ജീ​വി​ത​ത്തി​ലെ ഓ​രോ നി​മി​ഷ​ങ്ങ​ളെ​യും ദൈ​വ​ദ​ത്ത​മാ​യി ക​ണ്ടി​രു​ന്നു ഡോ.ഡി. ബാ​ബു​പോ​ൾ. ഈ ​ആ​ത്മീ​യ ശ​ക്തി കൊ​ണ്ടാ​ണ് ഭാ​ര്യ ഉ​ൾ​പ്പെ​ടെ​യു​ള്ള പ്രി​യ​പ്പെ​ട്ട​വ​രു​ടെ വി​യോ​ഗം മ​നഃ​ശ​ക്തി​യോ​ടെ അദ്ദേഹം നേ​രി​ട്ട​ത്. ഒ​രി​ക്ക​ൽ അ​ദ്ദേ​ഹം പ​റ​ഞ്ഞി​ട്ടു​ണ്ട്- ""നി​ർ​മ​ല​യ്ക്കു കാ​ൻ​സ​ർ ആ​ണെ​ന്നു അ​റി​ഞ്ഞ​പ്പോ​ൾ വ​ല്ലാ​ത്ത മ​നഃ​സം​ഘ​ർ​ഷം എ​നി​ക്കു അ​നു​ഭ​വ​പ്പെ​ട്ടി​രു​ന്നു. ദൈ​വം ന​ല്കി​യ ശ​ക്തി​കൊ​ണ്ട് മാ​ത്ര​മാ​ണ് പ​തു​ക്കെ ആ ​സ​ത്യം അം​ഗീ​ക​രി​ക്കു​വാ​ൻ സാ​ധി​ച്ച​ത്. ദൈ​വം ന​ൻ​മ ന​ല്കു​ന്പോ​ൾ അ​ത് ന​മ്മു​ടെ അ​വ​കാ​ശ​മാ​യും ദു​ര​ന്ത​ങ്ങ​ൾ വ​രു​ന്പോ​ൾ ദൈ​വ​ത്തി​ന്‍റെ തെ​റ്റു​ക​ളാ​യും കാ​ണു​ന്ന​ത് ശ​രി​യ​ല്ല.''

നന്മയു​ടെ ഒ​രു അ​ന​ന്താ​കാ​ശ​വും ആ ​ഉ​ള്ളി​ൽ എ​ന്നും നി​റ​ഞ്ഞി​രു​ന്നു. പാ​വ​പ്പെ​ട്ട പ​ല വി​ദ്യാ​ർ​ഥി​ക​ളെ​യും അ​ദ്ദേ​ഹം സ്വ​ന്തം കാ​ശ് മു​ട​ക്കി പ​ഠി​പ്പി​ച്ചി​രു​ന്നു എ​ന്ന സ​ത്യം പ​ല​ർ​ക്കു​മ​റി​യി​ല്ല. അ​തേക്കു​റി​ച്ച് പ​റ​യു​ന്ന​ത് ബാ​ബു​പോ​ളി​ന് ഇ​ഷ്ട​മാ​യി​രു​ന്നി​ല്ല. ഒ​ര​ഭി​മു​ഖ​ത്തി​നി​ട​യി​ൽ ആ​രു​മ​റി​യാ​തെ ന​ട​ത്തു​ന്ന ഈ ​സേ​വ​ന​ത്തെക്കു​റി​ച്ച് ചോ​ദി​ച്ച​പ്പോ​ൾ അ​ദ്ദേ​ഹം പ്ര​തി​ക​രി​ച്ച​ത് ദൈ​വം എ​ന്നെ ഏ​ൽ​പ്പി​ക്കു​ന്ന ക​ട​മ എ​ന്നു മാ​ത്ര​മാ​ണ്. ജീ​വി​ത​ത്തി​ൽ വ​ലി​യ ചാ​രി​താ​ർ​ഥ്യം തോ​ന്നി​യ ഒ​രു സം​ഭ​വം മാ​ത്രം ബാ​ബു​പോ​ൾ അ​ന്നു പ​റ​ഞ്ഞു.

