പു​തു​വ​ൽ സു​ദ​ർ​ശ​ന്‍റെ​യും കു​ടും​ബ​ത്തി​ന്‍റെ​യും വ​ർ​ഷ​ങ്ങ​ളാ​യു​ള്ള ആ​ഗ്ര​ഹ​മാ​യി​രു​ന്നു ന​ല്ലൊ​രു വീ​ട്. അ​തി​നാ​യി ഏ​റെ​ക്കാ​ല​ത്തെ ക​ഠി​നാ​ധ്വാന​ത്തി​ലൂ​ടെ അ​ഞ്ചു​ല​ക്ഷ​ത്തോ​ളം രൂ​പ സ്വ​രു​ക്കൂ​ട്ടി. സു​നാ​മി പു​ന​രു​ദ്ധാ​ര​ണ പ​ദ്ധ​തി​യി​ൽ​നി​ന്നു ല​ഭി​ച്ച ര​ണ്ട​ര ല​ക്ഷ​വും ചേ​ർ​ത്ത് വീ​ടു പ​ണി​തു.

സു​നാ​മി​യു​ടെ ആ​ഘാ​തം തീ​ർ​ത്ത ദു​രി​ത​ങ്ങ​ൾ​ക്കൊ​ടു​വി​ൽ പൂ​വ​ണി​ഞ്ഞ സ്വ​പ്നം. അ​ന്പ​ല​പ്പു​ഴ വ​ട​ക്ക് പ​ഞ്ചാ​യ​ത്തി​ലെ 15-ാം വാ​ർ​ഡി​ൽ നീ​ർ​ക്കു​ന്ന​ത്ത് എ​ട്ടു​വ​ർ​ഷ​ത്തോ​ളം ത​ല​യു​യ​ർ​ത്തി​നി​ന്ന സു​ദ​ർ​ശ​ന്‍റെ വീ​ട് ഇ​ന്ന് ക​ട​ലോ​ര​ത്ത് ത​ക​ർ​ന്നു കി​ട​ക്കു​ക​യാ​ണ്. ഇ​തു​വ​രെ 50 മീ​റ്റ​ർ അ​ക​ലെ​യു​ള്ള ക​ട​ൽ​ഭി​ത്തി​യി​ൽ വ​ന്ന​ടി​ച്ചി​രു​ന്ന തി​ര​മാ​ല​ക​ളാ​ണ് ഇ​ക്കു​റി ത​ന്‍റെ വീ​ടി​നെ നി​ലം​പ​രി​ശാ​ക്കി​യ​തെ​ന്ന് പ​റ​യു​മ്പോ​ൾ സു​ദ​ർ​ശ​ന്‍റെ ക​ണ്ഠ​മി​ട​റി, വാ​ക്കു​ക​ൾ മു​റി​ഞ്ഞു.

ഓ​ഖി​യി​ൽ തി​ര​മാ​ല​ക​ൾ വീ​ശി​യ​ടി​ച്ച​പ്പോ​ൾ ക​ട​ൽ​ഭി​ത്തി​ക്ക് ഇ​ള​ക്ക​മു​ണ്ടാ​യി. അ​റ്റ​കു​റ്റ​പ്പ​ണി​ക​ൾ​ക്ക് അ​മാ​ന്ത​മാ​യ​പ്പോ​ൾ പ​തി​യെ ക​ല്ലു​ക​ൾ ഇ​ള​കി​പ്പോ​യി. ത​ട​സ​ങ്ങ​ളെ ത​ട്ടി​നീ​ക്കി തി​ര​ക​ൾ ആ​ഞ്ഞ​ടി​ച്ച​പ്പോ​ൾ സു​ദ​ർ​ശ​ന്‍റെ വീ​ടി​ന്‍റെ അ​ടി​ക്ക​ല്ലും ഇ​ള​കി. സ്വ​പ്ന​സൗ​ധം നി​ലം​പ​തി​ച്ച​പ്പോ​ൾ ജീ​വി​തം ത​ന്നെ ക​ട​ലെ​ടു​ത്ത അ​നു​ഭ​വ​ത്തി​ലാ​ണ് സു​ദ​ർ​ശ​ൻ. പ​ണി​യി​ല്ല, ക​യ​റി​ക്കി​ട​ക്കാ​ൻ ഇ​ട​മി​ല്ല. കി​ട്ടി​യ സാ​ധ​ന​ങ്ങ​ളു​മാ​യി ഭാ​ര്യ അ​ന്പി​ളി​ക്കും മ​ക്ക​ളാ​യ കൃ​ഷ്ണ​പ്രി​യ​യ്ക്കും അ​ഖി​ലി​നു​മൊ​പ്പം സു​ഹൃ​ത്തി​ന്‍റെ വീ​ട്ടി​ൽ അ​ഭ​യം തേ​ടി​യി​രി​ക്കു​ക​യാ​ണ്.

