ചർമരോഗങ്ങൾക്കു സ്വയംചികിത്സ ഫലപ്രദമോ?
Tuesday, April 21, 2020 2:57 PM IST
ശ​രീ​രം മു​ഴു​വ​ൻ അ​സ​ഹ​നീ​യ​മാ​യ ചൊ​റി​ച്ചി​ലു​മാ​യാ​ണ് ആ മധ്യവയസ്കൻ എ​ന്നെ കാ​ണാ​ൻ വ​ന്ന​ത്. പ്ര​മേ​ഹ​രോ​ഗി​യാ​യ അ​ദ്ദേ​ഹം ഇ​തി​നോ​ട​കം​ത​ന്നെ പ​ത്തോ​ളം ച​ർ​മ​രോ​ഗ വി​ദ​ഗ്ധ​രെ സ​മീ​പി​ച്ചി​ട്ടു​ണ്ട്. അ​സു​ഖ​ത്തി​ന് ശ​മ​ന​മി​ല്ലാ​താ​യ​തോ​ടെ​യാ​ണ് അ​ദ്ദേ​ഹം എ​ന്‍റെയടുത്തു വന്നത്..

പ്രാ​യ​ത്തി​ന്‍റെ​യും പ്ര​മേ​ഹ​രോ​ഗ​ത്തി​ന്‍റെ​യും പ്ര​ശ്നം കാ​ര​ണം ച​ർ​മം വ​ര​ണ്ടു​ണ​ങ്ങു​ന്ന​താ​ണ് യ​ഥാ​ർ​ഥ പ്ര​ശ്ന​മെ​ന്നു മ​ന​സി​ലാ​യി. രോ​ഗി ഇ​തി​നോ​ട​കം പാ​ര​ഫി​ൻ അ​ട​ങ്ങി​യ ലേ​പ​ന​ങ്ങ​ളും ആ​ന്‍റി​ഹി​സ്റ്റ​മി​നു​ക​ളും ഉ​പ​യോ​ഗി​ച്ചി​ട്ടു​ണ്ട്. വി​ശ​ദ​മാ​യി ചോ​ദി​ച്ച​പ്പോ​ൾ ലേ​പം പു​ര​ട്ടി അ​ര​മ​ണി​ക്കൂ​റി​നു ശേ​ഷം കു​ളി​ക്കു​ക​യാ​ണ് പ​തി​വെ​ന്ന് അ​യാ​ൾ പ​റ​ഞ്ഞു.

ച​ർ​മ​ത്തി​ലെ ജ​ലാം​ശം ന​ഷ്ട​പ്പെ​ടാ​തി​രി​ക്കാ​നാ​ണ് സാ​ധാ​ര​ണ​യാ​യി പാ​ര​ഫി​ൻ അ​ട​ങ്ങി​യ ലേ​പ​ന​ങ്ങ​ൾ ഡോ​ക്ട​ർ​മാ​ർ നി​ർ​ദേ​ശി​ക്കു​ന്ന​ത്. ഇ​ത് കു​ളി​ച്ച​ശേ​ഷം കു​ളി​മു​റി​യി​ൽ​വ​ച്ചു​ത​ന്നെ പു​ര​ട്ടു​ന്ന​താ​ണ് ഉ​ചി​തം. ഇ​ങ്ങ​നെ ചെ​യ്യു​ന്പോ​ൾ​ച​ർ​മ​ത്തി​ന് മു​ക​ളി​ൽ അ​ത് ഒ​രു പാ​ട​പോ​ലെ പ്ര​വ​ർ​ത്തി​ക്കു​ക​യും ച​ർ​മ​ത്തി​ലെ ജ​ലാം​ശം ബാ​ഷ്പീ​ക​രി​ക്കു​ന്ന​തി​നെ ത​ടയു​ക​യും ചെ​യ്യു​ന്നു. ശ​രീ​രം ന​ന​ച്ച് തു​ട​ച്ച​ശേ​ഷം ഇ​ങ്ങ​നെ ഒ​രു​ദി​വ​സം​ത​ന്നെ പ​ല ആ​വ​ർ​ത്തി പു​ര​ട്ടേ​ണ്ടി​വ​രും. കു​ളി​ക്കു​ന്ന​തി​നു മു​ൻ​പ് പു​ര​ട്ടി​യാ​ൽ ശ​രീ​ര​ത്തി​ൽ സോ​പ്പ് തേ​ക്കു​ന്പോ​ഴും ശ​രീ​രം തു​ട​യ്ക്കു​ന്പോ​ഴും ലേ​പ​നം ന​ഷ്ട​പ്പെ​ടു​ക​യും ഉ​ദ്ദേ​ശി​ച്ച ഫ​ലം ചെ​യ്യാ​തി​രി​ക്കു​ക​യും ചെ​യ്യു​ന്നു.