""1987-ൽ ​നി​ർ​ധ​ന കു​ടും​ബാം​ഗ​മാ​യ ഒ​രു എ​ൻ​ജി​നി​യ​റിം​ഗ് വി​ദ്യാ​ർ​ഥി​യെ പ​ഠി​പ്പി​ക്കു​വാ​ൻ എ​നി​ക്കു അ​വ​സ​രം കി​ട്ടി. ബി​രു​ദം നേ​ടി​യ ഉ​ട​നെ ആ ​വി​ദ്യാ​ർ​ഥി​ക്കു കാ​ന​ഡ​യി​ൽ ജോ​ലി ല​ഭി​ച്ചു. പി​ന്നീ​ട് കാ​ന​ഡ​യി​ലെ അ​തി​സ​ന്പ​ന്ന​നാ​യ മ​ല​യാ​ളി​ക​ളി​ൽ ഒ​രാ​ളാ​യി അ​യാ​ൾ മാ​റു​ക​യും ചെ​യ്തു. പ​ഴ​യ വി​ദ്യാ​ർ​ഥി​യു​മാ​യി എ​നി​ക്കു വ​ലി​യ ബ​ന്ധ​മൊ​ന്നും ഉ​ണ്ടാ​യി​രു​ന്നി​ല്ല. എ​ന്നാ​ൽ നി​ർ​മ​ല മ​രി​ച്ച് ക​ഴി​ഞ്ഞ്, വ​ല്ലാ​ത്ത ഒ​രു ഏ​കാ​ന്ത​ത​യി​ൽ ക​ഴി​ഞ്ഞി​രു​ന്ന നാ​ളു​ക​ളി​ൽ എ​നി​ക്ക​യാ​ൾ ഒ​രു ഇ​ന്‍റ​ർ​നാ​ഷ​ണ​ൽ ഫ​സ്റ്റ് ക്ലാ​സ് ടി​ക്ക​റ്റ് അ​യ​ച്ചു തന്നു. എ​ന്നെ കാ​ന​ഡ​യി​ലേ​ക്കു സ്നേ​ഹ​പൂ​ർ​വം നി​ർ​ബ​ന്ധി​ച്ച് കൂ​ട്ടി​ക്കൊ​ണ്ടു പോ​വു​ക​യും ചെ​യ്തു. ര​ണ്ടാ​ഴ്ച ആ ​കു​ടും​ബ​ത്തി​ലെ ഒ​രം​ഗ​ത്തെ പോ​ലെ ക​ഴി​ഞ്ഞ​ശേ​ഷ​മാ​ണ് മ​ട​ങ്ങി​യെ​ത്തി​യ​ത്. ദൈ​വ​ത്തി​ന്‍റെ ഒ​രു സാ​ന്ത്വ​ന സ്പ​ർ​ശം. അ​ങ്ങ​നെ​യെ ഞാ​ൻ ഇ​തി​നെ കാ​ണു​ന്നു​ള്ളൂ.''

കി​ളി​ക​ൾ​ക്കും കാ​ക്ക​ക​ൾ​ക്കും വെ​ള്ള​വും മു​തി​ര​യു​മൊ​ക്കെ ദി​വ​സ​വും ന​ല്കു​ന്ന ഒ​രു പ​തി​വും ഡോ. ​ബാ​ബു​പോ​ളി​നു​ണ്ടാ​യി​രു​ന്നു. വേ​ന​ൽ​ച്ചൂ​ടി​ൽ വെ​ന്തു​രു​കി എ​ത്തു​ന്ന ചെ​റു​കി​ളി​ക​ൾ ത​ന്‍റെ വീ​ട്ട്മു​റ്റ​ത്ത് സൂ​ക്ഷി​ച്ചി​രി​ക്കു​ന്ന വെ​ള്ള​ത്തി​ൽ നീ​ന്തി കു​ളി​ക്കു​ന്ന​തും, അ​മൃ​തം പോ​ലെ വെ​ള്ളം കു​ടി​ക്കു​ന്ന​തും പു​ഞ്ചി​രി​യോ​ടെ അ​ദ്ദേ​ഹം നോ​ക്കി നി​ന്നി​രു​ന്നു.

