വെ​റും 80 രൂ​പ​യ്ക്ക് കിടിലൻ വീട് വേണോ..? ഇ​റ്റ​ലി​യിലേക്ക് പോരേ..
Saturday, January 25, 2020 1:20 PM IST
ഇ​റ്റ​ലി​യി​ല്‍ വീ​ട് സ്വ​ന്ത​മാ​ക്കാ​ന്‍ ആ​ഗ്ര​ഹി​ക്കു​ന്ന​വ​രു​ടെ "ടൈം’ ​എ​ന്ന​ല്ലാ​തെ എ​ന്തു പ​റ​യാ​ന്‍. വെ​റും 80 രൂ​പ​യ്ക്ക് വീ​ട് വി​ല്‍​ക്കാ​ന്‍ ത​യാ​റാ​യി​രി​ക്കു​ക​യാ​ണ് ഇ​റ്റ​ലി​യി​ലെ ഈ ​കൊ​ച്ചു പ​ട്ട​ണം. ഇ​റ്റ​ലി​യി​ലെ പ്ര​ശ​സ്ത​മാ​യ നേ​പ്പി​ള്‍​സി​ല്‍ നി​ന്നും വെ​റും ര​ണ്ടു കി​ലോ​മീ​റ്റ​ര്‍ മാ​ത്രം അ​ക​ലെ​യു​ള്ള ബി​സാ​ക്കി​യ ശ​രി​ക്കും ഒ​രു ഗ്രാ​മ​മാ​ണ്.

ഇ​വി​ടേ​ക്കാ​ണ് വെ​റും ഒ​രു യൂ​റോ​യ്ക്ക് (ഏ​ക​ദേ​ശം 80 രൂ​പ​യോ​ളം) വീ​ട് വി​ല്‍​ക്കാ​ന്‍ ത​യാ​റാ​യി വി​നോ​ദ​സ​ഞ്ചാ​രി​ക​ളേ​യും വി​ല്‍​പ്പ​ന​ക്കാ​രേ​യും ക്ഷ​ണി​ക്കു​ന്ന​ത്. ഇ​റ്റ​ലി​യി​ലെ കം​ബാ​നി​യ മേ​ഖ​ല​യി​ലാ​ണ് ബി​സാ​ക്കി​യ എ​ന്ന ചെ​റി​യ ന​ഗ​രം. ഏ​ക​ദേ​ശം 90-ല​ധി​കം വീ​ടു​ക​ളാ​ണ് ഇ​വി​ടെ തു​ച്ഛ​മാ​യ വി​ല​യ്ക്ക് വി​ല്‍​പ്പ​ന​യ്ക്കു​ള്ള​തെ​ന്നാ​ണ് റി​പ്പോ​ര്‍​ട്ട്.

വി​ല്‍​പ്പ​ന​യ്ക്ക് വ​ച്ചി​രി​ക്കു​ന്ന വീ​ടു​ക​ളെ​ല്ലാം ഇ​പ്പോ​ള്‍ ഭ​ര​ണ​കൂ​ട​വും അം​ഗീ​കൃ​ത വി​ല്‍​പ്പ​ന​ക്കാ​രു​മാ​ണ് കൈ​വ​ശം വ​ച്ചി​രി​ക്കു​ന്ന​ത്. ത​നി​ച്ച് വീ​ട് വാ​ങ്ങാ​തെ കു​ടും​ബ​ങ്ങ​ളെ​യും സു​ഹൃ​ദ് സം​ഘ​ങ്ങ​ളെ​യും കൂ​ട്ടി വീ​ടു​ക​ള്‍ വാ​ങ്ങാ​ന്‍ വ​രൂ എ​ന്നാ​ണ് ബി​സാ​ക്കി​യ മേ​യ​ര്‍ ഫ്രാ​ന്‍​സെ​സ്‌​കോ ടാ​ര്‍​ട്ടാ​ഗ്ലി​യ പ​റ​യു​ന്ന​ത്.

എ​ന്താ​ണ് ഈ ​വി​ല​ക്കു​റ​വി​ന്‍റെ കാ​ര​ണ​മെ​ന്ന​റി​ഞ്ഞാ​ല്‍ ചെ​റു​താ​യൊ​ന്നു ഞെ​ട്ടും. അ​വി​ടെ താ​മ​സി​ക്കാ​ന്‍ ആ​ളി​ല്ല എ​ന്ന​തു​ത​ന്നെ കാ​ര​ണം. ഗ്രാ​മ​ത്തി​ലു​ണ്ടാ​യി​രു​ന്ന​വ​രെ​ല്ലാം മ​റ്റി​ട​ങ്ങ​ളി​ലേ​ക്ക് കു​ടി​യേ​റി​യ​പ്പോ​ള്‍ ജ​ന​ങ്ങ​ളി​ല്ലാ​ത്ത, ആ​ള്‍​പ്പാ​ര്‍​പ്പി​ല്ലാ​ത്ത വീ​ടു​ക​ള്‍ മാ​ത്ര​മു​ള്ള ഗ്രാ​മ​മാ​യി ബി​സാ​ക്കി​യ മാ​റു​ക​യാ​യി​രു​ന്നു.