മേ​ൽ സൂ​ചി​പ്പി​ച്ച സം​ഭ​വ​ത്തി​ൽ രോ​ഗ​ശ​മ​നം ല​ഭി​ക്കാ​തി​രി​ക്കാ​നു​ള്ള യ​ഥാ​ർ​ഥ കാ​ര​ണം രോ​ഗി, ഉ​പ​യോ​ഗി​ക്കേ​ണ്ട രീ​തി​യി​ൽ മ​രു​ന്ന് ഉ​പ​യോ​ഗി​ക്കാ​ത്ത​താ​ണ്.

സ്റ്റി​റോ​യ്ഡു​ക​ൾ

ച​ർ​മ​രോ​ഗ ചി​കി​ത്സ​യി​ൽ ഉ​പ​യോ​ഗി​ക്കു​ന്ന പ്ര​ധാ​ന​പ്പെ​ട്ട മ​രു​ന്നു​ക​ളാ​ണ് സ്റ്റി​റോ​യ്ഡു​ക​ൾ. സ്റ്റി​റോ​യി​ഡു​ക​ൾ ഗു​ളി​ക​ക​ളാ​യും ലേ​പ​ന​ങ്ങ​ളാ​യും ഇ​ൻ​ജ​ക്ഷ​നു​ക​ളാ​യും ഇ​ൻ​ഹേ​ല​റു​ക​ളാ​യു​മൊ​ക്കെ വി​പ​ണി​യി​ൽ ല​ഭ്യ​മാ​ണ്. ച​ർ​മ​രോ​ഗ ചി​കി​ത്സ​യി​ൽ പ്ര​ധാ​ന​മാ​യും ഉ​പ​യോ​ഗി​ക്കു​ന്ന​ത് ലേ​പ​ന​ങ്ങ​ളു​ടെ രൂ​പ​ത്തി​ലാ​ണ്. സ്റ്റി​റോ​യ്ഡ് ലേ​പ​ന​ങ്ങ​ളു​ടെ വീ​ര്യ​ത്തെ ആ​സ്പ​ദ​മാ​ക്കി അ​വ​യെ ആ​റാ​യി തി​രി​ച്ചി​ട്ടു​ണ്ട്. അ​തി​ൽ ഒ​ന്നാ​മ​ത്തെ വി​ഭാ​ഗം ഏ​റ്റ​വും വീ​ര്യം കൂ​ടി​യ​തും ആ​റാ​മ​ത്തേ​ത് ഏ​റ്റ​വും വീ​ര്യം കു​റ​ഞ്ഞ​തു​മാ​ണ്. വി​വി​ധ​ത​രം ച​ർ​മ​രോ​ഗ​ങ്ങ​ൾ​ക്ക് പ​ല വീ​ര്യ​മു​ള്ള ലേ​പ​ന​ങ്ങ​ൾ ഉ​പ​യോ​ഗി​ക്കേ​ണ്ടി​വ​രും. മു​ഖ​ത്തും ഇ​ടു​ക്കു​ക​ളി​ലും വീ​ര്യം കു​റ​ഞ്ഞ​വ ത​ന്നെ ഉ​പ​യോ​ഗി​ക്ക​ണം. ശ​രീ​ര​ത്തി​ലെ ക​ട്ടി​കൂ​ടി​യ ഭാ​ഗ​ങ്ങ​ളി​ൽ വീ​ര്യം കൂ​ടി​യ​വ ഉ​പ​യോ​ഗി​ക്കാം. സാ​ധാ​ര​ണ​ഗ​തി​യി​ൽ ഒ​രു സ്റ്റി​റോ​യ്ഡ് ലേ​പ​നം തു​ട​ർ​ച്ച​യാ​യി ര​ണ്ടാ​ഴ്ച മാ​ത്ര​മേ ഉ​പ​യോ​ഗി​ക്കാ​വൂ. അ​തി​നു​ശേ​ഷം വീ​ര്യം കു​റ​ഞ്ഞ മ​റ്റൊ​ന്നി​നെ ആ​ശ്ര​യി​ക്കേ​ണ്ടി​വ​രും.