ഡോ. ​ഡി. ബാ​ബു​പോ​ളി​ന്‍റെ ഒ​രു​ദി​വ​സം ബാ​ബു​പോ​ൾ ത​ന്നെ പ​റ​ഞ്ഞ​ത്

""സ​ർ​വീ​സി​ലി​രി​ക്കു​ന്പോ​ൾ എ​ന്‍റെ ഒ​രു ദി​വ​സം പു​ല​ർ​ച്ചെ ര​ണ്ട​ര മ​ണി​ക്കു തു​ട​ങ്ങി​യി​രു​ന്നു. പി​ന്നെ​യ​ത് മൂ​ന്ന​ര​യ്ക്കാ​യി. സ​ക​ല​തി​ന്‍റെ​യും ഉ​ട​യ​വ​നാ​യ ക​ർ​ത്താ​വേ.... കു​ട്ടി​യാ​യി​രി​ക്കു​ന്പോ​ൾ അ​മ്മ പ​ഠി​പ്പി​ച്ച പ്രാ​ർ​ഥ​ന ചൊ​ല്ലി​യാ​ണ് എ​ഴു​ന്നേ​ൽ​ക്കു​ക. വ​ല​തു കാ​ൽ നി​ല​ത്തു കു​ത്തി, വ​ല​തു കൈ​കൊ​ണ്ട് ഭൂ​മി​യെ സ്പ​ർ​ശി​ച്ചാ​ണ് പ്രാ​ർ​ഥ​ന. പി​ന്നെ പ്ര​ഭാ​ത ക​ർ​മ​ങ്ങ​ൾ. അ​തി​നു ശേ​ഷം എ​ന്‍റെ പ്രി​യ​പ്പെ​ട്ട​വ​രെ സ​ന്ദ​ർ​ശി​ക്കും. എ​ന്‍റെ അ​പ്പ​ൻ പി.​എ. പൗ​ലോ​സ് കോ​ർ എ​പ്പി​സ്കോ​പ്പ ആ​യി​രു​ന്നു. അ​ച്ഛ​ന്‍റെ ചി​ത്രം ക​ണി​ക​ണ്ടാ​ണ് ഉ​ണ​രു​ന്ന​ത്. അ​മ്മ​യു​ടെ ചി​ത്ര​ത്തി​നു അ​രി​കി​ൽ ഏ​റെ​നേ​രം നി​ല്ക്കും. അ​മ്മ​ച്ചി​യു​ടെ കൊ​ച്ചു ബാ​ബു​വാ​യും ചേ​ർ​ന്നു നി​ൽ​ക്കും. ഭാ​ര്യ നി​ർ​മ​ല​യോ​ട് സു​ഖ​മാ​ണോ എ​ന്നു​ള്ള കു​ശ​ലം ചോ​ദി​ക്ക​ൽ മു​ട​ക്കാ​റി​ല്ല.