തൊ​ട്ട​ടു​ത്തു താ​മ​സി​ച്ചി​രു​ന്ന അ​നു​ജ​ന്‍റെ വീ​ടും ത​ക​ർ​ന്നു. അ​വ​ർ ബ​ന്ധു​വീ​ട്ടി​ലാ​ണ് എ​ത്തി​പ്പെ​ട്ടി​രി​ക്കു​ന്ന​ത്. ഒ​രു​വ​ർ​ഷം മു​മ്പ് കേ​ര​ളം വി​റ​ങ്ങ​ലി​ച്ചു​പോ​യ പ്ര​ള​യ​ത്തി​ൽ അ​നേ​ക​രെ ര​ക്ഷി​ച്ച ന​മ്മു​ടെ സ്വ​ന്തം സൈ​ന്യ​മാ​ണ് ചെ​ല്ലാ​ന​ത്തും അ​ന്പ​ല​പ്പു​ഴ​യി​ലു​മൊ​ക്കെ​യു​ള്ള തീ​ര​ദേ​ശ​ജ​ന​ത. വ​ഞ്ചി​ക​ളു​മാ​യി എ​ത്തി പ്ര​ള​യ​ത്തെ കൂ​സാ​തെ ജീ​വ​ൻ പ​ണ​യ​പ്പെ​ടു​ത്തി​യാ​യി​രു​ന്നു ഇ​വ​രു​ടെ ര​ക്ഷാ​പ്ര​വ​ർ​ത്ത​നം. അ​ന്ന് കേ​ര​ള​മൊ​ന്നാ​കെ ഇ​വ​ർ​ക്കു​മു​ന്നി​ൽ കൂ​പ്പു​കൈ​ക​ളു​മാ​യാ​ണു നി​ന്ന​ത്. എ​ന്നാ​ൽ ഇ​പ്പോ​ൾ ഇ​വ​രെ ആ​ർ​ക്കും വേ​ണ്ടാ​താ​യി​രി​ക്കു​ന്നു.

തി​രു​വ​ന​ന്ത​പു​രം മു​ത​ൽ കാ​സ​ർ​ഗോ​ഡ് വ​രെ നീ​ണ്ടു​കി​ട​ക്കു​ന്ന 600 കി​ലോ​മീ​റ്റ​റോ​ളം വ​രു​ന്ന തീ​ര​ത്തെ ഓ​രോ നി​വാ​സി​ക്കും പ​റ​യാ​നു​ള്ള​ത് ഇ​തു​പോ​ലു​ള്ള ദു​ര​ന്ത​ത്തി​ന്‍റെ ശേ​ഷി​പ്പു​ക​ളെ കു​റി​ച്ചാ​ണ്. സം​സ്ഥാ​ന​ത്തി​ന്‍റെ തീ​ര​ത്ത് 50 മീ​റ്റ​റി​നു​ള്ളി​ൽ താ​മ​സി​ക്കു​ന്ന 18,865 കു​ടും​ബ​ങ്ങ​ളാ​ണ് ഇ​ത്ത​ര​ത്തി​ൽ ഭീ​ഷ​ണി നേ​രി​ടു​ന്ന​ത്.