1980ക​ള്‍ മു​ത​ല്‍ ഇ​ട​യ്ക്കി​ടെ ഉ​ണ്ടാ​കു​ന്ന ഭൂ​ക​മ്പ​ങ്ങ​ള്‍ കാ​ര​ണ​മാ​ണ് ഇ​വി​ടെ താ​മ​സി​ച്ചി​രു​ന്ന​വ​രി​ല്‍ മി​ക്ക​വ​രും പ്ര​ദേ​ശ​ത്ത് നി​ന്ന് താ​മ​സം​മാ​റി​യ​ത്. ഇ​തോ​ടെ ന​ഗ​ര​ത്തി​ലെ ജ​ന​സം​ഖ്യ കു​ത്ത​നെ കു​റ​ഞ്ഞു. 80 രൂ​പ​യ്ക്ക് ഇ​റ്റ​ലി​യി​ല്‍ വീ​ട് എ​ന്നു കേ​ട്ട് ആ​ഡം​ബ​ര സൗ​ധം സ്വ​പ്‌​നം ക​ണ്ട് ആ​രും ഇ​ങ്ങോ​ട്ടേ​ക്ക് വ​ണ്ടി ക​യ​റേ​ണ്ട. തു​ട​ര്‍​ച്ച​യാ​യ ഭൂ​ക​മ്പ​ങ്ങ​ള്‍ മി​ക്ക കെ​ട്ടി​ട​ങ്ങ​ള്‍​ക്കും കേ​ടു​പാ​ടു​ക​ള്‍ വ​രു​ത്തി​യി​ട്ടു​ണ്ട്.

മാ​ത്ര​മ​ല്ല, കെ​ട്ടി​ട​ങ്ങ​ളെ​ല്ലാം അ​റ്റ​കു​റ്റ​പ്പ​ണി​ക​ള്‍ ന​ട​ത്താ​ത്തതി​നാ​ല്‍ ജീ​ര്‍​ണാ​വ​സ്ഥ​യി​ലു​മാ​ണ്. വീ​ടു​ക​ള്‍ വാ​ങ്ങു​ന്ന​വ​ര്‍ അ​ത് സ്വ​ന്തം​ചെ​ല​വി​ല്‍ ത​ന്നെ ന​വീ​ക​രി​ക്ക​ണ​മെ​ന്ന് വി​ല്‍​പ്പ​ന​യ്ക്ക് മു​മ്പ് പ്ര​ത്യേ​കം പ​റ​യു​ന്നു​മു​ണ്ട്. കേ​വ​ലം ഒ​ന്ന​ര ല​ക്ഷ​ത്തോ​ളം രൂ​പ​യു​ടെ ബോ​ണ്ട് സ​മ​ര്‍​പ്പി​ച്ച് 80 രൂ​പ​യ്ക്ക് പ​ക്ഷെ ഈ ​വീ​ട് സ്വ​ന്ത​മാ​ക്കാം എ​ന്നു​ള്ള​താ​ണ് ആ​ക​ര്‍​ഷ​ണീ​യം.

ക​ഴി​ഞ്ഞ​വ​ര്‍​ഷം സം​ബൂ​ക്ക ടൗ​ണി​ലും സ​മാ​ന​രീ​തി​യി​ല്‍ വീ​ടു​ക​ള്‍ വി​ല്‍​പ്പ​ന​യ്ക്ക് വ​ച്ചി​രു​ന്നു. താ​മ​സ​ക്കാ​രു​ടെ എ​ണ്ണം കു​ത്ത​നെ കു​റ​ഞ്ഞ​തോ​ടെ​യാ​ണ് സം​ബൂ​ക്ക​യി​ലും വീ​ടു​ക​ള്‍ വി​റ്റ​ഴി​ച്ച​ത്. വീ​ടു​ക​ള്‍ വി​റ്റു പോ​കു​മോ​യെ​ന്ന് കാ​ത്തി​രു​ന്നു കാ​ണ​ണം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.