അടുക്കളയിൽ കരുതിയാൽ ആരോഗ്യം വരുതിയിൽ
Friday, February 21, 2020 5:09 PM IST
പോ​ഷ​ക​ക്കു​റ​വ്, വ്യാ​യാ​മ​ക്കു​റ​വ്, മാ​ന​സി​ക സം​ഘ​ർ​ഷ​ങ്ങ​ൾ, അ​മി​ത ഉ​ത്ക​ണ്ഠ തു​ട​ങ്ങി​യ​വ പ്ര​തി​രോ​ധ​ശേ​ഷി ദു​ർ​ബ​ല​മാ​ക്കു​ന്നു. ജീ​വി​ത​ശൈ​ലി​യി​ലും ആ​ഹാ​ര​ക്ര​മ​ത്തി​ലും ശ്ര​ദ്ധി​ച്ചാ​ൽ പ്ര​തി​രോ​ധ സം​വി​ധാ​ന​ത്തിന്‍റെ ക​രു​ത്തു​കൂട്ടാം.

ജീ​വി​ത​ശൈ​ലി​, ആ​ഹാ​ര​ക്ര​മം

​ജീ​വി​ത​ശൈ​ലി​യി​ലും ആ​ഹാ​ര​ക്ര​മ​ത്തി​ലും ചി​ല​തു ശ്ര​ദ്ധി​ച്ചാ​ൽ ശ​രീ​ര​ത്തിന്‍റെ പ്ര​തി​രോ​ധ​ സം​വി​ധാ​നം ഫ​ല​പ്ര​ദ​വും കാ​ര്യ​ക്ഷ​മ​വു​മാ​കും.
* തുമ്മുന്പോഴും ചു​മ​യ്ക്കു​ന്പോ​ഴും മൂ​ക്കും വാ​യും ടി​ഷ്യു പേ​പ്പ​റോ ട​വ്വലോ ഉ​പ​യോ​ഗി​ച്ചു മ​റ​യ്ക്കു​ക. തൂ​വാ​ല ഇ​ല്ലാ​ത്ത സാ​ഹ​ച​ര്യ​ത്തി​ൽ കൈ​മ​ട​ക്കു​ക​ളിലേക്കോ മ​റ്റു വ​സ്ത്ര​ഭാ​ഗ​ങ്ങ​ളോ തുമ്മുക. രോ​ഗാ​ണു​ക്ക​ൾ വാ​യു​വി​ലെ​ത്തു​ന്ന​തു പ​ര​മാ​വ​ധി ഒ​ഴി​വാ​ക്ക​ണം.
* പു​ക വ​ലി​ക്ക​രു​ത്; പ​രോ​ക്ഷ​പു​ക​വ​ലി​യും
ആ​രോ​ഗ്യ​ത്തി​നു ഹാ​നി​ക​രം.
* മ​ദ്യ​പി​ക്ക​രു​ത്. വ്യാ​യാ​മം ശീ​ല​മാ​ക്ക​ണം.
* ജൈ​വ​രീ​തി​യി​ൽ വി​ള​യി​ച്ച പ​ഴ​ങ്ങ​ളും പ​ച്ച​ക്ക​റി​ക​ളും ശീ​ല​മാ​ക്ക​ണം
* ശ​രീ​ര​ഭാ​രം അ​മി​ത​മാ​ക​രു​ത്.
* ര​ക്ത​സമ്മ​ർ​ദ​വും ര​ക്ത​ത്തി​ലെ പ​ഞ്ച​സാ​ര​യു​ടെ തോ​തും നി​യ​ന്ത്രി​ത​മാ​ക്ക​ണം.
* മുട്ട, ​മാം​സം, മീ​ൻ തു​ട​ങ്ങി​യ​വ മ​തി​യാ​യ താ​പ​നി​ല​യി​ൽ വേ​വി​ച്ചു ക​ഴി​ക്ക​ണം.
* എ​ണ്ണ, ഉ​പ്പ്, പ​ഞ്ച​സാ​ര എ​ന്നി​വ മി​ത​മാ​യി മാ​ത്രം
* കൈ​ക​ൾ സോ​പ്പ് തേ​ച്ചു​ക​ഴു​ക​ണം.
* കൊ​ഴു​പ്പു കു​റ​ഞ്ഞ വി​ഭ​വ​ങ്ങ​ൾ ക​ഴി​ക്ക​ണം.