ക​ട​ൽ​ഭി​ത്തി​ക​ൾ ത​ക​ർ​ത്ത് തി​ര​മാ​ല​ക​ൾ ആ​ഞ്ഞ​ടി​ച്ചെ​ത്തി ദു​രി​തം വി​ത​യ്ക്കു​ന്പോ​ഴും പ​രി​ഹാ​ര ന​ട​പ​ടി​ക​ൾ ഭി​ത്തി​ക​ളി​ൽ ത​ട്ടി​നി​ൽ​ക്കു​ന്നു എ​ന്ന​താ​ണ് ഇ​വ​രു​ടെ മു​ഖ്യ​പ​രാ​തി.

തീ​രം ക​വ​രു​ന്ന തി​ര

ത​ങ്ങ​ളു​ടെ​യെ​ല്ലാം കു​ട്ടി​ക്കാ​ല​ത്ത് മീ​റ്റ​റു​ക​ൾ​ക്ക​പ്പു​റ​ത്ത് വ​ന്ന​ടി​ച്ചി​രു​ന്ന തി​ര​മാ​ല​യാ​ണ് ഇ​പ്പോ​ൾ വീ​ടു​ക​ൾ​ക്കു​ള്ളി​ലേ​ക്ക് എ​ത്തി​യി​രി​ക്കു​ന്ന​ത് എ​ന്നാ​ണ് മു​തി​ർ​ന്ന മ​ത്സ്യ​ത്തൊ​ഴി​ലാ​ളി​ക​ൾ പ​റ​യു​ന്ന​ത്. ഓ​രോ വ​ർ​ഷ​വും ക​ട​ൽ കൂ​ടു​ത​ൽ തീ​രം ക​വ​ർ​ന്നെ​ടു​ക്കു​ന്നു. നി​ര​വ​ധി വീ​ടു​ക​ൾ ത​ക​രു​ന്നു. വീ​ടും വീ​ട്ടു​സാ​ധ​ന​ങ്ങ​ളും തൊ​ഴി​ലു​പ​ക​ര​ണ​ങ്ങ​ളു​മ​ട​ക്കം ന​ഷ്ട​പ്പെ​ട്ട​തു​വ​ഴി മ​ത്സ്യ​ത്തൊ​ഴി​ലാ​ളി​ക​ൾ​ക്കു​ണ്ടാ​യ ന​ഷ്ടം കോ​ടി​ക​ളാ​ണ്. വീ​ടി​രു​ന്ന സ്ഥ​ല​വും മി​ക്ക​വ​ർ​ക്കും ന​ഷ്ട​മാ​യി.

