദീ​പ​ങ്ങ​ളും കൊ​ണ്ട് മ​നോ​ഹ​ര​മാ​ണ് ഈ ​പ​ള്ളി.

ചാ​മു​ണ്ഡിഹി​ൽ​സ്

മൈ​സൂ​രുവിൽ നി​ന്ന് 13.5 കി​ലോ​മീ​റ്റ​ർ യാ​ത്ര​ചെ​യ്താ​ൽ ചാ​മു​ണ്ടി ഹി​ൽ​സി​ലെ​ത്താം. ഇ​വി​ടെ നി​ന്നാ​ൽ മൈ​സൂ​ർ ന​ഗ​ര​ത്തി​ന്‍റെ വി​ശാ​ല​മാ​യ ദൃ​ശ്യം കാ​ണാ​ൻ സാ​ധി​ക്കും. ഈ ​മ​ല​യു​ടെ മു​ക​ളി​ലാ​ണ് പ്ര​സി​ദ്ധ​മാ​യ ചാ​മു​ണ്ഡേശ്വ​രി ക്ഷേ​ത്ര​മു​ള്ള​ത്.

ശ്രീ​ര​ങ്ക​പ​ട്ട​ണ​ത്തേ​ക്ക്

മൈ​സൂ​രുവിൽ​നി​ന്ന് 19 കി​ലോ​മീ​റ്റ​ർ ദൂ​ര​മു​ണ്ട് ശ്രീ​ര​ങ്ക​പ​ട്ട​ണ​ത്തേ​ക്ക്. ടി​പ്പു​വി​ന്‍റെ വേ​ന​ൽ​ക്കാ​ല വ​സ​തി​യാ​യി​രു​ന്ന ദ​രി​യ ദൗ​ല​ത്ത് കൊ​ട്ട​രാം ഇ​വി​ടെ​യാ​ണു​ള്ള​ത്. വ​ലി​യൊ​രു പൂ​ന്തോ​ട്ട​ത്തി​ന്‍റെ ന​ടു​വി​ലാ​ണ് കൊ​ട്ടാ​രം. ടി​പ്പു​വി​ന്‍റെ ജീ​വ​ച​രി​ത്രം പ​റ​യു​ന്ന മ്യൂ​സി​യ​മാ​ണ് ഇ​പ്പോ​ൾ ഇ​ത്. ടി​പ്പു​വി​ന്‍റെ വ​സ്ത്ര​ങ്ങ​ൾ, ആ​യു​ധ​ങ്ങ​ൾ, നാ​ണ​യ​ങ്ങ​ൾ എ​ന്നി​വ ഇ​വി​ടെ സൂ​ക്ഷി​ച്ചി​രി​ക്കു​ന്നു. കൊ​ട്ടാ​ര​ത്തി​ന് സ​മീ​പ​ത്ത് ത​ന്നെ​യാ​ണ് ടി​പ്പു​സു​ൽ​ത്താ​ന്‍റെ​യും പി​താ​വ് ഹൈ​ദ​ര​ലി​യു​ടെ​യും ശ​വ​കു​ടീ​ര​ങ്ങ​ൾ ഉ​ള്ള​ത്. ഇ​വി​ടെ​നി​ന്ന് അ​ല്പ​ദൂ​രം കൂ​ടി യാ​ത്ര​ചെ​യ്താ​ൽ ടി​പ്പു സു​ൽ​ത്താ​ൻ മ​ര​ണ​പ്പെ​ട്ട സ്ഥ​ല​ത്ത് എ​ത്താം. ക്യാ​പ്റ്റ​ൻ ബെ​യി​ലീ​സ് ഡ​ങ്ക​ൻ എ​ന്ന​റി​യ​പ്പെ​ടു​ന്ന ഭൂ​ഗ​ർ​ഭ ജ​യി​ലു​ള്ള​ത് ഇ​വി​ടെ​യാ​ണ്. ടി​പ്പു മ​രി​ച്ചു​കി​ട​ന്ന സ്ഥ​ലം ഇ​താ​ണെ​ന്ന് കാ​ണി​ക്കു​ന്ന ഒ​രു ഫ​ല​കം അ​വി​ടെ സ്ഥാ​പി​ച്ചി​ട്ടു​ണ്ട്.