ഡയറ്റും പ്രതിരോധശക്തിയും

ആ​ഹാ​ര​ക്ര​മ​ത്തി​നു(​ഡ​യ​റ്റ്) പ്ര​തി​രോ​ധ വ്യ​വ​സ്ഥ മെ​ച്ച​പ്പെ​ടു​ത്തു​ന്ന​തി​ൽ കാ​ര്യ​മാ​യ പ​ങ്കു​ണ്ട്.

ബിപി നിയന്ത്രണത്തിനു വെളുത്തുള്ളി

* വെ​ളു​ത്തു​ള​ളി​ക്കു രോ​ഗ​പ്ര​തി​രോ​ധ​ശ​ക്തി ന​ല്കു​ന്ന​തി​ൽ മു​ന്തി​യ ക​ഴി​വാ​ണു​ള​ള​ത്. ബാ​ക്ടീ​രി​യ, വൈ​റ​സ്, ഫം​ഗ​സ് എ​ന്നി​വ​യ്ക്കെ​തി​രേ പോ​രാ​ടാ​നു​ള​ള ശേ​ഷി വെ​ളു​ത്തു​ള​ളി​ക്കു​ണ്ടെ​ന്നു
ല​ബോ​റ​ട്ടറി പ​രീ​ക്ഷ​ണ​ങ്ങ​ളു​ടെ പി​ൻ​ബ​ല​ത്തോ​ടെ ഗ​വേ​ഷ​ക​ർ
പ​റ​യു​ന്നു.
* കാ​ൻ​സ​ർ നി​യ​ന്ത്രി​ത​മാ​ക്കു​ന്ന​തി​നും വെ​ളു​ത്തു​ള​ളി സ​ഹാ​യ​ക​മെ​ന്നു പ​ഠ​നം.
* ജ​ല​ദോ​ഷം, റു​മാ​റ്റോ​യ്ഡ് ആ​ർ​ത്രൈ​റ്റി​സ്, മ​ൾട്ടി​പ്പി​ൾ സ്ക്ലീറോ​സി​സ് തു​ട​ങ്ങി​യ രോ​ഗ​ങ്ങ​ൾ
ത​ട​യു​ന്ന​തി​നും വെ​ളു​ത്തു​ള​ളി സ​ഹാ​യ​കം.
* ര​ക്ത​സമ്മ​ർ​ദം, കൊ​ള​സ്ട്രോ​ൾ എ​ന്നി​വ നി​യ​ന്ത്രി​ത​മാ​ക്കു​ന്ന​തി​നും വെ​ളു​ത്തു​ള​ളി ഫ​ല​പ്ര​ദം.

ജൈവപച്ചക്കറികൾ ആരോഗ്യജീവിതത്തിന്

പ​ഴ​ങ്ങ​ളും പ​ച്ച​ക്ക​റി​ക​ളും ധാ​രാ​ള​മാ​യി ഉ​ൾ​പ്പെ​ടു​ത്തി​യ ആ​ഹാ​ര​ക്ര​മം പ്ര​തി​രോ​ധ​ശ​ക്തി മെ​ച്ച​പ്പെ​ടു​ത്തും..
* അ​വ​യി​ലു​ള​ള വി​റ്റാ​മി​നു​ക​ളും ധാ​തു​ക്ക​ളും ആ​ന്‍റിഓ​ക്സി​ഡ​ൻ​റു​ക​ളും രോ​ഗാ​ണു​ക്ക​ളെ തു​ര​ത്താ​നു​ള​ള ശേ​ഷി മെ​ച്ച​പ്പെ​ടു​ത്തു​ന്നു.
* എ​ന്നാ​ൽ, ജൈ​വ​രീ​തി​യി​ൽ വി​ള​യി​ച്ച പ​ച്ച​ക്ക​റി​ക​ളാ​ണ് ആ​രോ​ഗ്യ​ജീ​വി​ത​ത്തി​നു വേ​ണ്ട​ത്. പ​ച്ച​യ്ക്കും ജ്യൂ​സാ​ക്കി ക​ഴി​ക്കാ​നും സു​ര​ക്ഷി​തം ജൈ​വ​രീ​തി​യി​ൽ വി​ള​യി​ച്ച​വ​ത​ന്നെ. കാ​ര​റ്റ് ജ്യൂ​സാ​ക്കി ക​ഴി​ക്കാം.
* കാ​ര​റ്റി​ലു​ള​ള ബീ​റ്റ ക​രോട്ടി​നെ ശ​രീ​രം വി​റ്റാ​മി​ൻ എ ​ആ​യി മാ​റ്റു​ന്നു. വി​റ്റാ​മി​ൻ എ ​രോ​ഗ​പ്ര​തി​രോ​ധ വ്യ​വ​സ്ഥ​യി​ൽ നി​ർ​ണാ​യക പ​ങ്കു​വ​ഹി​ക്കു​ന്നു​ണ്ട്.
* അ​ന്യ​പ​ദാ​ർ​ഥ​ങ്ങ​ളി​ൽ നി​ന്നു ശ​രീ​ര​ത്തെ സം​ര​ക്ഷി​ക്കു​ന്ന വെ​ളു​ത്ത ര​ക്ത​കോ​ശ​ങ്ങ​ളു​ടെ പ്ര​വ​ർ​ത്ത​ന​മി​ക​വി​നും വി​റ്റാ​മി​ൻ എ ​സ​ഹാ​യ​കം.
* ഓ​റ​ഞ്ച്, മു​ന്തി​ര​, നാ​ര​ങ്ങ തു​ട​ങ്ങി​യ​വയി​ലു​ള​ള വി​റ്റാ​മി​ൻ സി ​എ​ന്ന ആ​ന്‍റിഓ​ക്സി​ഡ​ൻ​റ് ഫ്രീ ​റാ​ഡി​ക്ക​ലു​ക​ളി​ൽ നി​ന്നു ശ​രീ​ര​കോ​ശ​ങ്ങ​ളെസം​ര​ക്ഷി​ക്കു​ന്നു.