ക​ട​ൽ​ഭി​ത്തി നി​ർ​മി​ച്ച് തീ​രം​സം​ര​ക്ഷി​ക്കു​ക​യാ​ണ് ശാ​സ്ത്രീ​യ​മാ​യ മാ​ർ​ഗം. കോ​ടി​ക​ൾ ചെ​ല​വ​ഴി​ച്ചു നി​ർ​മി​ക്കു​ന്ന ക​ട​ൽ​ഭി​ത്തി യ​ഥാ​സ​മ​യം അ​റ്റ​കു​റ്റ​പ്പ​ണി​ക​ൾ ന​ട​ത്തി സം​ര​ക്ഷി​ക്കു​ക​യും വേ​ണം. എ​ന്നാ​ൽ ഇ​ക്കാ​ര്യ​ത്തി​ൽ ഗു​രു​ത​ര​മാ​യ വീ​ഴ്ച​യും ക​ടു​ത്ത അ​വ​ഗ​ണ​ന​യു​മാ​ണ് അ​ധി​കൃ​ത​ർ കാ​ട്ടു​ന്ന​ത് എ​ന്നാ​ണ് തീ​ര​ദേ​ശ​വാ​സി​ക​ളു​ടെ എ​ക്കാ​ല​ത്തെ​യും പ​രാ​തി. അ​ന്പ​ല​പ്പു​ഴ-​തോ​ട്ട​പ്പ​ള്ളി മേ​ഖ​ല​ക​ളി​ലും ത​ക​ർ​ന്ന ക​ട​ൽ​ഭി​ത്തി​ക​ളി​ൽ അ​റ്റ​കു​റ്റ​പ്പ​ണി​ക​ൾ ന​ട​ന്നി​ട്ടി​ല്ലെ​ന്ന് നാ​ട്ടു​കാ​ർ സാ​ക്ഷ്യ​പ്പെ​ടു​ത്തു​ന്നു. കൃ​ത്യ​മാ​യ അ​റ്റ​കു​റ്റ​പ്പ​ണി​ക​ളു​ടെ അ​ഭാ​വ​മാ​ണ് ഇ​വി​ടെ ക​ട​ൽ​ഭി​ത്തി​യു​ടെ ത​ക​ർ​ച്ച രൂ​ക്ഷ​മാ​ക്കു​ന്ന​ത്.

തീ​ര​മേ​ഖ​ല​യി​ൽ ന​ട​പ്പാ​ക്കു​ന്ന വ​ൻ​കി​ട​പ​ദ്ധ​തി​ക​ളു​ടെ ഇ​ര​ക​ളും തീ​ര​വാ​സി​ക​ളാ​ണ്. ഇ​ത്ത​രം പ​ദ്ധ​തി​ക​ൾ ന​ട​പ്പി​ലാ​ക്കു​മ്പോ​ൾ പ​രി​സ്ഥി​തി ആ​ഘാ​ത പ​ഠ​ന​ങ്ങ​ൾ ന​ട​ത്താ​റു​ണ്ട്. എ​ന്നാ​ൽ ഇ​ത്ത​രം പ​ഠ​ന​ങ്ങ​ളി​ലെ നി​ർ​ദേ​ശ​ങ്ങ​ൾ പ​ല​തും ന​ട​പ്പി​ലാ​ക്കാ​റി​ല്ല.

