മോണരോഗങ്ങൾ അവഗണിക്കരുത്
Friday, April 17, 2020 3:32 PM IST
ആ​രോ​ഗ്യ​മു​ള്ള വാ​യ ശ​രീ​ര​ത്തി​ന്‍റെ മു​ഴു​വ​ൻ ആ​രോ​ഗ്യ​ത്തി​ന്‍റെ പ്ര​തി​ഫ​ല​ന​മാ​ണ് അ​ഥ​വാ വാ​യ ശ​രീ​ര​ത്തി​ന്‍റെ ക​ണ്ണാ​ടി​യാ​ണെ​ന്നു പ​റ​യാം. പി​ങ്ക് നി​റ​ത്തി​ലു​ള്ള ആ​രോ​ഗ്യ​മു​ള്ള മോ​ണ​യി​ൽ നി​ര​നി​ര​യാ​യി തി​ള​ങ്ങു​ന്ന മ​നോ​ഹ​ര​മാ​യ പ​ല്ലു​ക​ൾ എ​ല്ലാ​വ​രു​ടെ​യും സ്വ​പ്ന​മാ​ണ്. യ​ഥാ​ർ​ഥ​ത്തി​ൽ പ​ല്ലു​ക​ൾ​ക്ക് ഒ​പ്പം​ത​ന്നെ പ്രാ​ധാ​ന്യ​മ​ർ​ഹി​ക്കു​ന്ന​വ​യാ​ണ് മോ​ണ​യും. പ​ല്ലു​ക​ളെ പൊ​തി​യു​ന്ന പി​ങ്ക് നി​റ​ത്തി​ലു​ള്ള ഒ​രു ആ​വ​ര​ണ​മെ​ന്ന​തി​ന​പ്പു​റം പ്രാ​ധാ​ന്യ​മു​ണ്ട് അ​വ​യ്ക്ക്.

മോണവീക്കം(ജി​ൻ​ജി വൈ​റ്റി​സ്)

ആ​ഹാ​രം ക​ഴി​ച്ചു​ക​ഴി​ഞ്ഞ് ഉ​ട​നെ​യാ​ണ് വാ​യി​ലു​ള്ള രോ​ഗാ​ണു​ക്ക​ളു​ടെ പ്ര​വ​ർ​ത്ത​നം കൂ​ടു​ത​ലാ​യി കാ​ണ​പ്പെ​ടു​ന്ന​ത്. ആ​ഹാ​ര​ത്തി​ന്‍റെ അം​ശം പ​ല്ലി​ൽ, പ്ര​ധാ​ന​മാ​യും മോ​ണ​യോ​ടു ചേ​ർ​ന്ന് പ​റ്റി​പ്പി​ടി​ക്കു​ന്നു. ഇ​തി​നെ ഡെ​ന്‍റ​ൽ പ്ലാ​ക്ക് എ​ന്നു പ​റ​യു​ന്നു. ഇ​വ​യി​ൽ രോ​ഗാ​ണു​ക്ക​ൾ പ്ര​വ​ർ​ത്തി​ച്ച് മോ​ണ​വീ​ക്ക​ത്തി​ന് അ​ഥ​വാ ജി​ൻ​ജിവൈ​റ്റ​ിസി​നു കാ​ര​ണ​മാ​യി​ത്തീ​രു​ന്നു. പ​ല്ലി​നോ​ടു ചേ​ർ​ന്നി​രി​ക്കു​ന്ന മോ​ണ​യു​ടെ ഭാ​ഗ​ത്തു മാ​ത്രം ഒ​തു​ങ്ങി​നി​ൽ​ക്കു​ന്ന ഈ ​നീ​ർ​ക്കെ​ട്ടു മൂ​ലം മോ​ണ ക​ടു​ത്ത ചു​വ​പ്പു​നി​റ​ത്തി​ലാ​യി​ത്തീ​രു​ക​യും മോ​ണ​യി​ൽ​നി​ന്ന് ര​ക്തം വ​രി​ക​യും ചെ​യ്യും. കൂ​ടു​ത​ലാ​യും ബ്ര​ഷ് ചെ​യ്യു​ന്പോ​ഴും ക​ട്ടി​യാ​യി ആ​ഹാ​രം ക​ഴി​ക്കു​ന്പോ​ഴു​മാ​യി​രി​ക്കും ര​ക്തം വ​രു​ന്ന​ത്. ചി​കി​ത്സ​യി​ലൂ​ടെ ഈ ​രോ​ഗാ​വ​സ്ഥ പൂ​ർ​ണ​മാ​യും പ​രി​ഹ​രി​ക്കാ​വു​ന്ന​താ​ണ്.