ശ​രീ​ര​ത്തി​ൽ ക​ട​ന്നു​കൂ​ടു​ന്ന രോ​ഗ​കാ​രി​ക​ളാ​യ അ​ന്യ​പ​ദാ​ർ​ഥ​ങ്ങ​ളാ​ണ് ആ​ന്‍റിജ​നു​ക​ൾ. അ​വ​യെ ന​ശി​പ്പി​ക്കു​ന്ന ആ​ൻ​റി​ബോ​ഡി​ക​ളു​ടെ ഉ​ത്പാ​ദ​ന​ത്തി​ന് വി​റ്റാ​മി​ൻ സി ​സ​ഹാ​യ​കം. വി​റ്റാ​മി​ൻ എ​യും സി​യും അ​ട​ങ്ങി​യ പച്ചക്കറികളും രോ​ഗ​പ്ര​തി​രോ​ധ​ശ​ക്തി മെ​ച്ച​പ്പെ​ടു​ത്തു​ന്നു.


തേ​ൻ ആന്‍റിഓക്സിഡന്‍റാണ്

* തേ​ൻ ക​ഴി​ക്കു​ന്ന​തു പ്ര​തി​രോ​ധ​ശ​ക്തി മെ​ച്ച​പ്പെ​ടു​ത്തു​ം.
തേ​ൻ ആ​ന്‍റിഓ​ക്സി​ഡ​റാ​ണ്. * മൈ​ക്രോ​ബു​ക​ൾ, ബാ​ക്ടീ​രി​യ, വൈ​റ​സ്, ഫം​ഗ​സ് എ​ന്നി​വ​യെ ത​ട​യു​ന്നു. ദ​ഹ​ന​വ്യ​വ​സ്ഥ​യു​ടെ ആ​രോ​ഗ്യം മെ​ച്ച​പ്പെ​ടു​ത്തു​ന്നു. * തൊ​ണ്ട​പ​ഴു​പ്പ്, ചു​മ, മു​റി​വു​ക​ൾ, പൊ​ള​ള​ൽ തു​ട​ങ്ങി​യ​വ സു​ഖ​പ്പെ​ടു​ത്തു​ന്നു. * തേ​നി​നൊ​പ്പം ഇ​ഞ്ചി​നീ​രു ചേർത്തു ക​ഴി​ക്കു​ന്ന​തും ഗു​ണ​പ്ര​ദ​ം.

