അമേരിക്കൻ ദിനപ്പത്രമായ ബോസ്റ്റണ് സണ്‍ഡേ ഗ്ലോബ് ഞായറാഴ്ച പുറത്തിറങ്ങിയത് 16 പേജ് ചരമവാർത്തകളുമായി. കോവിഡ് വ്യാപനത്തെ തുടർന്നു മരിച്ചവരുടെ വിവരങ്ങൾ ഉൾപ്പെടുത്തിയതോടെയാണ് പത്രത്തിന്‍റെ പേജുകൾ മരണമയമായത്.
കഴിഞ്ഞ വർഷം ഇതേദിവസം ഏഴു പേജ് ചരമവാർത്തകൾ ഉണ്ടായിരുന്നിടത്തുനിന്നാണ് ഈ കുതിപ്പ്. 13 മുതൽ 28 വരെയുള്ള പേജുകളിലാണ് ബോസ്റ്റണ് സണ്‍ഡേ ഗ്ലോബ് ചരമത്തിനു മാത്രമായി അച്ചുനിരത്തിയത്.
മസാച്യുസെറ്റ്സ് ആസ്ഥാനമായി പ്രവർത്തിക്കുന്ന പത്രമാണു ബോസ്റ്റണ് ഗ്ലോബ്. 1706 പേരാണ് ഇവിടെ കോവിഡ് ബാധിച്ച് മരിച്ചത്. 38000-ൽ അധികം പേർക്ക് വൈറസ് ബാധ സ്ഥിരീകരിച്ചിട്ടുണ്ട്.
നേരത്തെ ഇറ്റലിയിലും ദിനപ്പത്രം ചരമവാർത്തകൾക്കായി ഭൂരിഭാഗം പേജുകളും മാറ്റിവച്ചിരുന്നു. കോവിഡ് വ്യാപനം രൂക്ഷമായ സാഹചര്യത്തിലാണ് ഇറ്റലിയിലും പത്രത്താളുകളിൽ മരണം നിറഞ്ഞുനിന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.