രം​ഗ​ന​തി​ട്ട പ​ക്ഷി സ​ങ്കേ​തം

ശ്രീ​ര​ങ്ക​പ​ട്ട​ണ​ത്തി​ന് നാ​ല​ര കി​ലോ​മീ​റ്റ​ർ അ​ക​ലെ​യാ​ണ് രം​ഗ​ന​തി​ട്ട പ​ക്ഷി സ​ങ്കേ​ത​മു​ള്ള​ത്. കാ​വേ​രി ന​ദി​ക്കു കു​റു​കെ ത​ട​യ​ണ നി​ർ​മി​ച്ച​പ്പോ​ൾ ഉ​ണ്ടാ​യ ചെ​റു ദ്വീ​പു​ക​ൾ ചേ​രു​ന്ന​താ​ണ് ഈ ​പ​ക്ഷി സ​ങ്കേ​തം. ന​ദി​യി​ലൂ​ടെ പ​ക്ഷി​ക​ളെ​യും ക​ണ്ടു​ള്ള ബോ​ട്ടു സ​വാ​രി​യും സ​ഞ്ചാ​രി​ക​ളെ ആകർഷിക്കുന്നു.

വൃന്ദാ​വ​ൻ ഗാ​ർ​ഡ​ൻ

രം​ഗ​ന​തി​ട്ട പ​ക്ഷി സ​ങ്കേ​ത​ത്തി​ൽ നി​ന്നും 17 കി​ലോ​മീ​റ്റ​ർ യാ​ത്ര ചെ​യ്താ​ൽ വൃന്ദാ​വ​ൻ ഗാ​ർ​ഡ​നി​ൽ എ​ത്തി​ച്ചേ​രാം. ഇ​തി​ന് സ​മീ​പ​ത്ത് ത​ന്നെ​യാ​ണ് കൃ​ഷ്ണ​രാ​ജ സാ​ഗ​ർ ഡാം ​സ്ഥി​തി​ചെ​യ്യു​ന്ന​ത്. 60 ഏ​ക്ക​റി​ലാ​യി പ​ര​ന്നു കി​ട​ക്കു​ന്ന​താ​ണ് വൃന്ദാ​വ​ൻ ഉ​ദ്യാ​നം. ഇ​തി​ന് സ​മീ​പ​ത്താ​യു​ള്ള ത​ടാ​ക​ത്തി​ൽ ബോ​ട്ടിം​ഗി​നു​ള്ള സൗ​ക​ര്യ​മു​ണ്ട്.

മൈ​സൂ​രുവിലേ​ക്ക് എ​ത്തി​ച്ചേ​രാ​ൻ

എ​റ​ണാ​കു​ള​ത്തു​നി​ന്നും ദേ​ശീ​യ പാ​ത 66 വ​ഴി തൃ​ശൂ​ർ​-കോ​ഴി​ക്കോ​ട്-വ​യ​നാ​ട്-മു​തു​മ​ല​-ബ​ന്ദി​പ്പൂ​ർ-​ഗു​ണ്ട​ൽ​പേ​ട്ട് വ​ഴി മൈ​സൂ​രുവി​ലേ​ക്ക് 377 കി​ലോ​മീ​റ്റ​ർ ദൂ​രം.

എ​റ​ണാ​കു​ള​ത്തു​നി​ന്നും ദേ​ശീ​യ പാ​ത 544 വ​ഴി ചാ​ല​ക്കു​ടി​-പാ​ല​ക്കാ​ട്-കോ​യ​ന്പ​ത്തൂ​ർ വ​ഴി മൈ​സൂ​രുവിലേ​ക്ക് 383 കി​ലോ​മീ​റ്റ​ർ ദൂ​രം.

തി​രു​വ​ന​ന്ത​പു​ര​ത്തു​നി​ന്നും ദേ​ശീ​യ പാ​ത 66 വ​ഴി കൊ​ച്ചി​-തൃ​ശൂ​ർ​-കോ​ഴി​ക്കോ​ട്-വ​യ​നാ​ട്-മു​തു​മ​ല​-ബ​ന്ദി​പ്പൂ​ർ​-ഗു​ണ്ട​ൽ​പേ​ട്ട് വ​ഴി മൈ​സൂ​രുവിലേ​ക്ക് 583 കി​ലോ​മീ​റ്റ​ർ ദൂ​രം
അ​ടു​ത്തു​ള്ള വി​മാ​ന​ത്താ​വ​ളം: മൈ​സൂ​ർ. 11 കി​ലോ​മീ​റ്റ​ർ ദൂ​രം.
അ​ടു​ത്തു​ള്ള റെ​യി​ൽ​വേ സ്റ്റേ​ഷ​ൻ: മൈ​സൂ​ർ ജം​ഗ്ഷ​ൻ. മൂ​ന്ന് കി​ലോ​മീ​റ്റ​ർ ദൂ​രം.