സ്വയംചികിത്സ അപകടമാകുന്പോൾ...

ഇ​ന്ന് ന​മ്മു​ടെ നാ​ട്ടി​ൽ ഏ​റ്റ​വും കൂ​ടു​ത​ൽ ദു​രു​പ​യോ​ഗം ചെ​യ്യപ്പെടുന്നവയാണു സ്റ്റിറോയ്ഡ് ലേ​പ​ന​ങ്ങ​ൾ. ചർമരോഗങ്ങ ൾക്കു ഡോ​ക്ട​റു​ടെ കു​റി​പ്പ​ടി​യി​ല്ലാ​തെ സു​ഹൃ​ത്തി​ന്‍റെ​യോ അ​യ​ൽ​വാ​സി​യു​ടേ​യോ ഉ​പ​ദേ​ശ​ത്തി​ൽ വ​ഴ​ങ്ങി മെഡി ക്കൽ സ്റ്റോറുകളിൽ നിന്നു സ്റ്റി​റോ​യ്ഡ് ലേ​പ​ന​ങ്ങ​ൾ വാങ്ങി ദീ​ർ​ഘ​കാ​ലം ഉ​പ​യോ​ഗി​ക്കു​ക​യും അ​വ മൂ​ല​മു​ള്ള പാ​ർ​ശ്വ​ഫ​ല​ങ്ങ​ൾ അ​നു​ഭ​വി​ക്കേ​ണ്ടി​വ​രു​ക​യും ചെ​യ്യു​ന്നവർ നമ്മുടെ നാട്ടിൽ ഏറെയാണ്. വെ​ളു​ക്കാ​ൻ തേ​ച്ച​ത് പാ​ണ്ടാ​യി മാ​റു​ന്ന സം​ഭ​വ​ങ്ങ​ൾ നി​ര​വ​ധി​യു​ണ്ട്. ഡോ​ക്ട​റെ കാ​ണാ​തെ സ്റ്റി​റോ​യ്ഡ് ലേ​പ​ന​ങ്ങ​ൾ ഉ​പ​യോ​ഗി​ച്ച് രോ​ഗ​മു​ക്തി നേ​ടാ​ൻ ശ്ര​മി​ക്കു​ന്ന​വ​ർ ക​ന​ത്ത വി​ല ന​ൽ​കേ​ണ്ടി​വ​രും എ​ന്ന് പ​റ​യാ​തെ വ​യ്യ. ഇ​വ ശ​രീ​ര​ത്തി​ൽ സ്ഥി​ര​മാ​യി പു​ര​ട്ടു​ന്പോ​ൾ ന​മ്മു​ടെ ച​ർ​മ​ത്തി​ലെ മെ​ലാ​നോ​സൈ​റ്റു​ക​ൾ ഉ​ത്പാ​ദി​പ്പി​ക്കു​ന്ന മെ​ലാ​നി​ൽ എ​ന്ന വ​ർ​ണ വ​സ്തു​വി​ന്‍റെ ഉ​ത്പാ​ദ​നം ഗ​ണ്യ​മാ​യി