ജിൻ​ജി വൈ​റ്റ​സി​നെ ചി​കി​ത്സി​ക്കാ​തെ അ​വ​ഗ​ണി​ച്ചാ​ൽ ക്ര​മേ​ണ അ​ടി​യി​ലു​ള്ള പ​ല്ലി​നെ​യും ലി​ഗ്​മെ​ന്‍റി​നെ​യും അ​തു ബാ​ധി​ക്കു​ക​യും വെ​രി​മോ ഡോ​ണ്ടൈ​റ്റി​സി​ന് കാ​ര​ണ​മാ​യി​ത്തീ​രു​ക​യും ചെ​യ്യും. ഈ ​അ​വ​സ്ഥ​യി​ൽ രോ​ഗി​ക്ക് വാ​യ്നാ​റ്റം അ​നു​ഭ​വ​പ്പെ​ടു​ക​യും മോ​ണ​യി​ൽ​നി​ന്ന് പ​ഴു​പ്പു​വ​രി​ക​യും ചെ​യ്യു​ന്നു. പ​ല്ലു​ക​ൾ​ക്ക് ബ​ല​ക്ഷ​യ​വും ഇ​ള​ക്ക​വും സം​ഭ​വി​ച്ച് പ​ല്ല് ന​ഷ്ട​പ്പെ​ടു​ന്ന അ​വ​സ്ഥ​യി​ലേ​ക്കു​വ​രെ ഇ​ത് എ​ത്തി​ച്ചേ​രും.

അ​നി​യ​ന്ത്രി​ത​മാ​യ മോ​ണ​രോ​ഗ​ങ്ങ​ൾ ശ​രീ​ര​ത്തി​ന്‍റെ പൊ​തു​വാ​യ ആ​രോ​ഗ്യ​ത്തെ​യും പ്ര​തി​കൂ​ല​മാ​യി ബാ​ധി​ക്കും. അ​തു​പോ​ലെ​ത​ന്നെ ശ​രീ​ര​ത്തി​ന്‍റെ ആ​രോ​ഗ്യ​നി​ല​യി​ൽ വ​രു​ന്ന മാ​റ്റ​ങ്ങ​ൾ മോ​ണ​യി​ലും പ്ര​തി​ക​ര​ണ​മു​ള​വാ​ക്കും. ഉ​ദാ​ഹ​ര​ണ​മാ​യി പ്ര​മേ​ഹ​രോ​ഗി​ക​ളി​ൽ മോ​ണ​രോ​ഗ​ങ്ങ​ളും അ​നു​ബ​ന്ധ പ്ര​ശ്ന​ങ്ങ​ള​ഉം പ​തി​വാ​യി കാ​ണും. മോ​ണ​രോ​ഗ​ങ്ങ​ൾ ചി​കി​ത്സി​ച്ചു ഭേ​ദ​മാ​ക്കി​യാ​ൽ ഇ​ത്ത​രം രോ​ഗി​ക​ളു​ടെ ര​ക്ത​ത്തി​ലെ പ​ഞ്ച​സാ​ര​യു​ടെ അ​ള​വ് കു​റ​യു​ന്ന​താ​യും കാ​ണാം.

