മുംബൈ: സാംസംഗിന്‍റെ ഗാലക്സി എം ശ്രേണിയിലെ ഏറ്റവും പുതിയ മോഡലുകളായ ഗാലക്സി എം11 , ഗാലക്സി എം 01 എന്നിവ കന്പനി ഇന്ത്യൻ വിപണിയിൽ അവതരിപ്പിച്ചു. സാംസംഗ് സ്റ്റോറുകളിൽനിന്നും ഇ-കൊമേഴ്സ് പ്ലാറ്റ്ഫോമുകളിൽനിന്നും ഫോൺ ലഭ്യമാണ്.
ഗാലക്സി എം11
3ജിബി റാമും 32 ജിബി സ്റ്റോറേജുമുള്ള വേരിയന്‍റിന് 10,999 രൂപയും 4 ജിബി റാമും 64 ജിബി സ്റ്റോറേജുമുള്ള വേരിയന്‍റിന് 12,999 രൂപയുമാണ് വില. 6.4 ഇഞ്ച് എച്ച്ഡി ഡിസ്പ്ലെ, ക്വാൽകോം സ്നാപ് ഡ്രാഗണ്‍ പ്രോസസർ, 5000 എംഎഎച്ച് ബാറ്ററി, മൂന്ന് പിൻകാമറകൾ(13എംപി, 5 എംപി, 2 എംപി ) എട്ട് എംപിയുടെ സെൽഫി കാമറ എന്നിവയാണ് മറ്റു ഫീച്ചറുകൾ.
ഗാലക്സി എം01
3ജിബി റാമും 32 ജിബി സ്റ്റോറേജുമുളള ഒരു വേരിയന്‍റ്മാത്രമാണ് കന്പനി ഇന്ത്യയിൽ അവതരിപ്പിച്ചിരിക്കുന്നത്. വില: 8999 രൂപ. 5.7 ഇഞ്ച് എച്ച്ഡി ഡിസ്പ്ലെ, ക്വാൽകോം സ്നാപ് ഡ്രാഗണ്‍ പ്രോസസർ, 4000 എംഎഎച്ച് ബാറ്ററി. 13 എംപിയുടെയും രണ്ടു എംപിയുടെയും രണ്ടു പിൻകാമറകൾ, 5എംപിയുടെ സെൽഫി കാമറ എന്നിവയാണ് പ്രധാന ഫീച്ചറുകൾ.