കു​റ​യു​ന്നു. ത​ന്മൂ​ലം ആ ​ഭാ​ഗം വെ​ള്ള പ്പാ​ണ്ടി​നെ അ​നു​സ്മ​രി​പ്പി​ക്കു​ന്ന വി​ധ​മാ​യി മാ​റു​ന്നു. അ​തു​പോ​ലെ ച​ർ​മ​ത്തി​ലെ പ്ര​ധാ​ന പ്രൊ​ട്ടീ​നു​ക​ളാ​യ ഇ​ലാ​സ്റ്റി​ൻ, കൊ​ളാ​ജ​ൻ എ​ന്നി​വ​യു​ടെ നി​ർ​മാ​ണം നി​ല​യ്ക്കു​ന്നു. ത​ത്ഫ​ല​മാ​യി പു​ര​ട്ടി​യ ഭാ​ഗ​ങ്ങ​ളി​ൽ നി​ന്ന് ര​ക്തം പൊ​ടി​യു​ക​യും ച​ർ​മം വൃ​ദ്ധ​രു​ടേ​തി​ന് സ​മാ​ന​മാ​യ വി​ധ​ത്തി​ൽ ചു​ക്കി​ച്ചു​ളു​ങ്ങു​ക​യും ചെ​യ്യു​ന്നു. അ​മി​ത​മാ​യ രോ​മ​വ​ള​ർ​ച്ച, ച​ർ​മ​ത്തി​ൽ ബാ​ക്ടീ​രി​യ, ഫം​ഗ​സ് എ​ന്നി​വ മൂ​ല​മു​ള്ള അ​ണു​ബാ​ധ എ​ന്നി​വ​യ്ക്കു കാ​ര​ണ​മാ​വു​ന്നു. ചി​ല വ്യ​ക്തി​ക​ൾ സ്റ്റി​റോ​യി​ഡു​ക​ളോ​ട് അ​മി​ത​മാ​യ പ്ര​തി​പ​ത്തി കാ​ണി​ക്കു​ന്നു​ണ്ട്. എ​ന്നാ​ൽ, മ​റ്റു ചി​ല​രാ​ക​ട്ടെ അ​വ​യെ ഭ​യ​ക്കു​ന്ന​വ​രു​മാ​ണ്. ഇ​തി​ന് അ​ടി​സ്ഥാ​ന​മി​ല്ല.വ​ള​രെ സൂ​ക്ഷ്മ​ത​യോ​ടെ കൈ​കാ​ര്യം ചെ​യ്യേ​ണ്ട​വ​യാ​ണ് സ്റ്റി​റോ​യ്ഡ് ലേ​പ​ന​ങ്ങ​ൾ. ഒ​രു വി​ദ​ഗ്ധ​ന്‍റെ നി​ർ​ദേ​ശാ​നു​സ​ര​ണം മാ​ത്രം ഇ​വ ഉ​പ​യോ​ഗി​ക്കു​ക​യാ​ണെ​ങ്കി​ൽ ഭ​യ​ക്കേ​ണ്ട​തി​ല്ല.