ഇ​ഞ്ചി​ കൊളസ്ട്രോൾ വരുതിയിലാക്കാൻ

ഫ്രീ ​റാ​ഡി​ക്ക​ലു​ക​ളെ തു​ര​ത്തി കോ​ശ​ങ്ങ​ളെ സം​ര​ക്ഷി​ക്കു​ന്ന ആ​ൻ​റി​ഓ​ക്സി​ഡ​ൻ​റ്ഗു​ണം ഇ​ഞ്ചി​ക്കു​ണ്ട്. അ​ണു​ബാ​ധ ത​ട​യു​ന്നു. മൈ​ക്രോ​ബു​ക​ൾ, ബാ​ക്ടീ​രി​യ എ​ന്നി​വ​യെ ത​ട​യു​ന്ന​തി​നും ഇ​ഞ്ചി ഫ​ല​പ്ര​ദം. ആ​മാ​ശ​യ ആ​രോ​ഗ്യം നി​ല​നി​ർ​ത്തു​ന്ന​തി​നും ഇ​ഞ്ചി സ​ഹാ​യ​കം.
തൊ​ണ്ട​വേ​ദ​ന​യ​ക​റ്റു​ന്ന​തി​നു ഫ​ല​പ്ര​ദം. കൊ​ള​സ്ട്രോ​ൾ കു​റ​യ്ക്കു​ന്നു. ഇ​ഞ്ചി​നീ​രും തേ​നും ചേ​ർ​ത്തു ക​ഴി​ക്കു​ന്ന​തു പ്ര​തി​രോ​ധ​ശ​ക്തി മെ​ച്ച​പ്പെ​ടു​ത്തും. ചാ​യ ത​യാ​റാ​ക്കു​ന്പോ​ൾ അ​ല്പം ഇ​ഞ്ചി കൂ​ടി ച​ത​ച്ചു​ചേ​ർ​ക്കു​ന്ന​ത് ഉ​ത്ത​മം. ഇ​ഞ്ചി ചേ​ർ​ത്ത ചാ​യ രോഗപ്ര​തി​രോ​ധ​സം​വി​ധാ​ന​ങ്ങ​ളു​ടെ കാ​ര്യ​ക്ഷ​മ​ത മെ​ച്ച​പ്പെ​ടു​ത്തും.

തൈ​ര് ആമാശയത്തിന്‍റെ ആരോഗ്യത്തിന്

* തൈ​രി​ലു​ള​ള ബൈ​ഫി​ഡോ ബാ​ക്ടീരി​യം ലാ​ക്റ്റി​സ് എ​ന്ന മി​ത്ര ബാ​ക്ടീ​രി​യ പ്ര​തി​രോ​ധ വ്യ​വ​സ്ഥ​യി​ലെ കോ​ശ​ങ്ങ​ളു​ടെ പ്ര​വ​ർ​ത്ത​നം മെ​ച്ച​പ്പെ​ടു​ത്തു​ന്നു. വൈ​റ​സ്, ഉ​പ​ദ്ര​വ​കാ​രി​ക​ളാ​യ ബാ​ക്ടീ​രി​യ എ​ന്നി​വ​യ്ക്കെതി​രേ​യു​ള​ള പോ​രാട്ടങ്ങ​ൾ​ക്കു ക​രു​ത്തു​പ​ക​രു​ന്നു. അ​വ​ശ്യം​വേ​ണ്ട പോ​ഷ​ക​ങ്ങ​ൾ വ​ലി​ച്ചെ​ടു​ക്കു​ന്ന​തി​നും മി​ത്ര ബാ​ക്ടീ​രി​യം ശ​രീ​ര​ത്തി​നു സ​ഹാ​യ​കം.
* തൈ​ര് ശീ​ല​മാ​ക്കി​യാ​ൽ കു​ട​ലി​ൽ അ​ണു​ബാ​ധ​യ്ക്കു​ള​ള സാ​ധ്യ​ത കു​റ​യ്ക്കാം. വി​വി​ധ​ത​രം വൈ​റ​സ് അ​ണു​ബാ​ധ ത​ട​യാം. ദ​ഹ​നം മെ​ച്ച​പ്പെ​ടു​ത്താം.