വീ​ട്ടി​ൽ പ​രു​മ​ല തി​രു​മേ​നി​യു​ടെ​യും മ​ദ​ർ തെ​രേ​സ​യു​ടെ​യും ചി​ത്ര​ങ്ങ​ൾ പ്ര​ത്യേ​ക​മാ​യി സൂ​ക്ഷി​ച്ചി​ട്ടു​ണ്ട്. പ​രു​മ​ല തി​രു​മേ​നി​ക്കു മു​ന്നി​ൽ നി​ന്നു സ്തോ​ത്രം ചൊ​ല്ലും. 1986-ൽ ​മ​ദ​ർ തെ​രേ​സ എ​ന്‍റെ വീ​ട്ടി​ൽ വ​ന്ന​പ്പോ​ൾ ഇ​രു​ന്ന ക​സേ​ര അ​ന്നു​ത​ന്നെ ഞാ​ൻ മാ​റ്റി സൂ​ക്ഷി​ച്ചി​ട്ടു​ണ്ട്. മ​ദ​റി​നെ വാ​ഴ്ത്ത​പ്പെ​ട്ട​വ​ളാ​യി പ്ര​ഖ്യാ​പി​ച്ചു ക​ഴി​ഞ്ഞ​പ്പോ​ൾ ക​സേ​ര​യ്ക്കു മു​ന്നി​ൽ ഞാ​ൻ വി​ള​ക്കു വ​യ്ക്കു​വാ​ൻ തു​ട​ങ്ങി. എ​ന്‍റെ എ​ഴു​ത്ത് മു​റി​യി​ലെ സെ​ന്‍റ് മേ​രി​യു​ടെ​യും സെ​ന്‍റ് ജോ​ർ​ജി​ന്‍റെ​യും ചി​ത്ര​ങ്ങ​ൾ​ക്കു മു​ന്നി​ൽ മെ​ഴു​കു​തി​രി​യും നി​ല​വി​ള​ക്കും എ​ന്നും തെ​ളി​യി​ക്കും. എ​ല്ലാ ദി​വ​സ​വും രാ​വി​ലെ ഞാ​ൻ ധ്യാ​നി​ക്കാ​റു​ണ്ട്. യേ​ശു ക്രി​സ്തു എ​ന്‍റെ മു​ന്നി​ലു​ള്ള ക​സേ​ര​യി​ൽ ഇ​രി​ക്കു​ന്ന​താ​യും ഞാ​നാ മു​ന്നി​ൽ മു​ട്ടു​കു​ത്തി നി​ന്നു മ​ടി​യി​ൽ ത​ല​ചേ​ർ​ത്ത് ഒ​രു മ​ക​ൻ അ​ച്ഛ​ന്‍റെ അ​ടു​ത്തെ​ന്ന​പോ​ലെ സം​സാ​രി​ക്കു​ന്ന​താ​യി സ​ങ്ക​ല്പി​ച്ചാ​ണ് ധ്യാ​നം. പി​ന്നെ എ​ഴു​ത്തു​മു​റി​യി​ൽ ത​ന്നെ വൈ​കു​ന്നേ​രം ആ​രെ​ങ്കി​ലും പ്ര​സം​ഗ​ത്തി​നു കൂ​ട്ടി​ക്കൊ​ണ്ടു പോ​യാ​ലെ എ​ഴു​ത്തി​നു അ​പ്പു​റ​മു​ള്ള ലോ​കം ഞാ​ൻ കാ​ണു​ക​യു​ള്ളൂ. സ​ർ​വീ​സി​ലി​രി​ക്കു​ന്പോ​ഴും അ​തു ക​ഴി​ഞ്ഞും ഒൗ​ട്ടിം​ഗു​ക​ൾ, ക്ല​ബു​ക​ൾ ഒ​ന്നു​മി​ല്ല. ഭാ​ര്യ​യും കു​ട്ടി​ക​ളും ചേ​രു​ന്ന​താ​ണ് എ​ന്‍റെ ക്ല​ബ്.