ആ​ശ്വാ​സ​മാ​കാ​ത്ത വാ​ഗ്ദാ​ന​ങ്ങ​ൾ

ആ​ശ്വാ​സ​മേ​കാ​ൻ പ്ര​ഖ്യാ​പി​ക്കു​ന്ന പു​ന​ര​ധി​വാ​സ പ​ദ്ധ​തി​ക​ൾ വാ​ഗ്ദാ​നം മാ​ത്ര​മാ​യി മാ​റു​ന്നു​വെ​ന്നാ​ണ് തീ​ര​വാ​സി​ക​ളു​ടെ പ​രാ​തി. ക​ട​ലെ​ടു​ത്തു പോ​യ​തൊ​ന്നും തി​രി​ച്ചു​കി​ട്ടി​ല്ലെ​ന്ന് അ​റി​യാ​മെ​ങ്കി​ലും സ​ർ​ക്കാ​ർ പ്ര​ഖ്യാ​പി​ക്കു​ന്ന സ​ഹാ​യം യ​ഥാ​സ​മ​യം കി​ട്ടാ​ത്ത​താ​ണ് ഇ​വ​രെ നി​രാ​ശ​രാ​ക്കു​ന്ന​ത്. പു​തു​വ​ൽ സു​ദ​ർ​ശ​നും കു​ടും​ബ​വും സു​ഹൃ​ത്തി​ന്‍റെ വീ​ട്ടി​ൽ വാ​ട​ക​യ്ക്കാ​ണു ക​ഴി​യു​ന്ന​ത്. ദി​വ​സ​ങ്ങ​ൾ​ക്കു മു​ന്പ് രേ​ഖ​ക​ൾ ഹാ​ജ​രാ​ക്കി താ​ലൂ​ക്ക് ഓ​ഫീ​സി​ൽ അ​പേ​ക്ഷ ന​ല്കി. വി​ല്ലേ​ജ് ഓ​ഫീ​സ​റും താ​ലൂ​ക്ക് ഓ​ഫീ​സ​റു​മ​ട​ക്ക​മു​ള്ള ഉ​ദ്യോ​ഗ​സ്ഥ​ർ വ​ന്ന് പ​രി​ശോ​ധി​ച്ച് റി​പ്പോ​ർ​ട്ട് എ​ടു​ത്തു​വെ​ന്ന​തു​മാ​ത്ര​മാ​ണ് ഏ​ക ആ​ശ്വാ​സം. തൊ​ഴി​ലു പോ​ലു​മി​ല്ലാ​തെ വാ​ട​ക​യ്ക്ക് താ​മ​സി​ക്കേ​ണ്ടി​വ​രു​മ്പോ​ൾ ചെ​റി​യ സ​ഹാ​യം​പോ​ലും വ​ലി​യ ആ​ശ്വാ​സ​മാ​ണ്. എ​ന്നാ​ൽ അ​തും ക​ട​ലാ​സി​ൽ മാ​ത്ര​മാ​കു​ന്നു.

തീ​ര​ദേ​ശ​വാ​സി​ക​ൾ​ക്ക് പ്ര​ത്യേ​ക പു​ന​ര​ധി​വാ​സ പാ​ക്കേ​ജ് സ​ർ​ക്കാ​ർ പ്ര​ഖ്യാ​പി​ച്ചി​ട്ടു​ണ്ട്. എ​ന്നാ​ൽ എ​പ്പോ​ഴാ​ണ് ന​ട​പ്പാ​കു​ക എ​ന്ന​തു സം​ബ​ന്ധി​ച്ച് ഒ​രു വ്യ​ക്ത​ത​യു​മി​ല്ല. പു​ന​ര​ധി​വാ​സ പ​ദ്ധ​തി​ക​ളെ​ല്ലാം ക​ട​ൽ​ത്തീ​ര​ത്തു​നി​ന്ന് 200 മീ​റ്റ​ർ അ​ക​ലെ​യാ​ക​ണം എ​ന്ന​താ​ണ് വ്യ​വ​സ്ഥ. ഇ​ത് ത​ങ്ങ​ളു​ടെ തൊ​ഴി​ലി​നെ സാ​ര​മാ​യി ബാ​ധി​ക്കു​മെ​ന്ന് ഇ​വ​ർ ഭ​യ​ക്കു​ന്നു. സൗ​ജ​ന്യ റേ​ഷ​ന​ട​ക്ക​മു​ള്ള സ​ഹാ​യ​ങ്ങ​ൾ മു​ട​ങ്ങാ​തെ ല​ഭ്യ​മാ​ക്ക​ണ​മെ​ന്ന​താ​ണ് ഇ​വ​രു​ടെ മ​റ്റൊ​രാ​വ​ശ്യം. മു​ൻ​കാ​ല അ​നു​ഭ​വ​ങ്ങ​ൾ​വ​ച്ച് പു​ന​ര​ധി​വാ​സ​മ​ട​ക്ക​മു​ള്ള പ​ദ്ധ​തി​ക​ളൊ​ന്നും പെ​ട്ടെന്നു ന​ട​പ്പാ​കു​മെ​ന്ന് ഇ​വ​ർ ക​രു​തു​ന്നി​ല്ല. അ​തേ​ക്കു​റി​ച്ച് നാ​ളെ...

വി.​എ​സ്. ഉ​മേ​ഷ്