ട്രി​പ്പി​ൾ കോ​ന്പി​നേ​ഷ​നു​ക​ൾ

മ​രു​ന്നു ക​ട​ക​ളി​ൽ ഏ​റ്റ​വും കൂ​ടു​ത​ൽ ല​ഭ്യ​മാ​യി​ട്ടു​ള്ള ലേ​പ​ന​ങ്ങ​ളി​ൽ ഒ​ന്നാ​ണ് ട്രി​പ്പി​ൾ കോ​ന്പി​നേ​ഷ​നു​ക​ൾ. സ്റ്റി​റോ​യ്ഡ്, ആ​ന്‍റി ബ​യോ​ട്ടി​ക്, ആ​ന്‍റീ​ഫം​ഗ​ൽ എ​ന്നീ ഘ​ട​ക​ങ്ങ​ൾ ചേ​ർ​ന്ന ലേ​പ​ന​ങ്ങ​ളാ​ണ് ഇ​വ. പ​ല​പ്പോ​ഴും രോ​ഗി​ക​ൾ രോ​ഗ​നി​ർ​ണ​യ​ത്തി​നോ ചി​കി​ത്സ​യ്ക്കോ വി​ധേ​യ​രാ​വാ​തെ സ്വ​യ​മേ​വ ഇ​വ ഉ​പ​യോ​ഗി​ക്കാ​റു​ണ്ട്.
സ്
റ്റി​റോ​യ്ഡ് ലേ​പ​ന​ങ്ങ​ൾ ഗു​ണം ചെ​യ്യു​ന്ന ’എ​ക്സി​മ’ വി​ഭാ​ഗ​ത്തി​ൽ​പ്പെ​ട്ട ച​ർ​മ രോ​ഗി​ക​ൾ​ക്ക് ഇ​വ ഗു​ണം ചെ​യ്തേ​ക്കാം. എ​ന്നാ​ൽ, ബാ​ക്ടീ​രി​യ​ക​ൾ മൂ​ല​മു​ള്ള ച​ർ​മ​രോ​ഗ​ങ്ങ​ൾ​ക്ക് ഗു​ണം ചെ​യ്യി​ല്ലെ​ന്ന് മാ​ത്ര​മ​ല്ല അ​വ കൂ​ടാ​നും ഇ​ട​യു​ണ്ട്.

ഫം​ഗ​സ് ബാ​ധ​മൂ​ല​മു​ള്ള അ​സു​ഖ​ങ്ങ​ൾ​ക്ക് തു​ട​ക്ക​ത്തി​ൽ ഗു​ണം ല​ഭി​ക്കു​മെ​ങ്കി​ലും രോ​ഗി​ക​ൾ ഇ​വ തു​ട​ർ​ച്ച​യാ​യി ഉ​പ​യോ​ഗി​ക്കു​ന്പോ​ൾ അ​വ​യി​ല​ട​ങ്ങി​യി​രി​ക്കു​ന്ന സ്റ്റി​റോ​യ്ഡി​ന്‍റെ ഘ​ട​കം പൂ​പ്പ​ലി​ന്‍റെ വ​ള​ർ​ച്ച ത്വ​രി​ത​പ്പെ​ടു​ത്തു​ന്ന​തി​നും അ​തു​വ​ഴി രോ​ഗം മാ​റാ​ത്ത അ​വ​സ്ഥ​യി​ലേ​ക്കെ​ത്തു​ന്ന​തി​നും വ​ഴി വെ​ച്ചേ​ക്കാം. മ​റ്റേ​ത് രോ​ഗ​ത്തി​നും കൊ​ടു​ക്കു​ന്ന പ്രാ​ധാ​ന്യം ച​ർ​മ​രോ​ഗ​ത്തി​നും കൊ​ടു​ക്കു​ന്ന​താ​ണ് ഉ​ചി​തം. അ​തു​കൊ​ണ്ടു​ത​ന്നെ രോ​ഗ​നി​ർ​ണ​യം വ​ള​രെ പ്രാ​ധാ​ന്യ​മ​ർ​ഹി​ക്കു​ന്ന ഒ​ന്നാ​ണ്. സ്വ​യം ചി​കി​ത്സ അ​പ​ക​ടം വി​ളി​ച്ചു​വ​രു​ത്തു​മെ​ന്ന കാ​ര്യ​ത്തി​ൽ സം​ശ​യ​മി​ല്ല.