അ​ക്ഷ​രാ​ർ​ഥ​ത്തി​ൽ അ​റി​വി​ന്‍റെ ഒ​രു വൈ​ര​മു​ത്ത് ത​ന്നെ​യാ​യി​രു​ന്നു ബാ​ബു​പോ​ൾ. കേ​ര​ള​ത്തി​ന്‍റെ ഭ​ര​ണ​രം​ഗ​ത്തെ ന​യി​ച്ച​വ​രി​ൽ പ്ര​ഗ​ല്ഭനാ​യ ഈ ​ഐ​എ​എ​സു​കാ​ര​ൻ ഒൗ​ദ്യോ​ഗി​ക മേ​ഖ​ല​യി​ലും ആ​ധ്യാ​ത്മി​ക ത​ല​ത്തി​ലും എ​ഴു​ത്തി​ലും പ്ര​ഭാ​ഷ​ണ​ത്തി​ലും ഏ​റെ ആ​ഴ​ത്തി​ൽ സ​ഞ്ച​രി​ച്ചി​രു​ന്ന വ്യ​ക്തി കൂ​ടി​യാ​ണ്. സ​ഹോ​ദ​രന്മാരെ, സ​ഹോ​ദ​രി​മാ​രെ എ​ന്നു തു​ട​ങ്ങു​ന്ന ഡോ. ​ഡി. ബാ​ബു​പോ​ളി​ന്‍റെ പ്ര​സം​ഗ​ങ്ങ​ൾ ത​ന്നെ കേ​ര​ള​ത്തി​ന്‍റെ സാം​സ്കാ​രി​ക-​രാ​ഷ്‌ട്രീയ ച​രി​ത്ര​ത്തി​ലെ പ്ര​ധാ​ന ഏ​ടു​ക​ളാ​യി സൂ​ക്ഷി​ക്കാ​വു​ന്ന​താ​ണ്. എ​ല്ലാ മ​ത​ങ്ങ​ളെ ക്കുറി​ച്ചും അ​ഗാ​ധ​മാ​യ ജ്ഞാ​നം ഉ​ണ്ടാ​യി​രു​ന്ന​തി​നാ​ൽ ആ​ധ്യാ​ത്മി​ക​ത​യെക്കു​റി​ച്ച് ആ​ധി​കാ​രി​ക​മാ​യി സം​സാ​രി​ക്കു​വാ​നും എ​ഴു​തു​വാ​നും സാ​ധി​ച്ചു. വി​വി​ധ മ​ത​ങ്ങ​ളെ താ​ര​ത​മ്യം ന​ട​ത്തിക്കൊണ്ടു​ള്ള ആ​ഴ​മേ​റി​യ പ​ഠ​ന​വും ന​ട​ത്തി​യി​രു​ന്നു.

റി​ട്ട​യ​ർ​മെ​ന്‍റ് ജീ​വി​ത​മെ​ങ്ങ​നെ പോ​കു​ന്നു എ​ന്നു ഒ​രി​ക്ക​ൽ ചോ​ദി​ച്ച​പ്പോ​ൾ ചി​രി​ച്ച് കൊ​ണ്ട് അ​ങ്ങ​നെ ഒ​രു ജീ​വി​ത​മു​ണ്ടോ? എ​ന്നാ​ണ് ബാ​ബു​പോ​ൾ ചോ​ദി​ച്ച​ത്. വി​ര​മി​ച്ച​ശേ​ഷം ജീ​വി​തം ഏ​റ്റ​വും സാ​ർ​ഥ​മാ​ക്കി​യ മ​റ്റൊ​രു പ്ര​മു​ഖ ഉ​ദ്യോ​ഗ​സ്ഥ​ൻ അ​ധി​കം വേ​റെ കാ​ണി​ല്ല എ​ന്നു ത​ന്നെ പ​റ​യാം.

ന​ർ​മം മ​റ്റേ​മ്മ​യി​ൽ നി​ന്നും ആ​ത്മീ​യ​ത അ​മ്മ​ച്ചി​യി​ൽ നി​ന്നും

""എ​ന്‍റെ അ​ച്ഛ​ന്‍റെ അ​മ്മ​യെ ഞാ​ൻ മ​റ്റേ​മ്മ എ​ന്നാ​ണ് വി​ളി​ച്ചി​രു​ന്ന​ത്. ന​ന്നാ​യി ന​ർ​മം പ​റ​ഞ്ഞി​രു​ന്നു മ​റ്റേ​മ്മ. ഒ​രു​പാ​ട് മു​ത്ത​ശ്ശി​ക്ക​ഥ​ക​ളും പ​റ​ഞ്ഞു​ത​ന്നി​രു​ന്നു.