അ​പ​ക​ട​കാ​രി​ക​ളാ​യ പ​ല ബാ​ക്ടീ​രി​യ​ക​ളു​ടെ​യും താ​വ​ള​മാ​ണ് രോ​ഗാ​വ​സ്ഥ​യി​ലാ​യ മോ​ണ. രോ​ഗം ബാ​ധി​ച്ച മോ​ണ പ​ല്ലി​ൽ​നി​ന്ന് വേ​ർ​പെ​ട്ട് രൂ​പ​പ്പെ​ടു​ന്ന വി​ട​വു​ക​ൾ നാ​നൂ​റി​ൽ​പ്പ​രം സൂ​ക്ഷ്മ​ജീ​വി​ക​ളു​ടെ സ​ങ്കേ​ത​മാ​ണ്. ഇ​ത്ത​രം സൂ​ക്ഷ്മ​ജീ​വി​ക​ൾ മോ​ണ​യി​ലെ ര​ക്ത​ക്കു​ഴ​ലു​ക​ളി​ലൂ​ടെ ശ​രീ​ര​ത്തി​ലെ ആ​ന്ത​രി​ക അ​വ​യ​വ​ങ്ങ​ളി​ലേ​ക്കും കോ​ശ​ങ്ങ​ളി​ലേ​ക്കും എ​ളു​പ്പ​ത്തി​ൽ എ​ത്തി​പ്പെ​ടും.
ബാ​ക്ടീ​രി​യ​ക​ളും അ​വ​യു​ടെ പ്ര​വ​ർ​ത്ത​ന​ഫ​ല​മാ​യി ഉ​ണ്ടാ​കു​ന്ന വ​സ്തു​ക്ക​ളും രോ​ഗ​ബാ​ധി​ത​മാ​യ മോ​ണ​യി​ൽ​നി​ന്ന് പു​റ​പ്പെ​ടു​ന്ന രാ​സ​വ​സ്തു​ക്ക​ള​ഉം ശ​രീ​ര​ത്തി​ന്‍റെ മൊ​ത്തം ആ​രോ​ഗ്യ​ത്തെ പ്ര​തി​കൂ​ല​മാ​യി ബാ​ധി​ക്കു​ന്നു.

അ​ടു​ത്തി​ടെ ന​ട​ന്ന പ​ല പ​ഠ​ന​ങ്ങ​ളി​ൽ​നി​ന്നും വ്യ​ക്ത​മാ​കു​ന്ന​ത് പ്ര​മേ​ഹം, ഹൃ​ദ​യ​സം​ബ​ന്ധ​മാ​യ രോ​ഗ​ങ്ങ​ൾ, സ്ട്രോ​ക്ക്, സ​ന്ധി​വാ​തം, ശ്വാ​സ​കോ​ശ​രോ​ഗ​ങ്ങ​ൾ, ഗ​ർ​ഭ​സം​ബ​ന്ധ​മാ​യ സ​ങ്കീ​ർ​ണ​ത​ക​ൾ തു​ട​ങ്ങി​യ​വ​യ്ക്കെ​ല്ലാം മോ​ണ​രോ​ഗ​ങ്ങ​ളു​മാ​യി ബ​ന്ധ​മു​ണ്ട്.

ഗ​ർ​ഭി​ണി​ക​ളാ​യ സ്ത്രീ​ക​ളി​ലെ മോ​ണ​രോ​ഗ​ങ്ങ​ൾ മൂ​ലം അ​വ​രി​ൽ പ്രി​മ​ച്വ​ർ ഡെ​ലി​വ​റി​ക്കു​ള്ള സാ​ധ്യ​ത നാ​ലു മു​ത​ൽ ഏ​ഴു മ​ട​ങ്ങു​വ​രെ കൂ​ടു​ത​ലാ​ണ്. കൂ​ടാ​തെ അ​വ​ർ​ക്ക് ജ​നി​ക്കു​ന്ന കു​ട്ടി​ക​ൾ​ക്ക് തൂ​ക്ക​ക്കു​റ​വു വ​രാ​ൻ സാ​ധ്യ​ത​യു​മുണ്ട്.


ചി​കി​ത്സ

കൃ​ത്യ​മാ​യ കാ​ല​യ​ള​വു​ക​ളി​ൽ ന​ട​ത്തു​ന്ന ഡെ​ന്‍റ​ൽ ചെ​ക്ക​പ്പി​ലൂ​ടെ മാ​ത്ര​മേ പ​ല​പ്പോ​ഴും മോ​ണ​രോ​ഗ​ങ്ങ​ൾ ക​ണ്ടു​പി​ടി​ക്ക​പ്പെ​ടാ​റു​ള്ളൂ. ദ​ന്ത​ക്ഷയം പോ​ലു​ള്ള ദ​ന്ത​രോ​ഗ​ങ്ങ​ൾ വേ​ദ​ന​യോ​ടു​കൂ​ടി വ​രു​ന്ന​തി​നാ​ൽ തു​ട​ക്ക​ത്തി​ലേ മ​ന​സി​ലാ​ക്കാ​നും ചി​കി​ത്സി​ക്കാ​നും സാ​ധി​ക്കും.