ഷാം​പൂ, ലോ​ഷ​ൻ

ച​ർ​മ​രോ​ഗ ചി​കി​ത്സ​യി​ൽ വ്യാ​പ​ക​മാ​യി ഉ​പ​യോ​ഗി​ക്കു​ന്ന​വ​യാ​ണ് ഷാം​പൂ, ലോ​ഷ​ൻ എ​ന്നി​വ. താ​ര​ൻ നി​വാ​ര​ണ​ത്തി​നാ​യി ഡോ​ക്ട​ർ​മാ​ർ നി​ർ​ദേ​ശി​ക്കു​ന്ന​തി​നു പു​റ​മേ രോ​ഗി​ക​ൾ നേ​രി​ട്ട് വാ​ങ്ങി ഷാം​പൂ ഉ​പ​യോ​ഗി​ക്കു​ക പ​തി​വാ​ണ്. താ​ര​ന് ഷാം​പൂ ഉ​പ​യോ​ഗി​ക്കു​ന്പോ​ൾ താ​ര​നാ​ണെ​ന്ന് ഉ​റ​പ്പു​വ​രു​ത്തി​യി​ട്ട് ചെ​യ്യു​ന്ന​താ​ണ് ന​ല്ല​ത്. ത​ല​യോ​ട്ടി​യെ ബാ​ധി​ക്കു​ന്ന സോ​റി​യാ​സി​സ് ഒ​രു ച​ർ​മ​രോ​ഗ വി​ദ​ഗ്ധ​നു മാ​ത്ര​മേ യ​ഥാ​സ​മ​യം നി​ർ​ണ​യി​ക്കാ​നും ചി​കി​ത്സ നി​ർ​ദേ​ശി​ക്കാ​നും സാ​ധി​ക്കു​ക​യു​ള്ളൂ. സോ​റി​യാ​സി​സ് താ​ര​നു​മാ​യി സാ​മ്യം പു​ല​ർ​ത്തു​ന്ന രോ​ഗ​മാ​ണ്. ചി​ല​പ്പോ​ൾ ര​ണ്ടും ഒ​ന്നി​ച്ച് ക​ണ്ടേ​ക്കാം. അ​തു​കൊ​ണ്ടു​ത​ന്നെ ചി​കി​ത്സ​യ്ക്കാ​യി ഒ​രു ച​ർ​മ​രോ​ഗ​വി​ദ​ഗ്ധ​നെ സ​മീ​പി​ക്കു​ന്ന​താ​ണ് ന​ല്ല​ത്. ചി​ല അ​വ​സ​ര​ങ്ങ​ളി​ൽ താ​ര​ൻ മാ​റാ​ൻ ഉ​ള്ളി​ൽ ഗു​ളി​ക ക​ഴി​ക്കേ​ണ്ടി വ​ന്നേ​ക്കാം.

സോ​പ്പു​ക​ൾ

ച​ർ​മ​രോ​ഗ വി​ദ​ഗ്ധ​ർ​ക്ക് ഒ​രി​ക്ക​ലും ഒ​ഴി​വാ​ക്കാ​നാ​വാ​ത്ത ഒ​ന്നാ​ണ് പ​ല​ത​രം സോ​പ്പു​ക​ൾ. മു​ഖ​ക്കു​രു, വി​വി​ധ​ത​രം ഫം​ഗ​സ് മൂ​ല​മു​ള്ള ച​ർ​മ​രോ​ഗ​ങ്ങ​ൾ, വ​ര​ണ്ട ച​ർ​മം, ക​രി​മം​ഗ​ല്യം, അ​മി​ത വി​യ​ർ​പ്പ് മു​ത​ലാ​യ​വ​യ്ക്കെ​ല്ലാം വി​വി​ധ​ത​രം സോ​പ്പു​ക​ൾ ച​ർ​മ​രോ​ഗ​വി​ദ​ഗ്ധ​ർ നി​ർ​ദേ​ശി​ക്കാ​റു​ണ്ട്. ലേ​പ​ന​ങ്ങ​ൾ, ഗു​ളി​ക​ക​ൾ എ​ന്നി​വ​യോ​ടൊ​പ്പം ഇ​വ​യ്ക്കും ചി​കി​ത്സ​യി​ൽ വ്യ​ക്ത​മാ​യ പ​ങ്ക് നി​ർ​വ​ഹി​ക്കാ​നു​ണ്ട്. അ​തു​കൊ​ണ്ടു​ത​ന്നെ അ​വ ഡോ​ക്ട​ർ​മാ​ർ നി​ർ​ദേ​ശി​ക്കു​ന്ന​ത​ത്ര​യും കാ​ലം ഉ​പ​യോ​ഗി​ക്കു​ക.

ഡോ. ​ജ​യേ​ഷ് പി. ​
സ്കി​ൻ സ്പെ​ഷ​ലി​സ്റ്റ്, പന്തക്കൽ
ഫോൺ - 8714373299