ഏ​ഴാം​ക​ട​ലി​നി​ക്ക​രേ ഏ​ഴി​ലം​പാ​ല പൂ​ത്തു... എ​ന്നു​ള്ള ക​ഥ​ക​ളൊ​ക്കെ എ​ന്നെ പു​തി​യൊ​രു അ​ദ്ഭു​ത​ലോ​ക​ത്ത് കൊ​ണ്ടു​പോ​യി. എ​നി​ക്കു പ​ന്ത്ര​ണ്ട് വ​യ​സു​ള്ള​പ്പോ​ൾ മ​റ്റേ​മ്മ ഞ​ങ്ങ​ളെ വി​ട്ടു​പോ​യി. എ​ങ്കി​ലും മ​റ്റേ​മ്മ സ​മ്മാ​നി​ച്ച ന​ർ​മ​വും ലോ​ക​വും എ​ന്നി​ൽ അ​വ​ശേ​ഷി​ക്കു​ന്നു...
അ​മ്മ​യു​ടെ അ​മ്മ വ​ലി​യ പ്രാ​ർ​ഥ​ന​ക്കാ​രി​യാ​യി​രു​ന്നു. ഇ​രു​പ​ത്തി ര​ണ്ടാ​മ​ത്തെ വ​യ​സി​ൽ വി​ധ​വ​യാ​യ അ​മ്മ​ച്ചി​യാ​ണ് എ​ന്നെ ബൈ​ബി​ളി​ലേ​ക്കും ദൈ​വ​ചി​ന്ത​ക​ളി​ലേ​ക്കും കൂ​ട്ടി​ക്കൊ​ണ്ടു​പോ​കു​ന്ന​ത്.''

ബാ​ബു​പോ​ളി​ന്‍റെ ന​ർ​മം

സ്വാ​ഭാ​വി​ക​മാ​യ അ​തി​ല​ളി​ത​മാ​യ ന​ർ​മം ബാ​ബു​പോ​ളി​ന്‍റെ ഒ​പ്പം എ​ന്നു​മു​ണ്ടാ​യി​രു​ന്നു. വ​ള​രെ ഗൗ​ര​വം തോ​ന്നി​ക്കു​ന്ന ശരീരഭാഷയും സം​ഭാ​ഷ​ണ​വു​മാ​യി വേ​ദി​യി​ൽ നി​ല്ക്കു​ന്പോ​ൾ പോ​ലും പ്ര​സം​ഗ​ത്തി​നു ഇ​ട​യ്ക്കി​ടെ അ​റി​യാ​തെ ന​ർ​മം ക​യ​റി​വ​രും.