എ​ന്നാ​ൽ, മോ​ണ​രോ​ഗ​ങ്ങ​ൾ​ക്ക് പ്ര​ത്യേ​കി​ച്ച് ല​ക്ഷ​ണ​ങ്ങ​ളൊ​ന്നും ആ​രം​ഭ​കാ​ല​ത്ത് കാ​ണാ​റി​ല്ല. അ​തു​കൊ​ണ്ടു​ത​ന്നെ ഒ​രു ദ​ന്ത​രോ​ഗ​വി​ദ​ഗ്ധ​നു മാ​ത്ര​മേ തു​ട​ക്ക​ത്തി​ലേ ഇ​തു ക​ണ്ടു​പി​ടി​ക്കാ​ൻ സാ​ധി​ക്കൂ. മോ​ണ​രോ​ഗ​ങ്ങ​ൾ​ക്കു​ള്ള അ​ടി​സ്ഥാ​ന​പ​ര​മാ​യ ചി​കി​ത്സ അ​ൾ​ട്രാ​സോ​ണി​ക് സ്കെ​യി​ലിം​ഗ് ആ​ണ്.

അ​ല്ലെ​ങ്കി​ൽ വ​ർ​ഷ​ത്തി​ലൊ​രി​ക്ക​ലോ സ്കെ​യി​ലിം​ഗ് ചെ​യ്തി​രി​ക്ക​ണം. രോ​ഗ​ത്തി​ന്‍റെ തീ​വ്ര​ത​യ​നു​സ​രി​ച്ച് പ്ര​ധാ​ന​മാ​യും ര​ണ്ടു​ത​രം ചി​കി​ത്സാ​രീ​തി​ക​ളാ​ണു​ള്ള​ത്.

നോ​ണ്‍ സ​ർ​ജി​ക്ക​ൽ

സ്കെ​യി​ലിം​ഗ്, റൂ​ട്ട് പ്ലാ​നിം​ഗ്, ലോ​ക്ക​ൽ ഗ്ര​ഗ് ഡെ​ലി​വ​റി, ആ​ന്‍റി​ബ​യോ​ട്ടി​ക്, സ്പ്ലി​ന്‍റിം​ഗ്, ലേ​സ​ർ തു​ട​ങ്ങി​യ​വ​യാ​ണ് നോ​ണ്‍​സ​ർ​ജി​ക്ക​ൽ ചി​കി​ത്സാ​രീ​തി​ക​ൾ.

സ​ർ​ജി​ക്ക​ൽ

ഫ്ളാ​പ് സ​ർ​ജ​റി, ബോ​ണ്‍ ഗ്രാ​ഫ്റ്റിം​ഗ്, ഗൈ​ഡ​ഡ് ടി​ഷ്യു റീ​ജ​ന​റേ​ഷ​ൻ എ​ന്നി​വ​യെ​ല്ലാം സ​ങ്കീ​ർ​ണ​മാ​യ കേ​സു​ക​ളി​ൽ ചെ​യ്യു​ന്ന സ​ർ​ജി​ക്ക​ൽ ചി​കി​ത്സ​ക​ളാ​ണ്.

ഇ​ത്ത​രം ചി​കി​ത്സ​ക​ളി​ലൂ​ടെ ല​ഭി​ക്കു​ന്ന ഫ​ലം ഓ​രോ രോ​ഗി​ക്കും വ്യ​ത്യ​സ്ത​മാ​യി​രി​ക്കും. മോ​ണ​രോ​ഗ​ങ്ങ​ൾ പാ​ര​ന്പ​ര്യ​മാ​യി വ​രു​ന്ന​താ​ണെ​ന്നു​കൂ​ടി ക​ണ​ക്കി​ലെ​ടു​ക്ക​ണം. അ​തു​കൊ​ണ്ടു​ത​ന്നെ ചി​ല വ്യ​ക്തി​ക​ളി​ൽ ചി​കി​ത്സ​ക​ൾ ആ​വ​ർ​ത്തി​ക്കേ​ണ്ടി​വ​രും. മാ​ത്ര​മ​ല്ല, മൂ​ന്നോ നാ​ലോ മാ​സം കൂ​ടു​ന്പോ​ൾ ഫോ​ളോ​അ​പ് ചെ​യ്യ​ണം. എ​ങ്കി​ൽ​മാ​ത്ര​മേ പൂ​ർ​ണ​മാ​യ ഫ​ലം കി​ട്ടു​ക​യു​ള്ളൂ.