ഗ്രീ​ൻ ടീ യുവത്വം നിലനിർത്താൻ

ഗ്രീ​ൻ ടീ ​ശീ​ല​മാ​ക്കു​ന്ന​തും രോ​ഗ​പ്ര​തി​രോ​ധ​ശ​ക്തി മെ​ച്ച​പ്പെ​ടു​ത്തും. പോ​ളി​ഫീ​നോ​ൾ​സ് എ​ന്ന​റി​യ​പ്പെ​ടു​ന്ന ആ​ൻ​റി ഓ​ക്സി​ഡ​ൻ​റു​ക​ൾ ഗ്രീ​ൻ​ടീ​യി​ൽ സ​മൃ​ദ്ധം. പ്ര​ത്യേ​കി​ച്ചും എപി ഗാലോ കേയ്റ്റ് ചിൻ 3 ഗാലേറ്റ് - ഇജിസിജി- എ​ന്ന ആ​ൻ​റി ഓ​ക്സി​ഡ​ൻ​റ്. ഗ്രീ​ൻ ടീ​യു​ടെ ആ​രോ​ഗ്യ​ഗു​ണ​ങ്ങ​ൾ​ക്കു പി​ന്നി​ൽ അ​തി​നു​ള​ള പ​ങ്ക് ചി​ല്ല​റ​യ​ല്ല. ഗ്രീ​ൻ ടീ ​ശ​രീ​ര​ത്തി​നു കൂ​ടു​ത​ൽ ഉൗ​ർ​ജം ന​ല്കു​ന്നു. ര​ക്ത​സ​ഞ്ചാ​രം മെ​ച്ച​പ്പെ​ടു​ത്തു​ന്നു. ക്ഷീ​ണ​മ​ക​റ്റു​ന്നു. ശ​രീ​ര​ത്തി​ലെ അ​മി​ത കൊ​ഴു​പ്പ്, അ​മി​ത​ഭാ​രം, കു​ട​വ​യ​ർ എ​ന്നി​വ കു​റ​യ്ക്കു​ന്ന​തി​നും സ​ഹാ​യ​കം.
* ഗ്രീ​ൻ ടീ ​ശീ​ല​മാ​ക്കി​യാ​ൽ ര​ക്ത​സ​മ്മർ​ദം നി​യ​ന്ത്രി​ത​മാ​ക്കാം. സ്ട്രോ​ക് സാ​ധ്യ​ത കു​റ​യ്ക്കാം. ഹൃ​ദ​യാ​രോ​ഗ്യം മെ​ച്ച​പ്പെ​ടു​ത്താം.
* ശ്വാ​സ​ത്തി​ലെ ദു​ർ​ഗ​ന്ധം, അ​തി​സാ​രം, ദ​ഹ​ന​ക്കേ​ട്, പ​നി, ചു​മ തു​ട​ങ്ങി​യ​വ ത​ട​യു​ന്നു. ഫം​ഗ​സ് രോ​ഗ​ങ്ങ​ളി​ൽ നി​ന്നു സം​ര​ക്ഷ​ണം ന​ല്കു​ന്നു.
* പ​തി​വാ​യി ഗ്രീ​ൻ ടീ ​ക​ഴി​ക്കു​ന്ന​ത് യു​വ​ത്വം നി​ല​നി​ർ​ത്തു​ന്ന​തി​നും സ​ഹാ​യ​കം. ഗ്രീ​ൻ ടീ​യി​ൽ വി​റ്റാ​മി​ൻ എ, ​ബി1, ബി2, ​ബി3, സി, ​ഇ തു​ട​ങ്ങി​യ പോ​ഷ​ക​ങ്ങ​ളു​മു​ണ്ട്.
* കാ​ൻ​സ​ർ കോ​ശ​ങ്ങ​ളു​ടെ വ​ള​ർ​ച്ച ത​ട​യാ​ൻ ഗ്രീ​ൻ ടീ​യ്ക്കു ക​ഴി​വു​ള​ള​താ​യി പ​ഠ​ന​റി​പ്പോ​ട്ട്. കു​ട​ൽ, പാ​ൻ​ക്രി​യാ​സ്, ആ​മാ​ശ​യം, മൂ​ത്രാ​ശ​യം, ശ്വാ​സ​കോ​ശം, സ്ത​നം, പ്രോ​സ്റ്റേ​റ്റ് എ​ന്നി​വി​ട​ങ്ങ​ളി​ലെ കാ​ൻ​സ​ർ​സാ​ധ്യ​ത കു​റ​യ്ക്കു​ന്നു.

ആ​രോ​ഗ്യ​മു​ള​ള കോ​ശ​ങ്ങ​ൾ​ക്കു കേ​ടു​പാ​ടു വ​രു​ത്താ​തെ കാ​ൻ​സ​ർ കോ​ശ​ങ്ങ​ളെ മാ​ത്രം ന​ശി​പ്പി​ക്കാ​നു​ള​ള ശേ​ഷി ഇ​വ​യ്ക്കു​ണ്ട്. ഗ്രീ​ൻ ടീ​യി​ലെ ആ​ൻ​റി ഓ​ക്സി​ഡ​ൻ​റു​ക​ളാ​ണ് ഇ​വി​ടെ തു​ണ​യാ​കു​ന്ന​ത്. പ​ക്ഷേ, ഗ്രീ​ൻ ടീ​യി​ൽ പാ​ലൊ​ഴി​ച്ചു ക​ഴി​ച്ചാ​ൽ ഫ​ല​ം കു​റ​യും.