സൗ​ഹൃ​ദ​സംഭാ​ഷ​ണ​ങ്ങ​ൾ​ക്കി​ട​യി​ലും ബാ​ബു​പോ​ളി​ന്‍റെ ത​മാ​ശ​ക​ൾ ഏ​റെ ര​സ​ക​ര​മാ​യി​രു​ന്നു. ചി​ത്ര​ക​ല​യി​ലെ എ​ന്‍റെ സാ​മ​ർ​ഥ്യം എ​ന്നു പ​റ​ഞ്ഞ് ബാ​ബു​പോ​ൾ ഒ​രു ക​ഥ പ​റ​ഞ്ഞി​ട്ടു​ണ്ട്- ""സ്കൂ​ളി​ൽ ഞാ​നൊ​രു ദി​വ​സം പ​രീ​ക്ഷ എ​ഴു​തി​ക്കൊ​ണ്ടി​രി​ക്കു​ന്പോ​ൾ എ​ന്‍റെ ഉ​ത്ത​രക്ക​ട​ലാ​സ് നോ​ക്കി​നി​ന്ന അ​ധ്യാ​പി​ക​യ്ക്കു ഒ​രു സം​ശ​യം. ബാ​ബു നി​ങ്ങ​ൾ​ക്കി​ന്നു ഭൂ​മി​ശാ​സ്ത്രം പ​രീ​ക്ഷ​യാ​ണോ അ​തോ ജീ​വ​ശാ​സ്ത്ര​മാ​ണോ? കാ​ര​ണം വേ​റെ ഒ​ന്നു​മ​ല്ല. ഞാ​ൻ വ​ര​ച്ചി​രി​ക്കു​ന്ന​ത് ഓ​സ്ട്രേ​ലി​യ​യാ​ണോ, ചേ​ന​യാ​ണോ എ​ന്നു എ​ത്ര സൂ​ക്ഷി​ച്ച് നോ​ക്കി​യി​ട്ടും ടീ​ച്ച​റി​നു മ​ന​സി​ലാ​കു​ന്നി​ല്ല. സ്വ​ന്തം സ​ർ​വീ​സ് ജീ​വി​ത​ത്തി​ലെ ക​ഥ​ക​ളും അ​തീ​വ ര​സ​ക​ര​മാ​യി ബാ​ബു​പോ​ൾ അ​വ​ത​രി​പ്പി​ച്ചി​രി​ക്കു​ന്ന​ത്. പ്ര​സം​ഗ​വേ​ദി​യി​ൽ ബാ​ബു​പോ​ൾ പ​ങ്കി​ട്ട ഒ​രു​ക​ഥ ഇ​ങ്ങ​നെ...

കെഎസ്ആർടിസി എം​ഡി​യാ​യി​രു​ന്ന കാ​ല​ത്ത് പ്രൈ​മ​റി ക്ലാ​സി​ൽ ത​ന്‍റെ സ​ഹ​പാ​ഠി​യാ​യി​രു​ന്ന ഒ​രു കു​ട്ടി അ​വി​ടെ ഡ്രൈ​വ​റാ​യി ഉ​ണ്ടാ​യി​രു​ന്നു. ജീ​വ​ന​ക്കാ​രു​ടെ മു​ന്നി​ൽ വ​ച്ച് സാ​ർ എ​ന്നു ബ​ഹു​മാ​ന​ത്തോ​ടെ വി​ളി​ച്ച് മാ​റി നി​ല്ക്കും. ആ​രും അ​ടു​ത്തി​ല്ലെ​ങ്കി​ൽ പ​ഴ​യ​പോ​ലെ എ​ന്താ ബാ​ബു എ​ന്നു കു​ശ​ലം ചോ​ദി​ക്കും. ഈ ​ഡ്രൈ​വ​ർ കു​ട്ടി പ​ണ്ട് ക​ണ​ക്കു ക്ലാ​സി​ൽ ത​നി​ക്കു വ​ലി​യ ക​ണ്‍​ഫ്യൂ​ഷ​ൻ ഉ​ണ്ടാ​ക്കിത്ത​ന്നി​ട്ടു​ണ്ട്. ക​ണ​ക്കു സാ​ർ അ​ഞ്ച് അ​ധി​കം ര​ണ്ട് എ​ത്ര എ​ന്നു ചോ​ദി​ച്ച​പ്പോ​ൾ ഏ​ഴ് എ​ന്നു താ​ൻ ഉ​ത്ത​രം പ​റ​ഞ്ഞു. ഉ​ട​നെ ഇ​പ്പോ​ഴ​ത്തെ ഡ്രൈ​വ​ർ കു​ട്ടി കൈ​യി​ലൊ​ന്നു ത​ട്ടി. എ​ന്താ ബാ​ബു നീ ​പ​റ​ഞ്ഞ​ത്. നാ​ല് അ​ധി​കം മൂ​ന്ന​ല്ലേ ഏ​ഴ്. ക​ണ​ക്കി​ൽ അ​ന്ന് ആ ​കു​ട്ടി ഉ​ണ്ടാ​ക്കി​യ ക​ണ്‍​ഫ്യൂ​ഷ​ൻ ഭീ​ക​ര​മാ​യി​രു​ന്നു.

എസ്.മഞ്ജുളാദേവി