പ്ര​തി​രോ​ധം

ജ​ല​ദോ​ഷം ക​ഴി​ഞ്ഞാ​ൽ മ​നു​ഷ്യ​രെ ഏ​റ്റ​വും കൂ​ടു​ത​ൽ ബാ​ധി​ക്കു​ന്ന രോ​ഗ​മാ​ണ് മോ​ണ​രോ​ഗം. മ​റ്റു പ​ല രോ​ഗ​ങ്ങ​ളെ​പ്പോ​ലെ ജീ​വി​ത​ശൈ​ലി​യു​മാ​യി ബ​ന്ധ​പ്പെ​ട്ട​താ​ണ് മോ​ണ​രോ​ഗ​വും. ന​മ്മു​ടെ പ​ല്ലു​ക​ളു​ടെ​യും മോ​ണ​യു​ടെ​യും ആ​രോ​ഗ്യ​ത്തി​ന് ഏ​റ്റ​വും നി​ർ​ണാ​യ​ക​വുമാ​ണ്. ഇ​തി​ൽ ഉ​പേ​ക്ഷ വി​ചാ​രി​ക്കു​ക​യോ വീ​ഴ്ച​വ​രു​ത്തു​ക​യോ ചെ​യ്താ​ൽ പ​ല ദ​ന്ത​രോ​ഗ​ങ്ങ​ൾ​ക്കും വ​ഴി​തെ​ളി​ക്കു​ക​യാ​യി​രി​ക്കും ഫ​ലം. പ്ര​ത്യേ​കി​ച്ചും മോ​ണ​രോ​ഗ​ങ്ങ​ൾ​ക്ക് രാ​ത്രി​യും രാ​വി​ലെ​യു​മു​ള്ള ബ്ര​ഷിം​ഗ് ഒ​രു കാ​ര​ണ​വ​ശാ​ലും മു​ട​ക്കാ​ൻ പാ​ടി​ല്ല.

ശ​രി​യായ ദ​ന്ത​ശു​ചി​ത്വം പാ​ലി​ക്കു​ക എ​ന്ന​തു​ത​ന്നെ​യാ​ണ് ശ​രി​യാ​യ പ്ര​തി​രോ​ധം. പു​ക​വ​ലി മോ​ണ​യു​ടെ ആ​രോ​ഗ്യ​ത്തെ ഹനി​ക്കു​ന്ന പ്ര​ധാ​ന വി​ല്ല​നാ​ണ്. അ​തു​കൊ​ണ്ട് പു​ക​വ​ലി​യും പു​ക​യി​ല ഉ​ത്പ​ന്ന​ങ്ങ​ളു​ടെ ഉ​പ​യോ​ഗ​വും ഒ​ഴി​വാ​ക്കു​ക.

മാ​ത്ര​മ​ല്ല തെ​റ്റാ​യ ബ്ര​ഷിം​ഗും മോ​ണ​രോ​ഗ​ങ്ങ​ൾ​ക്ക് കാ​ര​ണ​മാ​യി​ത്തീ​രാ​റു​ണ്ട്. ശ​രി​യാ​യ ദി​ശ​യി​ൽ ബ്ര​ഷ് ചെ​യ്യേ​ണ്ട​ത് എ​ങ്ങ​നെ​യെ​ന്ന് കൃ​ത്യ​മാ​യി മ​ന​സി​ലാ​ക്കി ചെ​യ്യു​ക. ന​മ്മു​ടെ ദ​ന്തി​സ്റ്റി​നെ സ​മീ​പി​ച്ച് അ​തു മ​ന​സി​ലാ​ക്കു​ക​. അ​വ​രു​ടെ ഉ​പ​ദേ​ശ​ങ്ങ​ൾ പാ​ലി​ക്കു​ക​.ആ​രോ​ഗ്യ​മു​ള്ള മോ​ണ​ക​ൾ ആ​രോ​ഗ്യ​മു​ള്ള ജീ​വി​ത​ത്തി​ന് അ​വ​ശ്യ​മാ​ണ്.

ഡോ. വിനോദ് മാത്യു മുളമൂട്ടിൽ
(അസിസ്റ്റൻറ് പ്രഫസർ, പുഷ്പഗിരി കോളജ് ഓഫ് ദന്തൽ സയൻസസ്, തിരുവല്ല)
ഫോണ്‍ 9447219903
[email protected]
www.dentalmulamoottil.com